રાજ્યમાં સ્થાનિક સ્તરે મુસાફરી કરતા સામાન્ય નાગરિકોના ખિસ્સા પર વધુ એક બોજો ઝીંકાયો છે. ટ્રાન્સપોર્ટ વિભાગ દ્વારા રિક્ષા ભાડામાં સત્તાવાર વધારો કરવાની જાહેરાત કરવામાં આવી છે. આ નિર્ણયની સીધી અસર રોજબરોજ રિક્ષામાં મુસાફરી કરતા લાખો મધ્યમવર્ગીય પરિવારો અને રિક્ષાચાલકો પર જોવા મળશે.
રેટ કમિટીની બેઠકમાં લેવાયો આખરી નિર્ણય
છેલ્લા ઘણા સમયથી સીએનજી ગેસના ભાવમાં થયેલા ફેરફાર અને વધતી મોંઘવારીને ધ્યાનમાં રાખીને રિક્ષાચાલક સંગઠનો દ્વારા ભાડા વધારાની માગ કરવામાં આવી રહી હતી. આ બાબતે મળેલી ટ્રાન્સપોર્ટ વિભાગની ઉચ્ચ સ્તરીય રેટ કમિટીની બેઠકમાં વિસ્તૃત ચર્ચા-વિચારણા બાદ આખરે ભાડા વધારાની દરખાસ્તને સત્તાવાર મંજૂરી આપી દેવામાં આવી છે.
