સુરત જિલ્લામાં યુવાધનને બરબાદ કરતા નશાના કારોબાર સામે સુરત ગ્રામ્ય પોલીસે હવે અત્યંત આક્રમક રણનીતિ અપનાવી છે. ડ્રગ્સના નેટવર્કને મૂળમાંથી તોડી પાડવા માટે છેલ્લા ઘણા દિવસોથી ચાલી રહેલી સઘન કામગીરીના ભાગરૂપે, જિલ્લા પોલીસની અલગ-અલગ ટીમોએ માત્ર એક જ દિવસમાં NDPS એક્ટ હેઠળ 10 જેટલા ગંભીર ગુનાઓ નોંધીને મોટો સપાટો બોલાવ્યો છે.

પોલીસની સંયુક્ત ટીમ દ્વારા વિવિધ વિસ્તારોમાં દરોડા

આ સફળ કામગીરી પાર પાડવા માટે સુરત ગ્રામ્ય પોલીસની લોકલ ક્રાઈમ બ્રાન્ચ (LCB), સ્પેશિયલ ઓપરેશન ગ્રુપ (SOG) અને એન્ટી નાર્કોટિક્સ વિંગ સહિતની વિશિષ્ટ પોલીસ ટીમો મેદાનમાં ઉતરી હતી. પોલીસના સચોટ આયોજન, ટીમવર્ક અને સંકલનના પરિણામે પાલોદ, કોસંબા, કામરેજ, કડોદરા, બારડોલી અને પલસાણા સહિતના મહત્વપૂર્ણ વિસ્તારોમાં સઘન ચેકિંગ અને દરોડાની કાર્યવાહી હાથ ધરવામાં આવી હતી.

Surat News: Rural Police Busts Drug Racket: 10 Arrested, Ganja Seized

2.9 કિલો ગાંજો જપ્ત અને 10 આરોપીઓની ધરપકડ

પોલીસની આ સચોટ સ્ટ્રાઈકના પરિણામે એક જ દિવસમાં નોંધાયેલા 10 ગુનાઓમાં કુલ 2.9 કિલો ગાંજાનો જથ્થો કબજે કરવામાં આવ્યો છે, જેની અંદાજિત કિંમત રૂ. 1,47,000 જેટલી થાય છે. આ સાથે જ નશાનો કારોબાર ચલાવતા કુલ 10 આરોપીઓની ધરપકડ કરીને તેમની સામે કાયદેસરની સખત કાર્યવાહી હાથ ધરવામાં આવી છે. પોલીસની આ લાલ આંખથી ડ્રગ્સ પેડલરોમાં ભારે ફફડાટ વ્યાપી ગયો છે.


આ પણ વાંચો: Suratમાં બેફામ ડમ્પરે લીધો વિદ્યાર્થીનો જીવ, સાયકલ સવારને અડફેટે લેતા ઘટનાસ્થળે જ મોત