ગાંધીનગર પોલીસ કોલોનીમાં આજે દુઃખદ ઘટના બની છે. PSI ટી.જે. ઝાલાનું તેમના નિવાસસ્થાને અવસાન થયું છે. આ ઘટનાને પગલે ગાંધીનગર પોલીસ દ્વારા નિવેદન જાહેર કરવામાં આવ્યું છે. પ્રાથમિક માહિતી મુજબ PSI ઝાલાનું પોતાના નિવાસસ્થાને સર્વિસ પિસ્તોલથી ગોળી વાગવાથી અવસાન થયું છે.
PSI ટી.જે. ઝાલા 2017 બેચના સીધા પોલીસ સબ ઇન્સ્પેક્ટર હતા. તેઓ મૂળ બનાસકાંઠાના વતની હતા. ગાંધીનગર પોલીસ કોલોનીમાં તેમના નિવાસસ્થાને આ દુઃખદ ઘટના બની હતી.
મળતી માહિતી મુજબ PSI ટી.જે. ઝાલાએ પોતાના નિવાસસ્થાને સર્વિસ પિસ્તોલથી ગોળી મારી આત્મહત્યા કરી હતી. ઘટનાની જાણ થતાં પોલીસ તંત્રમાં દોડધામ મચી ગઈ હતી.
આ સમગ્ર મામલે સેક્ટર 21 પોલીસ દ્વારા તપાસ હાથ ધરવામાં આવી છે. પોલીસ દ્વારા ઘટનાની વિવિધ બાબતોની તપાસ કરવામાં આવી રહી છે.
ઘટના બાદ PSI ટી.જે. ઝાલાના મૃતદેહને પોસ્ટમોર્ટમ માટે મોકલી આપવામાં આવ્યો છે. હાલ પોલીસ દ્વારા સમગ્ર મામલે તપાસ કરવામાં આવી રહી છે. ગાંધીનગર પોલીસ કોલોનીમાં બનેલી આ દુઃખદ ઘટનાને પગલે પોલીસ તંત્રમાં શોકની લાગણી પ્રસરી છે.
આ પણ વાંચો : New Delhi : કેન્દ્ર સરકારની દિવાળી ભેટ, કર્મચારીઓનું મોંઘવારી ભથ્થું 3 ટકા વધાર્યું