Ahmedabad: રિવરફ્રન્ટ પૂર્વ પર નવા 10 કરોડના ખર્ચે બનેલા ભવ્ય 'હેરીટેજ પાર્ક'નું કેન્દ્રીય ગૃહમંત્રીના હસ્તે વર્ચ્યુઅલ ઉદ્ઘાટન

અમદાવાદના ઐતિહાસિક અને સાંસ્કૃતિક વારસામાં વધુ એક સોનેરી પીંછું ઉમેરાયું છે. યુએનએમ ફાઉન્ડેશન (ટોરેન્ટ ગ્રુપની સખાવતી શાખા) અને અમદાવાદ મ્યુનિસિપલ કોર્પોરેશન (AMC) ના સંયુક્ત ઉપક્રમે જાહેર-ખાનગી ભાગીદારી (PPP) હેઠળ સાબરમતી નદીના પૂર્વ રિવરફ્રન્ટ ખાતે નવનિર્મિત ‘હેરીટેજ પાર્ક’નું ભવ્ય વર્ચ્યુઅલ લોકાર્પણ કરવામાં આવ્યું છે. ભારત સરકારના ગૃહ અને સહકાર મંત્રી તથા ગાંધીનગર લોકસભાના સાંસદ શ્રી અમિતભાઈ શાહના હસ્તે રવિવારે આ આધુનિક લીનીયર પાર્ક નાગરિકો માટે ખુલ્લો મૂકવામાં આવ્યો હતો.

નવનિર્મિત ‘હેરીટેજ પાર્ક’નું ભવ્ય વર્ચ્યુઅલ લોકાર્પણ

સાબરમતી નદી પર સ્વામી વિવેકાનંદ બ્રિજ અને નહેરુ બ્રિજની મધ્યમાં, જમાલપુર વોર્ડ (સેન્ટ્રલ ઝોન) ખાતે આશરે 20,000 ચોરસ મીટરના વિશાળ વિસ્તારમાં આ પાર્ક પથરાયેલો છે. રૂપિયા 10 કરોડથી વધુના ખર્ચે તૈયાર થયેલો આ પાર્ક યુએનએમ ફાઉન્ડેશનના ‘પ્રતીતિ’ ઉપક્રમ હેઠળ વિકસાવવામાં આવેલું શહેરનું ૧૨મું જાહેર ઉદ્યાન છે. આ પાર્કની ભૌગોલિક વિશેષતા એ છે કે તેની પૃષ્ઠભૂમિમાં ઐતિહાસિક ભદ્રનો કિલ્લો નજરે પડે છે.

સર્કસ ટેન્ટ સર્કલ 

અમદાવાદના રાજવાંશોનું સર્કલ

શહેરની ઉત્ક્રાંતિ દર્શાવતું સર્કલ 

રોયલ એક્સિસ સર્કલ

માતાની પછેડી સર્કલ

અમદાવાદના હરિયાળા વિસ્તારમાં 15% નો ફાળો

યુએનએમ ફાઉન્ડેશને ગ્રીન સ્પેસ ડેવલપમેન્ટ માટે ગુજરાત સરકાર અને AMC ના સહયોગ બદલ આભાર વ્યક્ત કર્યો હતો. ફાઉન્ડેશનની 'પ્રતીતિ' પહેલ અંતર્ગત અમદાવાદમાં અત્યાર સુધીમાં 1.5 લાખ ચોરસ મીટરથી વધુ વિસ્તાર ધરાવતા 12 જાહેર ઉદ્યાનો વિકસાવાયા છે, જે શહેરના કુલ ગ્રીન કવરના 15% થી વધુ હિસ્સો ધરાવે છે.

સમાજ ઉત્થાનના વિવિધ આયામો

ટોરેન્ટ ગ્રુપના પ્રમોટર મેહતા પરિવારની સખાવતી સંસ્થા 'યુએનએમ ફાઉન્ડેશન' માત્ર પર્યાવરણ જ નહીં, પરંતુ આરોગ્ય, શિક્ષણ અને કલા ક્ષેત્રે પણ વ્યાપક પ્રદાન આપી રહી છે. ફાઉન્ડેશનની વિવિધ પહેલોથી ગુજરાત, ઉત્તર પ્રદેશ, મહારાષ્ટ્ર અને દમણના આશરે 2.5 કરોડથી વધુ લોકોના જીવન પર સકારાત્મક અસર પડી છે.

આ પણ વાંચો: Ahmedabad: અંજલી ચાર રસ્તા પાસે એસટી બસ અને બાઇક વચ્ચે ગમખ્વાર અકસ્માત, બાઇકચાલકનું મોત