રાજયમાં હવામાન વિભાગની આગાહી સામે આવી છે, જેમાં ગરમીનું તાપમાન 2 થી 3 ડિગ્રી વધશે તેવી આગાહી કરવામાં આવી છે, વડોદરા અને અમરેલી 37 ડિગ્રી તાપમાન નોંધાયું છે.માર્ચ મહિનામાં પરંતુ સામાન્ય કરતાં સાત ડિગ્રી વધુ તાપમાન નોંધાઈ રહ્યુ છે અને આકરા ઉનાળાનો લોકો અનુભવ કરી રહ્યા છે. આ દરમિયાન હવામાન વિભાગે ફરીવાર માવઠાનું સંકટ હોવાનું અનુંમાન કર્યું છે.
હવામાન વિભાગની આગાહી
હવામાન વિભાગની આગાહી પ્રમાણે રાજ્યમાં માવઠાની શક્યતાઓ છે. આગામી 29 અને 30 માર્ચે રાજ્યમાં માવઠું થવાની સંભાવનાઓ છે. વેસ્ટર્ન ડિસ્ટર્બન્સની અસરથી રાજયમાં માવઠું થવાની શક્યતાઓ છે. 29 અને 30 માર્ચે બનાસકાંઠા અને કચ્છમાં કમોસમી વરસાદની આગાહી કરવામાં આવી છે. આ ઉપરાંત પાટણ, સાબરકાંઠા અને અરવલ્લીમાં પણ વરસાદની આગાહી કરવામાં આવી છે. રાજ્યમાં આવતીકાલથી લઈને 28 માર્ચ સુધી ગરમીની અસર વર્તાશે. પવનોની દિશા બદલાતા ગરમીનો અનુભવ થશે.