અમદાવાદમાં વોન્ટેડ આરોપીની પોલીસે ધરપકડ કરી છે. આરોપી સામે અલગ અલગ ગુના નોંધાયા છે. પોલીસે આરોપી અભિષેક રાજપૂત ઉર્ફે બબલુની ધરપકડ કરી છે. આ આરોપી સામે હત્યા,મારામારી સહિતના ગુના અનેક ગુનાઓ નોંધાયેલા છે. આ કુખ્યાત આરોપી છેલ્લા 4 વર્ષથી ફરાર હતો. આ આરોપી સામે અત્યાર સુધીમાં કુલ 12 ગુનાઓ નોંધાઈ ચૂક્યા છે.
અમદાવાદમાં વોન્ટેડ આરોપીની પોલીસે ધરપકડ
અમદાવાદ શહેરના અલગ અલગ પોલીસ સ્ટેશનમાં નોંધાયેલા ગુનામાં વોન્ટેડ આરોપી અભિષેક રાજપૂત ઉર્ફે બબલુને ઝડપી પાડ્યો છે. આ આરોપી છેલ્લા 4 વર્ષથી ફરાર હતો. ઝડપાયેલા આરોપી સામે અત્યાર સુધીમાં કુલ 12 ગુનાઓ નોંધાઈ ચૂક્યા છે. જેમાં હત્યા, મારામારી , પ્રોહીબિશન, આર્મ્સ એક્ટ સહિતના ગુનાઓનો સમાવેશ થાય છે.
આરોપી છેલ્લા 4 વર્ષથી ફરાર હતો
આરોપી સામે તાજેતરમાં જ ઓડિશામાં પણ આર્મ્સ એક્ટ અંતર્ગત ગુનો દાખલ થયેલો છે. આરોપીની પૂછપરછમાં એક રસપ્રદ વાત એ સામે આવી છે કે આરોપી છેલ્લા 4 વર્ષથી પોલીસથી બચવા અલગ અલગ રાજ્યોમાં નાસતો ફરતો હતો. આ દરમ્યાન તે મોટાભાગે ધાર્મિક સ્થળોની આજુબાજુમાં છુપાતો ફરતો હતો જેમાં તેણે 8થી વધુ જ્યોતિર્લિંગના દર્શન કરી ચૂક્યો છે.
