દાણીલીમડામાં 72 વર્ષીય વૃદ્ધાને જાણ થઇ કે તેમની 17 વર્ષીય પૌત્રીને બાજુની સોસાયટીમાં રહેતા યુવક સાથે મિત્રતા છે, પરંતુ યુવક સગીરાને રિલેશનશીપ રાખવાનું દબાણ કરતા સગીરાએ તેને ના પાડીને મિત્રતા તોડી નાખી હતી.
જે બાદ યુવક છેલ્લા ત્રણ દિવસથી સગીરા ઘર પાસે આંટા મારતો હતો. તેમજ વારંવાર સગીરાની છેડતી કરતો હતો. ગત 11 ડિસેમ્બરે પૌત્રીએ જોરથી બૂમ પાડતા વૃદ્ધાએ જાગીને જોતા તે પંખા સાથે દુપટ્ટો બાંધીને લટકતી હતી. જેથી તેમણે આસપાસના લોકોને બોલાવીને પૌત્રીને ઉતારી હતી. આ દરમ્યાન યુવકે તેમના ઘરે આવી સગીરાને 'તુ મારી નહિ થાય તો કોઇની નહિ થવા દઉ, જીવતી નહીં છોડું' કહીને તેને પોતાની જાતે જ તેના હાથ પર બ્લેડના ઘા માર્યા હતા. જેથી આસપાસના લોકોએ સગીરા અને યુવકને સારવાર માટે મોકલી આપી હતી. આ અંગે વૃદ્ધાએ યુવક સામે દાણીલીમડા પોલીસ સ્ટેશનમાં ફરિયાદ નોધાવી છે.
