વડોદરા શહેરમાં નશીલા પદાર્થોની હેરાફેરી સામે પોલીસની કાર્યવાહીમાં મોટી સફળતા મળી છે. શહેરના કારેલીબાગ વિસ્તારમાં સ્પેશિયલ ઓપરેશન ગ્રુપ (S.O.G.)ની ટીમે દરોડો પાડીને મેફેડ્રોન (MD) ડ્રગ્સનો જથ્થો ઝડપી પાડ્યો છે.
ઘરમાં છુપાવીને કરાતું હતું છૂટક વેચાણ
એસ.ઓ.જી.ની ટીમે કારેલીબાગ મચ્છીપીઠ નાકા પાસે આવેલા મોદી હાઉસના ત્રીજા માળે કાર્યવાહી કરી હતી. આ દરોડા દરમિયાન પોલીસે આરોપી મહંમદ રફીક ઇકબાલ મલેકને મુદ્દામાલ સાથે ઝડપી પાડ્યો હતો.તપાસમાં ખુલાસો થયો કે આરોપી મહંમદ રફીક તેના ઘરમાં જ આ પ્રતિબંધિત MD ડ્રગ્સ છુપાવીને છૂટક વેચાણ કરતો હતો.
