Rajkot News : રાજકોટ SOG પોલીસે 50 લાખનું "સમુદ્રી સોનું" ઝડપી પાડી એક શખ્સની કરી અટકાયત

રાજકોટ એસઓજીએ 50 લાખનું એમ્બરગ્રીસ ઝડપાયું છે અને રાજકોટ શહેરમાંથી જ આ એમ્બરગ્રીસનો જથ્થો ઝડપાયો છે, તો આ સમગ્ર ઘટનામાં એક આરોપીની અટકાયત કરવામાં આવી છે, પોલીસે બાતમીના આધારે એમ્બરગ્રીસ ઝડપી પાડયું છે, એમ્બરગ્રીસ એટલે માછલીની ઉલ્ટી અને આંતરરાષ્ટ્રીય બજારમાં આ ઉલ્ટીની ઉંચી કિંમત આંકવામાં આવે છે.

પોલીસે માછલીની ઉલ્ટીને ઝડપી FSLમાં મોકલી આપી

રાજકોટના આજીડેમ ચોકડી પાસેથી આરોપીને મુદામાલ સાથે ઝડપી પાડવામાં આવ્યો છે, મૂળ બાબરા તાલુકાના કરિયાણાના વિમલ બાવળિયાને ઝડપી પાડવામાં આવ્યો છે, આ ઉલ્ટી આરોપી વિમલને સિહોરના જીતુભાઈ કોળી આપી હોવાનું સામે આવ્યું છે, રાજકોટ SOG દ્વારા ફોરેસ્ટ અધિકારીને સાથે રાખી તપાસ કરી હતી અને વહેલ માછલી ઉલ્ટી પરીક્ષણ માટે FSLમાં મોકલવામાં આવી છે.

જાણો એમ્બરગ્રીસ એટલે શું

વ્હેલની ઉલટી, જેને એમ્બરગ્રીસ કહેવાય છે, તે વ્હેલના શરીરમાંથી મુક્ત થતો ઘન પદાર્થ છે. આ વ્હેલના આંતરડામાં બનેલો મળ છે, જે ખોરાક ન પચવાને કારણે ઉલ્ટીના સ્વરૂપમાં બહાર આવે છે. તેનો રંગ કાળોથી ગ્રેથી સફેદ સુધીનો હોઈ શકે છે, અને તે મીણના ઘન ટુકડા જેવો દેખાય છે. વ્હેલ માછલી સમુદ્રમાં હાજર તમામ પ્રકારની વસ્તુઓ ખાય છે. પરંતુ જ્યારે આ વસ્તુઓ પચાવી શકાતી નથી ત્યારે વ્હેલ તેને ઉલ્ટીના રૂપમાં બહાર કાઢે છે. આ પદાર્થ સમુદ્રની સપાટી પર આવે છે અને ઘન બને છે. તે સામાન્ય રીતે સ્પર્મ વ્હેલ દ્વારા જ ઉત્પન્ન થાય છે.