ગુજરાત ભાજપની પ્રદેશ કારોબારીની યાદી જાહેર કરવામાં આવી હતી. આ યાદીમાં ખાસ કરીને વિશેષ આમંત્રિત સભ્યો અને જૂના જોગીઓનો સમાવેશ કરવામાં આવ્યો હતો. હવે શહેર અને જિલ્લા ભાજપ સંગઠનના હોદ્દેદારોની જાહેરાત કરવામાં આવી છે. આજે સાંજે ભાજપ દ્વારા દાહોદ, આણંદ જિલ્લા અને જૂનાગઢ શહેરના હોદ્દેદારોની યાદી જાહેર કરવામાં આવી છે. જ્યારે રાજ્યના અન્ય શહેર અને જિલ્લાની યાદી આવતીકાલ સુધીમાં જાહેર થાય તેવી શક્યતાઓ છે.
ભાજપે બે જિલ્લા અને એક શહેરમાં હોદ્દેદારોની નિમણૂક કરી
જૂનાગઢ શહેર ભાજપમાં ત્રણ મહામંત્રી, આઠ ઉપપ્રમુખ અને આઠ મંત્રી સહિત અલગ અલગ હોદ્દાઓ પર નામોની જાહેરાત કરાઈ છે. જ્યારે દાહોદ જિલ્લામાં આઠ ઉપપ્રમુખ અને ત્રણ મહામંત્રી તેમજ આઠ મંત્રીઓની જાહેરાત કરાઈ છે. આ સિવાય આણંદ જિલ્લાની વાત કરીએ તો તેમાં પણ ઉપપ્રમુખ, મહામંત્રી અને મંત્રીની નિમણૂંક કરવામાં આવી છે. રાજ્યના અન્ય જિલ્લા અને શહેરમાં આવતીકાલ સુધીમાં હોદ્દેદારોની નિમણૂંક થાય તેવી શક્યતાઓ છે.