સુરતના ઉધના વિસ્તારમાં વેપારી સાથે 1.80 કરોડની મસમોટી ઠગાઈ આચરનાર આરોપીને ઉધના પોલીસે ઝડપી પાડી જેલભેગો કર્યો છે. આરોપી મનીષ પઠાડે ‘સીતારા બેગ્સ’ નામે એક બોગસ કંપની બનાવીને માલ બાહરોબહાર વેચી મારીને માલિક સાથે વિશ્વાસઘાત આચર્યો હતો.

ધંધામાં સતત ખોટ જતાં માલિકને શંકા ગઈ 

ધંધામાં સતત ખોટ જતાં માલિકને શંકા ગઈ હતી અને તેમણે હિસાબ તપાસતાં આરોપી મનીષનો કાળો કારનામો ખુલ્લો પડ્યો હતો. ઠગાઈ બહાર આવતાની સાથે જ આરોપીએ માલિક પાસે માફી માંગીને શરૂઆતમાં 16.17 લાખ પરત આપ્યા હતા, પરંતુ બાકીની રકમ ચૂકવ્યા વગર જ તે ફરાર થઈ ગયો હતો.

ઠગાઈના નાણાંથી ઘર, જમીન અને કાર ખરીદી 

પોલીસ તપાસમાં ચોંકાવનારો ખુલાસો થયો છે કે આરોપી મનીષે ઠગાઈના નાણાંમાંથી ડિંડોલીમાં આલીશાન ઘર, નવસારીમાં જમીન, પત્ની અને માતા માટે સોનાના મોંઘા દાગીના, સ્વિફ્ટ કાર તેમજ ઈ-બાઈક ખરીદીને મોજશોખ પૂરા કર્યા હતા. વેપારીની ફરિયાદના આધારે ઉધના પોલીસે ચક્ર ગતિમાન કરીને ફરાર મનીષ પઠાડને ઝડપી પાડી કાયદેસરની કાર્યવાહી હાથ ધરી છે. 


આ પણ વાંચો  :    Sandesh Indepth : ગુજરાતમાં તો અલ-નીનોની અસર હતી તો પછી એવું શું થયું કે 14 કલાકમાં અનેક સ્થળે 16 ઇંચ વરસાદ ખાબક્યો?