વડોદરા જિલ્લાના સાવલી તાલુકામાં નકલી પોલીસ બનીને તોડ (ખંડણી) કર્યાના એક ગંભીર મામલાનો ભેદ ઉકેલાઈ ગયો છે. મંજૂસર પોલીસની ટીમોએ સઘન તપાસના અંતે આ ગુનામાં સંડોવાયેલા ચાર આરોપીઓની ધરપકડ કરી છે.
નકલી પોલીસ બનીને તોડ કર્યાનો ભેદ
પોલીસે સીસીટીવી ફૂટેજ અને બાતમીદારોની મદદથી આ સમગ્ર કૌભાંડનો પર્દાફાશ કર્યો હતો. પોલીસે ઝડપેલા આરોપીઓમાં વિશ્વ ઓડ, મેહુલ શેખ, ઈર્શાદ શેખ અને પવન ઓડનો સમાવેશ થાય છે. પ્રાથમિક તપાસમાં બહાર આવ્યું છે કે આ આરોપીઓએ સૌપ્રથમ રેકી કરી હતી અને ત્યારબાદ ડેરીના એક ટેમ્પાને રોકીને પોતે પોલીસ હોવાની ઓળખ આપી હતી અને તોડ કર્યો હતો. પોલીસે તેમની પાસેથી ₹ 1 લાખ 61 હજારની રિકવરી પણ કરી છે.
