ગાંધીનગરના દહેગામ તાલુકાના ગુલાદણ ગામમાં ગેરકાયદેસર રીતે ચાલી રહેલી શંકાસ્પદ ઘી બનાવવાની ફેક્ટરી પર રેન્જ IGની ટીમે દરોડો પાડીને મોટો પર્દાફાશ કર્યો છે. ગુપ્ત બાતમીના આધારે કરવામાં આવેલી આ સફળ કાર્યવાહી દરમિયાન સ્થળ પરથી ભેળસેળયુક્ત ઘીનો મોટો જથ્થો ઝડપી પાડવામાં આવ્યો છે.
એસન્સ અને કલર ભેળવી બનાવાતું હતું નકલી ઘી
પોલીસ તપાસમાં સામે આવ્યું છે કે આ ફેક્ટરીમાં લોકોના આરોગ્ય સાથે ખુલ્લેઆમ ચેડાં કરવામાં આવી રહ્યા હતા. કેમિકલ, વિવિધ એસન્સ અને કૃત્રિમ કલર ઉમેરીને શંકાસ્પદ નકલી ઘી તૈયાર કરવામાં આવતું હતું. આ ફેક્ટરીમાં ઘીના ઉત્પાદનથી લઈને તેના પેકિંગ સુધીની તમામ પ્રક્રિયા એક જ જગ્યાએ બિનઅધિકૃત રીતે કરવામાં આવતી હતી.