Gujarat Latest News Live :અંબાજીમાં પથ્થરમારો, કલેક્ટરે કહ્યું, આ હુમલો પૂર્વયોજિત હતો, 47 અધિકારી અને કર્મચારી ઘાયલ

અમદાવાદના શાહપુરમાંથી ચાઇનીઝ દોરી ઝડપાઇ

37,500ની ચાઇનીઝ દોરીના 75 રીલ સાથે એક ઝડપાયો, શાહપુર પોલીસે યાહ્યા તાહીર અલી શેખની ધરપકડ કરી

સુરેન્દ્રનગરના ભક્તિનંદન સર્કલ પાસે ગમખ્વાર અકસ્માત 

ભક્તિ નંદન સર્કલ પાસે આવેલ દરબાર બોર્ડિંગ નજીક ડમ્પર અને બાઇક વચ્ચે અકસ્માતમાં એક વ્યક્તિનું ઘટના સ્થળે મોત, પોલીસે ઘટના સ્થળે પહોંચી વધુ તપાસ હાથ ધરી 

અમદાવાદના નારોલમાં આગ લાગતા 2 લોકોના મોત

કર્ણાવતી નગરમાં ગેસનો બાટલો ફાટતા આગ, આગ લાગતા 2 ના મોત,1 મહિલાને ઇજા, ઈજાગ્નસ્ત મહિલાને સારવાર માટે હોસ્પિટલ ખસેડાઈ , ફાયર વિભાગે આગ પર મેળવ્યો કાબુ

CM ભુપેન્દ્ર પટેલ, DYCM હર્ષ સંઘવી દિલ્હીમાં

ભાજપ પ્રદેશ પ્રમુખ જગદીશ વિશ્વકર્મા દિલ્હીમાં, મોડી સાંજે ત્રણેય નેતાઓ દિલ્હી ગયા, આવતીકાલે બપોર બાદ પરત ફરશે

અમદાવાદના નારોલ વિસ્તારમાં કર્ણાવતી નગરમાં લાગી આગ

ઘરમાં ગેસ નો બાટલો ફાટતા લાગી આગ, ફાયર બ્રિગેડ આગને કાબુમા લીધી,

અંબાજીમાં વન અધિકારીઓ અને પોલીસ પર પથ્થરમારો

પાલનપુરના MLA અનિકેત ઠાકર પહોંચ્યા સિવિલ , અનિકેત ઠાકરે ઇજાગ્રસ્ત કર્મચારીઓની લીધી મુલાકાત, જીલ્લા કલેકટર મિહિર પટેલ પણ પહોંચ્યા અંબાજી, તંત્ર પાસેથી જિલ્લા કલેક્ટર મિહિર પટેલે મેળવી વિગતો, ઘાયલ કર્મીઓની તાત્કાલિક સારવાર માટે આપી સૂચના, બનાસકાંઠા જિલ્લા કલેકટર મિહિર પટેલનું નિવેદન, 9 લોકોને પાલનપુર રેફર કરવામાં આવ્યા, આ હુમલો પૂર્વયોજિત હતો, પથ્થર અને તીર કામઠાથી કરાયો હુમલો, હુમલો કરનારા સામે કડક કાર્યવાહી થશે

વડોદરામાં ભેખડ ધસી પડતા શ્રમિકનું મોત

લક્ષ્મીપુરા કરોળિયા રોડ પર બની ઘટના, ડ્રેનેજ નેટવર્કની કામગીરી દરમિયાન ધસી ભેખડ, કોર્પોરેશન દ્વારા ચાલતી હતી કામગીરી, માટીની ભેખડ ધસી પડતા શ્રમજીવી દબાયો , ભારે જહેમત બાદ શ્રમજીવીને કઢાયો બહાર , શ્રમિકનું સારવાર દરમિયાન નીપજ્યું મોત

અંબાજી PI આર.બી. ગોહિલને  કાનમાં તીર વાગતા તેઓ બેભાન 

પત્થરમારામાં અંબાજી   PI આર.બી. ગોહિલને  કાનમાં તીર વાગતા તેઓ બેભાન થઇ ગયા હતા જેથી LCB દ્વારા તાત્કાલિક બચાવ કરવામાં આવ્યો. તેમની હાલત ગંભીર હોવાથી તેઓને પાલનપુર માવજત હોસ્પિટલમાં રીફર કરવામાં આવ્યા.

ભરૂચમાં ચાલતા આંતરરાજ્ય દેહવ્યાપારનો પર્દાફાશ

12 બાંગ્લાદેશી, પશ્ચિમ બંગાળની 2 મહિલાઓનું રેસ્ક્યુ, ગરીબ મહિલાઓને ભારત લાવી દેહવ્યાપારમાં ધકેલાતી, 60 મહિલાઓને બાંગ્લાદેશથી ભારત લવાઇ હતી, ગુજરાત સહિતના રાજ્યોમાં દેહ વ્યાપાર કરાવાતો, ગોવા, મહારાષ્ટ્ર, રાજસ્થાનમાં દેહ વ્યાપારમા ધકેલાઇ, પશ્ચિમ બંગાળના બોગસ દસ્તાવેજ બનાવી ભારત લવાઇ, અલફારૂક પાર્ક સોસા.માંથી 12 પીડિતાઓને મુક્ત કરાવાઈ, દેહ વ્યાપારના કૌભાંડમાં સક્રિય ચાર લોકોની ધરપકડ, બાંગ્લાદેશી એજન્ટ ફારુક શેખની પૂછપરછ હાથ ધરાઇ

અમદાવાદના શાહપુરમાં ફરિયાદી પર પથ્થરમારો 

આરોપીના પરિવારે ફરિયાદી પર કર્યો પથ્થરમારો , શાહપુર કુરેશી હોલ પાસે 2023 માં થઇ હતી હત્યા, 2023ના હત્યા કેસમાં આરોપી પેરોલ પર ઘરે આવ્યો , આરોપી પેરોલ પર આવતા ફરિયાદી પરિવાર પર ફેંક્યા પથ્થર, આરોપી મોહસીને પેરોલ પર આવતા જ ફરી મચાવી ધમાલ , એક વ્યક્તિને ઇજા થતા હોસ્પિટલ ખસેડવામાં આવ્યો 

વડોદરામાં હત્યાના આરોપીઓના રિમાન્ડ

અંકોડીયામા મહિલાની હત્યા કરાઇ હતી, ફિરોઝા અને પ્રેમી રમીઝને કોર્ટમાં રજૂ કરાયા, બન્ને આરોપીઓના 3 દિવસના રિમાન્ડ મંજૂર, વીમા પોલિસીના 40 લાખ મેળવવા કરી હત્યા , 15 દિવસ અગાઉ જ મૃતકનો વીમો કરાવ્યો હતો

દિયોદરના મોજરું ગામે પોલીસ પર હુમલાનો કેસ

હુમલો કરનારના ઘરના વીજ જોડાણ કપાયા, પોલીસને સાથે રાખી વીજ કનેક્શન કપાયા, આરોપીની દુકાનનું બાંધકામ તોડી પાડવા નોટિસ, દારુની રેડ દરમિયાન બુટલેગરોએ કર્યો હતો હુમલો, બુટલેગરોએ પોલીસ કર્મચારીઓ પર કર્યો હતો હુમલો

પંચમહાલના શહેરમાં અકસ્માતમાં એકનું મોત 

ખરેડિયા ગામ પાસે બે બાઇક વચ્ચે અકસ્માત , બાઇક ચાલકનું ઘટના સ્થળે મોત, બેને ગંભીર ઇજા , પોલીસ ઘટનાસ્થળે પહોંચી હાથ ધરી કાર્યવાહી

અંબાજીમાં ફોરેસ્ટ અધિકારીઓ અને પોલીસ પર પથ્થરમારો 

પાડલીયા ગામે અધિકારીઓ પર કરાયો પથ્થરમારો , ફોરેસ્ટની જમીન બાબતે બબાલ થયા બાદ હુમલો , સ્થાનિકોએ પથ્થરમારો કરતા અનેક અધિકારીઓ ઘાયલ , પોલીસનો મોટો કાફલો પાડલીયા ગામે ખડકી દેવાયો 

જન્મ મરણના બોગસ સર્ટિફિકેટ બનાવનાર ઝડપાયા

ડુપ્લીકેટ સર્ટિ. બનાવનાર 3 આરોપીની ધરપકડ, અમદાવાદની ગાયકવાડ હવેલી પોલીસે કરી ધરપકડ, વકીલ ઇમરાન કાઝીએ કોર્ટના ખોટા ઓર્ડર બનાવ્યા હતા, ખોટા ઓર્ડરથી બનાવ્યા ડુપ્લીકેટ મરણ સર્ટિફિકેટ, આરોપી વકીલે અત્યાર સુધી કોર્ટના 9 ખોટા ઓર્ડર બનાવ્યા , અરજદારો પાસેથી 20 હજારથી 50 હજાર લેતો હતો, વકીલ ઇમરાન કાઝીની અગાઉ પોલીસે કરી છે ધરપકડ, હાલ આરોપી ઇમરાન કાઝી જ્યુડિશિયલ કસ્ટડીમાં

કચ્છના માંડવીમા ભૂકંપનો આંચકો

ગઢશીસા નજીક 3.9ની તીવ્રતાનો આંચકો, ભૂકંપનું કેન્દ્રબિંદુ ગઢશીશાથી 13 કિમી દૂર, 10 જેટલી ફોલ્ટ લાઇન સક્રિય હોવાથી આંચકા નોંધાયા, ઘણા વર્ષો બાદ આ ફોલ્ટ લાઇન પર આંચકો નોંધાયો

અમદાવાદના ચાંદખેડામાં પેલેડીયમ બિઝનેસ હબમાં પેન્ટાલૂનના શો રુમમાં આગ 

ફાયર વિભાગની ગાડીઓ સ્થળ પર પહોંચી, આગ બુઝાવાની કામગિરી શરુ

સુરતમાં ગોગો પેપરને લઇ SOG પોલીસના દરોડા

અલગ-અલગ વિસ્તારમાં પાન પાર્લર પર દરોડા, મોટા પ્રમાણમાં ગોગો પેપર, રોલ મળી આવ્યા, ગોગો પેપરનો ઉપયોગ ગાંજો પીવા થાય છે ઓનલાઇન પ્લેટફોર્મ પર પણ મળે છે રોલ, પેપર, સુરત પોલીસે તમામ વિક્રેતાઓને ચેતવણી આપી

પાલનપુરમાં ફેક્ટરીમાંથી શંકાસ્પદ ઘી ઝડપાયું

સંદેશ ન્યૂઝ પહોંચ્યુ શ્રી સેલ્સના મુખ્ય ગોડાઉન પર, ગોડાઉનની બહાર ઘુમર નામના લખાણવાળી પટ્ટી, ગોડાઉનમાં ભેળસેળવાળું ઘી રાખી રહ્યા છે વેપારી, 20 કલાક બાદ પણ ગોડાઉન બંધ હાલતમાં, અગાઉ નકલી ઘી મુદ્દે કાર્યવાહી થઇ ચૂકી છે

મહેસાણાના બાદલપુરાનો પરિવાર લિબિયામાં બંધક

સંદેશ ન્યૂઝ પહોંચ્યુ કરમસદની આરાધના સોસાયટીમાં, એજન્ટનું આધારકાર્ડમાં એડ્રેસ ખોટું હોવાની શક્યતા, સોસાયટીમાં હર્ષિત મહેતા નામનો કોઇ વ્યક્તિ જ નથી, આવો વ્યક્તિ ન રહેતો હોવાનું સ્થાનિકોએ જણાવ્યું

અમદાવાદમાં ડિજિટલ અરેસ્ટનો નિષ્ફળ પ્રયાસ

વૃદ્ધા પાસેથી 33.35 લાખ પડાવવાનો પ્રયાસ, વૃદ્ધાના ફોનમાં ગઠિયાઓએ દસ્તાવેજો મોકલ્યા , વૃદ્ધાને એક બેંક ખાતામાં રૂપિયા જમા કરવા કહ્યું, બેંકના અધિકારીઓને શંકા જતા સાયબર ક્રાઈમને કરી જાણ , મણિનગરમાં રહેતા વૃદ્ધાના ઘરે સાયબર ક્રાઈમ પહોંચી , વૃદ્ધા સાથે વાતચીત કરતા સમગ્ર મામલો સામે આવ્યો , અમદાવાદ સાયબર ક્રાઈમે પ્રયાસને નિષ્ફળ બનાવ્યો 

જૂનાગઢમાં 20થી વધુ દબાણો દૂર કરાયા

મહાશિવરાત્રીના મેળા પહેલા દબાણો હટાવાયા, ભવનાથ વિસ્તારમાં દબાણ હટાવ કામગીરી, દુકાનદારો અને હોટલોના દબાણો દૂર કરાયા, મહાનગરપાલિકા અને પોલીસની સંયુક્ત કામગીરી, 2 JCB અને 4 ટ્રેક્ટર દ્વારા કામગીરી કરાઇ. 

અંકલેશ્વર ઠંડીના ચમકારા વચ્ચે તસ્કરો સક્રિય

જુનીદીવી ગામે પરિવાર બહાર ગામ જતા તસ્કરો ત્રાટક્યા, 20 મિનિટમાં તસ્કરો હાથફેરો કરી બાઈક લઇ પલાયન, સોના-ચાંદીના દાગીના, રોકડ મળી બે લાખની ચોરી, તસ્કરોના આંટાફેરા દુકાનના CCTVમાં કેદ. 

DYCM હર્ષ સંઘવી અચાનક વડનગરની મુલાકાતે

પ્રેરણા સ્કૂલ, મ્યુઝિયમ, સિવિલની મુલાકાત લીધી, બી.એન હાઈસ્કુલ, વોચ ટાવર, રેલવે સ્ટેશનની મુલાકાત, વડનગરના વિકાસ કાર્યોની કામગીરી નિહાળી, પોલીસ બંદોબસ્ત વગર હર્ષ સંઘવી વડનગર ફર્યા, હર્ષ સંઘવીની મુલાકાતની તંત્રને પણ જાણ નહીં.

સાંઢવાયામાં ગાયના મોતને લઇ સરકાર એક્શનમાં

કૃષિમંત્રી જીતુ વાઘાણીએ ગંભીરતાથી નોંધ લીધી, પશુપાલનની ઉચ્ચસ્તરીય ટીમ ઘટનાસ્થળે જવા રવાના, પરિસ્થિતિની દેખરેખ અને ત્વરિત પગલાં લેવા સૂચના, ઘાસચારા, પાણી અને અન્ય ખોરકાના સેમ્પલ લેવાયા, મોતના સાચા કારણ માટે સેમ્પલ FSLમાં મોકલાયા, ફૂડ પોઇઝનિંગથી મૃત્યુ થયાનું પ્રાથમિક અનુમાન, બાકી ગાયને સુરક્ષિર રાખવા નિવારાત્મક પગલાં લેવાયા, 16 નિષ્ણાત પશુ ચિકિત્સક દ્વારા સારવાર અપાઇ.

અમદાવાદમાં SIRમાંથી નામ હટાવવા MLAનો પત્ર

બાપુનગરના MLA દિનેશ કુશવાહનો કલેક્ટરને પત્ર, ડિમોલિશનાળી જગ્યા પર રહેતા લોકોના નામ SIRમાંથી હટાવવા, ઓનલાઇન ફોર્મ સબમિટ થયા હોય તો ડિલિટ કરવાઃ MLA, અકબરનગર છાપરામાં દબાણો હટાવાયાઃ MLA, ‘પહેલા રહેતા લોકોએ જૂના રહેઠાણના પુરાવા રજૂ કર્યા’, ‘આવા વ્યક્તિની નોંધણી પવિત્રતા-નિયમોનું ઉલ્લંઘન’, ‘ઘણા લોકોએ જૂના પુરાવાથી ઓનલાઇન નોંધણી કરાવી’.

કચ્છમાં ભૂકંપનો આંચકો અનુભવાયો

3.9ની તીવ્રતાનો આંચકો નોંધાયો, બપોરે 2.47 કલાકે નોંધાયો આંચકો, ભૂંકપનું કેન્દ્ર ગઢશીશાથી 13 કિમી દૂર. 

ઓપરેશન કારાવાસ હેઠળ 41 આરોપી ઝડપાયા

છેલ્લા 14 દિવસમાં પોલીસે આરોપીઓને ઝડપ્યા, પેરોલ કે ફર્લો જંપ કરી ફરાર થયેલા આરોપીઓ ઝડપ્યા, ઝડપાયેલા 15 આરોપી છેલ્લા 5 વર્ષથી ફરાર હતા, ફરાર આરોપીઓ માટે પોલીસનું ઓપરેશન કારાવાસ, DGP વિકાસ સહાયે સો. મીડિયામાં કરી પોસ્ટ. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Gujarat Flashback 2025 : વર્ષ 2025 દરમિયાન અમદાવાદ સાયબર ક્રાઈમે ડમી એકાઉન્ટ, PAYTM સાઉન્ડ બોક્સ અને ફ્રોડને લગતા મહત્વના ગુનાઓના ભેદ ઉકેલ્યા

02 - Mehsana News : મહેસાણાના બાદલપુરથી USA જવા નીકળેલ પરિવારને એજન્ટોએ બંધક બનાવી ખંડણી માગી, પરિવારે ગુજરાત સરકાર પાસે મદદની કરી માગ

03 - Junagadh News : જૂનાગઢના સક્કરબાગ પ્રાણી સંગ્રહાલય ખાતે ઠંડીને લઈ પશુ-પક્ષીઓની વિશેષ કાળજી લેવાઈ રહી છે, હીટર લગાવી ઠંડી સામે રક્ષણ અપાય છે

04 - Gandhinagar News : PM સૂર્ય ઘર મફત વીજળી યોજનાના અમલીકરણમાં દેશભરમાં ગુજરાત પ્રથમ ક્રમે

05 - Banaskantha News : પાલનપુરમાં ફેક્ટરીમાંથી શંકાસ્પદ ઘી ઝડપાયું, ચંડીસર GIDCમાં ફૂડ એન્ડ ડ્રગ્સ વિભાગના દરોડા

06 - World : બેઇજિંગમાં ભારત-ચીનની મહત્વપૂર્ણ બેઠક, દ્વિપક્ષીય સંબંધોને મજબૂત બનાવવાની દિશામાં ભાર

07 - Delhi-NCRમાં ફરીથી GRAP-3 અમલમાં, આ વસ્તુ અને કામો પર લગાવ્યો પ્રતિબંધ

08 - Team Indiaની હાર બાદ હાર્દિક પંડ્યા-ગૌતમ ગંભીર ઝઘડ્યા ? વીડિયો વાયરલ થતા સર્જાયો વિવાદ !

09 - Lionel Messi : શાનદાર પર્ફોમન્સ અને અણનમ રેકોર્ડ સાથે ફૂટબોલનો ધ ગ્રેટેસ્ટ ઓફ ઓલ ટાઈમ!

10 - ‘kis kisko pyaar karoon 2’ ને ‘ધુરંધર’ની જોરદાર ટક્કર, બોક્સ ઓફિસ પર રણવીર સિંહનો જાદુ

પાટણ સાયબર ક્રાઈમ પોલીસે ત્રણ ગુનાનો ભેદ ઉકેલ્યો

પાટણ અને બનાસકાંઠાના મળી કુલ 4 આરોપીની ધરપકડ, આરોપીઓ દ્વારા કરોડોના સાયબર ક્રાઇમ કરવામાં આવતા, ઓપરેશન મ્યુલ હંટ અંતર્ગત પાટણ પોલીસની કાર્યવાહી, આરોપીઓએ ગુજરાત, મહારાષ્ટ્ર, કેરળ, પંજાબમાં ફ્રોડ કર્યુ, આરોપીઓ બેંકમાં ખાતા ખોલી ગેરકાયદે ટ્રાન્જેક્શન કરતા, 2.47 કરોડના ફ્રોડના ત્રણ ગુનાનો ભેદ પોલીસે ઉકેલ્યો. 

કોલકાતામાં મેસીના ચાહકો ગુસ્સે ભરાયા

મુખ્યમંત્રી મમતા બેનર્જીએ મેસીની માફી માગી, ઘટનાથી બહુ જ દુઃખી છું : મમતા બેનર્જી, મેસી અને ચાહકોની માફી માગુ છું: મમતા બેનર્જી, તપાસ માટે કમિટીની રચના કરવામાં આવીઃ : મમતા બેનર્જી. 

મોરબીમાં બુટલેગરોના ઘર પર બુલડોઝર ફરી વળ્યુ

અરુનોદય નગર સર્કલ પાસે બુલડોઝર કાર્યવાહી, 1 કરોડની સરકારી જમીન પર બુલડોઝર ફરી વળ્યુ, બુટલેગર જુસમ જામ, વલી મહમદ વિરુદ્ધ કાર્યવાહી, બંન્ને બુટલેગર વિરુદ્ધ પ્રોહિબિશનના ગુના દાખલ. 

ટ્રેન નંબર 04061/4062 સાબરમતી-દિલ્લી સરાય રોહિલ્લા-સાબરમતી સ્પેશિયલ (8 ફેરા)

01-ટ્રેન નંબર 04061 સાબરમતી-દિલ્લી સરાય રોહિલ્લા સ્પેશિયલ 22, 25, 28 અને 31 ડિસેમ્બર 2025 ના રોજ સાબરમતીથી સવારે 05.15 કલાકે ઉપડશે તથા એ જ દિવસે રાત્રે 23.30 કલાકે દિલ્લી સરાય રોહિલ્લા પહોંચશે. આ જ રીતે ટ્રેન નંબર 04062 દિલ્લી સરાય રોહિલ્લા-સાબરમતી સ્પેશિયલ 21, 24, 27 અને 30 ડિસેમ્બર 2025 ના રોજ દિલ્લી સરાય રોહિલ્લાથી 08.10 કલાકે ઉપડીને બીજા દિવસે 00.30 કલાકે સાબરમતી પહોંચશે. 

02-માર્ગમાં બંને દિશાઓમાં આ ટ્રેન પાલનપુર, આબૂરોડ, ફાલના, મારવાડ જં., બ્યાવર, અજમેર, કિશનગઢ, જયપુર, ગાંધીનગર-જયપુર, બાંદીકુઈ, અલવર, રેવાડી, ગુડગાંવ અને દિલ્લી કેન્ટ સ્ટેશનો પર રોકાશે. આ ટ્રેનમાં એસી I-ટિયર, એસી 2-ટિયર અને એસી 3-ટિયર, સ્લીપર અને સામાન્ય શ્રેણીના કોચ રહેશે. 

પશ્ચિમ રેલવે દોડાવશે સાબરમતી અને દિલ્લી સરાય રોહિલ્લા વચ્ચે સ્પેશિયલ ક્રિસમસ ટ્રેન 

પશ્ચિમ રેલવે દ્વારા નવા વર્ષ દરમિયાન યાત્રીઓની વધતી માગને જોતા તેમની સુવિધાને ધ્યાનમાં રાખતાં સાબરમતી અને દિલ્લી સરાય રોહિલ્લા વચ્ચે વિશેષ ભાડા પર સ્પેશિયલ ટ્રેનો ચલાવવાનો નિર્ણય લેવામાં આવ્યો છે.  ટ્રેન નંબર 04061નું બુકિંગ 14 ડિસેમ્બર 2025થી તમામ પીઆરએસ કાઉન્ટરો અને આઈઆરસીટીસી વેબસાઈટ પર શરૂ થશે. ટ્રેનોના રોકાણ, સમય અને સંરચના વિશે વિગતવાર માહિતી માટે યાત્રી કૃપા કરીને www.enquiry.indianrail.gov.in પર જઈને અવલોકન કરી શકે છે. 

રાજ્યમાં બેવડી ઋતુની હવામાનની આગાહી

સવારે ઠંડી અને બપોરે ગરમીનો અહેસાસ થશે, સૌથી નીચું તાપમાન નલિયામાં 9.8 ડિગ્રી, અમદાવાદમાં લઘુત્તમ તાપમાન 14થી 15 ડિગ્રી રહેશે, વેસ્ટર્ન ડિસ્ટર્બન્સના કારણે ઠંડીમાં ઘટાડો થશે, પવનની દિશા પૂર્વીય તરફ થતા ઠંડીનો અનુભવ, બપોરે મહતમ તાપમાન 32 થી 34 ડિગ્રી રહેશે. 

સુરતમાં પરીક્ષામાં ગેરરીતિ કરતા 4 વિદ્યાર્થી ઝડપાયા

MSC ITના વિદ્યાર્થી પ્રેક્ટિકલ પરીક્ષામાં ગેરરીતિ કરતા, Chat GPTમાંથી ગેરરીતિ કરતા વિદ્યાર્થીઓ ઝડપાયા, ગેરરીતિ કરતા ઝડપાયેલા વિદ્યાર્થીઓનું કાઉન્સેલિંગ, સુનાવણીમાં 183માંથી 52 વિદ્યાર્થીઓ ગેરહાજર રહ્યા, 131 વિદ્યાર્થીઓની સુનાવણી હાથ ધરવામાં આવી હતી.

કોલકાતામાં મેસીના ચાહકો ગુસ્સે ભરાયા

અયોગ્ય વ્યવસ્થાના કારણે ચાહકોમાં રોષ, સ્ટેડિયમમાં મેસીના ચાહકોએ તોડફોડ કરી, સ્ટેડિયમમાં લોકોએ બોટલો, ખુરશીઓ ફેંકી, લોકોએ સુરક્ષાકર્મીઓ સાથે ઘર્ષણ કર્યું, મેસી ફક્ત 10 મિનિટ સ્ટેડિયમમાં રોકાતા રોષ.

સરકાર દ્વારા અમદાવાદ વિમાન દુર્ઘટના, હરણી દુર્ઘટના જેવી વિવિધ સંકટની ઘડીમાં લભાર્થીના પરિવારોને ઝડપથી વીમા કવચની ચૂકવણી કરાઈ

જીવનની અનિશ્ચિતતાઓ સામે ગુજરાત સરકારે સંવેદનશીલતા સાથે સામૂહિક જૂથ અકસ્માત વીમા યોજના દ્વારા રાજ્યના લાખો પરિવારોને મજબૂત ઢાલ પૂરી પાડી છે. આ યોજના થકી રાજ્ય સરકારે સાબિત કર્યું છે કે, સંકટની ઘડીમાં નાગરિકો એકલા નથી, પરંતુ સરકાર તેમની પડખે ઊભી છે. મુખ્યમંત્રી શ્રી ભૂપેન્દ્ર પટેલના દિશાનિર્દેશથી રાજ્ય સરકાર દ્વારા સામૂહિક જૂથ અકસ્માત વીમા યોજના હેઠળ સંકટની ઘડીમાં પરિવારો માટે ઝડપથી વીમા કવચની ચૂકવણી કરવામાં આવી રહી છે. 

પોરબંદરમાં બંદૂક તાકી હત્યાના પ્રયાસથી ચકચાર

બગવદર ગામે સગાઇના પ્રસંગમાં બની ઘટના, અગાઉનું મનદુઃખ રાખી હુમલો કર્યો હોવાની ફરિયાદ, ઝપાઝપીમાં સોનાની ચેઇન તૂટી, ફાયરિંગનો પ્રયાસ, વનરાજ કેશવાલા અને તેના 5 સાગરીતો સામે ફરિયાદ. 

જાહેરનામાના ભંગ બદલ કાયદેસરની કાર્યવાહી કરવામાં આવી છે

ચેકિંગ દરમિયાન પોલીસ દ્વારા ​સ્પાના દૈનિક રજિસ્ટરની નિભાવણી, ​સીસીટીવી કેમેરાની કાર્યક્ષમતા અને સ્ટોરેજ, ​સ્પામાં કામ કરતા અન્ય રાજ્યમાંથી આવતા કર્મચારીઓની નોંધણી અને વિગતો અંગે તપાસ કરવામાં આવી હતી, આ તપાસના અંતે, કુલ 9 સ્પા ધારકો વિરુદ્ધ અધિક જિલ્લા મેજિસ્ટ્રેટ, જૂનાગઢના જાહેરનામાના ભંગ બદલ કાયદેસરની કાર્યવાહી કરવામાં આવી છે. 

Junagadhમાં 9 સ્પા સંચાલકો સામે પોલીસની કાર્યવાહી, સ્પા ધારકો સામે જાહેરનામા ભંગ હેઠળ ગુનો નોંધાયો

જૂનાગઢમાં 9 સ્પા સંચાલકો સામે પોલીસે કાર્યવાહી કરી છે, સ્પા ધારકો સામે જાહેરનામા ભંગની કાર્યવાહી કરવામાં આવી છે, પોલીસે અલગ અલગ ટીમ બનાવી તપાસ કરી શરૂ. જૂનાગઢના 'બી' ડિવિઝન પોલીસ સ્ટેશન વિસ્તારમાં આવેલા સ્પા સેન્ટરોનું સઘન ચેકિંગ કરવામાં આવ્યું હતું. જૂનાગઢમાં ચાલતા સ્પા સેન્ટરો ઉપર પોલીસ દ્વારા સઘન તપાસ કરવામાં આવી હતી જેમાં પોલીસની અલગ-અલગ ટીમો બનાવવામાં આવી હતી. આ ટીમો દ્વારા પોલીસ સ્ટેશનની હદમાં આવેલા વિવિધ સ્પા સેન્ટરોનું આકસ્મિક અને સઘન ચેકિંગ હાથ ધરવામાં આવ્યું હતું.

હળવદમાં યુરિયા ખાતર ભરેલો ટેમ્પો ઝડપાયો

સબસિડી યુક્ત રાસાયણિક ખાતરના સેમ્પલ લેવાયા, 400 બેગ યુરિયા ખાતર સાથે 2 લોકો ઝડપાયા, કોયબા ગામના પાટિયા પાસેથી ટેમ્પો ઝડપાયો, પોલીસે કુલ 15 લાખનો મુદ્દામાલ કબ્જે કર્યો, સેમ્પલના રિપોર્ટ બાદ કાર્યવાહી થશેઃ અધિકારી. 

એજન્ટોએ 54 હજાર ડોલરની માગ કરી

ગુજરાતમાં ફરીવાર કબૂતરબાજ એજન્ટોની કરતૂત સામે આવી છે. મહેસાણાના બાદલપુર ગામનો પરિવાર યુરોપ જઈ રહ્યો હતો. એજન્ટોએ આ પરિવારને દુબઈથી પોર્ટુલગ જઈ રહ્યો હતો ત્યારે તેમને છેતરીને લિબિયા મોકલી દીધો હતો. લિબિયામાં આ પરિવારને એકાંત સ્થળે બંધક બનાવવામાં આવ્યો હતો. અપહરણ કરનારાઓએ તેમની પાસે 54 હજાર ડોલરની માગ કરી હતી. દુબઈના એજન્ટોએ તેમની પાસે એક કરોડની ખંડણી માગી હતી.

એજન્ટોએ છેતરીને તેમને લીબિયા મોકલી દીધા હતા 

ગુજરાતમાં વિદેશ જવાની લાલચે જીવ અને પૈસા બંને ગુમાવવાના અનેક કિસ્સાઓ સામે આવ્યા છે. ત્યારે યુરોપ જવા નીકળેલા મહેસાણાના બાદલપુર ગામના પરિવાર પાસે ખંડણીની માગ કરી બંધક બનાવવામાં આવ્યા છે. લિબિયામાં દંપતી અને ત્રણ વર્ષની બાળકીને બંધક બનાવાઈ છે. આ પરિવાર દુબઈથી પોર્ટુગલ જવા માટે નીકળ્યો હતો. એજન્ટોએ છેતરીને તેમને લીબિયા મોકલી દીધા હતા.

સ્વર્ણિમ સંકુલ-1માં મુખ્યમંત્રી કાર્યાલયમાં રજૂઆત કરાઈ

પરિવારે સરકાર પાસે મદદની માગ કરી છે અને દુબઈના એજન્ટોએ 1 કરોડની ખંડણી માગી હોવાની વાત સામે આવી છે, દંપતી અને 3 વર્ષની બાળકી લિબિયામાં બંધક છે. 7 દિવસ પહેલા આ પરિવાર દુબઈથી પોર્ટુગલ જવા નીકળ્યો હતો અને એજન્ટોએ છેતરી આ પરિવારને લિબિયામાં બંધક બનાવાયા છે. પરિવારનું કહેવું છે કે, સરકારની મદદ બાદ જ પરિવાર સુરક્ષિત પોતાના વતન આવી શકશે. 

મહેસાણાના બાદલપુરથી USA જવા નીકળેલ પરિવારને એજન્ટોએ બંધક બનાવી ખંડણી માગી, પરિવારે ગુજરાત સરકાર પાસે મદદની કરી માગ

મહેસાણાના બાદલપુરનો પરિવાર લિબિયામાં બંધક થયો છે, યુરોપ જવા નીકળેલા પરિવાર પાસે ખંડણીની માગ કરવામાં આવી છે, તો બીજી તરફ સંદેશ ન્યૂઝની ટીમ પહોંચી બાદલપુર ગામમાં. મહેસાણાના બાદલપુરથી અમેરિકા જવા પરિવાર નીકળ્યો હતો અને તેને બંધન બનાવવામાં આવ્યો હોવાની વાત સામે આવી છે, એજન્ટની માયાજાળમાં ફસાયો બાદલપુરનો પરિવાર અને એજન્ટોએ પરિવારને લિબિયામાં બંધક બનાવ્યો છે, પીડિત પરિવાર અને ધારાસભ્ય CMOમાં રજૂઆત કરવા માટે પહોંચ્યા છે.

રાજકોટમાં બેંક ખાતા ભાડે આપવાનું કૌભાંડ

પોલીસે 18થી વધુ આરોપીઓની ધરપકડ કરી, સેવિંગ એકાઉન્ટ પર રકમ વસૂલી ભાડે આપતા, એકાઉન્ટ ભાડે મેળવી કરોડો રુપિયાની છેતરપિંડી કરતા, કૌભાંડના મૂળ સુધી પહોંચવા સાયબર ક્રાઇમની તપાસ, ઓપરેશન મ્યુલ એકાઉન્ટ અંતર્ગત કાર્યવાહી. 

ગુજરાત વિધાનસભાની અંદાજ સમિતિ 16 થી 18 ડિસેમ્બર સુધી 4 જિલ્લાના અભ્યાસ પ્રવાસે જશે 

સૌરાષ્ટ્રના ત્રિદિવસીય પ્રવાસ દરમિયાન આ સમિતિ વનીકરણ, એશિયાટિક સિંહ તથા દરિયાઈ સૃષ્ટિના જતન–સંવર્ધન સહિતના વિવિધ મુદ્દાઓ પર સંબંધિત અધિકારીઓ સાથે સમીક્ષા બેઠક કરશે. ગુજરાત વિધાનસભાની અંદાજ સમિતિ તા. ૧૬ થી ૧૮ ડિસેમ્બર-૨૦૨૫ દરમિયાન સૌરાષ્ટ્ર વિસ્તારના જામનગર, દેવભૂમિ દ્વારકા, પોરબંદર અને ગીરસોમનાથ જિલ્લાના અભ્યાસ પ્રવાસે જશે. જે અંતર્ગત આ સમિતિ અભયારણ્ય અને મરીન નેશનલ પાર્ક સહિતના વિવિધ સ્થળોની મુલાકાત કરીને સામાજિક વનીકરણ, વૃક્ષારોપણ, દરિયાઈ સૃષ્ટિના જતન–સંવર્ધન, એશિયાટિક સિંહોના વ્યવસ્થાપન સહિતના મુદ્દાઓ પર સંબંધિત અધિકારીઓ સાથે સમીક્ષા બેઠક કરશે. 

પશુના આહારમાં પણ નોંધપાત્ર ફેરફાર કરવામાં આવ્યા છે

એશિયાટિક લાયન માટે જાણીતા આ સંગ્રહાલયમાં સિંહ, વાઘ અને દીપડા જેવા હિંસક અને માંસાહારી પ્રાણીઓના આરામ માટે પાંજરામાં સૂકા ઘાસની પથારી કરવામાં આવી છે. આ ઘાસ કુદરતી ઇન્સ્યુલેટર તરીકે કામ કરે છે, જે જમીનની ઠંડકને પ્રાણીઓના શરીર સુધી પહોંચવા દેતું નથી અને તેમને રાત્રિ દરમિયાન હૂંફ આપે છે. માત્ર રહેઠાણ જ નહીં, પરંતુ પ્રાણીઓની આંતરિક રોગપ્રતિકારક શક્તિ વધારવા માટે તેમના આહારમાં પણ નોંધપાત્ર ફેરફાર કરવામાં આવ્યા છે.

પક્ષીઓ અને સરીસૃપ પ્રાણીઓ ઠંડી પ્રત્યે અત્યંત સંવેદનશીલ હોય છે

પક્ષીઘરમાં ઠંડા પવનના સુસવાટા સીધા પાંજરામાં ન પ્રવેશે તે માટે તમામ પાંજરાઓની આસપાસ ગ્રીન નેટ લગાવી દેવામાં આવી છે. આ નેટ પવનની ગતિને અવરોધે છે અને પક્ષીઓને હૂંફાળું વાતાવરણ પૂરું પાડે છે. બીજી તરફ, ઠંડા લોહીવાળા પ્રાણીઓ એટલે કે સરીસૃપો માટે ખાસ વ્યવસ્થા કરવામાં આવી છે. તેમના રહેઠાણમાં તાપમાન જાળવી રાખવા માટે ઇલેક્ટ્રિક બલ્બ અને હીટર મૂકવામાં આવ્યા છે. આ ઉપરાંત, તેમના પાંજરામાં એવી વ્યવસ્થા કરવામાં આવી છે કે જેથી તેઓ કુદરતી રીતે પણ ગરમી મેળવી શકે.

જૂનાગઢના સક્કરબાગ પ્રાણી સંગ્રહાલય ખાતે ઠંડીને લઈ પણ મૂંગા પશુ-પક્ષીઓની વિશેષ કાળજી લેવાઈ રહી છે

ગિરનારની ગોદમાં વસેલા ઐતિહાસિક અને પ્રાકૃતિક સૌંદર્યથી સભર જૂનાગઢ શહેરમાં હવે શિયાળાની ઋતુએ જમાવટ કરી છે. સામાન્ય જનજીવન ઠંડીથી બચવા માટે ગરમ વસ્ત્રો અને તાપણાનો સહારો લઈ રહ્યું છે, ત્યારે જૂનાગઢના સક્કરબાગ પ્રાણી સંગ્રહાલય ખાતે પણ મૂંગા પશુ-પક્ષીઓની વિશેષ કાળજી લેવાનું શરૂ કરી દેવામાં આવ્યું છે. ​સક્કરબાગ પ્રાણી સંગ્રહાલય એ માત્ર પ્રવાસન સ્થળ નથી, પરંતુ હજારો વન્યજીવોનું સુરક્ષિત આશ્રયસ્થાન છે. ઠંડીના પારો ગગડતાની સાથે જ વન્યજીવોને કોઈ પણ પ્રકારની બીમારી કે તકલીફ ન પડે તે માટે ઝૂ મેનેજમેન્ટ દ્વારા 'વિન્ટર મેનેજમેન્ટ' હેઠળ અનેક સુવિધાઓમાં વધારો કરવામાં આવ્યો છે.

દિલ્હી-એનસીઆરમાં ધુમ્મસની ચાદર છવાઈ

ધુમ્મસ સાથે હવા પ્રદૂષણમાં પણ થયો વધારો, દિલ્હીમાં સરેરાશ AQI 390ને પાર પહોંચ્યો, જહાંગીરપુરીમાં 442 AQI, રોહિણીમાં 436 AQI, આનંદ વિહારમાં 435 AQI,ગાઝીપુરમાં 435 AQI, ચાંદની ચોકમાં 419, બુરારી ક્રોસિંગમાં 415 AQI, આર.કે. પુરમમાં 404 AQI નોંધાયો. 

આર્જેન્ટિનાના લેજેન્ડરી ફૂટબોલર મેસી ભારતના પ્રવાસે

GOAT ઈન્ડિયા ટૂર માટે કોલકાતા પહોંચ્યા મેસી, કોલકાતામાં મેસીએ પોતાના સ્ટેચ્યૂનું અનાવરણ કર્યું, મેસીને આવકારવા મોટી સંખ્યામાં યુવાનો ઉમટ્યા, મેસીની ઝલક જોવા એરપોર્ટથી હોટેલ સુધી મહેરામણ, કોલકાતાના સોલ્ટ લેક સ્ટેડિયમમાં મેસીનો કાર્યક્રમ, સ્ટેડિયમની ટિકિટના ભાવ 7 હજાર રૂપિયા સુધી. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Gandhinagar News : PM સૂર્ય ઘર મફત વીજળી યોજનાના અમલીકરણમાં દેશભરમાં ગુજરાત પ્રથમ ક્રમે

02 - Gujarat Flashback 2025 : વર્ષ 2025 દરમિયાન અમદાવાદ ક્રાઈમ બ્રાન્ચ દ્વારા મોટી માત્રામાં ડ્રગ્સ ઝડપીને ડ્રગ્સ પેડલરો સામે કરી કાર્યવાહી

03 - Banaskantha News : પાલનપુરમાં ફેક્ટરીમાંથી શંકાસ્પદ ઘી ઝડપાયું, ચંડીસર GIDCમાં ફૂડ એન્ડ ડ્રગ્સ વિભાગના દરોડા

04 - Gir Somnath News : વેરાવળના ડારી ગામે છરીના 8 ઘા ઝીંકી પતિએ કરી પત્નીની હત્યા, પત્નીની હત્યા બાદ પતિએ પણ કર્યો આપઘાત

05 - Rajkot News : રાજકોટમાં સ્કંદ હોસ્પિટલના બે ડોક્ટર સામે નોંધાઈ ફરિયાદ, સ્કીન ડોક્ટર હોવા છતાં ડેન્ગ્યુના દર્દીની સારવાર કરી

06 - Gold Price Today: ચાંદીના ભાવમાં મોટો ઘટાડો, સોનું થયું સસ્તું , જાણો તમારા શહેરનો લેટેસ્ટ રેટ

07 - Parliament Attack: સંસદ પર આતંકી હુમલાની 24મી વરસી, PM મોદીએ શહીદોને નમન કર્યા

08 - World : શું H-1B વિઝા માટે $100,000 ફી ગેરકાયદેસર છે? ન્યૂ યોર્ક સહિત 20 રાજ્યોએ ટ્રમ્પ સામે દાવો કર્યો

09 - Crorepati Penny Stock : 8 રૂપિયાનો શેર 1500ને પાર, ₹1 લાખના રોકાણકારો 5 વર્ષમાં બન્યા કરોડપતિ

10 - Pakistanના PMની ઇજ્જતનો કચરો, પહેલા 40 મિનિટ રાહ જોવડાવી પછી બેઠકમા પરાણે ઘુસ્યા શહબાજ શરીફ

સુરતમાં બે મોબાઇલ સ્નેચરોની ધરપકડ

શિવમ ઉર્ફે છોટુ બધેલ, વિકાસ સિંગની ધરપકડ, રાત્રે ચાલવા નીકળતા લોકોને ટાર્ગેટ કરી સ્નેચિંગ કરતા, 15 દિવસ CCTV ચેક કરી પોલીસે આરોપીઓને ઝડપ્યા, પોલીસે આરોપીઓ પાસેથી 6 મોબાઇલ કબ્જે કર્યા. 

સિદ્ધિઓ હાંસલ થવાના મુખ્ય પરિબળો  

રાજ્ય સરકારની નવીનીકરણીય ઊર્જાને પ્રોત્સાહન આપવા માટેની સશક્ત પ્રતિબદ્ધતા અને સક્રિય સહયોગ છે. ગુજરાતે ગ્રાહકોને મુખ્ય હિસ્સેદાર તરીકે ગણીને ગ્રાહક-પ્રથમ અભિગમ અપનાવ્યો છે. ગુજરાત એક નીતિ આધારિત રાજ્ય છે. જ્યાં સોલાર પોલિસી હેઠળ નેટ મીટરિંગનો અમલ કરવામાં આવે છે. રાજ્યમાં રહેણાંકક્ષેત્રે સોલાર સ્થાપના માટે લોડની કોઈ મર્યાદા નથી. નાગરિકો માટે ઘરે ઉત્પન્ન થતી વધારાની વીજળીની વેચાણની વ્યવસ્થા સુનિશ્ચિત કરવામાં આવી છે. સોલર સિસ્ટમ ધરાવનાર રહેણાંક વપરાશકર્તાઓને બેંકિંગ શુલ્ક ચૂકવવો પડતો નથી. નાગરિકોને કોઈ પણ પ્રકાર પરેશાની વગર સરળતાથી સોલાર રૂફ્ટોપ યોજનાનો લાભ લઇ શકે તે માટે રાજ્ય સરકારે દરેક બાબતોનું ધ્યાન આપી રહી છે. 

ગુજરાતમાં વધુમાં વધુ નાગરિકો પીએમ સૂર્ય ઘર: મફત વીજળી યોજનાનો લાભ લઇ રહ્યા છે

વધુમાં ઊર્જા મંત્રી ઋષિકેશ પટેલે જણાવ્યું હતું કે,  પીએમ સૂર્ય ઘર: મફત વીજળી યોજનાની કામગીરીની સમીક્ષા માટે રાજ્ય કક્ષાની સંકલન બેઠક બોલાવવામાં આવે છે. જેમાં રાજ્યમાં ચાલી રહેલ યોજનાની કામગીરી અંગે સમીક્ષા કરવામાં આવે છે. રાજ્ય સરકારે  પીએમ સૂર્ય ઘર: મફત વીજળી યોજના ને વધુ વેગવંતી બનાવવા અને રૂફટોપ સોલર ઇન્સ્ટોલેશન માટે ગ્રાહકોને પ્રોત્સાહિત કરવા, ૬ કિ.લો વોટ સુધીની સોલાર રૂફ્ટોપ સિસ્ટમ માટે રેગ્યુલેટરી ચાર્જીસ રૂ.૨૯૫૦ની સહાય તથા ૬ કિલો વોટ સુધીની સોલાર રૂફ્ટોપ સિસ્ટમ માટે નેટવર્ક સ્ટ્રેન્થનિંગ ચાર્જ માફ કરવામાં આવેલ છે. તેમજ વધુ સુવિધા માટે નેટ મીટરીંગ એગ્રીમેન્ટ કરવાની જરૂરિયાતમાંથી પણ મુક્તિ આપવામાં  આવેલ છે. જેના પરિણામ સ્વરૂપે ગુજરાતમાં વધુમાં વધુ નાગરિકો પીએમ સૂર્ય ઘર: મફત વીજળી યોજનાનો લાભ લઇ રહ્યા છે. 

આ યોજના હેઠળ 4.96 લાખ રૂફટોપ સોલાર સિસ્ટમ્સ સ્થાપન કરેલ છે 

ગુજરાતે ‘પીએમ સૂર્ય ઘર : મફત વીજળી યોજના’ના સફળ અમલીકરણ થકી એક ક્રાંતિકારી પહેલ કરી છે. વડાપ્રધાન દ્વારા  શરુ કરેલ પી.એમ. સૂર્ય ઘર યોજનાના અમલીકરણમાં દેશમાં ૨૫ ટકાના યોગદાન સાથે ગુજરાત સમગ્ર દેશમાં પ્રથમક્રમે છે તેમ મંત્રીએ જણાવ્યું હતું. વધુમાં મંત્રીએ ઉમેર્યું હતું કે, ગુજરાતે આગામી વર્ષ-૨૦૨૭ સુધીમાં પીએમ સૂર્ય ઘર મફત વીજળી યોજના અંતર્ગત ૧૦ લાખ રહેણાંકીય રૂફટોપ સોલાર સિસ્ટમ્સ સ્થાપવાનું લક્ષ્ય નિર્ધારિત કર્યું છે. ગુજરાતે અત્યારે સુધીમાં આ યોજના હેઠળ કુલ ૧૮૮૬ મેગાવોટ  સોલર ક્ષમતાની ૪.૯૬ લાખ રૂફટોપ સોલાર સિસ્ટમ્સ સ્થાપન કરેલ છે જે રાજ્યના લક્ષ્યાંકના ૪૯ ટકાથી વધુ છે જે એક મહત્વની સિધ્ધિ છે. 

PM સૂર્ય ઘર મફત વીજળી યોજનાના અમલીકરણમાં દેશભરમાં ગુજરાત પ્રથમ ક્રમે 

ગુજરાતમાં ઊર્જા સંરક્ષણ બાબતે કરેલી કામગીરી અંગે  ઊર્જા મંત્રી ઋષિકેશ પટેલે વિગતો આપતા  જણાવ્યું હતું કે, સોલાર ઊર્જા ઉત્પન્ન કરવામાં ગુજરાતના મુખ્યમંત્રી ભૂપેન્દ્ર પટેલના માર્ગદર્શન હેઠળ વીજળીના સતત વધી રહેલા વપરાશ અને ભાવિ માંગને પહોંચી વળવા તૈયાર છે. 

અમદાવાદમાં મ્યુલ એકાઉન્ટને લઈ તપાસ તેજ

ઈન્ડસઈન્ડ બેંકના રિલેશનશિપ મેનેજરની ધરપકડ, બોગસ એકાઉન્ટ ખોલાવી કરોડોના વ્યવહાર કર્યા, બેંક એકાઉન્ટમાં રૂ.1.95 કરોડના વ્યવહાર મળ્યા, ફરિયાદીના રૂ.2.50 લાખ તપાસ કરતા ધરપકડ, બીજાના બેંક અકાઉન્ટ મેનેજર ઓપરેટ કરતો, બેંક એકાઉન્ટ ઓપરેટ કરવા બોગસ સીમકાર્ડ ખરીદ્યા, અન્ય રાજ્યમાં પણ ફરિયાદ નોંધાઈ હોવાનો ખુલાસો. 

રાજકોટના સાંઢવાયા ગામે 30થી વધુ ગાયના મોત

કોટડાસાંગાણીના સાંઢવાયામાં ગૌશાળામાં મોત, ખોરાકી ઝેરની અસરથી ગાયના મોત થયાનું અનુમાન, શ્રી રામગર બાપુ ગૌશાળામાં 30થી વધુ ગાયના મોત, નિષ્ણાત તબીબો દ્વારા અસરગ્રસ્ત ગાયની સારવાર, હાલ મોતનું સાચુ કારણ જાણવા પીએમની પ્રક્રિયા. 

પાલનપુરની ચંડીસર જી.આઇ.ડી.સીમાં ફૂડ એન્ડ ડ્રગ્સ વિભાગના મોડી રાત્રે દરોડા

શંકાસ્પદ ઘી બનતું હોવાની બાતમીના આધારે ફૂડ એન્ડ ડ્રગ્સ વિભાગની કાર્યવાહી સામે આવી છે, અધિકારીઓ ફેક્ટરી પર પહોંચતા જ માલિક ફરાર થયો હતો અને ફેક્ટરીમાં લાખો રૂપિયાનું શંકાસ્પદ ઘીનો જથ્થો મળી આવ્યો છે, ફૂડ વિભાગે પોલીસને બોલાવી આગળની કાર્યવાહી હાથધરી છે, અગાઉ પણ આ જ ફેક્ટરીમાંથી 35 લાખ રૂપિયાનું શંકાસ્પદ ઘી જપ્ત કરાયું હતું. 

પાલનપુરમાં ફેક્ટરીમાંથી શંકાસ્પદ ઘી ઝડપાયું, ચંડીસર GIDCમાં ફૂડ એન્ડ ડ્રગ્સ વિભાગના દરોડા

બનાસકાંઠાના પાલનપુરમાં ફેક્ટરીમાંથી શંકાસ્પદ ઘી ઝડપાયું છે અને ચંડીસર GIDCમાં ફૂડ એન્ડ ડ્રગ્સ વિભાગના દરોડા સામે આવ્યા છે, સમગ્ર ઘટનામાં ફૂડ એન્ડ ડ્રગ્સ વિભાગે તપાસ શરૂ કરી છે. બનાસકાંઠાની ફેક્ટરીમાંથી લાખો રુપિયાનું શંકાસ્પદ ઘી મળ્યું છે અને અધિકારીઓ ફેક્ટરી પર પહોંચતા જ માલિક ફરાર થયો હતો, અગાઉ આ જ ફેક્ટરીમાંથી 35 લાખનું ઘી મળ્યું હતું. ફૂડ એન્ડ ડ્રગ્સ વિભાગે ફેકટરીને સિલ કરી છે અને ઘીના નમૂના એફએસેલમાં મોકલી આપ્યા છે, હવે તપાસમાં શું સામે આવે છે તે જોવાનું રહ્યું. 

હીનાબેનના ભાઈ દિનેશભાઈ મેઘજીભાઈ ચાંડપાએ બનેવી સામે ફરિયાદ નોંધાવી છે

આ બાબતનું મનદુ:ખ રાખી સવારે અચાનક પતિ વિનોદ ધોળીયા હીનાબેનના પિયર ખાતે પહોંચ્યા હતા. અહીં તેણે પોતાની પત્ની જે સિલાઈની દુકાને હતી ત્યાં જઈને તેમના પર ધારદાર છરી વડે ૮ જેટલા ઘા ઝીંકી હુમલો કર્યો હતો. પરિણીતાને ગંભીર ઈજા પહોંચી હતી. હુમલામાં ગંભીર રીતે ઘાયલ થયેલા હીનાબેનને તાત્કાલિક વેરાવળ સિવિલ હોસ્પિટલ ખાતે ખસેડવામાં આવ્યા હતા. જોકે, ફરજ પરના ડોક્ટરોએ તેમને મૃત જાહેર કર્યા હતા. ડીવાયએસપી ખેંગારના જણાવ્યા મુજબ પોલીસે સઘન તપાસ અને પોલીસ ટીમો નાકાબંધી કરી વહેલી તકે આરોપી પકડાઈ જશે તેમ જણાવ્યું હતું. હીનાબેનના ભાઈ દિનેશભાઈ મેઘજીભાઈ ચાંડપાએ બનેવી સામે ફરિયાદ નોંધાવી છે.

પરિણીતાએ પતિ સામે ભરણપોષણનો કેસ કર્યો હોવાનું પણ સામે આવ્યું છે 

તાંતીવેલા ગામના પતિ-પત્ની વિનોદ સોમાભાઈ ધોળીયા અને હીનાબેન ઉર્ફે ચંપાબેન ધોળીયાના ૨૦૦૨માં લગ્ન થયેલા અને તેમના બે પુત્રો એક ૨૧ વર્ષીય અને બીજો ૧૯ વર્ષિય રાજકોટ કામ કરે છે. દંપતી વચ્ચે ઘણા સમયથી પારિવારિક કલેશ ચાલી રહ્યો હતો જેમાં વિનોદભાઈ શારીરિક માનસિક ત્રાસ અને ચારિત્ર્ય અંગે શંકા કરતો હોય તે ત્રાસથી કંટાળીને હીનાબેન આઠ માસ પહેલા ડારી પિયરે રિસામણે હતા અને સિલાઈ કામ કરતા હતા તેમણે વિનોદભાઈ સામે મહિલા પોલીસમાં અને ભરણપોષણનો કેસ પણ નોંધાવ્યો હતો. 

વેરાવળના ડારી ગામે છરીના 8 ઘા ઝીંકી પતિએ કરી પત્નીની હત્યા, પત્નીની હત્યા બાદ પતિએ પણ કર્યો આપઘાત 

ગીર સોમનાથમાં પત્નીની હત્યા બાદ પતિએ આપઘાત કર્યો હોવાની વાત સામે આવી છે, વેરાવળના ડારી ગામે હત્યા બાદ આપઘાતની ઘટના બની હતી, રિસામણે આવેલ પત્નીને પતિએ છરીના ઘા ઝીંક્યા હતા. પતિએ 7 જેટલા છરી ઘા ઝીંકી મોતને ઘાટ ઉતારી હતી અને પત્નીની હત્યા બાદ પતિએ આપઘાત કરતા ચકચાર મચી હતી, પતિએ ઝેરી દવા પી આપઘાત કરી જીવન ટૂંકાવ્યું અને પોલીસે સમગ્ર મામલે વધુ તપાસ હાથ ધરી હતી. વેરાવળ તાલુકાના ડારી ગામે આજે સવારે પારિવારિક વિવાદમાં આઠ મહિનાથી પિયર રિસામણે રહેલી ૪૨ વર્ષીય પત્નીની તેના તાંતીવેલાના પતિએ છરીના ૮ ઘા ઝીંકીને નિર્મમ હત્યા કરી તેની બાઈક અને હથિયાર ફેંકીને નાસી છૂટ્યો હતો.

તબીયત ક્રીટીકલ છે પ્લેટલેટ કાઉન્ટ 28 હજાર આવ્યા હતા

બાદ તેના કહ્યા મુજબ લોહીનો રીપોર્ટ કરાવતા ડેન્ગ્યુની અસર થયાનું માલૂમ પડતા તુરંત કુવાડવા રોડ પરની સ્કંદ લાઈફ કેર હોસ્પિટલમાં પુત્રને દાખલ કર્યો હતો.ત્યાં ડો.સંધાણીએ પ્લેટ ચડાવવાની વાત કરેલ હતી અને સારવાર હેઠળ રખાયો હતો.બીજા દિવસે તબીબે રીપોર્ટ તપાસી કહ્યું કે તમારા પુત્રને સારૂ છે. બાદ થોડીવાર પછી પુત્રની તબીયત એકાએક લથડતા તબીબ હાજર ન હતા.જેથી તેના પત્ની જે સ્કિનના તબીબ હોય તેને પુત્રની સારવાર કરેલ બાદ તબીબે આવી પુત્રનું ચેકઅપ કરી કહ્યું કે, આગળની સારવાર વોકહાર્ટના તબીબે જીજ્ઞેશ પટેલ કરશે. કહી તેણે પણ પુત્રના રિપોર્ટ તપાસી કહ્યું કે, તેની તબીયત ક્રીટીકલ છે પ્લેટલેટ કાઉન્ટ ૨૮૦૦૦ આવેલ છે.

ફેમીલી તબીબ પાસેથી બે દિવસની દવા લીધી હતી

જયાં ચાલુ સારવારમાં મોત નિપજયું હતું.આમ તબીબોબે સારવાર દરમ્યાન બેદરકારી દાખવી હોવાનો પીડીયુના તબીબી અધિક્ષકે અભિપ્રાય આપતા પોલીસે ગુનો નોંધ્યો છે. પેડક રોડ પર સેટેલાઈટ ચોકમાં આવેલ સેટેલાઈટ શેરી નં ૧માં રહેતા ચાંદનીબેન સુભાષભાઈ રેણપરાએ બી ડીવીઝન પોલીસમાં ડો.હાર્દીક સંધાણી અને ડો.જીજ્ઞેશ પટેલ સામે નોંધાવેલ ફરિયાદમાં જણાવ્યું હતું કે ગત.તા.૧૮/૯/૨૫ના મારા પુત્ર જય ઉ.૨૮ને તાવ આવતો હોય તેમજ માથુ દુખતુ હોય જેથી ફેમીલી તબીબ પાસેથી બે દિવસની દવા લીધી હતી.

રાજકોટમાં સ્કંદ હોસ્પિટલના બે ડોક્ટર સામે નોંધાઈ ફરિયાદ, સ્કીન ડોક્ટર હોવા છતાં ડેન્ગ્યુના દર્દીની સારવાર કરી

રાજકોટમાં એન્જિયરના મોત કેસમાં ગુનો દાખલ કરવામાં આવ્યો છે, સ્કંદ હોસ્પિટલના બે ડૉક્ટર સામે ગુનો દાખલ કરવામાં આવ્યો છે, સ્કીન ડોક્ટર હોવા છતાં ડેન્ગ્યુના દર્દીની સારવાર કરી હતી. ડૉ. હાર્દિક સંઘાણી, ડૉ. જીગ્નેશ પટેલ સામે ફરિયાદ નોંધવામાં આવી છે, ડો સંઘાણીની પત્ની સ્કીન ડોક્ટરે ડેન્ગ્યુની સારવાર કરી હતી અને મોતને લઇ રિપોર્ટમાં ડૉક્ટરોની બેદરકારી સામે આવી છે, ફરિયાદીના પુત્રનું ડેન્ગ્યુની બિમારીથી મોત થયું હતું. શહેરના પેડક રોડ પરના વિસ્તારમાં રહેતા યુવકને તાવ આવતો જાણીતા તબીબ પાસેથી બે દિવસની દવા લીધા બાદ રીપોર્ટ કરાવતા તેમાં ડેગ્યુ થયાનું જાણવા મળેલ જેથી પુત્રને સ્કંદ લાઈફ કેર હોસ્પિટલમાં દાખલ કરતા બે તબીબે તેની સારવારમાં દાખવી બાદ પરિવારને જાણ કર્યા વિના જ યુવકને વોકહાર્ટ હોસ્પિટલમાં ખસેડયો હતો. 

હીરા જોટવાના જામીન રદ્દને લઇ મોટા સમાચાર

હાઇકોર્ટમાંથી હીરા જોટવાને મળી મોટી રાહત, આગામી 18 જાન્યુઆરી સુધી HCએ આપ્યો સ્ટે, જામીન રદ્દ કરી સરેન્ડર કરવા કર્યો હતો હુકમ, હીરા જોટવાએ હાઇકોર્ટમાં અરજી કરી હતી, વધુ સુનાવણી 19મી જાન્યુ.એ હાથ ધરાશે. 

ડાયમંડ જડીત મુગટ ધરાવવામાં આવ્યો દાદાને

આજે સવારે 5:30 કલાકે  મંગળા આરતી અને  સવારે 7:00 કલાકે શણગાર આરતી પૂજારી સ્વામી દ્વારા  કરવામાં આવી હતી. આજે સાંજે 4:00 કલાકે રાજોપચાર પૂજનનું આયોજન કરવામાં આવ્યું છે. આજે અનેક હરિભક્તોએ દર્શન એવં મહાપ્રસાદનો  લાભ લઈ ધન્યતાનો અનુભવ કર્યો હતો.

શ્રીકષ્ટભંજનદેવ હનુમાનજીને શનિવાર નિમિતે સેવંતીના ફૂલોનો શણગાર અને ડાયમંડ જડીત મુગટ ધરાવાયો

શ્રીકષ્ટભંજનદેવ હનુમાનજીને એમ્બ્રોઇડરી વર્ક સાથે ફૂલની ડીઝાઇનવાળા વાઘા એવં ઓર્કિડ અને સેવંતીના ફુલોનો શણગાર કરાયો અને ડાયમંડ જડીત મુગટ ધરાવવામાં આવ્યો. સુપ્રસિદ્ધ યાત્રાધામ સાળંગપુરધામ શ્રીકષ્ટભંજનદેવ હનુમાનજી મંદિર ખાતે શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી તારીખ : 13-12-2025ને શનિવારના રોજ શ્રીકષ્ટભંજનદેવ હનુમાનજીને એમ્બ્રોઇડરી વર્ક સાથે  ફૂલની ડીઝાઇનવાળા વાઘા એવં ઓર્કિડ અને સેવંતીના ફુલોનો શણગાર કરાયો અને ડાયમંડ જડીત મુગટ ધરાવવામાં આવ્યો છે. 

રાજકોટમાં એન્જિયરના મોત કેસમાં ગુનો દાખલ

સ્કંદ હોસ્પિટલના બે ડૉક્ટર સામે ગુનો દાખલ, સારવારમાં બેદરકારી બદલ બે ડૉક્ટર સામે ગુનો, ડૉ. હાર્દિક સંઘાણી, ડૉ. જીગ્નેશ પટેલ સામે ફરિયાદ, મોતને લઇ રિપોર્ટમાં ડૉક્ટરોની બેદરકારી સામે આવી, ફરિયાદીના પુત્રનું ડેન્ગ્યુની બિમારીથી મોત થયું હતું. 

સર્વસમાવેશીતાના ધ્યેયને સાકાર કરવામાં આ સિદ્ધિ મહત્ત્વપૂર્ણ છે

જિલ્લા ચૂંટણી અધિકારી રાજેન્દ્રકુમાર પટેલના માર્ગદર્શન હેઠળ, સુરેન્દ્રનગર જિલ્લાએ મતદાર યાદીની ખાસ સઘન સુધારણા ઝુંબેશમાં અતુલ્ય સિદ્ધિ હાંસલ કરી છે. SIR ઝુંબેશના ગણતરી તબક્કામાં સુરેન્દ્રનગર જિલ્લાએ ૧૦૦ ટકા કામગીરી પૂર્ણ કરીને સમગ્ર રાજ્યમાં છઠ્ઠું સ્થાન પ્રાપ્ત કર્યું છે. BLOથી લઈને ચૂંટણી પ્રક્રિયા સાથે સંકળાયેલા તમામ સ્ટાફની સઘન મહેનત અને સમર્પણ આ ઉત્કૃષ્ટ પરિણામનું કારણ છે. જિલ્લાની મતદાર યાદીની શુદ્ધતા અને સર્વસમાવેશીતાના ધ્યેયને સાકાર કરવામાં આ સિદ્ધિ મહત્ત્વપૂર્ણ છે. 

મતદારયાદી સુધારણાના આ કાર્યમાં જનસહભાગિતા વધારવી જરૂરી 

ખાસ કરીને, SIR–2025 દરમિયાન જિલ્લાની દરેક વિધાનસભા મતવિસ્તારના મતદાન મથકો પર યોજાયેલી BLO અને BLAની પૂર્વ-ડ્રાફ્ટ મીટીંગ સંબંધિત કામકાજ, BLO અને BLA દ્વારા કરવામાં આવેલ રોજકામની વિગતો, ASDR (Absent, Shifted, Death, Repeated) મતદારોની યાદીઓ (PDF સ્વરૂપે) અને આખી પ્રક્રિયાના ફોટોગ્રાફ્સ અને વીડિયો સહિતના તમામ મહત્ત્વપૂર્ણ દસ્તાવેજો હવે જિલ્લા ચૂંટણી અધિકારી, સુરેન્દ્રનગરની અધિકૃત વેબસાઇટ surendranagar.nic.in પર મૂકવામાં આવ્યા છે. મતદારયાદી સુધારણાના આ કાર્યમાં જનસહભાગિતા વધારવા માટે, આ ઉપલબ્ધ લિસ્ટ બાબતે હજુ પણ સુધારા-વધારાની વિગતો આવકાર્ય છે. 

SIR ઝુંબેશના ગણતરીના તબક્કામાં સુરેન્દ્રનગર જિલ્લામાં 100% કામગીરી સંપન્ન

ભારતના ચૂંટણી પંચના દિશાનિર્દેશો મુજબ, સ્પેશિયલ ઇન્ટેન્સિવ રિવિઝન (SIR)–2025 કાર્યક્રમ અંતર્ગત આજરોજ જિલ્લા ચૂંટણી અધિકારીના માર્ગદર્શન હેઠળ, કલેકટર કચેરી ખાતે માન્ય રાજકીય પક્ષોના પ્રતિનિધિઓ સાથે એક મહત્વપૂર્ણ બેઠક યોજાઈ હતી. આ બેઠકમાં ભારતીય જનતા પાર્ટી (BJP), ભારતીય રાષ્ટ્રીય કોંગ્રેસ (INC), આમ આદમી પાર્ટી (AAP) અને બહુજન સમાજ પાર્ટી (BSP)ના પ્રતિનિધિઓ ઉપસ્થિત રહ્યા હતા. લોકજાગૃતિ અને કાર્યક્રમમાં અધિકતમ પારદર્શિતા લાવવાના ઉદ્દેશ્યથી, વહીવટી તંત્ર દ્વારા મતદાર યાદી સુધારણા કાર્યક્રમ અંતર્ગત થયેલી તમામ કામગીરીની વિગતો રાજકીય પક્ષો સમક્ષ રજૂ કરવામાં આવી હતી.

અરવલ્લીમાં વૈડી ડેમમાંથી છોડાયું પાણી 

પિયત માટે પાણી છોડાતા ખેડૂતોમાં ખુશી, પ્રથમ તબક્કામાં 7 ક્યુસેક પાણી છોડાયું, પાણી ડાબી કેનાલ મારફતે છોડવામાં આવ્યું, પાણી છોડાતા રવિ પાકમાં ફાયદો થશે. 

સુરતમાં પરીક્ષામાં ગેરરીતિ કરતા 4 વિદ્યાર્થી ઝડપાયા

સુરતમાં પરીક્ષામાં ગેરરીતિ કરતા 4 વિદ્યાર્થી ઝડપાયા, MSC ITના વિદ્યાર્થી પ્રેક્ટિકલ પરીક્ષામાં ગેરરીતિ કરતા, Chat GPTમાંથી ગેરરીતિ કરતા વિદ્યાર્થીઓ ઝડપાયા, ગેરરીતિ કરતા ઝડપાયેલા વિદ્યાર્થીઓનું કાઉન્સેલિંગ કરાયું, ગેરરીતિ કરતા ઝડપાયેલા વિદ્યાર્થીઓ સુનાવણીમાં ગેરહાજર, 183માંથી 52 વિદ્યાર્થીઓ સુનાવણીમાં ગેરહાજર રહ્યા.

સુરતમાં નકલી નોટો સાથે 3ની ધરપકડ

સુરત પોલીસે પશ્ચિમ બંગાળથી ગુજરાત સુધી ફેલાયેલા એક આંતરરાજ્ય ફેક કરન્સી (બનાવટી નોટો) રેકેટનો પર્દાફાશ કર્યો છે. શહેરના અર્થતંત્રને નુકસાન પહોંચાડી રહેલા આ નેટવર્ક પર લીંબાયત પોલીસે સપાટો બોલાવીને કુલ રૂ. 3,84,500ની કિંમતની નકલી નોટો સાથે ત્રણ આરોપીઓની ધરપકડ કરી છે.

વડોદરામાં ઈન્ડિગોની 2 ફ્લાઈટ રદ

વડોદરામાં ઈન્ડિગોની 2 ફ્લાઈટ રદ, 10 દિવસમાં ઈન્ડિગોની 64 ફ્લાઈટ રદ, વડોદરા-દિલ્હી, દિલ્હી-વડોદરાની ફ્લાઈટ રદ, સોમવાર સુધી સ્થિતિ રાબેતા મુજબ થઈ શકે.

સુરત એરપોર્ટ પરથી ગાંજાની હેરાફેરીનો પર્દાફાશ

સુરત એરપોર્ટ પરથી ગાંજાની હેરાફેરીનો પર્દાફાશ, બેંગકોકથી આવેલા મુસાફર પાસેથી ગાંજો મળ્યો, DRIની ટીમે 1.68 કિલો ગાંજાનો જથ્થો જપ્ત કર્યો, 24 વેક્યૂમ-પેક્ડ પારદર્શક પોલિથિન પેકેટ્સ મળ્યા, FSL ટીમે તપાસ કરતા હાઇબ્રિડ ગાંજો મળી આવ્યો, ડ્રગ્સ સપ્લાયરો માટે મુસાફર બેંગકોકથી ગાંજો લાવ્યો.

સુભાષ બ્રિજની સ્થિતિ બગડ્યા બાદ AMC જાગ્યું

સુભાષ બ્રિજની સ્થિતિ બગડ્યા બાદ AMC જાગ્યું, 16 જુના બ્રિજ પર ભારે વાહન પર પ્રતિબંધ મૂકાશે, બ્રિજ, રેલવે બ્રિજ, ફ્લાયઓવર પર લગાવાશે બેરિયર, AMC પ્રતિબંધિત હાઇટ બેરિયર, સાઇન બોર્ડ લાગશે, ભારે અને ઓવરલોડ વાહનો પસાર થઈ શકશે નહીં, ભારે વાહનોથી બ્રિજને નુકસાન થતું હોવાનું અનુમાન, 2.49 કરોડના ખર્ચે તમામ 16 બ્રિજ પર બેરિયર લાગશે.

ઉત્તર ભારત માટે તીવ્ર ઠંડીની IMDની ચેતવણી

ઘણા રાજ્યોમાં તાપમાન 10 ડિગ્રીથી નીચે પહોંચ્યું છે અને રાજસ્થાન, મધ્યપ્રદેશ, પંજાબમાં ઠંડીની ચેતવણી આપવામાં આવી છે, હરિયાણા, ઉત્તરપ્રદેશમાં તીવ્ર ઠંડીની ચેતવણી આપવામાં આવી છે, રાજસ્થાનમાં સૌથી વધુ ઠંડીનો અનુભવ લોકોને થઈ રહ્યો છે, 12 જિલ્લાઓમાં તાપમાન 10 ડિગ્રીથી નીચું નોંધાયું છે અને રાજસ્થાનના સીકરમાં સૌથી ઓછું તાપમાન 7 ડિગ્રી નોંધાયું છે, મધ્યપ્રદેશના ભોપાલ, રાજગઢ, ઇન્દોરમાં ઠંડીની શરૂઆત થઈ છે, મધ્યપ્રદેશના રાજગઢમાં 7 ડિગ્રી તાપમાન નોંધાયું છે, છત્તીસગઢના સુરગુજા ક્ષેત્રમાં પણ ઠંડીનું એલર્ટ આપવામાં આવ્યું છે અને પેંડરામાં તાપમાન 9 ડિગ્રી સુધી પહોંચી ગયું છે.

આગામી 24 કલાકમા હવામાન શુષ્ક રહેવાની આગાહી

રાજ્યમાં આગામી 24 કલાકમા હવામાન શુષ્ક રહેવાની આગાહી કરવામાં આવી છે. સૌરાષ્ટ્ર-કચ્છ સહિત કેટલાક ભાગોમાં રાત્રે પારો ગગડ્યો છે. 48 કલાક બાદ તાપમાન 2 થી 3 ડિગ્રી વધી શકે છે. વહેલી સવારે કડકડતી ઠંડી, બપોરે હળવો તડકો અને સાંજ પડતાં ઠંડીનું પ્રમાણ ફરી વધશે.વધુ ઉંચાઇ વાળા ક્ષેત્રોમાં તાપમાન 5 ડિગ્રી સેલ્સિયલની નીચે પડી ગયુ છે. તાપમાનમાં ઉતાર-ચઢાવને કારણે લોકોમાં શરદી-ખાંસી અને અન્ય સ્વાસ્થ્ય સમસ્યાઓ વધવાની શરૂઆત થઇ ગઇ છે.

સવારના સમયે ઠંડીનો જોરદાર ચમકારો

હવામાન વિભાગના જણાવ્યા પ્રમાણે, રાજ્યમાં હાલમાં ઉત્તરથી પૂર્વના પવનો ફૂંકાઈ રહ્યા છે. જેના પરિણામે ખાસ કરીને સવારના સમયે ઠંડીનો જોરદાર ચમકારો અનુભવાશે.આ પરિસ્થિતિ 14 ડિસેમ્બર સુધી સામાન્ય રહેવાની શક્યતા છે.પવનની ગતિ વધુ હોવાથી લઘુતમ તાપમાન ભલે સ્થિર રહે, પરંતુ શીતલહેર જેવી ઠંડીનો અહેસાસ જારી રહેશે. ખેડૂતોને તેમના રવિપાકની જાળવણી માટે આ ઠંડું હવામાન સાનુકૂળ રહેશે, જોકે લોકોને ઠંડીથી બચવા માટે જરૂરી તકેદારી રાખવાની સલાહ આપવામાં આવી છે.

હજી પણ કડકડતી ઠંડી માટે રહેજો તૈયાર, નલિયા 8.8 ડિગ્રી સાથે સૌથી ઠંડુ શહેર બન્યું

રાજ્યમાં ઠંડીનો ચમકારો યથાવત રહ્યો છે, નલિયા 8.8 ડિગ્રી સાથે સૌથી ઠંડુ શહેર બન્યું છે, તો બીજી તરફ 17 શહેરમાં લઘુત્તમ તાપમાન 15 ડિગ્રીથી નીચે નોંધાયું છે. રાજ્યમાં ઠંડીનો ચમકારો યથાવત રહ્યો છે, નલિયા 8.8 ડિગ્રી સાથે સૌથી ઠંડુ શહેર બન્યું છે, કંડલા એરપોર્ટમાં 10.9 ડિગ્રી તાપમાન, અમદાવાદમાં 13.1, ગાંધીનગરમાં 12.6 ડિગ્રી, ડીસામાં 12.4 ડિગ્રી, વડોદરામાં 12.8 ડિગ્રી, સુરતમાં 14.8 ડિગ્રી, દમણમાં 13.6 ડિગ્રી ભુજ અને કંડલા પોર્ટમાં 14.5 ડિગ્રી તાપમાન, વલ્લભ વિદ્યાનગરમાં 14.8 ડિગ્રી તાપમાન નોંધાયું છે. 

અમદાવાદની ખ્યાતિ હોસ્પિટલ કેસ

ડૉ.સંજય પટોલિયાની ડિસ્ચાર્જ અરજી ફગાવાઇ, રાજશ્રી કોઠારીની ડિસ્ચાર્જ અરજી પણ ફગાવાઇ, અરજી ટકવાપાત્ર નહીં હોવાની ગ્રામ્ય કોર્ટની નોંધ, ગુનાની ગંભીરતાને જોતા આરોપીના જામીન ફગાવાયા.

મોરબીના આમરણમા 3 દુકાનોમાં ચોરી

જ્વેલર્સની દુકાનમાંથી 40 હજારના દાગીનાની ચોરી, ફરસાણની દુકાનમાંથી 50 હજારની રોકડની ચોરી, મેડિકલ સ્ટોરમાંથી 7 હજાર રોકડની ચોરી, ચોરીનાં CCTV ફૂટેજ સામે આવ્યા, પોલીસે ચોરીના બનાવની તપાસ હાથ ધરી. 

અકસ્માત સર્જી આઇસર ટ્રક ચાલક ટ્રક મૂકી ફરાર 

મહેશ(માયાભાઇ) દેવાભાઇ લોરીયા કોળીપટેલ ઉ.વ 17, કિશનભાઇ બળદેવભાઇ રેથલીયા કોળીપટેલ ઉ.વ. 30 ના મોત નિપજ્યા છે, બંને મૃતકો ભાસ્કરપરા ગામ તા-લખતર સુરેન્દ્રનગરના રહેવાસી છે, અને અકસ્માતને લઇ વિરમગામ રૂરલ પોલીસે તપાસ હાથધરી છે અને મૃતદેહને પીએમ માટે ખસેડાયા છે, પીએમ થયા બાદ મૃતદેહ પરિજનોને સોંપવામાં આવશે, બાઇક ચાલકે વિઠ્ઠલાપરાથી રામછાપરી તરફ આવતા હતા એ દરમિયાન રોંગ સાઇડમા આવેલા આઇસર ટ્રક ચાલકે બાઇક ચાલકને અડફેટે લેતા અકસ્માત થયો હોવાની પ્રાથમિક માહિતી છે.

વિરમગામ હાઇવે પર અકસ્માતમાં મોતની ઘટના

વિરમગામ-સુરેન્દ્રનગર હાઇવે પર અકસ્માતમાં 2 યુવકોના મોત થયા છે અને વિરમગામ હાઇવે પર રામછાપરી- વિઠ્ઠલાપરા ગામ વચ્ચે આ ઘટના બની હોવાની વાત સામે આવી છે, પુર ઝડપે ચાલતા આઇસર ટ્રક ચાલકે બાઇકને અડફેટે લીધા હતા અને યુવાનો પર ટાયર ફરી વળતા તેમનું મોત થયું છે. મોડી રાત્રે આ ઘટના બની હોવાની વાત છે. 

વિરમગામ-સુરેન્દ્રનગર હાઈવે પર ટ્રકના ડ્રાઈવરે રોંગ સાઈડ ટ્રક ચલાવી સર્જયો અકસ્માત, 2ના ઘટના સ્થળે મોત 

વિરમગામ હાઇવે પર અકસ્માતમાં 2ના મોત થયા હોવાની વાત સામે આવી છે, રોંગ સાઈડમાં સ્પીડમાં ટ્રક ચલાવી અકસ્માત સર્જયો હોવાની વાત સામે આવી છે, પોલીસે તપાસ શરૂ કરી. પૂરપાટ ઝડપે ટ્રકચાલકે બાઈટને ટક્કર મારી અને રામછાપરી- વિઠ્ઠલાપરા ગામ પાસે અકસ્માત સર્જાયો છે, અકસ્માત સર્જી ચાલક ટ્રક મૂકીને થયો ફરાર, તો ઘટનાની જાણ થતાની સાથે લોકોના ટોળા ઉમટયા હતા અને યુવાનોને સારવાર મળે તે પહેલા તેમના મોત થયા હતા. તો પોલીસે પણ અકસ્માતે મોતનો ગુનો નોંધ્યો છે. 

ભાવનગર જિલ્લા જેલમાંથી મળ્યુ સીમકાર્ડ

બેરક નં.2 માંથી નયના બારૈયા પાસે સીમ મળ્યુ, સસ્પેન્ડેડ મહિલા પોલીસ કર્મી છે નયના બારૈયા, જેલમાં સરપ્રાઈઝ ચેકિંગ દરમિયાન મળ્યુ સીમકાર્ડ, નયના બારૈયા સામે નોંધાયો વધુ એક ગુનો, અગાઉ આરોપીને આશરો આપવાનો નોંધાયો છે ગુનો, એટ્રોસીટીના આરોપીને આશરો આપવાનો ગુનો, જિલ્લા જેલ તંત્રએ સમગ્ર મુદેદ વધુ તપાસ શરૂ કરી.

રાજકોટ SOGનું શહેરના પાનપાર્લરોમાં ચેકિંગ

કિસાન પરા ચોક, સદર બજાર, યાજ્ઞિક રોડ પર ચેકિંગ, SOGનું કાલાવડ રોડ સહિતના સ્થળે ચેકિંગ, નશાકારક પદાર્થોના વેચાણની આશંકાએ ચેકિંગ, ઇ સિગારેટ, ગાંજામાં વપરાતા ગોગો પેપર્સની તપાસ.

જુનાગઢમાં 6 આરોપીઓ સામે ગુજસીટોક

રવિ રબારી ગેંગના સાગરીતો જેલ હવાલે, ગેંગ સામે કુલ 45 પોલીસ ફરિયાદ નોંધાયેલી, ગેંગ સામે દારૂબંધી ભંગના 30થી વધુ ગુનાઓ ટ્રકની નંબર પ્લેટ બદલી દારૂ ઘુસાડતા હતા.

જુનાગઢમાં 9 સ્પા સંચાલકો સામે કાર્યવાહી

સ્પા ધારકો સામે જાહેરનામા ભંગની કાર્યવાહી, પોલીસે અલગ અલગ ટીમ બનાવી તપાસ કરી, દૈનિક રજિસ્ટર, CCTV સહિત તપાસ કરી, અન્ય રાજ્યના કર્મચારીની નોંધણી તપાસી.

સુરતના કડોદરામાં ચલથાણ બજારમાં આગ

પ્લાસ્ટિકની દુકાનમાં આગ લાગતા દોડધામ, દુકાનમાં ફાયર સેફ્ટીના સાધન પણ ન હતા, દુકાનના પતરા તોડી આગ પર કાબૂ મેળવ્યો, 2 ફાયર ફાયટર દ્વારા આગ પર કાબૂ મેળવાયો.