શહેરના વટવા વિસ્તારમાં અસામાજિક તત્વોએ જાહેર રોડ પર ભયનું વાતાવરણ ઉભું કરવાનો પ્રયાસ કર્યો હતો. વટવા ચાર માળિયા પાસે જાહેર રોડ પર ગાડી પાર્ક કરી, હાથમાં તલવારો રાખી લોકોને ધમકાવનારા શખ્સો વિરુદ્ધ વટવા પોલીસે કડક કાર્યવાહી કરીને ચાર મુખ્ય આરોપીઓની ધરપકડ કરી છે.
અંગત અદાવતમાં મચાવ્યો હતો આતંક
મળતી વિગતો અનુસાર, આરોપીઓએ અંગત અદાવત રાખીને સામા પક્ષને ડરાવવા માટે વટવા ચાર માળિયા પાસે જાહેર રોડ પર પોતાની ગાડી પાર્ક કરી હતી. આ શખ્સોએ જાહેરમાં તલવારો લહેરાવીને ધમકીઓ આપી હતી, જેના કારણે સ્થાનિક રહીશોમાં ગભરાટ ફેલાયો હતો. આ ઘટનાનો વીડિયો સામે આવ્યા બાદ વટવા પોલીસ હરકતમાં આવી હતી.