ગાંધીનગર જિલ્લાના કલોલ નજીક આવેલા સાંતેજ જીઆઇડીસી (GIDC) વિસ્તારમાં એક ફેક્ટરીમાં ભીષણ આગ ફાટી નીકળતા અફરાતફરીનો માહોલ સર્જાયો હતો. સાંતેજ GIDCમાં આવેલી સોનલબેન ખાખરાવાળા ફેક્ટરીમાં આ આગની ઘટના બની હતી. આગ એટલી વિકરાળ હતી કે તેના ધુમાડા દૂર દૂર સુધી દેખાઈ રહ્યા હતા.
ગાંધીનગરના સાંતેજમાં ગોડાઉનમાં આગ
આગ લાગવાની જાણ થતાં જ તાત્કાલિક ફાયર બ્રિગેડને જાણ કરવામાં આવી હતી. આગ પર કાબૂ મેળવવા માટે ફાયર બ્રિગેડની કુલ સાત ગાડીઓ ઘટના સ્થળે દોડી આવી હતી. ફાયર બ્રિગેડના જવાનો દ્વારા આગ પર કાબૂ મેળવવાનો સઘન પ્રયાસ શરૂ કરવામાં આવ્યો હતો. પ્રાથમિક વિગતો મુજબ, જે સમયે આગ લાગી ત્યારે ફેક્ટરી બંધ હતી. આગ લાગવાનું પ્રાથમિક કારણ શોર્ટ સર્કિટ હોવાનું માનવામાં આવી રહ્યું છે. ફેક્ટરી બંધ હોવાને કારણે હાલના તબક્કે કોઈ જાનહાનિ ન હોવાની પ્રાથમિક વિગતો મળી રહી છે, જે રાહતની વાત છે.
