ધનતેરસના પાવન અવસરે રાજકોટના રેસકોર્સ ગ્રાઉન્ડ ખાતે ભવ્ય આતશબાજીનું આયોજન કરવામાં આવ્યું હતું. દિવાળીના ઉત્સવને સકારવા માટે યોજાયેલા આ કાર્યક્રમમાં હજારોની સંખ્યામાં રાજકોટવાસીઓ ઉમટી પડ્યા હતા.
રાજકોટના રેસકોર્સમાં ભવ્ય આતશબાજી
રેસકોર્સ ક્રિકેટ ગ્રાઉન્ડ પર યોજાયેલી આ પરંપરાગત આતશબાજી છેલ્લા સાડા ત્રણ દાયકાથી પણ વધુ સમયથી રાજકોટના દિવાળી કાર્નિવલ અંતર્ગત યોજાય છે. આ આયોજન રાજકોટની દિવાળીની ઉજવણીનું એક અવિભાજ્ય અંગ બની ગયું છે. આજે રાત્રે આતશબાજી શરૂ થતાં જ રંગબેરંગી ફટાકડાઓના અદભુત પ્રદર્શને રાજકોટના આકાશને ઝગમગાવી દીધું હતું. વિવિધ પ્રકારના રોશનીભર્યા ફટાકડાઓ અને અવનવી આતશબાજીની પેટર્ન જોઈને ઉપસ્થિત જનમેદની હર્ષોલ્લાસમાં ડૂબી ગઈ હતી.
