રાજકોટમાં રોકાણના નામે 26 કરોડની મેગા ઠગાઈના એક ગંભીર કેસમાં કાર્યવાહી કરવામાં આવી છે. ગુજરાત પોલીસના સાયબર સેન્ટર ઓફ એક્સલન્સ દ્વારા આ કૌભાંડના મુખ્ય સૂત્રધાર સહિત કુલ 7 આરોપીઓની ધરપકડ કરવામાં આવી છે.
રાજકોટમાં રોકાણના નામે ઠગાઈ કેસમાં કાર્યવાહી
પ્રાથમિક માહિતી મુજબ, દસ દિવસ પહેલા જ આ મામલે ગુનો દાખલ કરવામાં આવ્યો હતો. આરોપીઓએ ફરિયાદીને વિશ્વાસમાં લેવા માટે એક ફાઈનલ ટૂ (Final Two) નામનું વેબપેજ બનાવ્યું હતું. શરૂઆતમાં, ફરિયાદીને 500 (અંદાજે 40,000)નું રોકાણ કરાવ્યું હતું અને તેના પર નફો પણ આપ્યો હતો, જેથી રોકાણકારને ગેંગ પર પૂરો વિશ્વાસ બેસી જાય. આ વિશ્વાસ કેળવાયા બાદ, ફરિયાદીએ આ ગેંગના કહેવાથી કુલ 26 કરોડનું જંગી રોકાણ કર્યું હતું, જે બાદમાં પરત ન મળતા ઠગાઈ થયાની ફરિયાદ નોંધાઈ હતી.
