ગુજરાતમાં હાલ હવામાનમાં મોટો પલટો જોવા મળી રહ્યો છે અને રાજ્યવાસીઓ ડબલ ઋતુનો અનુભવ કરી રહ્યા છે. હવામાન વિભાગની તાજેતરની આગાહી મુજબ આવનારા દિવસોમાં રાજ્યમાં મિશ્ર ઋતુની સ્પષ્ટ અસર જોવા મળશે. વહેલી સવારે અને મોડી રાત્રે લોકોને ગુલાબી ઠંડીનો અનુભવ થશે, જ્યારે બપોરના સમયે તાપમાન ઊંચું જતાં ગરમીનો અહેસાસ થશે. વાતાવરણમાં આવી રહેલા આ ફેરફારથી બેવડી ઋતુની અસર વર્તાઈ રહી છે.
7 દિવસ સૂકું વાતાવરણ અને ઉત્તર-પશ્ચિમી પવનો
હવામાન ખાતાના જણાવ્યા અનુસાર, આગામી 7 દિવસ સુધી સમગ્ર રાજ્યમાં વાતાવરણ સંપૂર્ણપણે સૂકું રહેશે. હાલ રાજ્યમાં ઉત્તર-પશ્ચિમી દિશામાંથી પવનો ફૂંકાઈ રહ્યા છે, જેના કારણે વાતાવરણમાં ભેજનું પ્રમાણ ઘટશે. આગામી એક સપ્તાહ દરમિયાન રાજ્યમાં વરસાદ પડાવાની કોઈ જ શક્યતા નથી. વરસાદની સંભાવના નહિવત હોવાથી ખેડૂતો અને સામાન્ય જનજીવન માટે રાહતના સમાચાર છે.
