રાજ્યમાં કેટલાક સમયથી બોક્સ ક્રિકેટ, નેટ કવર સ્પોર્ટ્સ એક્ટિવટીનો ક્રેઝ વધ્યો છે. ત્યારે AMCની સ્પોર્ટ્સ એક્ટિવિટી માટે પોલિસી જાહેર કરી છે. સંચાલકોએ કેટલાક અભિપ્રાય અને NOC સાથે મંજૂરી મેળવવાની રહેશે. પોલીસ NOC, ફાયર અભિપ્રાય , પ્રોપર્ટી ટેક્ષ અભિપ્રાય, બિન ખેતીની પરવાનગી , માલિકીના પુરાવા કે કરારના પુરાવા રજૂ કરવાના રહેશે.
AMCની સ્પોર્ટ્સ એક્ટિવિટી માટે પોલિસી જાહેર
સ્પોર્ટ્સ એક્ટિવિટી માટે હવે થી 12 મીટર કે તેથી વધુ પહોળા રસ્તા આસપાસ જ મંજૂરી આપશે. તેમજ 500 મીટર જગ્યા હોવી જરૂરી , સરકારી જગ્યામાં કોઈપણ પ્રકારની મંજૂરી ખાનગી માણસોને નહિ મળે. હાલના ચાલુ અને નવા બનાવનાર માટે મંજૂરી ડ્રાફ્ટ પોલિસીમાં ફરજિયાત કરાઈ છે.
બોક્સ ક્રિકેટનો ક્રેઝ સતત વધી રહ્યો
ક્રિકેટનો ક્રેઝ લોકોમાં જબરદસ્ત વધ્યો છે. મેદાનમાં ક્રિકેટ રમવાની સાથે સાથે બોક્સ ક્રિકેટનો ક્રેઝ સતત વધી રહ્યો છે. રાજ્યમા અનેક જગ્યાએ બોક્સ ક્રિકેટના શેડ ઉભા કરવામાં આવ્યાં છે. જ્યાં લોકો ક્રિકેટ રમે છે. તાજેતરમાં સુરતમાં બોક્સ ક્રિકેટનો શેડ ધરાશાયી થવાની ઘટના બની હતી. શહેરના કતારગામમાં બોક્સ ક્રિકેટનો શેડ ધરાશાયી થતાં અફરાતફરી મચી જવા પામી હતી.
