Putin India Visit Live Update : રશિયાના રાષ્ટ્રપતિ પુતિનનું નિવેદન, આપણા સંબંધોનો એક ઈતિહાસ છે, આપણે હિતોનું રક્ષણ કરી રહ્યાં છીએ

ગીર સોમનાથમાં દુકાનની દિવાલ પડતા બે શ્રમિકના મોત

ગીર સોમનાથમાં દુકાનની દિવાલ પડતાં બે શ્રમિકના મોત થયાં છે. ઉના લાઈબ્રેરી ચોકમાં દુકાનની દિવાલ પડતા દુર્ઘટના સર્જાઈ હતી. અચાનક દુકાનની દિવાલ ધરાશાયી થતાં બે શ્રમિકો દટાયા હતાં. હોસ્પિટલમાં ડોક્ટરે બે શ્રમિકોને મૃત જાહેર કર્યા હતાં. 

પુતિનની મુલાકાત પર ભાજપની પોસ્ટ

પુતિનની ભારત મુલાકાત અંગેની એક પોસ્ટમાં ભાજપે લખ્યું,પ્રોટોકોલ તોડીને વડા પ્રધાન મોદીએ એરપોર્ટ પર રશિયન રાષ્ટ્રપતિનું વ્યક્તિગત રીતે સ્વાગત કર્યું. રાષ્ટ્રપતિ પુતિન ભારતની બે દિવસની સત્તાવાર મુલાકાતે છે.આ સમયગાળા દરમિયાન તેઓ 5 ડિસેમ્બરે દિલ્હીમાં વડા પ્રધાન મોદી સાથે 23મા ભારત-રશિયા વાર્ષિક શિખર સંમેલનમાં ભાગ લેશે.

રશિયન ચેસ ગ્રાન્ડમાસ્ટર સેર્ગેઈ કરજાકિને શું કહ્યું

રશિયન રાષ્ટ્રપતિ વ્લાદિમીર પુતિનની ભારત મુલાકાત અંગે રશિયન ચેસ ગ્રાન્ડમાસ્ટર સેર્ગેઈ કરજાકિને કહ્યું હતું કે, મને આશા છે કે આપણા સંબંધો વધુ મજબૂત થશે.અમે  ભારતને એક મૈત્રીપૂર્ણ દેશ તરીકે જોઈએ છીએ.આશા છે કે આપણી પાસે અહીં ઘણા પ્રોજેક્ટ્સ હશે.રશિયા અને ભારતમાં બંનેમાં બે મજબૂત ચેસ સ્કૂલ છે.ભારતમાં ઘણા બધા યુવા ગ્રાન્ડમાસ્ટર છે. ફક્ત ગુકેશ જ નથી.એરિગાઇસી અને પ્રજ્ઞાનંધ પણ છે. તેમાંથી એક આગામી વિશ્વ ચેમ્પિયન બની શકે છે તેથી તે ખરેખર રશિયન ખેલાડીઓ માટે ખૂબ મુશ્કેલ હશે.પરંતુ ગમે તે હોય હું ખુશ છું અને આવા મજબૂત નવા ખેલાડીઓ માટે ભારતને અભિનંદન આપી શકું છું.

પુતિનનું ભારત મુલાકાત પર મોટું નિવેદન

ભારત પ્રવાસે આવેલા રશિયાના રાષ્ટ્રપતિ વ્લાદિમીર પુતીને મોટુ નિવેદન આપ્યું હતું. તેમણે કહ્યું હતું કે, આપણા સંબંધોનો એક અનોખો ઇતિહાસ છે, આપણે આપણા હિતોનું રક્ષણ કરી રહ્યા છીએ

સંરક્ષણ સહયોગ વધારવાનો સંકલ્પ

રાષ્ટ્રપતિ પુતિનની મુલાકાત દરમિયાન, ભારત અને રશિયાએ આજે ​​તેમના દ્વિપક્ષીય સંરક્ષણ સહયોગને વિસ્તૃત કરવાનો સંકલ્પ લીધો.ભારતે તેની લડાયક ક્ષમતાઓને મજબૂત બનાવવા માટે S-400 મિસાઇલ સિસ્ટમના વધારાના બેચ ખરીદવામાં રસ દર્શાવ્યો.

ગાંધીનગરમાં 24 પશુઓને કતલખાને જતા બચાવાયા

ગાંધીનગરમાં 24 પશુઓને કતલખાને લઈ જતા બચાવવામાં આવ્યા છે. શેરથા પાસે પશુ ભરેલા પીકઅપ ડાલા સાથે બે ઝડપાયા છએ. સ્થાનિકોની સતર્કતાને કારણે પશુઓનો આબાદ બચાવ થયો છે. પોલીસે ડીસાના બે વ્યક્તિઓની અટકાયત કરી છે. 

ગાંધીનગરના દહેગામમાં યુવક પર હુમલાનો આક્ષેપ

ગાંધીનગરના દહેગામમાં યુવક પર હુમલો કરાયાનો આક્ષેપ કરવામાં આવ્યો છે. બહિયલમાં ગૌવંશને બચાવવા જતાં હુમલો કરાયો છે. બહિયલમાં ગૌવંશ વેચવા આવનાર વ્યક્તિએ કર્યો હુમલો.પોલીસે હુમલો કરનાર વિરુદ્ધ ફરિયાદ નોંધી

થોડીવારમાં મોદી અને પુતિનનું પ્રાઈવેટ ડિનર થશે શરૂ 

પ્રધાનમંત્રી નરેન્દ્ર મોદી અને રશિયન રાષ્ટ્રપતિ પુતિન હાલમાં પ્રધાનમંત્રીના સત્તાવાર નિવાસસ્થાન 7, લોક કલ્યાણ માર્ગ પર છે. પીએમ મોદી અને રાષ્ટ્રપતિ પુતિન માટે એક પ્રાઈવેટ ડિનર ટૂંક સમયમાં શરૂ થવાનું છે.

પુતિનની ભારત મુલાકાતની કેટલીક મુખ્ય બાબતો

રશિયાના રાષ્ટ્રપતિ પુતિન બે દિવસની ભારત મુલાકાતે છે.તેઓ 5 ડિસેમ્બરે દિલ્હીમાં પીએમ મોદી સાથે 23મી ભારત-રશિયા વાર્ષિક શિખર સંમેલન યોજશે.

મારા મિત્ર પુતિનનું સ્વાગત કરીને ખુશ છું: પીએમ મોદી

પીએમ મોદીએ રશિયાના રાષ્ટ્રપતિ પુતિનનું ભારતમાં આગમન પર સ્વાગત કર્યું. સોશિયલ મીડિયા પોસ્ટમાં, પીએમ મોદીએ કહ્યું, "મારા મિત્ર રાષ્ટ્રપતિ પુતિનનું ભારતમાં સ્વાગત કરીને ખુશ છું. હું આજે સાંજે અને આવતીકાલે આપણી વાતચીત માટે આતુર છું. ભારત અને રશિયા વચ્ચેની મિત્રતા હંમેશા અપેક્ષાઓ પર ખરી ઉતરી છે, જેનાથી બંને દેશોના લોકોને ફાયદો થયો છે.

 2030 સુધીમાં 100 અબજ યુએસડીનું લક્ષ્ય નક્કી

રશિયન રાષ્ટ્રપતિ કાર્યાલયના ડેપ્યુટી ચીફ ઓફ સ્ટાફ મેક્સિમ ઓરેશ્કિન કહે છે, રાષ્ટ્રપતિ પુતિન અને વડા પ્રધાન મોદીએ 2030 સુધીમાં 100 અબજ યુએસડીનું લક્ષ્ય નક્કી કર્યું છે.તેથી આ લક્ષ્ય પર અમે કામ કરી રહ્યા છીએ.અને અમે માનીએ છીએ કે આનો મુખ્ય સ્ત્રોત ભારત દ્વારા રશિયામાં થતી માલ અને સેવાઓની નિકાસમાંથી આવશે.

વારાણસીમાં પુતિનનું અનોખું સ્વાગત

રશિયન રાષ્ટ્રપતિ પુતિનની મુલાકાતથી દેશભરમાં ખુશી છવાઈ ગઈ છે.ઉત્તર પ્રદેશના વારાણસીમાં એક અદ્ભુત દૃશ્ય જોવા મળ્યું.ગંગા આરતી દરમિયાન દીવાઓથી "પુતિનનું સ્વાગત છે" લખેલું હતું.

થોડીવારમાં બંને નેતાઓનું ડિનર શરૂ થશે

રશિયાના રાષ્ટ્રપતિ પુતિન અને ભારતના વડાપ્રધાન મોદી એક જ કારમાં પીએમ નિવાસસ્થાને પહોંચ્યા છે.ત્યાં પીએમ મોદી અને રાષ્ટ્રપતિ પુતિન એક પ્રાઈવેટ ડિનર કરશે.આ રાત્રિ ભોજન થોડીવારમાં શરૂ થશે.

રશિયાના રાષ્ટ્રપતિ કાર્યાલય ક્રેમલિને શું કહ્યું

રશિયાના રાષ્ટ્રપતિ કાર્યાલય ક્રેમલિનનું કહેવું છે કે તેઓ પીએમ મોદીના પુતિનને એરપોર્ટ પર મળવાના નિર્ણયથી અજાણ હતા.રશિયાને જાણ કરવામાં આવી ન હતી કે પીએમ મોદી એરપોર્ટ પર હાજર રહેશે.પીએમ મોદીએ એરપોર્ટ પર રશિયાના રાષ્ટ્રપતિનું ભવ્ય સ્વાગત કર્યું.

એક જ કારમા સવાર થયા પુતિન અને મોદી

એરપોર્ટથી ઉતર્યા બાદ રશિયાના રાષ્ટ્રપતિનું વડાપ્રધાન મોદીએ ભવ્ય સ્વાગત કર્યું હતું. સ્વાગત કર્યા બાદ બંને નેતાઓ એરપોર્ટથી રાષ્ટ્રપતિ ભવન એકજ કારમાં રવાના  થઈ રહ્યા છે. 

વડાપ્રધાન મોદીએ ગળે લગાડીને તેમનું સ્વાગત કર્યું

રશિયાના રાષ્ટ્રપતિ વ્લાદિમીર પુતીન દિલ્હી પહોંચી ગયા છે. તેઓ પ્લેનમાંથી ઉતરતાં જ વડાપ્રધાન મોદીએ ગળે લગાડીને તેમનું સ્વાગત કર્યું હતું. એરપોર્ટ પર તેમના સ્વાગત માટે ભવ્ય તૈયારીઓ કરવામાં આવી હતી. 

શ્વાન પકડવાની કામગીરીનો પરિપત્ર રદ કરવામાં આવે

રાજ્ય તલાટી મંડળના પ્રમુખ પંકજ મોદીએ કહ્યું હતું કે, તલાટીઓને શ્વાન પકડવાની કામગીરી સોંપવામાં આવી છે. આ કામગીરી ખૂબજ હાસ્યાસ્પદ છે. ગ્રામ વિકાસ કમિશનર દ્વારા બહાર પાડવામાં આવેલો શ્વાન પકડવાની કામગીરીનો પરિપત્ર રદ કરવામાં આવે. પરિપત્ર રદ નહીં થાય તો તલાટી મંડળ કાર્યવાહી કરશે. શ્વાન પકડવાની અને રસીકરણ તલાટીઓને કરવાની કામગીરી હાસ્યાસ્પદ છે.  

રશિયાના રાષ્ટ્રપતિ વ્લાદિમીર પુતિન દિલ્હી પહોંચી ગયા

રશિયાના રાષ્ટ્રપતિ વ્લાદિમીર પુતિન દિલ્હી પહોંચી ગયા છે. પાલમ એરપોર્ટ પર વડાપ્રધાન મોદીએ તેમનું સ્વાગત કર્યું છે.  રશિયાના રાષ્ટ્રપતિ પુતિન સાથે એક વિશેષ પ્રતિનિધિમંડળ પણ ભારત આવી રહ્યું છે.આ બિઝનેસ ડેલિગેશનમાં રાજેશ શર્મા પણ છે, જેમની રશિયામાં એક મોટી ફાર્માસ્યુટિકલ્સ કંપની છે. તેઓ 34 વર્ષોથી રશિયામાં રહે છે.રશિયાની ફાર્મા કંપનીઓ ભારત સાથે મોટી સમજૂતી કરશે.

રશિયાના રાષ્ટ્રપતિ પુતિન ભારતની મુલાકાતે 

રશિયાના રાષ્ટ્રપતિ વ્લાદિમીર પુતિન આજે ભારતના પ્રવાસે આવ્યા છે. પીએમ મોદી તેમને રીસીવ કરવા માટે પાલમ એરપોર્ટ પહોંચ્યા છે. ભારત અને રશિયા વચ્ચે 23મી શિખર વાર્તા યોજાશે. દ્વિપક્ષિય વેપાર વધારવા અંગે મહત્વના કરાર થશે.રક્ષા સહયોગ અને નાના મોડ્યુલર રિએક્ટરો પર થશે કરાર.રાષ્ટ્રપતિ દ્રૌપદી મુર્મુ સાથે ડિનર પણ કરશે પુતિન.ભારત સાથે રશિયાના સંબંધો અને પ્રગતિ પર થશે ચર્ચા

ઊર્જા વિભાગના કર્મચારીઓ માટે મંત્રીનું નિવેદન

ઊર્જા વિભાગના કર્મચારીઓ માટે મંત્રી ઋષિકેશ પટેલે કહ્યું હતુ કે, ઉર્જા વિભાગના એકપણ કર્મીનો જીવ ન જવો જોઈએ.નુકસાન વગર કર્મચારીઓના કામ થાય,વિજ વિતરણમાં કોઇ કર્મચારીનો જીવ ન જાય.ટેક્નોલોજીના માધ્યમથી ઉકેલ માટે ચિંતન કરાશે.ગાંધીનગરમાં ઊર્જા સેતુ ચિંતન શિબિરમાં તેમણે આ નિવેદન આપ્યું હતું. 

ATSએ પકડેલા બે જાસૂસના 12 દિવસના રિમાન્ડ મંજૂર

ગુજરાત એટીએસ દ્વારા પકડાયેલા બે જાસૂસને ખેડા કોર્ટમા રજૂ કરવામાં આવ્યા હતાં. બંને આરોપીઓના 12 દિવસના રિમાન્ડ મંજૂર કરવામાં આવ્યા છે. બંન્ને જાસૂસ મહેમદાવાદના વ્યક્તિ સાથે સંપર્કમાં હતા.કાચ્છઇ ગામના પ્રકાશ નામના વ્યક્તિ સાથે સંપર્કમાં હતા.પ્રકાશના લેપટોપમાં આર્મીના ડોક્યુમેન્ટ સેવ કરાવ્યા હતા.ATSએ કુલ 9 આરોપીઓ વિરુદ્ધ ફરિયાદ દાખલ કરી

વાંચો 06 વાગ્યા સુધીના મહત્વના સમાચાર

1. Sushma swarajના પતિ અને વરિષ્ઠ વકીલ Swaraj Kaushalનું નિધન, પુત્રી બાંસુરી સ્વરાજે લખી ભાવુક પોસ્ટ

2. CBSEમાં મર્જ નહીં થાય સ્ટેટ બોર્ડ; સરકારે સંસદમાં આપી સ્પષ્ટતા, જાણો શું છે NEP 2020નો નિર્ણય

3. Vadodara : ઑનલાઈન પાર્ટ-ટાઈમ જોબની લાલચ આપી સાયબર માફિયાઓએ યુવકને છેતરી 45 હજાર ખંખેર્યા

4. Valsad News: માત્ર ન્યાય નહી ઝડપી ન્યાય મળે છે, દુષ્કર્મ કેસમાં આરોપીઓને ફાંસી અપાય છે: હર્ષ સંઘવી

5. Junagadh News: પતિ-પત્નીની પણોજણમાં પોલીસની પરેડ, એક ફોનથી મચાવી અફરાતફરી 

6. Indigo Trouble News: એર ઇન્ડિયા સહિત અન્ય એરલાઇન્સની સેવાઓ પણ થઇ પ્રભાવિત, મુસાફરોની મુશ્કેલીઓ ક્યારે થશે દૂર?

7. Banaskantha News: કોઇએ આક્રોશમાં આવવાની જરુર નથી, હું તમારો ગુસ્સો સમજી શકું છું, એક ફોન કરજો આવી જઈશ: હર્ષ સંઘવી

8. Surat News : પ્રિસ્ક્રિપ્શન વગર નશો વેચતા મેડિકલ સ્ટોર પર દરોડો, ઉધનામાં સંચાલકની ધરપકડ, નશાકારક સીરપની બોટલો જપ્ત

9. Stock Market Closing : IT શેરોના કારણે બજારમાં તેજીની રીકવરી, સેન્સેક્સ 158 પોઈન્ટ વધીને બંધ થયો

10. Dang News: મનરેગાના કામમાં 32 હજારની લાંચ માગી, ACBએ મહિલા ગ્રામ સેવક અને તેના પતિ સામે ગુનો દાખલ કર્યો

કેન્દ્ર સરકારની નાફેડ ટીમ વાવ-થરાદની મુલાકાતે

કેન્દ્ર સરકારની નાફેડની ટીમ વાવ થરાદની મુલાકાતે પહોંચી છે. ટેકાના ભાવે જ્યાં ખરીદી થાય છે તે સેન્ટરોની આ ટીમ દ્વારા મુલાકાત લેવાઈ છે. ધાનેરા, થરાદ સહિતના વેરાહાઉસ, ગોડાઉનની મુલાકાત લીધી છે. ખરીદી સેન્ટરો પર ખરીદીની ગુણવત્તાને લઇ તપાસ કરાઈ છે. નાફેડ ટીમે માલ અને કાંટાની ચકાસણી કરી હતી.ખેડૂતો સાથે જણસીના પૈસા ટ્રાન્સફરને લઇ ચર્ચા કરી હતી.  

૧.૨૦ લાખ હેક્ટર વિસ્તારને સૂક્ષ્મ સિંચાઈ પદ્ધતિ હેઠળ આવરી લેવાયો 

ખેતીમાં સૂક્ષ્મ સિંચાઈ જેવી અદ્યતન પદ્ધતિ અપનાવવાની દિશામાં ગુજરાતે હરણફાળ ભરી છે.વર્ષ ૨૦૨૩-૨૪માં આશરે ૧.૩૦ લાખ હેક્ટર વાવેતર વિસ્તારને સૂક્ષ્મ સિંચાઈ પદ્ધતિ હેઠળ આવરી લેવામાં આવ્યો હતો.જ્યારે ગત વર્ષ ૨૦૨૪-૨૫માં પણ આશરે ૧.૨૦ લાખ હેક્ટર વિસ્તારને સૂક્ષ્મ સિંચાઈ પદ્ધતિ હેઠળ આવરી લેવાયો હતો.જે માટે ખેડૂતોને સૂક્ષ્મ સિંચાઈ યોજના હેઠળ કુલ રૂ.૬૦૫.૪૨ કરોડની સહાય આપવામાં આવી છે.જેમાં રાજ્ય સરકારનો ફાળો રૂ.૩૨૯.૪૨ કરોડ અને ભારત સરકારનો ફાળો રૂ. ૨૭૬ કરોડનો છે.

અરવલ્લી જિલ્લા પોલીસે ચેઈન સ્નેચરોને ઝડપી પાડ્યા

અરવલ્લી જિલ્લા પોલીસે ચેઈન સ્નેચરોને ઝડપી પાડ્યા છે. ભિલોડા તથા શામળાજી પોલીસ સ્ટેશન વિસ્તારમાં લૂંટ કરી હતી. બંને આરોપીઓને પોલીસે બાયપાસ રોડ પરથી પકડી પાડ્યા હતાં. પોલીસે સોનાની ચેઈન સહિત 3.41 લાખનો મુદ્દામાલ જપ્ત કર્યો છે. 

ભરૂચમાં ખેડૂતોએ આત્મહત્યાની ચીમકી ઉચ્ચારી

ભરૂચમાં ખેડૂતોએ આત્મહત્યાની ચીમકી ઉચ્ચારી છે. શેરડી કટિંગ અટકાવતા ખેડૂતો રોષે ભરાયા હતાં. સમગ્ર મામલે ધ રૂદ્રપુરી સોસાયટીના સભાસદોએ વિરોધ નોંધાવ્યો હતો. સુગર ફેક્ટરીઓની દખલીગીરી થતા ખેડૂતોનો વિરોધ સામે આવ્યો છે. ચલથાણ સુગર ફેક્ટરીમાં શેરડી કટિંગ કરવા માગ કરાઈ છે.ધી રુદ્રપુરી સોસાયટીના ચેરમેન રાજુ વસાવાનો આક્ષેપ સામે આવ્યો છે. સુગર ફેક્ટરીના ઇશારે કાપણી અટકાવ્યાનો આક્ષેપ કરાયો છે. 

નાયબ મુખ્યમંત્રી હર્ષ સંઘવીએ X પર કરી પોસ્ટ

નાયબ મુખ્યમંત્રી હર્ષ સંઘવીએ એકસ પર પોસ્ટ લખીને કહ્યું હતું કે, ગુજરાતમાં હવે માત્ર ન્યાય નહીં ઝડપથી ન્યાય મળે છે.  દુષ્કર્મના કેસમાં આરોપીઓને ફાંસી અપાય છે. મહિલા સુરક્ષા માટે અમારી ઝીરો ટોલરન્સ નીતિ છે. વલસાડમાં દુષ્કર્મના આરોપીને ફાંસની સજા ફટકારવામાં આવી છે. વિપક્ષ દ્વારા મહિલાઓની સુરક્ષા મુદ્દે સરકારને ઘેરવા મુદ્દે વલસાડના કેસને ટાંકીને નાયબ મુખ્યમંત્રીએ સોશિયલ મીડિયા પર પોસ્ટ લખીને જવાબ આપ્યો હતો. 

સાબરકાંઠામાં આંખમાં મરચાની ભૂકી નાંખી લૂંટ

સાબરકાંઠાના હિંમતનગરમાંથી પસાર થતાં નેશનલ હાઇવે નંબર 48 ઉપર ગઈકાલે રાત્રે એક લૂંટનો બનાવ બન્યો છે જેમાં આઠ લાખથી વધારે ની લૂંટ થઈ છે  તેમજ ખાનગી બેંકમાં કામ કરતા કર્મચારી 8 લાખ રૂપિયા લઇ પ્રાંતિજ થી હિંમતનગર આવી રહ્યા હતા જે દરમિયાન દલપુર પાટિયા પાસે બે અજાણ્યા બુકાનીધારી બાઈક ચાલકોએ મરચાની ભૂકી નાખી હતી જેના પગલી ફરિયાદી પાસેથી રૂપિયા 8 લાખ થી વધુ રૂપિયા લઈ માથામાં લાકડીનો ઘા મારતા ફરિયાદી વ્યાપક રીતે ઘાયલ થયો હતો જો કે હાલમાં સમગ્ર લૂંટ નો કોયડો ઉકેલવા ચક્રો ગતિમાન કર્યા છે

હર્ષ સંઘવીએ વડગામમાં લાયબ્રેરીનું લોકાર્પણ કર્યું

ગુજરાતના નાયબ મુખ્યમંત્રી હર્ષ સંઘવી બનાસકાંઠા જિલ્લાના પ્રવાસે પહોંચ્યા છે. તેમણે વડગામમાં સરકારી લાયબ્રેરીનું લોકાર્પણ કર્યું છે. હર્ષ સંઘવી વડગામ, પાલનપુર અને ડિસાની મુલાકાત લેશે અને ત્યાં વિકાસ કામોના લોકાર્પણ કરશે. 

દારુ અને ડ્રગ્સ મુદ્દે વિપક્ષ પર વરસ્યા DyCM હર્ષ સંઘવી

દારુ અને ડ્રગ્સ મુદ્દે નાયબ મુખ્યમંત્રી વિપક્ષ પર વરસ્યા હતાં. તેમણે કહ્યું હતું કે, ગુજરાત પોલીસ તમામ પ્રકારના દૂષણો સામે લડવા મક્કમ છે. ગુજરાત પોલીસે સૌથી વધુ ડ્રગ્સ પકડ્યું છે. ડ્રગ્સના નેટવર્કનો પર્દાફાશ ગુજરાત પોલીસ-ATSએ કર્યો છે. સામાજિક રીતે લડાઇ અવિતરપણે ચાલશે,ડ્રગ્સના દૂષણમાં ફસાયેલા લોકોને બહાર કાઢવાનો પ્રયાસ કરાશે.ગુજરાત પોલીસ મજબૂતાઇથી કામ કરી રહી છે.

સુરેન્દ્રનગરમાં પોલીસ કસ્ટડીમાં આરોપીનો આપઘાત

સુરેન્દ્રનગરમાં પોલીસ કસ્ટડીમાં ચોરીના આરોપીએ આપઘાત કરી લેતા ચકચાર મચી જવા પામી છે. ચોરીના આરોપી ગજેન્દ્રસિંહ ઝાલાએ શૌચાલયમાં ગળાફાંસો ખાઈને જીવન ટૂંકાવ્યું છે. પોલીસ કસ્ટડીમાં આરોપીએ આપઘાત કરી લેતા તપાસ શરૂ કરવામાં આવી છે. 

મનરેગાના કામ માટે 32800 રૂપિયાની લાંગ માગી

ડાંગ જિલ્લાના સુબિર તાલુકામાં ગ્રામ સેવકે મનરેગા યોજના અંતર્ગત જમીન લેવલ માટેના કામ માટેની ફાઈલ તૈયાર કરી તેની વહિવટી મંજૂરી માટે લાંચની માગ કરી હતી. ફરિયાદીએ તેમના ગામના ચાર અરજદારોના મનરેગા યોજના અંતર્ગત જમીન લેવલના કામકાજ માટે સુબીર તાલુકા પંચાયત કચેરી મનરેગા શાખાના ગ્રામ રોજગાર સેવક અનુસુયાબેન પટેલને મળ્યા હતાં. આ કામકાજ માટેની વહિવટી મંજૂરી માટે તેમણે એક અરજદાર પૈકી 8200 રૂપિયાની લાંચ માગી હતી.તેમણે ચાર અરજદારો પાસેથી કામકાજ અંગે 32800 રૂપિયાની લાંગ માગી હતી. 

ભાવનગરમાં 7મા માળેથી નીચે પટકાતા શ્રમિકનું મોત

વિક્ટોરિયા રોડ પર કન્સ્ટ્રક્શન સાઇટ પર બની ઘટના, 7મા માળે કામ કરતો શ્રમિક અકસ્માતે નીચે પટકાયો, નીચે પટકાતા પરપ્રાંતીય શ્રમિકનું ઘટનાસ્થળે જ મોત, સિવિલ હોસ્પિટલ પોલીસે વધુ તપાસ હાથ ધરી.

BLO માટે સુપ્રીમ કોર્ટ તરફથી રાહતના સમાચાર

વધારાનો સ્ટાફ ઉપલબ્ધ કરવા માટે SCનો નિર્દેશ, BLO પર દબાણ ઓછું કરવા માટે SCનો નિર્દેશ, રાહત ન મળે તો BLO કોર્ટનો પણ સંપર્ક કરી શકે, SIR પ્રક્રિયા કાયદેસર છે તે પૂર્ણ થવી જ જોઈએ, સ્ટાફની અછત હોય તે રાજ્ય સરકારની જવાબદારી. 

અમેરિકામાં ગુજરાતીના ઘર પર ફાયરિંગ

નામચીન રાકેશ રાજદેવના ઘર પર ફાયરિંગ, ગોદારા ગેંગે રાકેશ રાજદેવને ધમકી પણ આપી, રાકેશનું ક્રિકેટ સટ્ટામાં નામ આવી ચૂક્યું છે.

ભરુચના ઝઘડિયામાં અકસ્માતમાં ટ્રક ડ્રાઇવરનું મોત

લોખંડ ભરીને જતી ટ્રક કાર સાથે અથડાતા અકસ્માત, અકસ્માત બાદ ચાલકે કાબૂ ગુમાવતા ટ્રકે મારી પલ્ટી, ટ્રક નાળામાં પડતા ડ્રાઇવરનું ગંભીર ઇજાથી મોત, અકસ્માતની સમગ્ર ઘટના CCTV કેમેરામાં કેદ. 

આંકલાવમાં નવા બનતા રોડના કામમાં ભ્રષ્ટાચારનો આક્ષેપ

વાંટામાં રોડને રિ કાર્પેટ કરાતા સ્થાનિકોનો આક્ષેપ, માત્ર ડામર પાથરી કામ કર્યાનો સ્થાનિકોનો આક્ષેપ, પાલિકા દ્વારા ભ્રષ્ટાચાર કરાયાનો સ્થાનિકોનો આક્ષેપ, કામની ગુણવત્તાને લઇ સ્થાનિકોએ હોબાળો કર્યો, રોડના પોપડા ઉખડ્યાનો સ્થાનિકોનો આક્ષેપ. 

ઈન્ટરનેશનલ સાયબર રેકેટના મૂળ ભાવનગર પહોંચ્યા

ઇન્ડસઇન્ડ બેંકમાં વધુ 130 શંકાસ્પદ ખાતા મળ્યા, 8 કરોડની તપાસમાં પોલીસને વધુ શંકાસ્પદ ખાતા મળ્યા, બેંકના મેનેજર, કર્મચારી મળી 12 લોકો સામે ગુનો દાખલ, સાયબર રેકેટના 719 કરોડના કૌભાંડનો પર્દાફાશ, NCCRP પોર્ટલ પર 1447 લોકો ભોગ બન્યાની ફરિયાદ. 

અમદાવાદ એરપોર્ટ ફ્લાઈટ ઈમરજન્સી લેન્ડિંગ મામલો 

પ્લેનની તપાસમાં કોઈ વાંધાજનક વસ્તુ ન મળી આવી, પ્રોટોકોલ મુજબ ઈન્ડિગોની ફ્લાઇટની તપાસ થઈ પૂર્ણ, મુસાફરોને બેસાડીને ફ્લાઇટ રવાના કરાઇ, હૈદરાબાદ જતી ફ્લાઈટે ઇમરજન્સી લેન્ડિંગ કર્યું હતું, ઈન્ડિગોની ફ્લાઈટમાં બોમ્બ હોવાની ધમકી મળી હતી. 

રેપના આરોપીને કોર્ટે ફાંસીની સજા સંભળાવી છે

વાપીમાં બાળકીને ચોકલેટની લાલચ આપી ઝાડીમાં લઇ જઈ 42 વર્ષીય નરાધમ રઝાક સુભાન ખાને બાળકી ઉપર દુષ્કર્મ આચરી હત્યા કરી હતી અને વાપીના ડુંગરા પોલીસ સ્ટેશનમાં ગુનો નોંધાયા બાદ પોલીસે આરોપીને દબોચી લીધો હતો, વાપીની સ્પેશિયલ પોક્સો કોર્ટમાં આ મામલે કેસ ચાલતો હોય કોર્ટે આરોપીને કસુરવાર ઠેરવી ફાંસીની સજા ફટકારી છે. સુરતના પી.પી. નયનભાઈ સુખડવાલા અને વલસાડના પી.પી અનીલ ત્રિપાઠીની ધારદાર દલીલોને ગ્રાહ્ય રાખી પોક્સો કોર્ટે ફટકારી ફાંસીની સજા.

વલસાડમાં રેપ વિથ મર્ડર કેસના આરોપીને કોર્ટે ફાંસીની સજા સંભળાવી, 6 વર્ષની બાળકી સાથે બની હતી ઘટના

વલસાડમાં રેપ વિથ મર્ડર કેસનાના આરોપીને કોર્ટે ફાંસીની સજા સંભળાવી છે, 6 વર્ષની બાળકી સાથે દુષ્કર્મ આચરી હત્યા કરી હતી અને બાળકીને ચોકલેટની લાલચ આપી દુષ્કર્મ આચર્યુ હતુ. વાપી સ્પેશ્યલ પોક્સો કોર્ટે આરોપીને ફાંસીની સજા ફટકારી છે, નરાધમ રઝાક સુભાનખાનને કોર્ટે ફટકારી ફાંસીની સજા અને બાળકીને ચોકલેટ આપવાની લાલચે નરાધમે દુષ્કર્મ આચર્યુ હતુ, શ્રમજીવી પરિવારની 6 વર્ષની બાળકીનું રેપ વિથ મર્ડર કરનાર આરોપીને ફાંસીની સજા આપી કોર્ટે સમાજમાં એક મજબૂત દાખલો બેસાડયો છે.

ભરુચમાં હેડ કોન્સ્ટેબલ લાંચ લેતા ઝડપાયો

નારણ વસાવાએ 75 હજારની માગી હતી લાંચ, તપાસના કામે હેરાન ન કરવા લાંચ માગી હતી, મામલતદાર કચેરીમાંથી લાચ લેતા ઝડપાયો. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Gujarat Flashback 2025 : વર્ષ દરમિયાન ગુજરાત પોલીસમાં ફરજ બજાવતા 5 કરતા વધુ પોલીસ કર્મીએ કર્યો આપઘાત, અંગત કારણોસર આપઘાત કર્યાની ઘટના વધુ 

02 - Navsari News : નવસારી વાંસદામાં ઝડપાયેલા બુટલેગર સાથે MLA અનંત પટેલના શું સંબંધ ? શું 'જનતાના સેવક' બુટલેગરોના મદદગાર ! 

03 - Railway News : પશ્ચિમ રેલવે બાંદ્રા ટર્મિનસ અને ભુજ વચ્ચે સુપરફાસ્ટ સ્પેશિયલ ટ્રેન ચલાવશે 

04 - Extra Comment : તાલિબાની સજા-એ-મોત : 13 વર્ષના બાળકે ગોળી મારી 

05 - Junagadh News : માંગરોળ હાઈવે પરથી 50 લાખનો દારુ ભરેલો ટ્રક ઝડપાયો, પોલીસે ડ્રાઈવરની કરી ધરપકડ 

06 - US Attack News: અમેરિકાના ડેલાવેરમાં પાકિસ્તાની મૂળના વિદ્યાર્થી લુકમાન ખાનની ધરપકડ થતા હડકંપ, પોલીસ તપાસ શરુ 

07 - Credit Card ઓવરલિમિટ ચાર્જ પર RBIની કડક ગાઇડલાઇન, ગ્રાહકોને આપી રાહત 

08 - Gold Price Today : સોનાના ભાવ વધ્યા કે ઘટ્યા? 4 ડિસેમ્બરે જાણો તમારા શહેરનો લેટેસ્ટ રેટ 

09 - Meerut Muskan Case: મુસ્કાન તેની પુત્રીનો ચહેરો સાહિલને બતાવી શકશે, આ રીતે પૂર્ણ થશે ઇચ્છા 

10 - World News: કૈલિફોર્નિયામાં બુકી રાકેશ રાજવેદના ઘરે ફાયરિંગ, રોહિત ગોદારા ગૈંગે લીધી જવાબદારી 

ભાવનગરમાં ફાયર વિભાગ પાસે સુવિધાઓનો અભાવ

માત્ર ગ્રાઉન્ડ પલ્સ 3 માળ સુધી રેસ્ક્યૂની સુવિધાઓ, ભાવનગરમાં અંદાજે 11 માળ સુધીની બિલ્ડિંગ બનેલી, આવી બિલ્ડિંગોમાં આગ લાગે તો રેસ્ક્યૂમાં મૂશ્કેલી, 2019થી 62 મીટર ઊંચાઈની લેડરની કરી છે રજૂઆત, રજૂઆત છતાં હજુ સુધી નથી ફાળવ્યું ટર્નટેબલ લેડર, ફાયર વિભાગ પાસે 150નો સ્ટાફ, 10 ગાડી ઉપલબ્ધ. 

નામચીન બુટલેગર અભિષેક ઉર્ફે અભલો સાથેના ધારાસભ્યના કથિત સંબંધોનો પર્દાફાશ ?

ઝડપાયેલ બુટલેગરની વાંસદા પોલીસ તપાસ કરી તો તેની કોલ ડિટેઈલ્સમાં ચોંકાવનારી વિગતો બહાર આવી છે, જેમાં બુટલેગરે મહિનામાં 29 વખત અનંત પટેલ સાથે વાત કરી છે, તો એક બે કોલ એવા છે કે જેમાં અનંત પટેલે પણ બુટલેગરને કોલ કર્યો છે. તો જે રીતની કોલ ડિટેઈલ્સ છે તેને લઈ સવાલ ઉભા થયા છે કે, આ વાત દારૂને લઈને હતી કે પછી જનસેવા માટેની હતી તેને લઈ ચર્ચાએ જોર પકડયું છે, તો સ્થાનિક ભાજપના નેતાઓએ પણ આ બાબતને લઈ સવાલો ઉભા કર્યા છે. 

પોલીસના પટ્ટા ઉતારી લઈશું તેવું ધારાસભ્ય અનંત પટેલે જાહેરમંચ પરથી કહ્યું હતુ

કોંગ્રેસના ધારાસભ્ય અનંત પટેલ કે જે યુવા ચહેરો છે અને વાંસદામાં તેમનું લોકો માને છે તેવું પણ છે, પણ આ પાછળની સત્યતા અલગ છે, પોલીસે એક બુટલેગરને ઝડપ્યો છે અને તેની સામે ગુનો પણ નોંધ્યો છે, જોકે આ બધામાં એવું પણ સામે આવ્યું છે કે, ઝડપાયેલ બુટલેગર અભિ કે જે અનંત પટેલનો નજીકનો માણસ ગણાય છે અને અનંત પટેલ સાથે તેણે ફોન પર વાત રેગ્યુલર કરતો હોવાની કોલ ડિટેઈલ્સ પણ સામે આવી છે, ત્યારે દારૂ અને ડ્રગ્સને લઈ મોટેથી બણગો ફૂંકનાર અનંત પટેલ આ બુટલેગર સાથે ગહેરો સબંધ ધરાવે છે તેવી ચર્ચાએ જોર પકડયું છે. 

નવસારી વાંસદામા ઝડપાયેલા બૂટલેગર સાથે MLA અનંત પટેલના શું સંબંધ ? શું 'જનતાના સેવક' બુટલેગરોના 'મદદગાર !

એક તરફ કોંગ્રેસના ધારાસભ્ય પોલીસના પટ્ટા ઉતારવાની વાત કરે છે, તો બીજી તરફ કોંગ્રેસના ધારાસભ્ય અનંત પટેલને બુટલેગર સાથે ગાઢ સંબધ હોવાનો આક્ષેપ સ્થાનિકો કરી રહ્યાં છે અને પોલીસે તે બુટલેગરની ધરપકડ પણ કરી દીધી છે. નવસારી જિલ્લાના વાંસદાના કોંગ્રેસી ધારાસભ્ય અને આદિવાસી નેતા અનંત પટેલ ફરી વિવાદોમાં સપડાયા કે શું ! એક જાહેર સભામાં પોલીસને ખુલ્લેઆમ ધમકી આપતા ધારાસભ્યના તાર હવે એક નામચીન બુટલેગર સાથે જોડાયેલા હોવાના પુરાવા સામે આવતા રાજકારણ ગરમાયું છે. 

ટ્રેન નં. 09037/09038 બાંદ્રા ટર્મિનસ – ભુજ સુપરફાસ્ટ (દ્વિસાપ્તાહિક) સ્પેશિયલ [કુલ 24 ફેરા]

01-ટ્રેન નં. 09037 બાંદ્રા ટર્મિનસ–ભુજ સુપરફાસ્ટ સ્પેશિયલ દર ગુરુવાર અને શનિવારે બાંદ્રા ટર્મિનસથી 14.40 કલાકે પ્રસ્થાન કરશે અને બીજા દિવસે 05.50 કલાકે ભુજ પહોંચશે। આ ટ્રેન 06 ડિસેમ્બર, 2025 થી 15 જાન્યુઆરી, 2026 સુધી ચાલશે. 

02-તે જ રીતે, ટ્રેન નં. 09038 ભુજ–બાંદ્રા ટર્મિનસ સુપરફાસ્ટ સ્પેશિયલ દર શુક્રવાર અને રવિવારે ભુજથી 17.40 કલાકે પ્રસ્થાન કરશે અને બીજા દિવસે 08.30 કલાકે બાંદ્રા ટર્મિનસ પહોંચશે। આ ટ્રેન 07 ડિસેમ્બર, 2025 થી 16 જાન્યુઆરી, 2026 સુધી ચાલશે.

03-આ ટ્રેન બંને દિશામાં બોરીવલી, વાપી, સુરત, ભરુચ, વડોદરા, આનંદ, અમદાવાદ, ધ્રાંગધ્રા, સામાખ્યાલી, ભચાઉ અને ગાંધીધામ સ્ટેશનો પર રોકાશે. આ ટ્રેન સંપૂર્ણપણે આરક્ષિત રહેશે અને તેમાં એસી 3-ટિયર કોચ રહેશે.

પશ્ચિમ રેલવે બાંદ્રા ટર્મિનસ અને ભુજ વચ્ચે સુપરફાસ્ટ સ્પેશિયલ ટ્રેન ચલાવશે

પશ્ચિમ રેલવે દ્વારા મુસાફરોની સુવિધા માટે અને વધારાની ભીડને ધ્યાનમાં રાખીને, બાંદ્રા ટર્મિનસ–ભુજ સ્ટેશનો વચ્ચે વિશેષ ભાડા પર પૂર્ણ આરક્ષિત સુપરફાસ્ટ સ્પેશિયલ ટ્રેન ચલાવવાનો નિર્ણય લેવામાં આવ્યો છે. ટ્રેન નં. 09037 અને 09038 ની બુકિંગ 04 ડિસેમ્બર, 2025 થી તમામ પીઆરસી કાઉન્ટરો અને આઈઆરસીટીસી વેબસાઈટ પર શરૂ થશે। મુસાફરો ટ્રેનોના સ્ટોપેજ, સમય અને સંરચના વિશેની વિગતવાર માહિતી માટે www.enquiry.indianrail.gov.in પર જઈને અવલોકન કરી શકે છે.

ગુજરાત ATSને મળી મોટી સફળતા, ISI સાથે જોડાયેલા 2 આરોપીઓની ધરપકડ

આર્મીના નિવૃત જવાન સહિત 2 જાસૂસ ઝડપાયા

એક મહિલા અને એક પુરૂષ જાસૂસની ધરપકડ

રશ્મિન રવિન્દ્ર પાલ અને એ.કે.સિંહની ધરપકડ

ફોર્સની માહિતી બદલી સહિતની વિગતો પહોંચાડતા

આર્મી ઓફિસરની બદલીઓ અંગે પણ માહિતી આપતા 

દમણથી મહિલા જાસૂસ રશ્મિન પાલની ધરપકડ કરાઇ

ગોવાથી નિવૃત સુબેદાર એ.કે.સિંહને ઝડપી પાડ્યો

પાકિસ્તાનના જાસૂસોને આર્થિક મદદ પહોંચાડતો હતો

સુરક્ષા સંબંધિત માહિતી પાકિસ્તાન મોકલતા હતા

આરોપી એ.કે.સિંહ આર્મીમાં સુબેદાર હતો:ATS

એ.કે.સિંહ આર્મી ઓફિસરની માહિતી શેર કરતો હતો 

અલગ અલગ બેન્ક એકાઉન્ટનો ઉપયોગ કરતા હતા

વોટ્સઅપ એકાઉન્ટ સતત બદલતા રહેતા હતા 

આરોપી રશ્મિન હનીટ્રેપનો પણ પ્રયાસ કરતી 

દેશ વિરોધી એક્ટિવિટીમાં મદદ કરતા હતા 

ISI તરફથી કેટલા રૂપિયા મળ્યા તેને લઈને તપાસ

અબ્દુલ સત્તાર અને ખાલિદ રશ્મિનનાં હેન્ડલર હતા 

એ.કે.સિંહ અંકિતા શર્મા નામની મહિલાનાં સંપર્કમાં

2022માં નોકરી પર હતો ત્યારથી એ.કે.સિંહ સંપર્કમાં 

બંને આરોપી એકબીજા સાથે સીધા સંપર્કમાં નહોતા 

ઘણી રેજીમેન્ટની માહિતી પણ ISI સુધી પહોંચાડતા

અમદાવાદમાં રોડ પરનું બેનર પડતા બે લોકો ઇજાગ્રસ્ત

સિંધુભવન ફૂટપાથ પર લગાવેલું બેનર પડ્યું, બેનર પડતા 2 વાહનચાલકો થયા ઇજાગ્રસ્ત, બેનર કોણે લગાવ્યું તે મુદ્દે  મનપાએ તપાસ શરૂ કરી. 

વડોદરા મામલતદાર કચેરી પાસે કટ બન્યો ‘ડેથ ટ્રેપ'

વધુ એક અકસ્માતના CCTV ફૂટેજ સામે આવ્યા, સવારે ટુ-વ્હીલર અને ઈકોવાન વચ્ચે અકસ્માત, એક જ જગ્યા પર એક જ પેટર્નથી 4 અકસ્માત, ગઈકાલે અકસ્માતના 3 CCTV સામે આવ્યા હતા, વાહનચાલકોની જીવલેણ ટક્કર CCTVમાં કેદ. 

બંગાળમાં બાબરી મસ્જિદ બનાવવા મુદ્દે MLA સસ્પેન્ડ 

TMCએ MLA હુમાયુ કબીરને કર્યા સસ્પેન્ડ, 6 તારીખે બાબરી મસ્જિદનો પથ્થર મુકવાની કરી હતી વાત, મુદ્દાને સાંપ્રદાયિક બનાવવાનો પ્રયાસ કરવાનો હતો આરોપ. 

નડિયાદના નરસંડામાં બી.એમ.પટેલ સ્કૂલ વિવાદમાં 

વિદ્યાર્થીઓએ યુવકને માથામાં મારતા 3 ટાંકા આવ્યા, ઈન્ચાર્જ આચાર્ય સહિત 4 સામે એટ્રોસિટીની ફરિયાદ, અન્ય વિદ્યાર્થીઓ વિદ્યાર્થીને જાતિવાચક શબ્દો બોલ્યા, વિદ્યાર્થીને જાતિવાચક શબ્દો બોલતા વિવાદ થયો હતો.

માંગરોળ હાઈવે પરથી 50 લાખનો દારુ ભરેલો ટ્રક ઝડપાયો, પોલીસે ડ્રાઈવરની કરી ધરપકડ 

જૂનાગઢ એલસીબીએ માંગરોળ હાઈવે ઉપર વોચ ગોઠવીને ઉત્તરપ્રદેશથી આવેલ 50 લાખનો દારુ ભરેલો એક ટ્રક ઝડપી પાડ્યો છે, જે દારુ લઈને આવેલા ડ્રાઈવરની ટ્રક સહિતના 69 લાખના મુદ્દામાલ સાથે ધરપકડ કરીને કાયદેસરની કાર્યવાહી કરી છે. જૂનાગઢ એલસીબી પી.આઈ. કૃણાલ પટેલ સહિતનો સ્ટાફ ગઈકાલે પેટ્રોલિંગમાં હતો, ત્યારે બાતમી મળી કે, માંગરોળ હાઈવે ઉપર મોટી માત્રામાં વિદેશી દારુની હેરાફેરી થવાની છે. જેને લઈને પોલીસે વોચ ગોઠવી હતી, અને અહીના પોરબંદર-માંગરોળ હાઈવે ઉપર વરામગામ પાસે માંગરોળ મરીન પોલીસ સ્ટેશનના વિસ્તારમાંથી એક ટ્રક નંબર યુ.પી. ૪૨ ડી.ટી. ૩૧૮૯ ને આવતા જોઇને અટકાવ્યો હતો.

CMના હસ્તે 9000 બહેનોને નિમણૂંક પત્રો એનાયત

આંગણવાડી - તેડાગર બહેનોને નિમણૂંક પત્રો એનાયત, મહિલા અને બાળ વિકાસ મંત્રી મનીષા વકીલ હાજર, બાળ પોષણ, મહિલા કલ્યાણ ક્ષેત્રે મજબૂતી આવશે, આંગણવાડી નેટવર્કને સશક્ત બનાવવાનો સંકલ્પ, આંગણવાડી સેવાઓમાં ગુણવત્તાયુક્ત સુધારો થશે, સંબોધન વખતે CM ભૂપેન્દ્ર પટેલની હળવી મજાક, ‘આટલી બધી બહેનો બેઠી છે છતાંય અવાજ નથી આવતો'કદાચ મોબાઈલ હશે એટલે પણ શાંત બેઠા હશે: CM, ‘અમને ચિંતા થાય કે બહેનો કેમ આટલી બધી શાંત છે', બાળકોના ઘડતરનું પ્રથમ પગથિયું આંગણવાડી :CM, આંગણવાડી બહેનો માતા યશોદાથી કમ નથી : CM, આંગણવાડી કેન્દ્રને નંદઘર કહીએ છીએ: CM, પહેલા આંગણવાડીઓનો અભાવ હતો: CM, પહેલા જુના મકાનો કે મંદિરોમાં આંગવાડીઓ ચાલતી: CM, રાજ્યમાં 53 હજારથી વધુ આંગણવાડી કાર્યરત:CM, 170 નવી આંગણવાડી - તેડાગરનું લોકાર્પણ ખાતમુહૂર્ત, આગામી 3 વર્ષમાં વધુ 10 હજાર આંગણવાડી બનાવવાનો લક્ષ્ય. 

અમદાવાદમાં વધુ એક પ્લેનમાં બોમ્બ હોવાની ધમકી મળી

મદીનાથી હૈદરાબાદ જતી ફ્લાઈટમાં બોમ્બ હોવાની મળી ધમકી, ફ્લાઈટનો અમદાવાદ એરપોર્ટ પર ઇમરજન્સી લેન્ડિંગ કરવામાં આવ્યું, Indigoની ફ્લાઈટમાં બોમ્બ હોવાનો મેસેજ મળતા એજન્સીઓ સક્રિય થઈ, બીડીડીએસ. પોલીસ સહીત તપાસ ટીમો એરપોર્ટ પહોચી. 

હવામાં પ્રદૂષણ વધતા લોકોને શ્વાસ લેવામાં તકલીફ

શ્વાસ લેવામાં તકલીફના 10થી15 ટકા કેસ વધ્યા, સોલા સિવિલમાં સપ્તાહમાં OPD 14033 નોંધાઇ, 1074 દર્દીઓને દાખલ કરવાની ફરજ પડી, વાયરલ ઇન્ફેક્શનના દર્દીઓમાં પણ થયો વધારો, બાળકો વડીલોએ તકેદારી રાખવા તબીબની અપીલ, શરદી, ખાસી હોય તો માસ્ક પહેરવા તબીબની અપીલ. 

આ વૈશ્વિક પુનર્જાગૃતિને આગળ વધારવામાં પદ્મશ્રી લવજીભાઈ પરમારનું યોગદાન અવર્ણનીય છે

ટાંગલિયા વણાટ કળાના આ માસ્ટરે ચાર દાયકાથી વધુ સમયથી આ પરંપરાને સંરક્ષિત અને પ્રોત્સાહિત કરવા માટે અવિરત પ્રયત્નો કર્યા છે. યુવા પેઢીને આ વારસાથી જોડવા તેમણે સ્થાપિત કરેલું કોમન ફેસિલિટી સેન્ટર તાલીમ, ટેક્નિકલ માર્ગદર્શન અને બજાર સપોર્ટ પૂરો પાડીને અનેક નવા યુવા કારીગરોને પ્રોત્સાહિત કરે છે. દેશભરના પ્રદર્શનો અને વિવિધ ડિઝાઇનર - વિક્રેતાઓ સાથેના સહકાર દ્વારા તેમણે આ કલાને ફરી જીવંત બનાવી, જેથી તેમને “ટાંગલિયાનો ત્રાંહાર” જેનો અર્થ થાય છે ટાંગલિયાનો તારણહાર તરીકે ઓળખ મળીને સન્માનિત સ્થાન પ્રાપ્ત થયું.

પ્રાચીન કલાકૃતિઓ માટે વિશ્વની વધતી જતી પ્રશંસા સાથે સંપૂર્ણ રીતે સુસંગત છે

ગુજરાતની એક પ્રાચીન કારીગરી, ટાંગલિયા વણાટની ઉત્કૃષ્ટ કળા, જે એક સમયે વિસ્મૃતિની અણી પર હતી, બદલાતા સમય અને મોટા પાયે ઉત્પાદનને કારણે જોખમમાં મુકાઈ ગઈ હતી. એક સમયે સંભવિત રીતે ખોવાયેલી કલા, આ 700 વર્ષ જૂની પરંપરા હવે એક નોંધપાત્ર વૈશ્વિક પુનરુત્થાનનો અનુભવ કરી રહી છે, જે પ્રાચીન કલાકૃતિઓ માટે વિશ્વની વધતી જતી પ્રશંસા સાથે સંપૂર્ણ રીતે સુસંગત છે.

ગુજરાતની 700 વર્ષ જૂની ટાંગલિયા કલાને Vibrant Gujarat Regional Conferencesમાં મળશે વૈશ્વિક રોકાણકારો સાથે નવી તક

પ્રધાનમંત્રી નરેન્દ્ર મોદીના “હર ઘર સ્વદેશી, ઘર ઘર સ્વદેશી”ના પ્રેરણાદાયી મંત્રને સાકાર બનાવતાં, રાજકોટની મારવાડી યુનિવર્સિટીમાં યોજાનારી વાઇબ્રન્ટ ગુજરાત રિજનલ કોન્ફરન્સ - કચ્છ અને સૌરાષ્ટ્ર ક્ષેત્રની સમૃદ્ધ ઔદ્યોગિક, આર્થિક તથા સાંસ્કૃતિક ક્ષમતાને વિશેષ રીતે ઉજાગર કરશે.  આ પરિષદમાં ગુજરાતની પ્રાચીન અને ગૌરવસભર ટાંગલિયા કલા કેન્દ્રસ્થાને રહેશે, ગુજરાતની 700 વર્ષ જૂની હાથશાળ કલા - ટાંગલિયા તેના વિશિષ્ટ ઊભા કરેલા ડોટેડ પેટર્ન - ‘દાણા’ માટે વિશ્વભરમાં જાણીતી છે. સુરેન્દ્રનગર જિલ્લાના ડાંગાસિયા સમુદાય દ્વારા પેઢીદર પેઢી સંરક્ષિત કરવામાં આવેલી આ કલામાં તાણા–પેટામાં વધારાના વેફ્ટ દોરાને સૂક્ષ્મતા અને ચાતુર્યપૂર્વક ફેરવી વિવિધ ભૌમિતિક આકૃતિઓ વણી કાઢવામાં આવે છે. આ ટેકનિકની દુર્લભતા, ચોકસાઈ અને ઊંડા સાંસ્કૃતિક મહત્વને કારણે ટાંગલિયાને પ્રતિષ્ઠિત ભૌગોલિક સંકેત (GI) દરજ્જો મળ્યો છે, જે તેની પ્રામાણિકતાને પુષ્ટિ આપે છે અને તેના સમયાતીત વારસાને સુરક્ષિત રાખે છે.

જૂનાગઢમાં ઠંડીમાં થયો વધારો 

તેમના ભાઈ રાજુભાઈએ માંગરોળ મરીન પોલીસ સ્ટેશનમાં આ અંગેની જાણ કરી છે. દરિયામાંથી આવતા ઠંડા-ભીના પવનોએ માછીમારોની હાલત કફોડી કરી છે.  હવામાન વિભાગે એક તરફ કમોસમી વરસાદની આગાહી કરી છે, તો બીજી તરફ ઉત્તરીય પવનોના કારણે આગામી દિવસોમાં ઠંડીમાં વધારો થવાની શક્યતા છે. સ્થાનિકોએ ગરમ કપડાં અને સાવચેતી રાખવાની સલાહ આપવામાં આવી છે.

બોટમાં સૂતેલા એક વ્યકિતનું મોત

શહેરી વિસ્તારમાં જૂનાગઢનું ન્યૂનતમ તાપમાન 13.09 ડિગ્રી અને મહત્તમ 18 ડિગ્રી નોંધાયું છે, પરંતુ પર્વત ઉપર એક જ ડિજિટમાં તાપમાન આવી જતાં પ્રવાસીઓ અને સ્થાનિકો બંને થીજી ગયા છે. બીજી તરફ દરિયાકાંઠે ઠંડીએ વધુ ભયાનક સ્વરૂપ ધારણ કર્યું છે. માંગરોળ બંદરના નવા ગોદી વિસ્તારમાં પોતાની બોટમાં સૂતેલા 30 વર્ષીય માછીમાર ધીરુભાઈ ભીમભાઈ બાંભણીયાનું ઠંડીથી ઠુંઠવાઈ જવાથી મોત નીપજ્યું છે.

ગિરનાર 8.09 ડિગ્રીએ થીજ્યું, ઠંડીના કારણે માંગરોળમાં યુવાને બોટમાં જીવ ગુમાવ્યો હોવાનો પરિજનોનો આક્ષેપ

જૂનાગઢમાં સોરઠના આકાશમાંથી ઠંડા પવનના ઝપાટા ફરી વધ્યા છે. છેલ્લા 24 કલાકમાં જૂનાગઢ જિલ્લાના તાપમાનમાં અચાનક ત્રણ ડિગ્રીનો ઘટાડો થતાં ઠંડીની અસર ગંભીર બની છે. ખાસ કરીને પર્વતીય અને દરિયાઈ વિસ્તારોમાં આ ઠંડી જીવલેણ સાબિત થઈ છે.  ગિરનાર પર્વતના શિખરો પર ન્યૂનતમ તાપમાન માત્ર 8.9 ડિગ્રી સુધી નોધાયું. ઉપરાંત ઝડપી પવનના કારણે સવારથી જ ગિરનાર રોપ-વે સેવા અનિશ્ચિત સમય માટે બંધ કરવી પડયું છે. યાત્રાળુઓને પગપાળા ચઢવું પડે તેવી સ્થિતિ સર્જાઈ છે. 

દારૂ, ડ્રગ્સના વિરોધમાં NSUIની બાઈક રેલી

અમદાવાદમાં ગુજરાત યુનિ.થી રેલીનો પ્રારંભ, ગુજરાત યુનિ.થી કોંગ્રેસ કાર્યાલય સુધી રેલી, બાઈક રેલીથી યુવાઓને નશામુક્ત રહેવા અપીલ, ઢોલ નગારાના તાલ સાથે બાઈક રેલીનું આયોજન. 

હવામાન નિષ્ણાત અંબાલાલ પટેલની આગાહી 

ઉત્તર ભારતમાં કડકડતી ઠંડીની આગાહી, પશ્ચિમી વિક્ષેપ સર્જાતા કડકડતી ઠંડી પડશે, ઉત્તર ગુજરાતમાં પણ ઠંડીની અસર જોવા મળશે, 14 ડિગ્રીથી તાપમાન નીચુ જવાની સંભાવના, પાટણ, સમી, હારીજ, મહેસાણામાં ઠંડી પડશે, કેટલાક વિસ્તારોમાં વાદળછાયુ વાતાવરણ રહેશે, 27 ડિસેમ્બર બાદ હાડ થીજવતી ઠંડી પડી શકે. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Botad Sarangpur News : પૂનમ નિમિતે શ્રીકષ્ટભંજનદેવ હનુમાનજીને ફૂલોનો શણગાર અને 200 કિલો કચરિયું ધરાવવામાં આવ્યું 

02 - Gujarat ATS : ગુજરાત ATSને મળી મોટી સફળતા, પાકિસ્તાનની જાસૂસી સંસ્થાના બે જાસૂસ ઝડપાયા 

03 - Patan News : પાટણના સિદ્ધપુરમાં નકલી નોટો છાપવાનું નેટવર્ક ઝડપાયું, ભારતીય ચલણની 500,100, 20 સહિતના દરની નકલી નોટો ઝડપાઈ 

04 - Morbi News : મોરબીમાં દુષ્કર્મ અને બ્લેકમેઈલના ગુનામાં જિલ્લા પ્રાથમિક શિક્ષક સંઘના પૂર્વ પ્રમુખને કોર્ટે ફટકારી 10 વર્ષની સજા 

05 - Gujarat Weather : ગુજરાતમાં ઠંડીનો ચમકારો યથાવત, નલિયામાં સૌથી ઓછું તાપમાન 11 ડિગ્રી તાપમાન નોંધાયું 

06 - World News : ભારતના ટુકડા-ટુકડા.....કયામત સુધી અમારા દેશમાં નહીં થાય શાંતિ, બાંગ્લાદેશના નિવૃત્ત જનરલ અબ્દુલ્લાહીએ ભારત વિરુદ્ધ ઝેર ઓક્યું 

07 - NIA Raids in Delhi Blast Case: બિહાર, ઉત્તર પ્રદેશ અને હરિયાણા સહિત કુલ 22 સ્થળોએ NIAના દરોડા 

08 - Putin India Visit:રશિયાના રાષ્ટ્રપતિ પુતિનની બે દિવસની ભારતની મુલાકાત અંગેનું સંપૂર્ણ સમયપત્રક જાણો 

09 - Putin India Visit: પુતિનની મહિલા બ્રિગેડમાં શક્તિશાળી રશિયન મહિલાઓ, જાણો કેવી રીતે સંભાળે છે વૈશ્વિક રાજદ્વારી? 

10 - Ranveer Singh વિરુદ્ધ ફરિયાદ દાખલ, ફિલ્મ ધૂરંધર રિલીઝ થાય તે પહેલાં અભિનેતા વિવાદમાં! 

સુરતમાં ટ્રાફિકના નિયમો ભંગને લઈને કાર્યવાહી

4 દિવસમાં ટ્રાફિક તોડનારના 9753 ઈ-ચલણ, 28 નવેમ્બરથી 2 ડિસેમ્બર સુધી ખાસ ડ્રાઈવ, ઓવરસ્પીડ, રોંગ સાઈડ સહિત સામે કાર્યવાહી, સુરત શહેર ટ્રાફિક પોલીસે લોકોને અપીલ કરી, નિયમોનું પાલન કરી જીવનને સુરક્ષિત બનાવો. 

દિલ્હી બાદ રાજકોટમાં સહકારી ટેક્સી શરૂ થઈ

દૂધ બાદ હવે ટ્રાન્સપોર્ટેશનમાં સહકારી ક્ષેત્રનું પદાર્પણ, કિસાનપરા ચોક ખાતે બૂથ ઊભું કરવામાં આવ્યું, દરરોજ અલગ અલગ જગ્યા પર બૂથ ઊભું કરાશે, રાજકોટ માટે ભારત ટેક્સી ડ્રાઇવર એપ શરૂ કરાઇ, ટેકસી સર્વિસથી રાજકોટ જ નહીં સમગ્ર, સૌરાષ્ટ્રને ફાયદો, રાજ્યના અન્ય શહેરોમાં પણ ટેક્સી સેવા શરૂ થશે.

દાદાને રીયલ ડાયમંડ જડીત મયૂરાકારનો ચાંદીનો મુગટ ધરાવવામાં આવ્યો છે

ફૂલની ડીઝાઇનવાળા વૃંદાવનમાં તૈયાર કરાયેલા વાઘા એવં ઓર્કિડ અને શેવંતીના ફૂલોનો શણગાર  કરાવવામાં આવ્યો છે. દાદાને રીયલ ડાયમંડ જડીત મયૂરાકારનો ચાંદીનો મુગટ ધરાવવામાં આવ્યો છે, દાદાને 200 કિલો  તલની સાની ( કચરિયું ) ધરાવામાં આવી તથા એલચી અને શેવંતીના  ફૂલનો હાર પહેરાવ્યો છે. આજે સવારે 5:30 કલાકે  મંગળા આરતી પૂજારી સ્વામી દ્વારા અને  સવારે 7:00 કલાકે શણગાર આરતી કોઠારીશ્રી વિવેકસાગરદાસજી સ્વામી દ્વારા  કરવામાં આવી હતી.  આજે અનેક હરિભક્તોએ દર્શન એવં મહાપ્રસાદનો  લાભ લઈ ધન્યતાનો અનુભવ કર્યો હતો.

પૂનમ નિમિતે શ્રીકષ્ટભંજનદેવ હનુમાનજીને  ફૂલોનો શણગાર અને 200 કિલો કચરિયું ધરાવવામાં આવ્યું

પૂનમ નિમિતે શ્રીકષ્ટભંજનદેવ હનુમાનજીને ફૂલની ડીઝાઇનવાળા વૃન્દાવનમાં તૈયાર કરાયેલા વાઘા એવં ઓર્કિડ અને શેવંતીના ફૂલોનો શણગાર કરાયો. દાદાને200 કિલો  તલની સાની ( કચરિયું ) ધરાવામાં આવી તથા દાદાને રીયલ ડાયમંડ જડીત મયૂરાકારનો ચાંદીનો મુગટ ધરાવવામાં આવ્યો છે, સુપ્રસિદ્ધ યાત્રાધામ સાળંગપુરધામ શ્રીકષ્ટભંજનદેવ હનુમાનજી મંદિર ખાતે શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી પૂનમ નિમિતે તારીખ : 04-12-2025ને ગુરુવારના રોજ સાળંગપુરમાં દાદાને વિશેષ શણગાર કરાયો

CMના હસ્તે 9000 બહેનોને નિમણૂંક પત્રો એનાયત 

આંગણવાડી-તેડાગર બહેનોને નિમણૂંક પત્રો એનાયત, મહિલા અને બાળ વિકાસ મંત્રી મનીષ વકીલ હાજર, બાળ પોષણ, મહિલા કલ્યાણ ક્ષેત્રે મજબૂતી આવશે, આંગણવાડી નેટવર્કને સશક્ત બનાવવાનો સંકલ્પ, આંગણવાડી સેવાઓમાં ગુણવત્તાયુક્ત સુધારો થશે. 

સ્કૂલબસ ચાલકે વિદ્યાર્થીઓના જીવ મુક્યા જોખમમાં

બસનો પાછળનો કાચ ન હોવા છતા વિદ્યાર્થી બેસાડ્યા, બ્રેક મારે તો વિદ્યાર્થીઓ નીચે પડે તેવી સ્થિતિ, મહર્ષિ ગુરુકુલ બસના વીડિયો સામે આવ્યા, ઠંડી વચ્ચે કાચ વગરની બસનો વીડિયો વાયરલ, મહર્ષિ ગુરુકુલના સંચાલકોની પણ બેદરકારી.

અમદાવાદમાં સતત વધતું હવાનું પ્રદૂષણ 

10 દિવસથી અમદાવાદની હવા ગંભીર સ્થિતિમાં, મોટાભાગના વિસ્તારોમાં AQI 200ને પાર નોંધાયો, બોડકદેવમાં 223 AQI, વટવામાં 214 AQI, બોપલમાં 213 AQI, સેટેલાઇટમાં 211 AQI, મણિનગર, સોલા અને ઘુમામાં 200 AQI, ઇસ્કોનમાં 202 AQI, વસ્ત્રાપુરમાં 190 AQI, ઇસરોમાં 198 AQI, ગ્યાસપુરમાં 198 AQI, સાયન્સ સીટીમાં 184, બાપુનગરમાં 197 AQI. 

ગુજરાત ATS દ્વારા જાસૂસી નેટવર્કનો પર્દાફાશ  

ગુજરાત ATS દ્વારા જાસૂસી કરતી મહિલા અને પુરુષની ધરપકડ કરી. જાસુસી કરતા બંને વ્યક્તિ પાકિસ્તાની એજન્ટ તરીકે કામ કરતા હતા. દમણની મહિલા રશ્મિન રવિન્દ્ર પાલ અને ગોવાના એ.કે સિંહની ધરપકડ કરવામાં આવી છે. ગોવા અને દમણથી ધરપકડ કરવામાં આવી. પાકિસ્તાનને ભારતીય આર્મી કેમ્પની માહિતી મોકલવાનો ઘટસ્ફોટ થયો છે. ગુજરાત એટીએસની પૂછપરછમાં બંને આરોપીઓની પાકિસ્તાન સંપર્કનો પણ ખુલાસો થઈ શકે છે.

પાટણ LCBએ નકલી નોટોનું નેટવર્ક ઝડપ્યું

રૂપિયા 5.78 લાખથી વધુની કિંમતની નકલી ચલણી નોટો જપ્ત કરી છે, નકલી નોટો છાપવા માટે પાવડર, કાગળ, પ્રિન્ટર, સ્કેનર, સહિતનો મુદ્દામાલ કબ્જે કર્યો છે અને આ નકલી નોટો અત્યાર સુધી કોને આપવામાં આવતી હતી તે દિશામાં તપાસ કરાઈ રહી છે, કાત્યોકના મેળામાં નકલી ચલણી નોટો ફરતી થતા ક્રાઈમ બ્રાન્ચે ગોઠવી હતી વોચ અને સિદ્ધપુરના અલમોમિન પાર્ક ખાતેથી મોહમમદ યાસીન સૈયદના ઘરેથી ઝડપ્યું નકલી નોટોનું રેકેટ. 

પાટણના સિદ્ધપુરમાં નકલી નોટો છાપવાનું કૌંભાડ ઝડપાયું

પાટણના સિદ્ધપુરમાં નકલી નોટો છાપવાનું કૌંભાડ ઝડપાયું છે, પ્રિન્ટર, સ્કેનર, પાવડર, કાગળ સહિતનો મુદ્દામાલ કબ્જે કરવામાં આવ્યો છે અને આરોપી મહંમદ યાસીન સૈયદની પોલીસે કરી ધરપકડ, આ નોટો મેળામાં ફરતી કરવામાં આવી હતી અને પોલીસને બાતમી મળતા રેડ કરી હતી તો ઘરમાંથી મુદ્દામાલ પણ મળી આવ્યો હતો અને આરોપી પણ ઝડપાયો હતો, છેલ્લા કેટલા સમયથી આ નેટવર્ક ચલાવવામાં આવતું હતુ તે દિશામાં પોલીસે તપાસ શરૂ કરી છે. 

પાટણના સિદ્ધપુરમાં નકલી નોટો છાપવાનું નેટવર્ક ઝડપાયું, ભારતીય ચલણની 500,100, 20 સહિતના દરની નકલી નોટો ઝડપાઈ

પાટણના સિદ્ધપુરમાં નકલી નોટો છાપવાનું નેટવર્ક ઝડપાયું છે, ઘરમાં નકલી ચલણી નોટ છાપતા હોવાનું ખુલ્યું છે અને કાત્યોકના મેળામાં નકલી નોટ આવતા ભાંડો ફૂટ્યો હતો. પાટણના સિદ્ધપુરમાં નકલી નોટો છાપવાનું નેટવર્ક ઝડપાયું છે અને 500,100, 20 સહિતના દરની નકલી નોટો ઝડપાઈ છે, નકલી નોટ ફરતી થતા ક્રાઈમ બ્રાન્ચે ગોઠવી હતી વોચ અને પોલીસે સમગ્ર ઘટનાનો પર્દાફાશ કર્યો છે, અલમોમિન પાર્કમાં ઘરેથી ઝડપ્યું નકલી નોટોનું રેકેટ અને એક આરોપીની પોલીસે કરી અટકાયત.

વિદ્યાર્થીઓના બર્થ સર્ટિ ડેટા મેપિંગ માટે સૂચના

PM FAMILY CARE પ્રોજેક્ટ માટે મેપિંગ કરાશે, બાલવાટિકાથી ધો.12 વિદ્યાર્થીના બર્થ સર્ટિનું મેપિંગ, અમદાવાદ અને ગાંધીનગરમાં પાયલોટ પ્રોજેક્ટ, 20 ડિસેમ્બર સુધી બર્થ સર્ટિ ડેટા મેપિંગ કરવાનું રહેશે, ડેટાના આધારે આરોગ્ય અને કાર્યક્રમોનું સંચાલન થશે. 

ક્રોસિંગ ઉપરના ફોર લેન ફ્લાય ઓવર બ્રીજની પ્રગતિની જાણકારી બેઠકમાં આપવામાં આવી હતી

શહેરી વિકાસ વિભાગને સ્પર્શતા 15 પ્રોજેક્ટ્સ અંતર્ગત સ્માર્ટ સિટી મિશનમાં અમદાવાદમાં 14 મેગા વોટના વેસ્ટ ટુ એનર્જી પ્લાન્ટ, ખારીકટ કેનાલ ડેવલપમેન્ટના 1 થી 5 ફેઈઝ, ગાંધી આશ્રમ ડેવલોપમેન્ટ પ્રોજેક્ટની અને વાડજમાં પી.પી.પી. ધોરણે ઝુપડપટ્ટી પુનર્વસન પ્રોજેક્ટની પ્રગતિ અંગે બેઠકમાં સમીક્ષા કરવામાં આવી હતી.  આ ઉપરાંત જામનગર લાલપુર બાયપાસ જંક્શન પરના ફોર લેન ફ્લાયઓવર, સુરત મહાનગરમાં બી.આર.ટી.એસ. ક્રોસિંગ ઉપરના ફોર લેન ફ્લાય ઓવર બ્રીજની પ્રગતિની જાણકારી બેઠકમાં આપવામાં આવી હતી. 

ગ્રીન ફિલ્ડ એરપોર્ટની મોટા ભાગની કામગીરી પૂર્ણ થઈ છે

આ ઉપરાંત ઉદ્યોગ ખાણ વિભાગ સંબંધિત પ્રોજેક્ટ અન્વયે ધોલેરામાં નવા ગ્રીનફિલ્ડ એરપોર્ટ ફેઝ-1નું ડેવલપમેન્ટ, નવસારીના પીએમ મિત્રા પાર્કમાં 65 એમ.એલ.ડી. પાણી પુરવઠા યોજના, બલ્ક ડ્રગપાર્ક ડેવલોપમેન્ટ, મોરબીના રફાળેશ્વરના ગતિ શક્તિ કાર્ગો ટર્મિનલનું બાંધકામ અને ભરૂચના સાયખામાં 90 એમ.એલ.ડી.ની ડીપ સી ઈફ્લુએન્ટ ડિસ્પોઝલ પાઇપલાઇન વગેરેના 3657.62 કરોડની કિંમતના 6 પ્રોજેક્ટ્સની પ્રગતિ સમીક્ષા થઈ હતી. મુખ્યમંત્રીશ્રીએ ડીપ સી ઈફ્લુએન્ટ ડિસ્પોઝલ પાઇપલાઇનના કામો સમયસર પુરા થાય તેની જરૂરીયાત પર ભાર મુક્યો હતો. ધોલેરા એસ.આઈ.આર.ના સી.ઈ.ઓ.  કુલદીપ આર્યએ ગ્રીન ફિલ્ડ એરપોર્ટની મોટા ભાગની કામગીરી પૂર્ણ થઈ છે તે અંગે તેમજ જેટકો દ્વારા 66 કે.વી. સબ સ્ટેશન માટે અને સિંચાઈ વિભાગ દ્વારા તેમના વર્ક ઓર્ડર અપાઈ ગયા છે તેની જાણકારી આપી હતી.

રાજ્યમાં હાથ ધરાઈ રહેલા રેલવે પ્રોજેક્ટ્સની સમીક્ષા રેલવે અધિકારીઓની ઉપસ્થિતિમાં કરી હતી

મુખ્યમંત્રી ભૂપેન્દ્ર પટેલે પ્રોજેક્ટ્સ તેની નિર્ધારિત સમય મર્યાદામાં પૂરા થાય તથા ક્વોલિટીમાં કોઈ કોમ્પ્રોમાઇઝ ન થાય તે સુનિશ્ચિત કરવાની સ્પષ્ટ સૂચનાઓ બેઠકમાં આપી હતી. એટલું જ નહીં તેમણે રેલવે સંબંધિત પ્રોજેક્ટ્સમાં જમીનને સ્પર્શતા પ્રશ્નોના ઝડપી ઉકેલ માટે સંબંધિત જિલ્લા કલેક્ટરોને સૂચનાઓ આપવા આ બેઠકમાં મહેસુલના અધિક મુખ્ય સચિવને જણાવ્યું હતું. મુખ્યમંત્રીએ બુધવારે યોજેલી સમીક્ષા બેઠકમાં જે 27 પ્રોજેક્ટ્સની પ્રગતિ અંગેની તલસ્પર્શી સમીક્ષા કરી તેમાં રેલવેને સ્પર્શતા રૂ.4190 કરોડના છ રેલવે પ્રોજેક્ટની કામગીરી અંતર્ગત સામખીયાળી-ગાંધીધામ રેલવેના ચાર માર્ગીયકરણ, રાજકોટ-કાનાલુસ 122 કિ.મી લાઈનનું ડબલિંગ, નલિયા અને વયોર વચ્ચે નવી બ્રોડગેજ લાઈન, મોટી આદરજ વિજાપુર ગેજ કન્વર્ઝન, વિજાપુર- આંબલીયાસણ ગેજ કન્વર્ઝન અને નલિયા - જખૌ નવી લાઈનના પ્રોજેક્ટ એમ સમગ્રતયા રાજ્યમાં હાથ ધરાઈ રહેલા રેલવે પ્રોજેક્ટ્સની સમીક્ષા રેલવે અધિકારીઓની ઉપસ્થિતિમાં કરી હતી. 

જામનગર શહેરના બેડી વિસ્તારમાં મારામારીની ઘટના

જામનગર શહેરના બેડી વિસ્તારમાં મારામારી-પથ્થરમારા અંગે વીડિયો સોશ્યલ મીડિયામાં વાયરલ થયો છે, લોકો જાહેરમાં એક બીજાને માર મારી રહ્યાં હોવાની વાત સામે આવી છે, ત્યારે આ મામલે પોલીસે પણ ગુનો નોંધીને તપાસ શરૂ કરી છે, સીસીટીવીમાં દેખાય છે કે, કેટલાક શખ્સો હાથમાં પથરા લઈને સામસામે મારી રહ્યાં છે, તો રોડ પર કેટલાક શખ્સો આવીને એક બીજાને મારી રહ્યાં છે અને લોકો ઉભા રહીને તમાશો જોતા હતા. 

જામનગરના બેડી વિસ્તારમાં 2 જૂથ અથડામણ, બન્ને પક્ષે જાહેર રોડ પર મારામારી અને પથ્થરમારો કર્યો

જામનગરના બેડી વિસ્તારમાં 2 જૂથ વચ્ચે અથડામણ થઈ હોવાની વાત સામે આવી છે, જેમાં બન્ને પક્ષે જાહેર રોડ પર મારામારી અને પથ્થરમારો થયો હતો જેના કારણે પોલીસ દોડી આવી હતી. જૂનાગઢમાં 2 જૂથ વચ્ચે અથડામણ બાદ પથ્થમારો થયો હતો અને બન્ને પક્ષે જાહેર રોડ પર મારામારી કરી પથ્થરમારો કર્યો હતો, બનાવ સમયે બન્ને પક્ષના ટોળા રોડ પર ઉમટ્યા હતા અને ઘટનાનો વીડિયો સોશિયલ મીડિયામાં વાયરલ થયો છે, અંગત અદાવતમાં આ બબાલ થઈ હોવાની વાત સામે આવી છે. 

અમદાવાદ એરપોર્ટ પર ફ્લાઇટ સેવા ખોરવાઈ

બીજા દિવસે પણ પેસેન્જરોનો એરપોર્ટ પર હોબાળો, ઇન્ડિગોની ફ્લાઇટ લેટ અને કેન્સલ થતા હોબાળો, એરલાઇન્સ દ્વારા યોગ્ય જવાબ ન મળતા આક્રોશ, એરપોર્ટ ઓથોરિટીએ ટેક્નિકલ ખામી હોવાનું કહ્યું. 

સ્કૂલબસ ચાલકે વિદ્યાર્થીઓના જીવ મુક્યા જોખમમાં

બસનો પાછળનો કાચ ન હોવા છતા વિદ્યાર્થી બેસાડ્યા, બ્રેક મારે તો વિદ્યાર્થીઓ નીચે પડે તેવી સ્થિતિ, મહર્ષિ ગુરુકુલ બસના વીડિયો સામે આવ્યા, ઠંડી વચ્ચે કાચ વગરની બસનો વીડિયો વાયરલ, મહર્ષિ ગુરુકુલના સંચાલકોની પણ બેદરકારી. 

રાજકોટમાં લાલો ફિલ્મના કલાકારોને પોલીસનું તેડું

લાલો ફિલ્મના ડાયરેક્ટર સહિતને પોલીસનું તેડું, મોલમાં હાજર સ્ટારકાસ્ટ, પ્રોડ્યુસરને પોલીસનું તેડું, લાલો ફિલ્મના પ્રિમિયરમાં થઈ હતી અફરાતફરી, અફરાતફરીમાં અનેક લોકો ધક્કે ચડ્યાં હતા.

California F16 Jet Crash: કેલિફોર્નિયામાં વાયુસેનાનું F-16C ફાઇટર જેટ ક્રેશ, પાયલટ સુરક્ષિત રીતે નિકળ્યો બહાર

થંડરબર્ડ્સ ટીમનું એક F-16C ફાઇટીંગ ફાલ્કન ફાઇટર જેટ કેલિફોર્નિયામાં તાલીમ મિશન દરમિયાન ક્રેશ થયુ હતુ. પાયલટ સુરક્ષિત રીતે બહાર નીકળી ગયો હતો. અને તેની હાલત સ્થિર છે. ચાઇના લેક નેવલ એર સ્ટેશન અને સ્થાનિક ફાયર વિભાગ તાત્કાલિક ઘટનાસ્થળે પહોંચ્યા હતા. અને અકસ્માતની તપાસ શરૂ કરી હતી. વાયુસેના દ્વારા જારી કરાયેલા સત્તાવાર નિવેદનમાં જણાવાયું છે કે પાયલટ સ્થિર સ્થિતિમાં છે અને તેને વધુ તબીબી સારવાર મળી રહી છે.

આરોપીના પત્ની પણ શિક્ષિકા છે

તો પોલીસ તપાસમાં સામે આવ્યું હતુ કે, આરોપી પોતે પરણિત છે અને તેણે ભોગ બનનાર શિક્ષિકાને વચન આપ્યું હતુ કે, તે પોતાની પત્નીને છૂટાછેડા આપશે અને ભોગ બનનાર સાથે લગ્ન કરશે, ત્યારે આ વાત આરોપીએ નિભાવી નહી જેના કારણે પોલીસ ફરિયાદ નોંધાઈ હોવાની વાત સામે આવી છે. અગાઉ શિક્ષક સંઘના પ્રમુખ વિજય સરડવાએ પોતાના સંબંધો બાબતના ફોટો અને વિડીયો મોકલી ગેરસમજ પેદા કરાવી તેણીની સગાઈ તોડવી નાખી હતી. 

શિક્ષિકા રાજકોટમાં રહેતી હતી

રાજકોટમાં રહેતી શિક્ષિકાએ વર્ષ 2018માં વિજય સરડવા વિરુદ્ધ ફરિયાદ નોંધાવી હતી, જેમાં તેણે ફરિયાદમાં લખાવ્યું હતુ તે, મોરબી જીલ્લા પ્રાથમિક શિક્ષક સંઘના ભૂતપૂર્વ પ્રમુખ વિજય સરડવાની શિક્ષકોની ચિંતન શિબર મળી તે સમયે પરિચય થયો હતો અને ત્યારબાદ લગ્ન કરવાની લાલચે અલગ-અલગ જગ્યા પર લઈ જઈ દુષ્કર્મ આચર્યુ હતુ અને શિક્ષિકા સાથે લગ્ન પણ કર્યા ન હતા, જેના કારણે વિવાદ છેડાયો હતો અને શિક્ષિકાએ પોલીસ સ્ટેશનમાં ફરિયાદ નોંધાવી હતી. 

મોરબીમાં દુષ્કર્મ અને બ્લેકમેઈલના ગુનામાં જિલ્લા પ્રાથમિક શિક્ષક સંઘના પૂર્વ પ્રમુખને કોર્ટે ફટકારી 10 વર્ષની સજા

મોરબીમાં દુષ્કર્મ અને બ્લેકમેઈલના ગુનામાં સજા કોર્ટે ફટકારી છે, જિલ્લા પ્રાથમિક શિક્ષક સંઘના પૂર્વ પ્રમુખને સજા ફટકારવામાં આવી છે, આરોપી વિજય સરડવાને 10 વર્ષની સજા ફટકારી છે. મોરબી કોર્ટે 10 વર્ષની સજા અને રૂ. 5 લાખનો દંડ આરોપીને ફટકાર્યો છે, ભોગ બનનાર શિક્ષિકાએ નોંધાવી હતી ફરિયાદ ભોગ બનનારને ખોટા વાયદા કરી રાજકોટ લઈ જઈ અનેક વાર આચર્યું હતું દુષ્કર્મ. વર્ષ 2018માં મોરબીમાં આ ફરિયાદ નોંધાઈ હતી અને તેના આધારે કોર્ટે સજા ફટકારી છે. 

સુરતમાં કીર્તિ પટેલ વિરુદ્ધ વધુ એક ફરિયાદ

અપશબ્દો અને બદનામ કરવા બદલ ફરિયાદ, લસકાણા પોલીસ સ્ટેશનમાં નોંધાઈ ફરિયાદ, ફરિયાદીને અપશબ્દો, બદનામ કરતા ફરિયાદ, વરાછા, સરથાણામાં પણ નોંધાઈ ચૂક્યા છે ગુનો, પાસ હેઠળ કીર્તિ પટેલ વડોદરાની જેલમાં. 

જુનાગઢમાં ઠંડીને કારણે યુવાનનું મોત

માંગરોળ બંદરે રાત્રે બોટ ઉપર સૂતો હતો, મૃતક ગીર સોમનાથના રામેશ્વરનો રહેવાસી, માંગરોળ મરીન પોલીસે તપાસ હાથ ધરી.

દિલ્હી-NCRમાં પ્રદૂષણ સાથે ધુમ્મસનું સામ્રાજ્ય

દિલ્હી-NCRમાં હવાની ગુણવત્તા અત્યંત ખરાબ, આનંદ વિહારમાં 318 AQI, અલીપુરમાં 284 AQI, બાવાનામાં 343 AQI, મુંડકામાં 340 AQI, ચાંદની ચોકમાં 331 AQI, દ્વારકામાં 324 AQI, દિલ્હી એરપોર્ટની આસપાસ 257 AQI નોંધાયો, ITOમાં 304 AQI, જહાંગીરપુરીમાં 342 AQI, રોહિણીમાં 343 AQI, વિવેક વિહારમાં 319 AQI, RK પુરમમાં 343 AQI, નરેલામાં 302 AQI. 

સ્કૂલોની માન્યતા માટે રૂપિયા લઈ કૌંભાડ આચર્યુ !

સુરતમાં ડીઈઓ કચેરીમાં મોટું કૌંભાડ બહાર આવે તો નવાઈ નહી, કેમકે પૂર્વ ડીઈઓની સહીથી કૌંભાડ આચરવામાં આવ્યું છે,  બંધ ખાનગી સ્કૂલોની ફાઇલોનો દુરુપયોગ કરીને સ્કૂલોની માન્યતા માટે કરોડોની કમાણી કર્યાનો આક્ષેપ થયો છે, તો ડીઈઓ કચેરીમાં ફરજ બજાવતા 3 કર્મચારીએ આ કૌંભાડ આચર્યુ હોવાની શંકા સેવાઈ રહી છે સાથે સાથે આ મામલે હાલના ડીઈઓએ તપાસ શરૂ કરી છે અને કૌંભાડ સામે આવશે તો પોલીસ ફરિયાદ પણ નોંધાઈ શકે છે. 

સુરતમાં પૂર્વ DEOની બોગસ સહીથી કૌંભાડ આચર્યુ હોવાની શંકા 

સુરતમાં પૂર્વ DEOની બોગસ સહીઓથી 25 થી વધુ સ્કૂલોના રેકોર્ડ સાથે છેડા કરોડોના કૌભાંડની આશંકા સેવાઈ રહી છે, ત્રાહિત વ્યક્તિ દ્વારા પૂર્વ શિક્ષણાધિકારીની બોગસ રીતે કરેલી સહી સાથેનો એક ઓર્ડર રજૂ કર્યો હતો અને આ ઓર્ડર શંકાસ્પદ લાગતા ખરાઈ કરવામાં આવી હતી, જેમાં સમગ્ર ભોપાળું બહાર આવ્યું છે, જેમાં કચેરીમાં ફરજ બજાવતા ત્રણેક કર્મચારીઓની સંડોવણી હોવાની પણ શક્યતાઓ છે અને હાલ સમગ્ર મામલે તપાસ ચાલી રહી હોવાની વાત સામે આવી છે. 

સુરતમાં પૂર્વ DEOની બોગસ સહીથી 25 સ્કૂલના રેકોર્ડ સાથે કૌભાંડની આશંકા, કચેરીના કર્મચારીની સંડોવણી હોઈ શકે છે

સુરતમાં પૂર્વ DEOની બોગસ સહીથી કૌભાંડની આશંકા સામે આવી છે જેમાં 25 સ્કૂલના રેકોર્ડ સાથે ચેડાં કરી કરોડોના કૌભાંડની શંકા સેવાઈ રહી છે. બોગસ સહી સાથે એક ઓર્ડર રજૂ કરતા ભાંડો ફૂટ્યો છે અને ઓર્ડર શંકાસ્પદ લાગતા ખરાઈ કરતા ભાંડો ફૂટ્યો છે, કચેરીના 3 કર્મચારીઓની સંડોવણી હોવાની શક્યતાઓ છે અને સમગ્ર મામલે હાલ DEO દ્વારા તપાસ હાથ ધરાઈ છે. 

ઉત્તર ભારત માટે તીવ્ર ઠંડીની IMDની ચેતવણી

ઘણા રાજ્યોમાં તાપમાન 10 ડિગ્રીથી નીચે પહોંચ્યું છે અને રાજસ્થાન, મધ્યપ્રદેશ, પંજાબમાં ઠંડીની ચેતવણી આપવામાં આવી છે, હરિયાણા, ઉત્તરપ્રદેશમાં તીવ્ર ઠંડીની ચેતવણી આપવામાં આવી છે, રાજસ્થાનમાં સૌથી વધુ ઠંડીનો અનુભવ લોકોને થઈ રહ્યો છે, 12 જિલ્લાઓમાં તાપમાન 10 ડિગ્રીથી નીચું નોંધાયું છે અને રાજસ્થાનના સીકરમાં સૌથી ઓછું તાપમાન 7 ડિગ્રી નોંધાયું છે, મધ્યપ્રદેશના ભોપાલ, રાજગઢ, ઇન્દોરમાં ઠંડીની શરૂઆત થઈ છે, મધ્યપ્રદેશના રાજગઢમાં 7 ડિગ્રી તાપમાન નોંધાયું છે, છત્તીસગઢના સુરગુજા ક્ષેત્રમાં પણ ઠંડીનું એલર્ટ આપવામાં આવ્યું છે અને પેંડરામાં તાપમાન 9 ડિગ્રી સુધી પહોંચી ગયું છે.

આગામી 24 કલાકમા હવામાન શુષ્ક રહેવાની આગાહી

રાજ્યમાં આગામી 24 કલાકમા હવામાન શુષ્ક રહેવાની આગાહી કરવામાં આવી છે. સૌરાષ્ટ્ર-કચ્છ સહિત કેટલાક ભાગોમાં રાત્રે પારો ગગડ્યો છે. 48 કલાક બાદ તાપમાન 2 થી 3 ડિગ્રી વધી શકે છે. વહેલી સવારે કડકડતી ઠંડી, બપોરે હળવો તડકો અને સાંજ પડતાં ઠંડીનું પ્રમાણ ફરી વધશે.વધુ ઉંચાઇ વાળા ક્ષેત્રોમાં તાપમાન 5 ડિગ્રી સેલ્સિયલની નીચે પડી ગયુ છે. તાપમાનમાં ઉતાર-ચઢાવને કારણે લોકોમાં શરદી-ખાંસી અને અન્ય સ્વાસ્થ્ય સમસ્યાઓ વધવાની શરૂઆત થઇ ગઇ છે.

7 ડિસેમ્બર બાદ રાજ્યમાં ઠંડીની અસર વધશે

હવામાન વિભાગના ડાયરેક્ટર એ.કે.દાસના જણાવ્યા પ્રમાણે આજથી સાતમી ડિસેમ્બર સુધી સામાન્ય ઠંડીનો ચમકારો અનુભવાશે. ઉત્તર ગુજરાતમાં ઠંડીનો ચમકારો જોવા મળશે. સૌરાષ્ટ્રના દરિયાકિનારે ઠંડીનો ચમકારો રહેશે. રાજ્યમાં સૌથી નીચુ 14 ડિગ્રી તાપમાન કચ્છના નલિયામાં નોંધાયું છે. અમદાવાદમાં પણ 17 ડિગ્રી તાપમાન નોંધાયું છે. સાતમી ડિસેમ્બર બાદ રાજ્યમાં ઠંડીની અસરમાં વધારો થશે.

ગુજરાતના આ જિલ્લામાં આટલું તાપમાન નોંધાયું

અમદાવાદમાં 16.8, ગાંધીનગર 15.8 ડિગ્રી, અમરેલીમાં 13.8 ડિગ્રી, રાજકોટમાં 14.3 ડિગ્રી, ભુજમાં 14.8, કંડલામાં 14.9 ડિગ્રી તાપમાન, કેશોદમાં 15.1 ડિગ્રી, ડીસામાં 15.2 ડિગ્રી, વડોદરામાં 15.8 ડિગ્રી, મહુવામાં 15.6 ડિગ્રી, પોરબંદર અને દીવમાં 16.4 ડિગ્રી તાપમાન, વલ્લભ વિદ્યાનગરમાં 16.8 ડિગ્રી તાપમાન, સુરેન્દ્રનગરમાં 17.4, ભાવનગરમાં 18 ડિગ્રી તાપમાન નોંધાયું છે.

ગુજરાતમાં ઠંડીનો ચમકારો યથાવત, નલિયામાં સૌથી ઓછું તાપમાન 11 ડિગ્રી તાપમાન નોંધાયું 

હાલ રાજ્યમાં ઠંડીનો ચમકારો રહેશે યથાવત રહેશે તેવી આગાહી હવામાન વિભાગ દ્વારા કરવામાં આવી છે, રાજ્યના હવામાન વિભાગની આગાહી પ્રમાણે ઉત્તર-પૂર્વના પવન ફૂંકાતા રહેશે ઠંડીનો ચમકારો. સૌરાષ્ટ, કચ્છમાં વધુ ઠંડી રહે તેવી શક્યતાઓ સેવાઈ રહી છે, ઉત્તર ગુજરાતમાં ઠંડી વધુ રહે તેવી શકયતા છે, તો નલિયામાં સૌથી ઓછું 11 ડિગ્રી તાપમાન નોંધાયું હોવાની વાત સામે આવી છે.  આગામી દિવસોમાં એટલે કે ડિસેમ્બર મહિનામાં ઠંડી ભૂક્કા બોલાવી શકે છે, અને 7 ડિસેમ્બર બાદ વધુ ઠંડી પડવાની શકયતાઓ સેવાઈ રહી છે.

અમદાવાદના દાણીલીમડામાં યુવક પર હુમલો

ખોડીયાર નગર પાસે યુવક પર હુમલો, અંગત અદાવતમાં યુવક પર હુમલો કરાયો, યુવકને સારવાર માટે હોસ્પિટલ ખસેડાયો, દાણીલીમડા પોલીસે વધુ તપાસ હાથ ધરી. 

દાહોદના ઘુઘસ ગામે હડકાયા શ્વાનનો આતંક

શ્વાને 22થી વધુના ચહેરા પર બચકાં ભર્યા, ઊંઘમાં સૂતેલા લોકો પર શ્વાને હુમલો કર્યો, ઇજાગ્રસ્તોને હોસ્પિટલમાં સારવાર અર્થે ખસેડાયા, હડકાયા શ્વાનને પકડવા ગ્રામજનોની માગ. 

ઊંઝા હાઇવે ઓવરબ્રિજ પર હીટ એન્ડ રન

કારચાલકે એક્ટિવા સવાર યુવતીને ટક્કર મારી, કારની ટક્કરથી યુવતી બ્રિજ પરથી નીચે પટકાઇ, ઓવરબ્રિજથી નીચે પટકયેલી યુવતી ગંભીર રીતે ઈજાગ્રસ્ત. 

રાજકોટ વેરાવળ લોકલ ટ્રેનમાં ખામી સર્જાઈ 

શાપુર રેલ્વે સ્ટેશનમાં ટ્રેનના એન્જિનમાં ખામી સર્જાઈ, ખામી સર્જાતા પેસેન્જર મુકાયા મુશ્કેલીમાં, રેલવે વિભાગ દ્વારા સહકાર ન આપતા પેસેન્જરોમાં રોષ, ટેકનીશીયન દ્વારા એન્જિન રીપેર કરવાની કામગીરી શરૂ. 

આજે રશિયાના રાષ્ટ્રપતિ પુતિન ભારત આવશે

આજે અને આવતીકાલે પુતિન ભારતની મુલાકાતે, PM મોદી સાથે રાષ્ટ્રપતિ પુતિન કરશે મુલાકાત, PM મોદીએ શિયાના રાષ્ટ્રપતિને આપ્યું હતું આમંત્રણ, ભારત સાથે રુસના સંબંધો અને પ્રગતિ પર થશે ચર્ચા, રાષ્ટ્રપતિ દ્રૌપદી મુર્મુ સાથે ડિનર પણ કરશે પુતિન.

BLOને પડતી સમસ્યા વચ્ચે મહત્વના સમાચાર

35 હજાર સહાયકો BLOની મદદ માટે નિયુક્ત, સંદેશ ન્યૂઝના અહેવાલ બાદ લેવાયો નિર્ણય, તમામ જિલ્લા કલેક્ટર કચેરી કક્ષાએથી ઓર્ડર, નાયબ મામલતદાર, ફાજલ શિક્ષકની નિયુક્તિ, કલાર્ક કક્ષાના કર્મીઓની સહાયક તરીકે નિયુક્તિ, રાજ્યમાં 11 ડિસેમ્બર સુધી SIRની કામગીરી ચાલશે, ફોર્મ અપલોડ, એકત્રીકરણ સહિતની કામગીરી કરશે.