ગાંધીનગર જિલ્લા પંચાયતના સભ્યો દ્વારા વિકાસના કામો અટક્યા હોવાની ફરિયાદો તથા ચૂંટણીઓ નજીક હોવાને પગલે વહીવટી તંત્ર હરકતમાં આવ્યું છે.
જાહેર માળખાકીય સુવિધાના કામો સમય મર્યાદામાં પૂર્ણ કરવા જિલ્લા વિકાસ અધિકારીએ ભાર મુક્યો છે. જેને લઈને ડીડીઓ દ્વારા હવે દર શુક્રવારે એસઓ સહિત ઈજનેરી અધિકારીઓની બેઠક બોલાવીને કામગીરીનો હિસાબ માંગવાનું શરૂ કર્યું છે. શુક્રવારે મળેલી સમિક્ષા બેઠકમાં ચારેય તાલુકાના વિકાસ અધિકારીઓને પણ હાજર રખાયા હતા. જિલ્લા વિકાસ અધિકારીએ સમિક્ષા બેઠક શરૂ કરતાં કામગીરી લંબાવે રાખતા કે ઝડપી ઉકેલ ન લાવી શકતાં ઘણા કર્મચારીઓને પરસેવો છૂટી ગયો હતો.
