અમદાવાદના ગ્રામ્ય વિસ્તાર કણભામાં ત્રિપલ અકસ્માત થયો હતો અને ટ્રક અને લક્ઝરી વચ્ચે પહેલા અકસ્માત થયો હતો ત્યારે અકસ્માતમાં નીચે ઉભેલા લોકોને અન્ય ટ્રકે અડફેટે લીધા અને મોત થયા હોવાની વાત સામે આવી છે, ઘટનાની જાણ થતાની સાથે અમદાવાદ ગ્રામ્ય પોલીસ ઘટના સ્થળે પહોંચી હતી અને તપાસનો ધમધમાટ શરૂ કર્યો હતો.
અમદાવાદ ગ્રામ્યમાં અકસ્માતમાં 3ના મોત
અમદાવાદ વડોદરા એક્સપ્રેસ હાઇવે પર હરણિયાવ ગામ પાસે કણભા પોલીસ સ્ટેશન હદમાં પટેલ ટ્રાવેલ્સ અને કિયા ફોરવ્હીલર ગાડી સાથે નાનો એક્સિડેન્ટ થયેલ જે અનુસંધાને તેઓ રોડ ઉપર ઉભા હતા તે દરમ્યાન પાછળથી રાજસ્થાન પાસીંની ટ્રકે ટ્રાવેલ્સને પાછળથી ટક્કર મારતા ટ્રાવેલ્સના પેસેન્જરમાંથી ત્રણ વ્યક્તિના મોત થયેલ છે અને ટ્રાવેલ્સની અંદર બેઠેલા 15 મુસાફરોને નાની મોટી ઇજાઓ થયેલ છે તમામને એમ્બ્યુલન્સ દ્વારા સારવાર અર્થે હોસ્પિટલ પહોંચાડવામાં આવેલ છે કાયદેસરની કાર્યવાહી ચાલુ છે અને પોલીસે ટ્રાફિક ક્લિયર કરાવેલ છે.
