ગાંધીનગર જિલ્લાના દહેગામમાં નગરપાલિકા દ્વારા પૂર્ણિમા સ્કૂલ પાસેના દબાણો હટાવવાની કાર્યવાહી હાથ ધરવામાં આવી છે. આ કાર્યવાહી કોર્ટના નિર્દેશ બાદ કરવામાં આવી છે. જેમાં પાલિકાએ પોલીસ અને અન્ય વિભાગોના સહયોગથી વર્ષો જૂની ત્રણ દુકાનો તોડી પાડી છે. આ દબાણ સામે પૂર્ણિમા સ્કૂલના ટ્રસ્ટીઓ કોર્ટમાં ગયા હતા. કોર્ટે દબાણ દૂર કરવાનો આદેશ આપ્યા બાદ દહેગામ નગરપાલિકાએ કાયદેસરની કાર્યવાહી હાથ ધરી હતી.
નપાએ પૂર્ણિમા સ્કૂલ પાસેના દબાણો દૂર કર્યા
આ દબાણ હટાવવા માટે મામલતદાર કચેરીનો સ્ટાફ, સિટી સર્વે સ્ટાફ, દહેગામ નગરપાલિકાનો સ્ટાફ, પોલીસ અને GEBના કર્મચારીઓને સાથે રાખવામાં આવ્યા હતા. આ કાર્યવાહી શાંતિપૂર્ણ રીતે પૂર્ણ થઈ હતી અને કોઈપણ પ્રકારની અનિચ્છનીય ઘટના બની ન હતી. વર્ષો જૂના આ દબાણોથી સ્થાનિક લોકોને અને ખાસ કરીને વિદ્યાર્થીઓને અવરજવરમાં મુશ્કેલી પડતી હતી.
