લાભ પાંચમના દિવસે ગુજરાતના નાયબ મુખ્યમંત્રી હર્ષ સંઘવીએ કાયદો અને વ્યવસ્થાની સ્થિતિને લઈને સમીક્ષા બેઠક યોજી હતી. રાજ્યમાં જાહેર સલામતી અને સુરક્ષાની વ્યવસ્થાને વધુ મજબૂત બનાવવા માટે નાયબ મુખ્યમંત્રીએ સિનિયર પોલીસ અધિકારીઓ સાથે ચર્ચા કરી હતી. આ બેઠકમાં ખાસ કરીને રાજ્યની કાયદો-વ્યવસ્થાની સ્થિતિ, પોલીસ તંત્રની કામગીરી અને ડ્રગ્સના દુરૂપયોગ સામેની લડાઈને વધુ તેજ બનાવવા પર ભાર મૂકવામાં આવ્યો હતો.
જાહેર સલામતી અને સુરક્ષા મજબૂત બનાવવા ચર્ચા
બેઠક દરમિયાન રાજ્યમાં જાહેર સલામતી અને સુરક્ષાને વધુ મજબૂત બનાવવા માટે નવી વ્યૂહરચનાઓ અંગે ચર્ચા કરવામાં આવી હતી. નાગરિકોને સુરક્ષિત વાતાવરણ પૂરું પાડવા તેમજ કાયદો અને વ્યવસ્થાની સ્થિતિ વધુ સુદૃઢ બને તે માટે પોલીસ તંત્રની કામગીરીને વધુ સક્રિય બનાવવા પર ભાર મૂકાયો હતો.
ડ્રગ્સ સામેની લડાઈ વધુ તેજ બનાવવા ભાર
રાજ્યમાં ડ્રગ્સના દુરૂપયોગ સામે ચાલી રહેલી લડાઈને વધુ અસરકારક બનાવવા અંગે પણ બેઠકમાં ખાસ ચર્ચા થઈ હતી. ડ્રગ્સના દુરૂપયોગને રોકવા માટે પોલીસ તંત્રએ વધુ સક્રિય અને અસરકારક કામગીરી કરવી જોઈએ તે મુદ્દે ભાર મૂકવામાં આવ્યો હતો.
રાજ્યના ઉચ્ચ પોલીસ અધિકારીઓ રહ્યા હાજર
આ સમીક્ષા બેઠકમાં રાજ્ય પોલીસ વડા જી.એસ. મલિક હાજર રહ્યા હતા. આ ઉપરાંત અમદાવાદ પોલીસ કમિશનર અને ઈન્ટેલિજન્સ બ્યુરોના વડા સહિતના સિનિયર પોલીસ અધિકારીઓ પણ બેઠકમાં જોડાયા હતા. લાભ પાંચમના દિવસે યોજાયેલી આ બેઠકમાં રાજ્યની કાયદો-વ્યવસ્થાની સ્થિતિની સમીક્ષા સાથે જાહેર સુરક્ષા અને ડ્રગ્સ સામેની કામગીરીને વધુ મજબૂત બનાવવાના મુદ્દાઓ કેન્દ્રસ્થાને રહ્યા હતા.
આ પણ વાંચો : Gujarat: ગોધરા કાંડની તપાસ પર સવાલ કેમ? IPS રાકેશ અસ્થાના સોનિયા ગાંધીના દાવા સામે આક્રમક, Video
