અમદાવાદ ક્રાઈમ બ્રાન્ચે એક મોટી સફળતા મેળવતા રાજસ્થાનમાં વર્ષ 2002માં આચરવામાં આવેલા હત્યાના ગુનામાં છેલ્લા 24 વર્ષથી નાસતા-ફરતા આરોપી દિનેશ દેસાઈની ધરપકડ કરી છે. ગુનો આચર્યા બાદ આરોપી સતત પોતાની ઓળખ છુપાવીને પોલીસ પકડથી ભાગી રહ્યો હતો. જોકે, અમદાવાદ ક્રાઈમ બ્રાન્ચની ટીમે ચોક્કસ બાતમી અને ટેકનિકલ એનાલિસિસના આધારે આખરે તેને દબોચી લીધો છે.
પારિવારિક તકરારમાં ગાડી વડે ટક્કર મારી કરી હતી હત્યા
આ કેસની પ્રાપ્ત વિગત અનુસાર, વર્ષ 2002માં રાજસ્થાન ખાતે પારિવારિક તકરાર અને અંગત અદાવતને કારણે એક વ્યક્તિની ગાડી વડે જોરદાર ટક્કર મારીને કરપીણ હત્યા નીપજાવવામાં આવી હતી. આ સનસનાટીભર્યા ઘટનાક્રમમાં અગાઉ બે મુખ્ય આરોપીઓ સામે ફરિયાદ નોંધાઈ હતી. પરંતુ આ હત્યાના ગુનામાં મદદગારી કરનાર આરોપી દિનેશ દેસાઈ ઘટના બન્યા બાદથી જ ફરાર થઈ ગયો હતો.