રાજ્યમાં સરકારી નોકરી મેળવવા માટે રાત-દિવસ એક કરીને સ્પર્ધાત્મક પરીક્ષાઓની તૈયારી કરતા લાખો યુવાનો માટે અત્યંત મહત્વપૂર્ણ અને ખુશીના સમાચાર સામે આવ્યા છે. ગુજરાત ગૌણ સેવા પસંદગી મંડળ (GSSSB) દ્વારા વર્ગ-3 ની વિવિધ સંવર્ગોની ખાલી જગ્યાઓ ભરવા માટે ‘કમ્બાઇન્ડ કોમ્પિટીટીવ એક્ઝામિનેશન’ (CCE) અંતર્ગત નવી ભરતીની સત્તાવાર જાહેરાત પ્રસિદ્ધ કરવામાં આવી છે. રાજ્ય સરકારના જુદા જુદા વિભાગો અને ખાતાઓ હેઠળ વર્ગ-3 ની કુલ 1137 જેટલી મહત્વની જગ્યાઓ પર સીધી ભરતી પ્રક્રિયા હાથ ધરવામાં આવશે. આ ભરતી માટે પાત્રતા ધરાવતા ઉમેદવારો આગામી ૫ નવેમ્બરથી ઓનલાઈન અરજી કરી શકશે.
ભરતી અને અરજી પ્રક્રિયાની મુખ્ય વિગતો
કુલ જગ્યાઓ: ગુજરાત સરકારના વિવિધ વિભાગોમાં વર્ગ-3 ની કુલ 1137 જગ્યાઓ. ગુજરાત ગૌણ સેવા પસંદગી મંડળ (GSSSB), ગાંધીનગર.ઓનલાઇન અરજી શરૂ થવાની તારીખ: 5 નવેમ્બર.અરજી કરવાની છેલ્લી તારીખ: 30 નવેમ્બર.પરીક્ષા પદ્ધતિ: સરકારના નિયમોનુસાર CCE પદ્ધતિ અંતર્ગત પ્રિલિમિનરી અને મુખ્ય (Mains) પરીક્ષાના માળખા મુજબ પસંદગી પ્રક્રિયા યોજાશે.
