અમદાવાદમાં ઘરફોડ ચોરી અને મોબાઈલ સ્નેચિંગની ઘટનાઓ વચ્ચે એલિસબ્રિજ પોલીસે એક રીઢા મહિલા ચોરને ઝડપી પાડવામાં મોટી સફળતા મેળવી છે. આ મહિલા રહેણાંક મકાનોમાં નજર ચૂકવીને પ્રવેશી જતી હતી અને મોબાઈલ ફોનની ચોરી કરીને ફરાર થઈ જતી હતી. પોલીસે બાતમીના આધારે આ મહિલાની અટકાયત કરી તેની પાસેથી ચોરીના પાંચ મોબાઈલ ફોન કબજે કર્યા છે.
અમદાવાદમાં એલિસબ્રિજ પોલીસે મહિલાને ઝડપી
એલિસબ્રિજ વિસ્તારમાં છેલ્લા કેટલાક સમયથી ઘરમાંથી મોબાઈલ ગાયબ થવાની ફરિયાદો ઉઠી હતી. આ મામલે એલિસબ્રિજ પોલીસ મથકના સ્ટાફે સીસીટીવી ફૂટેજ અને ટેકનિકલ સર્વેલન્સના આધારે તપાસ તેજ કરી હતી. તપાસ દરમિયાન એક શંકાસ્પદ મહિલા પોલીસના હાથે ઝડપાઈ હતી. મહિલાની સઘન પૂછપરછ અને જડતી લેતા તેની પાસેથી અલગ-અલગ કંપનીના કુલ પાંચ મોબાઈલ ફોન મળી આવ્યા હતા, જેની તે યોગ્ય જાણકારી આપી શકી નહોતી.
