ભારત-પાકિસ્તાનની આંતરરાષ્ટ્રીય સરહદ પર સુરક્ષા કરતા BSFના જવાનો સાથે જાણીતા લોકગાયિકા ગીતા રબારીએ રક્ષાબંધનની ઉજવણી કરી હતી, ગીતા રબારીએ બીએસએફ જવાનોના હાથે રાખડી બાંધી રક્ષાબંધન પર્વની શુભેચ્છા પાઠવી હતી.
દેશના જવાનો સાથે રક્ષાબંધન પર્વની ઉજવણી કરતા ગાયક
કચ્છની સરહદે તૈનાત બીએસએફ જવાનોને હાથે ગીતા રબારીએ રાખડી બાંધીને રક્ષાબંધનની ઉજવણી કરી, ભુજ ખાતે જવાનોને હાથે રાખડી બાંધી મીઠું મોઢું કરાવી રક્ષાબંધન ઉજવણી કરી હતી, પોતાના ઘર પરીવારથી દૂર રહીને દેશની સરહદની રક્ષા કરતા જવાનોને હાથે રાખડી બાંધી પરિવારની ભાવનાનો અહેસાસ કરાવ્યો હતો, કચ્છ સરહદ પર રાત દિવસ દેશની સીમાની સુરક્ષા કરતા જવાનોના હાથમાં રાખડી બાંધી અને જવાનોને તમામ આફતા સામનો કરી દેશને સલામત રાખે તેવી બહેન દ્વારા પ્રાર્થના કરવામાં આવી હતી, પરિવારથી દુર રહીને અને વિકટ પરિસ્થિતિમાં સરહદ પર ફરજ બજાવતા જવાન હાથે કવચ રૂપી રાખડી બાંધતા જવાનનો ચહેરા પર સ્મિત જોવા મળ્યું હતું.
