અમદાવાદના મક્તમપુરા વોર્ડમાં સ્થાનિક પ્રશ્નોને લઈને વિવાદ સામે આવ્યો છે, જ્યાં વોર્ડ ઓફિસ ખાતે કોર્પોરેટર સાથે ભારે બબાલ થઈ હતી. રજૂઆત કરવા આવેલા કેટલાક કાર્યકરોએ વોર્ડ ઓફિસમાં જ ગાળાગાળી કરી હોબાળો મચાવ્યો હતો. આ ઘટના દરમિયાન સ્થાનિક આગેવાન દ્વારા હાજીભાઇને સીધી મારી નાખવાની ધમકી આપવામાં આવી હોવાનો ગંભીર આરોપ મૂકવામાં આવ્યો છે.
મહિલા કોર્પોરેટરને ધમકી અને ભાજપ પર આક્ષેપ
આ બબાલ દરમિયાન વોર્ડના મહિલા કોર્પોરેટરને પણ ધમકાવવામાં આવ્યા હોવાનો ઉલ્લેખ કરવામાં આવ્યો છે. મક્તમપુરાના કોર્પોરેટરે આક્ષેપ કર્યો છે કે સ્થાનિક સમસ્યાઓને લઈને ખોટી રજૂઆતો કરવામાં આવી રહી છે અને ભાજપના કાર્યકરો સામાન્ય લોકોને ખોટી રીતે ઉશ્કેરવાનું કામ કરી રહ્યા છે, જેના કારણે વોર્ડ ઓફિસનું વાતાવરણ કલુષિત થયું છે.