વડોદરા શહેરના જવાહરનગર પોલીસ મથક વિસ્તારમાં બનેલી પરિણીતાના આપઘાતની ઘટનામાં પોલીસે પતિ સામે ગુનો નોંધી કાયદેસરની કાર્યવાહી હાથ ધરી છે. મૃતક મહિલાના ભાઈ દ્વારા જવાહરનગર પોલીસ સ્ટેશનમાં પોતાની બહેનને આપઘાત માટે મજબૂર કરવા બદલ બહેનનો પતિ વિરુદ્ધ વિધિવત ફરિયાદ નોંધાવવામાં આવી છે.
દહેજ અને 2 લાખ રૂપિયાની માંગણી સાથે મારપીટ કરવાનો આક્ષેપ
મૃતકના ભાઈએ નોંધાવેલી ફરિયાદ મુજબ, તેનો બહેનોઈ તેની બહેન પાસે વારંવાર 2 લાખ રૂપિયાની માગણી કરતો હતો અને દહેજ માટે શારીરિક તેમજ માનસિક ત્રાસ આપતો હતો. પતિ દ્વારા અવારનવાર કરવામાં આવતી મારપીટ અને અસહ્ય માનસિક ઉત્પીડનથી કંટાળીને અંતે પરિણીતાએ આત્યંતિક પગલું ભરી લીધું હોવાનો ગંભીર આક્ષેપ પરિવારજનો દ્વારા કરવામાં આવ્યો છે.