એસ.જી. હાઈવે પર ઈસ્કોન સર્કલ નજીક વાઈડ એન્ગલ સામે AMCના પે એન્ડ પાર્કિંગમાં ગેસ સિલિન્ડર બ્લાસ્ટ થતાં ભયાનક આગ લાગી હતી. પાર્કિંગમાં આવેલી અપંગ માનવ મંડળની ચાની કીટલીના કેબિનમાં એલપીજી ગેસ લીકેજ થવાના કારણે આ બ્લાસ્ટ થયો હતો.આગે વિકરાળ સ્વરૂપ ધારણ કરી લેતા આસપાસ લોક કરીને પાર્ક કરેલા 4 એક્ટિવા અને 5 બાઇક સહિત કુલ 9 દ્વિચક્રી વાહનો તેની ઝપેટમાં આવતા બળીને ખાખ થઈ ગયા હતા. ફયર બ્રિગેડે બનાવ સ્થળે પહોચી આગ બુઝાવી હતી. સદનસીબે કોઈ જાનહાનિ થઈ નથી.