ગુજરાતના મહીસાગર (Mahisagar) જિલ્લામાંથી સરકારી નોકરી અપાવવાના નામે બેરોજગાર યુવાનો સાથે છેતરપિંડી આચરવાનો ગંભીર મામલો સામે આવ્યો છે. પ્રાપ્ત વિગતો અનુસાર, 112 અને 181 (112 and 181) સેવામાં નોકરી અપાવવાની ખોટી લાલચ આપીને કુલ 58 ઉમેદવારો (58 Candidates) સાથે છેતરપિંડી કરવામાં આવી હોવાનો આક્ષેપ છે. આ સમગ્ર કૌભાંડમાં ઉમેદવારો પાસેથી કુલ રૂપિયા 11.20 લાખ (Rs. 11.20 Lakh) ઉઘરાવવામાં આવ્યા હોવાનું સામે આવ્યું છે, જેને લઈને મહીપાલસિંહ જાદવ (Mahipalsinh Jadav) સામે ફરિયાદ નોંધાવવામાં આવી છે.
ફરિયાદીને 50 FIR કરાવવાની ધમકી અને ગાળાગાળી
આ છેતરપિંડીના મામલામાં કૌભાંડના આરોપીનો એક ધમકીભર્યો ઓડિયો (Threatening Audio) સોશિયલ મીડિયામાં વાયરલ થતાં ચકચાર મચી ગઈ છે. સામે આવેલી વિગતો મુજબ, આરોપીએ ફરિયાદીને 50 FIR (50 FIRs) કરાવવાની ધમકી આપી હોવાનું અને ફરિયાદી સાથે ગાળાગાળી કરી હોવાનું બહાર આવ્યું છે. નાણાં પરત માંગવા કે કાયદેસરની કાર્યવાહી કરવા સામે આ પ્રકારે ધમકી અને અભદ્ર વર્તન કરવામાં આવતા ભોગ બનેલા ઉમેદવારો અને ફરિયાદીમાં ભારે રોષ જોવા મળી રહ્યો છે.
