ભાવનગર જિલ્લાના વલ્લભીપુર તાલુકામાંથી એક ચોંકાવનારા સમાચાર સામે આવ્યા છે. વલ્લભીપુરના જલાલપુર ગામે જૂની અદાવતની અદાવત રાખીને એક પિતરાઈ ભાઈએ પોતાના જ પરિવારના સભ્યો પર ખૂની હુમલો કર્યો હોવાની ઘટના પ્રકાશમાં આવી છે. આ બનાવને પગલે સમગ્ર વિસ્તારમાં ભારે ચકચાર મચી ગઈ છે.
પિતરાઈ ભાઈએ ઘરમાં ઘૂસીને ધોકા વડે મચાવ્યો આતંક
પ્રાપ્ત વિગતો અનુસાર, જલાલપુર ગામે રહેતા ભરત ઉર્ફે પઠાણ કવભાઈ સોલંકી નામના શખ્સે અગાઉની કોઈદિની જૂની અદાવતનું મનદુઃખ રાખીને સીધા ઘરમાં ઘૂસી આવ્યો હતો. આરોપીએ હાથમાં ધોકો રાખીને નિર્દયતાપૂર્વક પતિ-પત્ની પર હુમલો કર્યો હતો. અચાનક થયેલા આ હુમલાને કારણે ઘરમાં દોડધામ મચી ગઈ હતી અને દંપતી ગંભીર રીતે ઘાયલ થયા હતા.
