સુરત શહેરમાંથી ફેમસ બ્રાન્ડના નામે બનાવટી અને નકલી ચીજવસ્તુઓ વેચવાનો કારોબાર ફરી એકવાર સામે આવ્યો છે. શહેરના અમરોલી વિસ્તારમાંથી અમરોલી પોલીસની ટીમે બાતમીના આધારે દરોડો પાડીને ડુપ્લિકેટ સાબુ બનાવવાનું અને તેનું ઉત્પાદન કરતું આખું ગોડાઉન ઝડપી પાડ્યું છે.

મુખ્ય આરોપી જૈમીલની ધરપકડ 

પોલીસે ઘટનાસ્થળેથી ડુપ્લિકેટ સાબુનું ગેરકાયદેસર મેન્યુફેક્ચરિંગ કરનાર મુખ્ય આરોપી જૈમીલની ધરપકડ કરી લીધી છે. દરોડા દરમિયાન પોલીસે ગોડાઉનમાંથી 1.81 લાખથી વધુ ની કિંમતનો નકલી સાબુનો મોટો જથ્થો તેમજ સાબુ બનાવવા માટે વપરાતી સામગ્રી જપ્ત કરી છે.

જાણીતી બ્રાન્ડના નામે નકલી અને નિમ્ન કક્ષાના સાબુ બનાવતો

પ્રાથમિક તપાસમાં બહાર આવ્યું છે કે, આરોપી પોતાના આ ગોડાઉનમાં જાણીતી બ્રાન્ડના નામે નકલી અને નિમ્ન કક્ષાના સાબુ તૈયાર કરી બજારમાં વેચાણ અર્થે સપ્લાય કરતો હતો. અમરોલી પોલીસે ગુનો નોંધીને આરોપી જૈમીલ સામે કાયદેસરની કાર્યવાહી હાથ ધરી છે. આ ઉપરાંત આ નકલી સાબુનો જથ્થો બજારમાં ક્યાં-ક્યાં સપ્લાય કરવામાં આવતો હતો અને તેની સાથે અન્ય કયા લોકો સંકળાયેલા છે તે અંગે પોલીસે વધુ તપાસ તેજ કરી છે. 


આ પણ વાંચો   :    Sandesh Digital Explainer : ઊંઝાના જીરા અને વરિયાળીને મળ્યો GI ટેગ, ગુજરાતના કેટલા ઉત્પાદનોને મળ્યો GI ટેગ? વાંચો રસપ્રદ માહિતી