સુરતમાં મોબાઇલ સ્નેચીંગ કરતા બે આરોપીની પાસા હેઠળ કાર્યવાહી કરવામાં આવી છે, સાહીલ શેખ અને રફીક શેખ સામે પાસા હેઠળ કાર્યવાહી કરવામાં આવી છે, સચીન GIDC વિસ્તારમાં મોબાઇલ સ્નેચરનો તરખાટ આ બન્ને આરોપી મચાવતા હોવાની વાત સામે આવી છે, તો બન્ને આરોપીઓને અમદાવાદની સાબરમતી જેલમાં ખસેડવામાં આવ્યા છે.
સુરતમાં 13 જુલાઈ 2025ના રોજ 26 આરોપીઓ વિરુદ્ધ પાસા હેઠળ કાર્યવાહી કરાઈ
સુરતમાં 26 આરોપીઓ વિરુદ્ધ શહેર પોલીસ કમિશનરે પાસા હેઠળ કાર્યવાહી કરી છે, ગુનાહિત ઇતિહાસ ધરાવતા આરોપીઓ સામે પાસાની કાર્યવાહી કરી છે, આરોપીઓ સામે ખંડણી, છેતરપિંડી, મારામારીના ગુના, વ્યાજખોરી, મોબાઇલ સ્નેચીંગના આરોપીઓ સામે કાર્યવાહી કરવામાં આવી છે, તમામ આરોપીઓને રાજ્યની જુદી જુદી જેલમાં મોકલાયા છે.
પાસાનો કાયદો શું છે જાણો
પાસા(પ્રિવેન્શન ઓફ એન્ટી-સોશિયલ એક્ટિવિટીઝ એક્ટ), અસામાજિક પ્રવૃત્તિઓને રોકવા માટેનો કાયદો છે. વારંવાર ગંભીર ગુના આચરનારા વ્યક્તિઓ સામે આ કાયદા હેઠળ કાર્યવાહી કરવામાં આવે છે. ખાસ કરીને બુટલેગરો, ખતરનાક ગુનેગારો, જમીન પચાવી પાડનારાઓ, અનૈતિક વેપારમાં સંડોવાયેલા લોકો, ડ્રગ્સના ગુનેગારો, જુગારધામ ચલાવનારાઓ, સંગ્રહખોરી અને કાળાબજાર કરનારાઓ, સાયબર ક્રાઈમ કરનારાઓ અને વ્યાજખોરો સામે આ કાયદા હેઠળ કાર્યવાહી થઈ શકે છે.
