ગુજરાતના ઐતિહાસિક અને વ્યૂહાત્મક રીતે મહત્વપૂર્ણ જામનગર શહેરમાં આગામી 17 થી 19 નવેમ્બર દરમિયાન આંતરરાષ્ટ્રીય સ્તરની આપત્તિ રાહત કવાયત ‘સહાયતા સેતુ’નું ભવ્ય આયોજન કરવામાં આવ્યું છે. જામનગર એરફોર્સ સ્ટેશન ખાતે યોજાનારા આ મેગા ડ્રીલ દ્વારા આ આપત્તિ વ્યવસ્થાપનની ક્ષમતાઓને વૈશ્વિક સ્તરે વધુ મજબૂત બનાવવાનો મુખ્ય હેતુ રાખવામાં આવ્યો છે.
મિત્ર દેશોની સેનાઓ અને સંયુક્ત દળોની ભાગીદારી
આ કવાયતમાં માત્ર ભારતીય સેના જ નહીં, પરંતુ ભારત સહિત અનેક મિત્ર દેશોની સેનાઓ પણ ઉત્સાહભેર ભાગ લેશે. જેમાં મુખ્યત્વે શ્રીલંકા, નેપાળ, ઇન્ડોનેશિયા અને મલેશિયા જેવા દેશોના સૈન્ય દળો જોડાઈને સંયુક્ત અભ્યાસ કરશે. આ ઉપરાંત ભારતીય વાયુસેના, આર્મી, નેવી, કોસ્ટગાર્ડ અને NDMA (રાષ્ટ્રીય આપત્તિ વ્યવસ્થાપન સત્તામંડળ) પણ આ સંયુક્ત કવાયતમાં જોડાશે.
