લોકસાહિત્યકાર માયાભાઈ આહીરના પુત્રની જમીન પચાવી પાડવાનો બનાવ સામે આવ્યો છે.આ બનાવ અંગે અમરેલી જિલ્લાના રાજુલા પોલીસ સ્ટેશનમાં ફરિયાદ નોંધાવવામાં આવી છે.માયાભાઈ આહીરના પુત્ર ભરત ભંમર દ્વારા આ ફરિયાદ દાખલ કરાઈ છે.ભરત ભંમરની માલિકીની જમીન રાજુલા તાલુકાના ધુડીયા આગરીયા ગામ નજીક આવેલી છે. ધુડીયા આગરીયા ગામે આવેલી આ જમીન કુલ 4 હેક્ટર જેટલી છે.આ 4 હેક્ટર જમીન પર ગેરકાયદેસર કબ્જો કરવામાં આવ્યો હતો. જમીન પચાવી પાડવાના આ કેસમાં જેતુભાઈ વીરાભાઈ ધાખડા સામે આક્ષેપ છે.
જેતુભાઈ ધાખડાએ વર્ષ 2024થી આ જમીન પર કબ્જો કર્યો હોવાનો આક્ષેપ
જેતુભાઈ ધાખડાએ વર્ષ 2024થી આ જમીન પર કબ્જો કર્યો હતો તેવો આક્ષેપ કરાયો છે. તેમણે આ કિંમતી જમીન ગેરકાયદેસર રીતે પોતાના તાબામાં રાખી હતી. જમીન ખાલી કરાવવા માટે કાયદાકીય માર્ગ અપનાવવામાં આવ્યો છે. આખરે ભરત ભંમરે રાજુલા પોલીસનો સંપર્ક કરીને ફરિયાદ આપી હતી. પોલીસે આ મામલે તાત્કાલિક ધોરણે ગુનો દાખલ કર્યો છે.રાજુલા પોલીસે લેન્ડ ગ્રેબિંગ પ્રોહિબિશન એક્ટ હેઠળ ગુનો નોંધ્યો છે.જમીન હડપ કરવાના કેસમાં જેતુભાઈ વીરાભાઈ ધાખડા સામે ગુનો નોંધી તપાસ હાથ ધરાઈ છે. જાણીતા લોકસાહિત્યકાર માયાભાઈના પુત્ર સાથે બનેલી આ ઘટના ચર્ચાસ્પદ બની છે.4 હેક્ટર જમીન પચાવી પાડવાની ફરિયાદથી મામલો ગંભીર બન્યો છે. રાજુલા પોલીસે ફરિયાદની હકીકતોના આધારે જરૂરી પુરાવા એકત્ર કરવાની તજવીજ કરી છે.