છોટાઉદેપુર જિલ્લામાં આવેલ રંગપુર રાઠ વિસ્તાર મોટી સાઢલીના મૂળ વતની દુકાળસિંગ દેસીંગ રાઠવા ત્રીસ વર્ષથી ઇન્ડિયન આર્મીમાં ફરજ બજાવી રહ્યા છે તેમનું પ્રમોશન થતા તેઓને ઓનરી લેફ્ટનન્ટ તરીકે નિયુક્ત કરવામાં આવ્યા છે. આદિવાસી અંતરિયાળ વિસ્તારમાં રહીને મોટા થયેલા દુકાળસિંગ લેફટનન્ટ બનતા છોટાઉદેપુર જિલ્લા સહિત સમગ્ર ગુજરાત રાજ્ય માટે ગૌરવની વાત છે.
ઉલ્લેખનીય છે કે 15 ઓગસ્ટના રોજ સેના ભવન દ્વારા દુકાળસિંગને સુબેદાર રેન્કમાથી ઓનરી લેફ્ટિનેન્ટનુ પ્રમોશન આપવામાં આવ્યુ હતું. રાઠ વિસ્તારથી પહેલા સૈન્ય ઓફ્સિર બનવા બદલ છોટાઉદેપુરના જય જવાન સૈનિક ફાઉંડેશન તરફ્થી ફરીથી હાર્દિક અભિનંદન પાઠવવામાં આવ્યા છે.
