જિલ્લામાં ગેરકાયદેસર ખનીજ વહન સામે બનાસકાંઠાના ભૂસ્તર વિભાગે વહેલી સવારે સપાટો બોલાવ્યો હતો. ભૂસ્તર શાસ્ત્રી ગુરુપ્રીત સિંહ સારસ્વાના કડક માર્ગદર્શન હેઠળ ટીમે ખાનગી વાહનોમાં ચેકિંગ હાથ ધરીને ગેરકાયદેસર પ્રવૃત્તિ પર લગામ કસવાનો પ્રયાસ કર્યો છે.


બનાસકાંઠા ભૂસ્તર વિભાગનો સપાટો 

આ સઘન ચેકિંગ દરમિયાન, ડીસા-ધાનેરા રોડ પર રોયલ્ટી પાસ વગર સાદી રેતીનું વહન કરી રહેલા છ (6) ડમ્પરને ઝડપી પાડવામાં આવ્યા હતા. ટીમે આ તમામ ડમ્પરને રોયલ્ટી પાસ કે પરવાનગી વગર ખનીજ વહન કરતા પકડી પાડ્યા હતા.

રોયલ્ટી વગરના 6 ડમ્પર કબજે કર્યા 

ભૂસ્તર વિભાગે ડમ્પરો સહિત કરોડો રૂપિયાનો મુદ્દામાલ કબજે કર્યો છે. આ ગેરકાયદેસર ખનીજ વહન બદલ તમામ ડમ્પર માલિકો અને ડ્રાઈવરો સામે દંડની કડક કાર્યવાહી હાથ ધરવામાં આવી છે. ભૂસ્તર વિભાગની આ કાર્યવાહીના પગલે ગેરકાયદે ખનીજ વહન કરતા તત્વોમાં ફફડાટ વ્યાપી ગયો છે. ભૂસ્તર વિભાગે સ્પષ્ટ કર્યું છે કે ભવિષ્યમાં પણ આવી ગેરકાયદે પ્રવૃત્તિઓ સામે ઝુંબેશ ચાલુ રહેશે.

  • Follow us on: