Entertainment : આદિત્ય ગઢવીએ ગાયેલો આ ગરબો પહોંચ્યો વિખ્યાત ગ્રેમી એવોર્ડ સુધી, વાંચો આ ક્યો ગરબો છે

નવલા નોરતાને શરુ થવાને આડે હવે ગણતરીના દિવસો રહ્યા છે ત્યારે ગુજરાતી ગીત સંગીત ક્ષેત્રને ગર્વનો અનુભવ થાય તેવા સમાચાર આવી રહ્યા છે. મળેલી માહિતી મુજબ જાણીતા સિંગર આદિત્ય ગઢવીએ ગાયેલો ગરબો વિશ્વ વિખ્યાત ગ્રેમી એવોર્ડ્સમાં પહોંચ્યો છે.

ગરબાને ઉમેરવામાં આવે તેની વિચારણા માટે મોકલાયો

મળેલા સમાચાર મુજબ 68માં વાર્ષિક ગ્રેમી એવોર્ડ્સની ગ્લોબલ મ્યુઝિક પર્ફોર્મન્સ કેટેગરીમાં સિંગર આદિત્ય ગઢવીએ ગાયેલા ગરબાને ઉમેરવામાં આવે તેની વિચારણા માટે મોકલાયો છે. આ ગરબો ગ્રેમી એવોર્ડ્સ સુધી પહોંચ્યો તે જ ગર્વની વાત છે. હવે તેનું નોમિનેશન થાય છે કે કેમ તે આગામી દિવસોમાં જાણવા મળી શકે છે

 આદિત્ય ગઢવીએ ગુજરાતી ગીતો અને સંગીતને વૈશ્વિક ઓળખ અપાવી

ગુજરાતના જાણીતા ગાયક આદિત્ય ગઢવીએ ગાયેલા ગીતો અને ગરબા લોક હૈયે વસી ગયા છે. આ યુવા કલાકારે દેશ વિદેશના સંગીતપ્રેમીઓનું મોહી લીધુ છે અને હવે તેણે ગાયેલો એક ગરબો વિખ્યાત ગ્રેમી એવોર્ડ્સમાં વિચારણા કરવા માટે મોકલાયો છે. આદિત્ય ગઢવીએ ગુજરાતી ગીતો અને સંગીતને વૈશ્વિક ઓળખ અપાવી છે.

અલબેલી મતવાલી મૈયાને 68માં ગ્રેમી એવોર્ડ્સની ગ્લોબલ મ્યુઝિક પર્ફોર્મન્સ કેટેગરીમાં નોંધણી માટે મોકલવામાં આવ્યો

ગુજરાતી ગીત સંગીત ક્ષેત્રને ગર્વ થાય તે સ્વાભાવીક છે કારણ કે તેણે ગાયેલા અલબેલી મતવાલી મૈયાને 68માં ગ્રેમી એવોર્ડ્સની ગ્લોબલ મ્યુઝિક પર્ફોર્મન્સ કેટેગરીમાં નોંધણી માટે મોકલવામાં આવ્યું છે . હવે આ ગરબાનું નોમિનેશન થશે કે કેમ તે આગામી દિવસોમાં જાણ થઇ જશે પણ એ વાત જ ગર્વ અપાવે છે કે ગુજરાતી ગરબો ગ્રેમી એવોર્ડ્સ સુધી પહોંચ્યો છે. જો ગરબાનું નોમિનેશન થશે અને જો તે ગ્રેમી એવોર્ડસ જીતી જશે તો ગુજરાતીઓ માટે તે ગર્વની ક્ષણ હશે