અમદાવાદના એસ.જી. હાઈવે અને સિંધુ ભવન રોડ બાદ હવે બોપલથી શેલા તરફ જતો આખો પટ્ટો લક્ઝુરિયસ કારના સ્ટંટ અને ઓવરસ્પીડિંગનું મુખ્ય કેન્દ્ર બની રહ્યો છે. આજે વહેલી સવારે જ્યારે આખો શેલા વિસ્તાર શાંત હતો, ત્યારે યોગ સર્કલ પાસે બે મોંઘીદાટ કાર વચ્ચે થયેલા લાઈવ અકસ્માતે સમગ્ર પંથકમાં સન્નાટો મચાવી દીધો છે. પૂરપાટ ઝડપે આવી રહેલી મર્સિડીઝ અને કિયા કાર સર્કલ પાસે એકબીજા સાથે ધડાકાભેર અથડાઈ હતી.
સેફ્ટી ફીચર્સે બચાવ્યા માસૂમ જીવ
અકસ્માતના લાઈવ દ્રશ્યો એટલા ભયાનક હતા કે ટક્કર વાગતાની સાથે જ કિયા કાર રોડ પર ગોળ ફરીને ફંગોળાઈ ગઈ હતી. જો કે, ગાડી પ્રીમિયમ સેગમેન્ટની હોવાના કારણે અકસ્માતની સેકન્ડમાં જ તેની તમામ એરબેગ્સ લાઈવ ખુલી ગઈ હતી, જેના લીધે કાર ચલાવી રહેલી મહિલાને કોઈ ગંભીર જાનલેવા ઈજા થઈ નહોતી. બીજી તરફ, કરોડોની કિંમતની મર્સિડીઝ કારના આગળના ભાગના એટલે કે એન્જિન અને બોનેટના ફુરચા ઉડી ગયા હતા. મર્સિડીઝમાં સવાર મુસાફરોને પણ એન્જિનિયરિંગ સેફ્ટીના કારણે માત્ર સામાન્ય ચોંટો અને ઈજાઓ જ આવી છે.
