બગોદરા ગામમાં અંબલી માતાજીના મંદિર નજીક જાહેર જગ્યામાં તીનપત્તીનો જુગાર રમતા આઠ શખ્સોને બગોદરા પોલીસે ઝડપી પાડયા હતા. પોલીસે સ્થળ પરથી રોકડ રકમ તેમજ ગંજીપાનાંના પત્તા કબજે કરી જુગારધારા હેઠળ કાર્યવાહી હાથ ધરી છે.
પોલીસ ફરિયાદ મુજબ તા. 21મી ઓગસ્ટે વહેલી સવારે બગોદરા ગામના દેવપૂજકવાસ વિસ્તારમાં માતાજીના મંદિર આગળ ખુલ્લી જગ્યામાં કેટલાક શખ્સો તીનપત્તીનો જુગાર રમતા હોવાની બાતમી પોલીસને મળી હતી. બાતમીના આધારે પોલીસે સ્થળ પર પહોંચી કાર્યવાહી કરતાં જુગાર રમતા શખ્સોને ઝડપી પાડયા હતા.