વડોદરાની નામદાર કોર્ટ પરિસરમાંથી એક ચોંકાવનારી ઘટના સામે આવી છે. કોર્ટ સંકુલમાં ફરજ પર અથવા કામ અર્થે આવેલા પોલીસ કર્મચારી પર એક શખ્સે અચાનક જીવલેણ હુમલો કરી દીધો હતો. દિનદહાડે કોર્ટ જેવા સુરક્ષિત ગણાતા વિસ્તારમાં પોલીસ પર જ હુમલો થતાં જ સમગ્ર પરિસરમાં ભારે અફરાતફરી અને ચકચાર મચી ગઈ હતી.
આરોપી કેનેડાની નાગરિકતા ધરાવતો હોવાનો ખુલાસો
પ્રાથમિક તપાસમાં મળતી માહિતી મુજબ, હુમલો કરનાર આરોપીની ઓળખ ગૌરાંગ ગિરીશ પટેલ તરીકે થઈ છે. આરોપી મૂળ કુંવરપુરા ગામનો રહેવાસી છે અને હાલ તેની પાસે કેનેડાની નાગરિકતા છે. હુમલાનો ભોગ બનેલા ઈજાગ્રસ્ત પોલીસ કર્મચારી માંજલપુર પોલીસ સ્ટેશનના હોવાનું જાણવા મળ્યું છે.
