મોરબી જિલ્લાના હળવદ તાલુકામાં ગેરકાયદેસર ખનન પ્રવૃત્તિઓ સામે ખાણ ખનીજ વિભાગે મોટી કાર્યવાહી હાથ ધરી છે. હળવદના મયુરનગર ગામ નજીક ગેરકાયદેસર રીતે માટીનું ખનન ચાલી રહ્યું હોવાની માહિતી મળતા જ ખાણ ખનીજ વિભાગની ટીમે દરોડો પાડ્યો હતો. આ સરપ્રાઈઝ ચેકિંગ દરમિયાન ખનન સ્થળે અફરાતફરી મચી ગઈ હતી.
3 ડમ્પર અને 1 હિટાચી મશીન કરાયા જપ્ત
ખાણ ખનીજ વિભાગની ટીમ દ્વારા સ્થળ પર જઈને તપાસ કરતા મોટા પાયે ગેરકાયદેસર રીતે માટીનું ખોદકામ અને પરિવહન થઈ રહ્યું હોવાનું સામે આવ્યું હતું. આ કાર્યવાહી દરમિયાન ટીમે સ્થળ પરથી ખનન કાર્યમાં ઉપયોગમાં લેવાતા 3 ડમ્પરો તેમજ 1 હિટાચી મશીન સીઝ કરીને કબજે લીધા છે.