સૌરાષ્ટ્રની ટૂરિઝમ સર્કિટ દીવ, સોમનાથ, સાસણ અને ગિરનાર છે. અહી સાતમ-આઠમના તહેવારોમાં હજારોની સંખ્યામાં પર્યટકો મીની વેકેશન ગાળવા ઉમટી પડયા હતા.
ખાસ કરીને દીવ-સોમનાથથી આવતા અને જતી વેળાએ મોટા ભાગના પ્રવાસીઓએ સાસણમાં પણ સમય વિતાવતા અહીં ત્રણેક દિવસ સુધી 1,000 જેટલા નાના-મોટા રિસોર્ટ, ફર્મ હાઉસ અને હોટેલોમાં હાઉસફુલના દૃશ્યો જોવા મળ્યા હતા. એશિયાટિક સિંહોના ઘર સાસણમાં અને તેની આસપાસના વિસ્તારમાં જ્યાં જુઓ ત્યાં પ્રકુતિ હાલ સોળે કળાએ ખીલી ઉઠી છે, ચોમાસામાં વનરાઈઓમાં લીલુંછમ વાતાવરણ અને તેમાંય ખાસ કરીને દેવળિયા સફરી પાર્કમાં વન્ય પ્રાણીઓને નિહાળવાનો લ્હાવો આ ત્રણ દિવસ હજારો પ્રવાસીઓએ ઉઠાવ્યો હતો. ચોમાસું સત્ર હોવાથી ગીર અભયારણ્ય બંધ હોવા છતાં દેવળિયા સફરી પાર્કમાં વન્યપ્રાણીઓને નિહાળવા અને સનસેટ પોઈન્ટ, સાસણ સિંહ સદનમાં મ્યુઝિયમ, જમજીર ધોધ સહિતના અનેક સ્થળે પ્રવાસીઓ ફ્રવા માટે આવી પહોંચ્યા હતા.
