અમદાવાદ, ઇન્દોર, મુંબઈ, ચેન્નાઈ અને દુબઈમાં ડબ્બા ટ્રેડિંગ અને ઓનલાઈન સટ્ટાબાજીના મામલે એક સિન્ડિકેટ સામે એન્ફેર્સમેન્ટ ડિરેકટરોરેટ (ED) સ્પેશિયલ કોર્ટ (PMLA), ઇન્દોર સમક્ષ ફરિયાદ દાખલ કરી છે. ઈડીની તપાસમાં ટેકનોલોજીકલ રીતે હેરાફેરી કરાયેલી ઇકો સિસ્ટમનું અસ્તિત્વ બહાર આવ્યું છે. જેમાં રિગ્ડ ટ્રેડિંગ પ્લેટફૉર્મ, ગેરકાયદેસર સટ્ટાબાજી વેબસાઇટ્સ અને ક્રોસ-બોર્ડર લોન્ડરિંગ મિકેનિઝમનો સમાવેશ થાય છે. ઈડી દ્વારા મોટાપાયે ડબ્બા ટ્રેડિંગ અને ઓનલાઈન સટ્ટાબાજી ખુલાસો થતા ડબ્બા ટ્રેડિંગ કરનારાઓ ભૂગર્ભમાં ચાલ્યા ગયા છે.
સર્ચ કાર્યવાહી દરમિયાન કરવામાં આવેલી મુખ્ય જપ્તીઓમાં રૂ.5.21 કરોડ રોકડ, 59.9 કિલોગ્રામ ચાંદીના બાર અને 100 ગ્રામ સોનાનો બારનો સમાવેશ થાય છે. EDએ લગભગ રૂ.1.94 કરોડના દાગીના અને રૂ.4.77 કરોડની લક્ઝરી ઘડિયાળો સહિત ઉચ્ચ મૂલ્યની લક્ઝરી વસ્તુઓ પણ જપ્ત કરી હતી. તેમજ ક્રિપ્ટો કરન્સી હોલ્ડિંગ્સ પણ જપ્ત કરી હતી. તપાસમાં હેરાફેરી કરેલા ટ્રેડિંગ પ્લેટફૉર્મ, ગેરકાયદેસર સટ્ટાબાજી વેબસાઇટ્સ અને અનિયંત્રિત વ્હાઇટ લેબલ એપ્લિકેશન્સમાંથી મેળવેલા રૂ.404.46 કરોડના ગુનામાંથી મળેલી રકમ ઓળખવામાં આવી હતી. ઈડીએ રૂ.34.26 કરોડની સંપત્તિની કામચલાઉ જપ્તી કરવામાં આવી હતી, જેમાં રૂ.28.60 કરોડની સ્થાવર મિલકતો, રૂ.3.83 કરોડની સ્થાવર મિલકતો અને બેંક અથવા ડીમેટ ખાતાઓમાં રૂ.1.83 કરોડની બેલેન્સનો સમાવેશ થાય છે.
