Gujarat Latest News Live : ભારત અંડર 19 વર્લ્ડ કપમાં છઠ્ઠી વખત વર્લ્ડ ચેમ્પિયન બન્યું, વૈભવ સૂર્યવંશીની તોફાની ઈનિંગ સામે અંગ્રેજો પરાસ્ત

સુરત નેશનલ એક્સપ્રેસ વે 4 પર અકસ્માત

સુરત નેશનલ એક્સપ્રેસ વે ચાર પર અકસ્માતની ઘટના સામે આવી છે. કિમના નરોલી ગામે અકસ્માત સર્જાતા એકનું મોત નિપજ્યું છે. અકસ્માત બાદ કારમાં આગ લાગી હતી. કાર નજીક યુવકનો મૃતદેહ મળી આવ્યો છે. યુવક કાર ચાલક હોવાની  આશંકા છે. ફાયર બ્રિગેડે કારની આગ ઓલવી હતી.

પાટણમાં ઠાકોર સમાજના બંધારણના ઉલ્લંઘનનો મુદ્દો

પાટણમાં ઠાકોર સમાજના બંધારણના ઉલ્લંઘનનો મુદ્દો, સાંતલપુરના કોરડા ગામના સરપંચ વિરુદ્ધ પોસ્ટર વોર, સરપંચના પિતા મગનજી ઠાકોર વિરુદ્ધ પોસ્ટર વોર, ઠાકોર સમાજના પ્રમુખ પદેથી રાજીનામાની માગ, પોસ્ટ વાયરલ થતા ઠાકોર સમાજે મીટિંગ બોલાવી, લેંબાજી અને મગનજી ઠાકોર સામે થઇ શકે કાર્યવાહી

CM ભુપેન્દ્ર પટેલ આવતીકાલે બનાસકાંઠામાં

અંબાજીમાં  સુવર્ણ શિખર ધારી મંદિરમાં કરશે દર્શન, રૂ. 950 કરોડના વિકાસ કાર્યનું કરશે ખાતમુહૂર્ત, અંબાજી કોરિડોર પ્રોજેક્ટના પ્રથમ ફેઝનુ શિલાન્યાસ,અંબાજી-દાંતા રોડ પર 16 ફૂટ ઊંચા ત્રિશૂળનું કરશે લોકાર્પણ, બાળકીના આમંત્રણ પર ઉત્તમપુરામાં લેશે મુલાકાત, પ્રાથમિક શાળાની બાળકીએ આપ્યુ આમંત્રણ, સામ્યા પ્રજાપતિએ વીડિયો કોલમાં આપ્યુ હતુ આમંત્રણ, દીકરીના આમંત્રણને લઇ સીએમ પ્રાથમિક શાળામાં પહોચશે 

નવસારી LCBએ બૂટલેગરોનો ખેલ ખુલ્લો પાડ્યો

નવસારી LCBએ બૂટલેગરોનો ખેલ ખુલ્લો પાડ્યો, ગુજરાતમાં દારૂ ઘૂસાડવાનો ખેલ ખુલ્લો પાડ્યો, જૂના ટાયરની આડમાં લવાતો હતો દારુ, દારુની બોટલો ભરી સુરત તરફ રવાના કરાયો હતો, નવસારી LCBએ બાતમીના આધારે દારુ ઝડપી પાડ્યો, ટ્રેક્ટરના 8 ટાયરમાં દારુ ભરીને લવાતો હતો

ચિરોડા ગામે પોલીસની ટીમ પર હુમલો

ભાવનગરના ચિરોડા ગામે પોલીસની ટીમ પર હુમલો,112 નંબર પર કોલ આવતા પહોંચી હતી પોલીસ, અસ્થિર મગજના વ્યક્તિએ કર્યો પોલીસ પર હુમલો, હુમલામાં પીસીઆર વાનના ડ્રાઇવરને પહોંચી ઇજા, બબાલને લઇ પોલીસને બોલાવાઇ હતી 

દારુબંધીની નીતિને લઇને પૂર્વ CM શંકરસિંહ વાઘેલાએ પ્રહાર

દારુબંધીની નીતિને લઇને પૂર્વ CM શંકરસિંહ વાઘેલાએ પ્રહાર કર્યા છે.ગુજરાતમાંથી દારુબંધીનું નાટક દુર થવું જોઇએ, દારુબંધીનો કુત્રિમ હાઉ ઉભો કરવામાં આવ્યો છે. દારુબંધીના કારણે ગુજરાતની યુવાની ગુટખા બાજુ વળી, દારુબંધીની નીતિને હવે દુર કરવાની જરુર છે, ગુજરાતીઓ ખોટી દારુબંધીની વિરુદ્ધમાં છે, દારુને ટોનિકની જેમ પીવાય, છાકટા ન બનીએ, દારુ પાર્ટીમાંથી પકડાયેલા લોકો મોં છુપાવીને ફરતા જોયા, કોઇ મર્ડર, બળાત્કાર, લૂંટ કરી હોય તે રીતે રજૂ કરાયા પોલીસ પણ મર્યાદા રાખે, યુવાનોને મીડિયામાં ન બતાવે, કુત્રિમ કન્ટ્રોલવાળી દારુબંધી નીતિ દૂર થવી જોઇએ, ગુજરાતમાંથી દારુબંધીનું નાટક કાઢી નાંખે એવાને મત આપો, ગુજરાતમાં ગાંધી-સરદારના નામે હવે હદ થઇ ગઇ

સોલા પોલીસે હુમલો કરનાર 3 આરોપીઓની ધરપકડ કરી

સોલામાં લૂંટના ઇરાદે જીવલેણ હુમલાના બનાવમાં સોલા પોલીસે હુમલો કરનાર 3 આરોપીઓની ધરપકડ કરી છે. દિનેશ ડામોર, સુરેશ ડામોર, પંકજ કટારા એકલ દોકલ જતા વ્યક્તિઓને લૂંટવાની ટેવ ધરાવે છે જેમણે ફરિયાદી સંદીપ બિહારી પર લૂંટ કરવાના ઇરાદે છરી વડે હુમલો કર્યો હતો.વૈષ્ણોદેવી સર્કલથી ગોતા પાસે ફરિયાદી પેશાબ કરવા ઊભો રહ્યો તે દરમ્યાન 3 આરોપીઓએ હુમલો કર્યો હતો.હુમલામાં ફરિયાદી ઇજાગ્રસ્ત થતા તેને સોલા સિવિલ હોસ્પિટલમાં સારવાર અર્થે ખસેડાયો છે

મેમ્કો વિસ્તારમાં પારિવારિક ઝઘડામાં પથ્થરમારાની ઘટના

અમદાવાદના મેમ્કો વિસ્તારમાં પારિવારિક ઝઘડામાં પથ્થરમારાની ઘટના સામે આવી છે. દેરાણી જેઠાણી વચ્ચે ચાલી રહેલા મિલકતના ઝગડામાં પથ્થરમારો થયો હતો. જેમાં બે લોકો ઈજાગ્રસ્ત થયા હતાં. પોલીસે પહોંચીને મામલો થાળે પાડ્યો હતો. ઈજાગ્રસ્તને સારવાર અર્થે હોસ્પિટલ ખસેડાયા હતાં. સમગ્ર બનાવને લઈ કૃષ્ણનગર પોલીસે વધુ તપાસ હાથ ધરી છે.

T20 વર્લ્ડકપ 2026માંથી હર્ષિત રાણા બહાર

T20 વર્લ્ડ કપમાંથી હર્ષિત રાણા બહાર થયો છે. ઈજા થવાના કારણે હર્ષિત રાણા બહાર થયો છે. તેના સ્થાને મોહમ્મદ સિરાજને સ્થાન મળ્યું છે.

બનાસકાંઠામાં દારૂબંધી માટે વિધવા મહિલાની અપીલ

બનાસકાંઠામાં દારૂબંધી માટે વિધવા મહિલાની અપીલ,વિધવા મહિલાએ દારૂબંધી માટે કરી અપીલ, ગ્રામજનો અને સમાજને વ્યસન છોડવા કરી વિનંતી, નાના, જામપુર ગામે યોજાઈ હતી સામાજિક બેઠક,મહિલાનો અપીલ કરતો વીડિયો સોશિયલ મીડિયમાં વાયરલ, મહિલાએ ભાવુક થઈને જાહેરમાં વ્યક્ત કરી પીડા, દારૂના કારણે કોઈ મહિલા વિધવા ના બને 

વેદાંત ત્રિવેદીના નિવાસ્થાને ભવ્ય ઉજવણી, ભારતે અંડર-19 વર્લ્ડ કપ જીત્યો

ભારતીય ટીમે ઈંગ્લેન્ડને હરાવીને ICC અંડર-19 વર્લ્ડ કપ 2026 જીતી લેતા અમદાવાદમાં ખુશીનો માહોલ જોવા મળી રહ્યો છે. ખાસ કરીને ભારતીય ખેલાડી વેદાંત ત્રિવેદીના નિવાસસ્થાને ફટાકડા ફોડીને અને મીઠાઈ વહેંચીને ભવ્ય ઉજવણી કરવામાં આવી હતી. વેદાંતના પિતા અલ્પેશ ત્રિવેદીએ ગર્વ સાથે જણાવ્યું હતું કે, "ટીમ ઇન્ડિયાએ શાનદાર પ્રદર્શન કર્યું છે; શરૂઆતમાં વૈભવની બેટિંગે ઈંગ્લેન્ડને બેકફૂટ પર ધકેલી દીધું હતું અને વેદાંતે પણ મહત્વનું યોગદાન આપ્યું છે." આ ઐતિહાસિક જીતથી સમગ્ર ગુજરાત અને દેશમાં હર્ષની લાગણી છવાઈ ગઈ છે.

પટિયાલાથી વિરાર સુધી જીતનો જશ્ન, વિહાન મલ્હોત્રા અને ઉદ્ધવ મોહનના પરિવારોમાં ખુશીની લહેર

ભારતીય અંડર-19 ક્રિકેટ ટીમે ઈતિહાસ રચતા આઈસીસી (ICC) અંડર-19 ક્રિકેટ વર્લ્ડ કપનો ખિતાબ પોતાના નામે કર્યો છે. ફાઈનલ મુકાબલામાં ભારતે પ્રથમ બેટિંગ કરતા 411 રનનો વિશાળ સ્કોર બનાવ્યો હતો, જેના જવાબમાં ઈંગ્લેન્ડની ટીમ માત્ર 311 રનમાં ઓલઆઉટ થઈ ગઈ હતી. 100 રનની આ ભવ્ય જીત સાથે ભારત ફરી એકવાર વિશ્વ વિજેતા બન્યું છે. આ જીત બાદ સમગ્ર દેશમાં ખુશીનો માહોલ છે. ખેલાડી ઉદ્ધવ મનીષ મોહનનો પરિવાર જીતના જશ્નમાં ડૂબ્યો હતો, જ્યાં સભ્યોએ ઢોલના તાલે ડાન્સ કર્યો હતો અને એકબીજાને મીઠાઈ ખવડાવીને મોઢું મીઠું કરાવ્યું હતું.

અમિત શાહે શહીદ જવાનોના પરિવારોને નિમણૂક પત્રો એનાયત કર્યા

કેન્દ્રીય ગૃહમંત્રી અમિત શાહે જમ્મુના લોક ભવન ખાતે આયોજિત એક કાર્યક્રમમાં શહીદ જવાનોના પરિવારો સાથે ભાવુક મુલાકાત કરી હતી. આ પ્રસંગે તેમણે દેશની સુરક્ષા કાજે સર્વોચ્ચ બલિદાન આપનારા વીર શહીદોના વારસદારોને રહેમરાહે નિમણૂક પત્રો એનાયત કર્યા હતા. શાહે શહીદ પરિવારો પ્રત્યે સંવેદના વ્યક્ત કરતા જણાવ્યું હતું કે, રાષ્ટ્ર આ વીરોની કુરબાનીનો હંમેશા ઋણી રહેશે અને સરકાર તેમના પરિવારોના કલ્યાણ માટે સંપૂર્ણપણે પ્રતિબદ્ધ છે.

ભારત અંડર 19 વર્લ્ડ કપમાં છઠ્ઠી વખત વર્લ્ડ ચેમ્પિયન બન્યું

અંડર 19 વર્લ્ડ કપમાં ભારતે ઇંગ્લેન્ડને 100રને હરાવ્યું છે.ભારતે આપેલા 412 રનના ટાર્ગેટ સામે અંગ્રેજોની ટીમ 311 રનમાં ઓલઆઉટ થઈ ગઈ હતી. ભારત અંડર 19 વર્લ્ડ કપમાં છઠ્ઠી વખત વર્લ્ડ ચેમ્પિયન બન્યું છે. વૈભવ સૂર્યવંશીની તોફાની ઈનિંગ સામે અંગ્રેજોની ટીમ પરાસ્ત થઈ ગઈ હતી. 

અમદાવાદમાં AQI સુધારવા AMCની મથામણ

અમદાવાદમાં હવા પ્રદૂષણ મર્યાદા બહાર વધી રહ્યું છે.  વાહનો અને બાંધકામ સાઈટોના કારણે એર પોલ્યુશનમાં વધારો થયો છે. શહેરના કેટલાક વિસ્તારોમાં એર ક્વોલિટી ઈન્ડેક્સ હાઈ લેવલ પર જોવા મળી રહ્યો છે. ત્યારે શહેરમાં AQI સુધારવા મહાનગર પાલિકા દ્વારા મથામણ શરૂ કરવામાં આવી છે. શહેરમાં 2030માં યોજાનાર કોમનવેલ્થ ગેમ્સ પહેલા એર ક્વોલિટી ઈન્ડેક્સ સુધારવા કામગીરી કરવામાં આવશે. 

વડોદરામાં બાળકની શ્વાસનળીમાં LED બલ્બ ફસાયો

વડોદરામાં બાળકની શ્વાસનળીમાં LED બલ્બ ફસાયો,ગોત્રી હોસ્પિટલના તબીબોએ બાળકીને આપ્યું નવજીવન,અશક્ય ઓપરેશન કરી તબીબોએ બાળકીને બચાવી, દોઢ મહિનાની બીમારી બાદ સત્ય સામે આવ્યું, બાળક બિમાર પડતા શ્વાસનળીમાં બલ્બ હોવાનુ ખુલ્યુ 

અમદાવાદમાં ચેક બાઉન્સ પેન્ડિંગ કેસોમાં સુનાવણી 

અમદાવાદમાં ચેક બાઉન્સ પેન્ડિંગ કેસમાં સુનાવણી હાથ ધરાઈ હતી. પ્રથમ દિવસે ચાર લાખ કેસોનો નિકાલ કરાયો હતો. ચીફ જ્યુડિશિયલ મેજિસ્ટ્રેટ કોર્ટમાં સુનાવણી કરી હતી. નેગોશિયબલ ઇન્સ્ટ્રુમેન્ટ એક્ટ મુજબ ઓનલાઇન ચૂકવણી અને ઓનલાઈન ચૂકવણી પણ સ્વીકારવામાં આવી છે. દર શુક્રવારે બેંકના કેસોની થશે સુનાવણી.સુપ્રીમ કોર્ટના આદેશ મુજબ કાર્યવાહી શરૂ

પાટણના રાધનપુરમાં વિક્રમ ઠાકોર સામે રોષ 

તાલુકા પંચાયતમાં ભાજપના પૂર્વ પ્રમુખ દિનેશ ઠાકોરે વિક્રમ ઠાકોરને ચેતવણી આપતાં કહ્યું હતું કે, તેઓ માપમાં અને મર્યાદામાં રહે. સમાજના બંધારણના લીરે લીરા ઉડી રહ્યાં છે. તાકાત હોય તો ઉત્તર ગુજરાતમાં પોગ્રામ કરી બતાવો. સરકારે સન્માન નહીં કરતા સમાજ યાદ આવ્યો હતો. ફિલ્મો બનાવી સમાજના લોકોને દારૂના રવાડે ચઢાવ્યા છે. બીજી બાજુ ઠાકોર સમાજના આગેવાન મુકેશજી ઠાકોરે કહ્યું હતું કે, સમાજના કલાકારોના નિવેદન સામે આવી રહ્યાં છે. 

ગુજરાત હાઈકોર્ટની સરકારને ફટકાર અને આદેશ

ગુજરાત હાઈકોર્ટે રાજ્ય સરકારની ઝાટકણી કાઢી હતી. કન્ટેમ્પ્ટ ઓફ કોર્ટની પીટીશનમાં સરકારી બાબુઓનો ઉધડો લીધો હતો. હાઇકોર્ટના આદેશ છતાં પાલન ન કરતા માંગ્યો ખુલાસો,વન કર્મચારીને પગાર ચૂકવવા હાઇકોર્ટનો હતો હુકમ,હુકમ છતાં અવગણના કરતા કોર્ટે કાઢી ઝાટકણી,ફાયનાન્સ સેક્રેટરીને હાઇકોર્ટએ કર્યા સવાલ,શું નાણા વિભાગ પગાર ચૂકવવા અનુમતિ નથી આપતુ,નાણા વિભાગને હાઇકોર્ટના હુકમની કદર નહીં કે શું

 ગુજરાત યુનિવર્સિટી હોસ્ટેલમાં વિદ્યાર્થિનીનો આપઘાત

ગુજરાત યુનિવર્સિટી હોસ્ટેલમાં બોટાદથી NSS કેમ્પમાં આવેલી 21 વર્ષીય વિદ્યાર્થિનીનો આપઘાતનો બનાવ સામે આવ્યો છે. હોસ્ટેલમાં ગળે ફાંસો ખાઇ વિદ્યાર્થિનીએ કર્યો આપઘાત. ગુજરાત યુનિવર્સિટી પોલીસે તપાસ હાથ ધરી.આપઘાત પાછળનુ કારણ હાલ અકબંધ 

ગુજરાત દિલ્હીથી ભારત ટેક્સી સેવાનો કરાયો શુભારંભ

દેશની પ્રથમ કો-ઓપરેટિવ ટેક્સી સર્વિસ 'ભારત ટેક્સી એપ' આજથી સત્તાવાર રીતે લોન્ચ કરવામાં આવી છે. સહકારિતા મંત્રાલય દ્વારા લોન્ચ કરવામાં આવેલી આ નવી કેબ સર્વિસ સીધી રીતે ઓલા-ઉબર અને રેપિડો જેવી પ્રાઈવેટ રાઈડ-હેલિંગ કંપનીઓની મોનોપોલીને પડકારશે. કેન્દ્રીય ગૃહપ્રધાન અમિત શાહે વિજ્ઞાનભવનમાં ભારત ટેક્સીને સત્તાવાર લોન્ચ કરી છે. ત્યારે આ ટેક્સીની પ્રથમ તબક્કામાં ગુજરાતના અમદાવાદ અને રાજકોટ તેમજ દિલ્હીથી શરૂ થઈ છે

સાબરકાંઠાના પ્રાંતિજમાં હત્યાનો ભેદ ઉકેલાયો

સાબરકાંઠાના પ્રાંતિજમાં હત્યાનો ભેદ ઉકેલાયો છે. ભાભીએ જ સોપારી આપી દિયરની હત્યા કરાવી છે. નિષ્ઠુર ભાભીએ વિષ્ણુસિંહ મકવાણાની કરાવી હત્યા,હત્યા કરી લવારી જવાના માર્ગ પર ફેંક્યો મૃતદેહ,મોબાઈલ ડિટેલ્સથી ખૂની ખેલનો થયો પર્દાફાશ, પ્રેમ સંબંધની શંકાના ઝઘડામાં લેવાયો જીવ, બે લાખની સોપારી આપીને દિયરની કરાવી હત્યા

છારીઢાંઢને વૈશ્વિક ઓળખ મળી 

મુખ્યમંત્રીએ આ સિદ્ધિ બદલ મંત્રી અને સમગ્ર વન વિભાગની ટીમને અભિનંદન પાઠવ્યા હતા.છારીઢાંઢ ગુજરાતનું પાંચમું અને કચ્છનું પ્રથમ આંતરરાષ્ટ્રીય મહત્વ ધરાવતા જળપ્લાવિત વિસ્તાર તરીકે ‘રામસર’ સાઇટનું પ્રમાણપત્ર મળ્યું છે. છારીઢાંઢ રણ અને ઘાસનાં મેદાનોની વચ્ચે આવેલો જળપ્લાવિત વિસ્તાર છે, જ્યાં દર વર્ષે હજારો પ્રવાસી પક્ષીઓ આવે છે.તેમાં વૈશ્વિક સ્તરે મહત્વ ધરાવતા ગ્રે હાયપોકોલિયસ પક્ષીનો સમાવેશ થાય છે.વર્ષ ૨૦૦૮માં વન્યજીવ સંરક્ષણ અધિનિયમ, ૧૯૭૨ની જોગવાઈઓ હેઠળ છારીઢાંઢને ગુજરાતનું પ્રથમ કન્ઝર્વેશન રિઝર્વ જાહેર કરવામાં આવ્યું હતું અને તેના સરંક્ષણ માટે જરૂરી તમામ પગલાઓ લેવામાં આવ્યા અને આજે તેના ફળસ્વરૂપે, છારીઢાંઢને વૈશ્વિક ઓળખ મળી છે. 

વાંચો 06 વાગ્યા સુધીના મહત્વના સમાચાર

1. Ahmedabad News: ખાડિયા પોલીસ સ્ટેશનમાં ડિટેઇન કરેલા વાહનોમાં લાગી આગ, 50થી વધુ વાહનો બળીને ખાખ

2. Ambaji માં ભાજપ પ્રમુખ વિવાદના ઘેરામાં, વ્યાજખોરીના આક્ષેપ સાથે વેપારી પહોંચ્યા SP કચેરી

3. Automobile માર્કેટમાં આ SUVએ લોન્ચ થતા જ મચાવ્યો તરખાટ, વેચાણનો આંકડો 6 લાખને પાર

4. Cyber Fraud : ટીમ ઈન્ડિયાના ક્રિકેટર રિંકુ સિંહને હેકર્સ લૂંટી ગયા, આવી રીતે થયો સમગ્ર કાંડ

5. Ahmedabad News: બાળકોમાં મોબાઈલનું વળગણ 'ધીમું ઝેર'; મનોચિકિત્સકની વાલીઓને ગંભીર ચેતવણી

6. Rafale હવે બનશે વધુ ઘાતક, 2028થી ફ્રેન્ચ જેટમાં જોડાશે ભારતની સ્વદેશી ‘અસ્ત્ર’ મિસાઇલ

7. BMC મેયર અંગે સસ્પેન્સ થશે પૂર્ણ, 7 ફેબ્રુઆરીએ BJP જાહેર કરી શકે છે નામ

8. Googleની નવી ચેતવણી, 100 કરોડ એન્ડ્રોઇડ યુઝર્સ પર હેકિંગનો ખતરો, જાણો તમારો ફોન સુરક્ષિત છે કે નહીં?

9. Ahmedabad News: રેલવે વિભાગે જાન્યુઆરી 2026માં આવકનો રેકોર્ડ તોડ્યો, જાણો ગત વર્ષ કરતાં કેટલી વધુ છે?

10. Surendranagar માં વિકાસનો મહાકુંભ, CM ભૂપેન્દ્ર પટેલના હસ્તે રૂ. 539 કરોડના કામોની ભેટ

આશા વર્કર બહેનો હવે આરપારના જંગના મૂડમાં

ગુજરાતમાં આરોગ્ય સેવાની કરોડરજ્જુ ગણાતી આશા વર્કર બહેનો હવે આરપારના જંગના મૂડમાં છે. સંગઠન એજ શક્તિ ના નારા સાથે ગુજરાત આશા વર્કર યુનિયને આજે થરાદ ખાતે  બહોળી સંખ્યા માં રેલી કાઢી નારા સાથે થરાદ પોસ્ટ ઓફીસ ખાતે તમામ આશા વર્કર બહેનોએ મુખ્યમંત્રીને પત્ર લખી ગંભીર ચીમકી આપી છે. આરોગ્ય વિભાગ દ્વારા થોપવામાં આવતી ઓનલાઈન ડેટા એન્ટ્રી સામે બહેનોનો આક્રોશ ફાટી નીકળ્યો છે.

વડોદરાના શિનોરમાં વૃદ્ધને હનીટ્રેપનો શિકાર 

વડોદરાના શિનોરમાં વૃદ્ધને હની ટ્રેપમાં ફસાવવામાં આવ્યા હોવાનો બનાવ સામે આવ્યો છે. મહિલા સહિત 9 શખ્સોએ કાવતરૂ રચ્યું હતું. ભોગ બનનાર વૃદ્ધે પોલીસમાં ફરિયાદ નોંધાવી હતી. શિનોર પોલીસે ગુનો નોંધી વધુ તપાસ હાથ ધરી છે. વીડિયો બનાવી વાયરલ કરવાની ધમકી આપી  હતી. 75 લાખ રૂપિયા પડાવી આરોપીઓ ફરાર થઈ ગયાં છે. 

અમદાવાદના ખાડિયા પોલીસ સ્ટેશન પાસે આગ

અમદાવાદના ખાડિયામાં પોલીસ સ્ટેશન પાસે રાખવામાં આવેલા મુદ્દામાલના વાહનોમાં આગ લાગી છે.ડિટેઈન કરેલા વાહનોમાં અચાનક આગ લાગી હતી. આ આગમાં 25 જેટલા વાહનો બળીને ખાખ થઈ ગયા હતાં. ફાયર વિભાગે વાહનોમાં લાગેલી આગ પર કાબુ મેળવ્યો હતો.  

સંરક્ષણ સચિવ રાજકુમારે કચ્છની મુલાકાતે

સંરક્ષણ સચિવ રાજકુમાર કચ્છની મુલાકાતે આવ્યા છે. કચ્છના ક્રિક વિસ્તારની તેમણે મુલાકાત કરી હતી. કાંઠા વિસ્તારમાં એજન્સીની કામગીરીનું નિરીક્ષણ કર્યું હતું. પૂર્વ સૈનિકો અને તેમના પરિવારો સાથે મુલાકાત કરી હતી. 

CM ભૂપેન્દ્ર પટેલ સુરેન્દ્રનગરની મુલાકાતે

મુખ્યમંત્રી ભૂપેન્દ્ર પટેલ સુરેન્દ્રનગરની મુલાકાતે પહોંચ્યા છે. સુરેન્દ્રનગરમાં વિકાસ કામોનું લોકાર્પણ અને ખાતમુહુર્ત કરવામાં આવ્યું છે. 539 કરોડના 25 પ્રોજેક્ટનું ખાતમુહુર્ત કરાયું છે. 

સૈજપુરથી શાહવાડીને જોડતા રોડમાં તિરાડો પડી

અમદાવાદ મહાનગર પાલિકા દ્વારા સૈજપુરથી શાહવાડીને જોડતા રોડમાં તિરાડો પડી છે. ડામર અને કોંક્રિટનું મટીરિયલ ઉખડી જતાં તિરાડો પડી ગઈ છે. બે દાયકા બાદ આ વિસ્તારમાં નવો રોડ બનાવવામાં આવ્યો છે. લોકોએ આ મુદ્દે અધિકારીઓને જાણ કરી તો અધિકારીઓ ત્યાંથી નાસી છૂટ્યા હતાં. લોકોનું કહેવું છે કે અહીં ગટરના પાણી બેક મારે છે. અધિકારીઓ દ્વારા કોઈ સારી કામગીરી કરવામાં નથી આવતી. AMC દ્વારા ગઈકાલે જ બજેટ જાહેર કરવામાં આવ્યું છે અને તેમાં લોકોને અનેક પ્રકારના સપના બતાવ્યા છે. ત્યારે જે ખરેખર સમસ્યાઓ છે તેનો ઉકેલ લાવવામાં જાણે સત્તાધિશો અને પદાધિકારીઓેને કોઈ રસ ના હોય તેવી સ્થિતિ જોવા મળી રહી છે.

અજમાના પાકની ગુણવત્તા પર માઠી અસર

મહેસાણા જિલ્લાનું ઊંઝા માર્કેટ યાર્ડ એશિયાનું સૌથી મોટું મસાલા બજાર ગણાય છે. જીરું અને વરિયાળી બાદ હવે ઊંઝા અજમાના હબ તરીકે પણ ઉભરી રહ્યું છે. હાલમાં ઊંઝા માર્કેટ યાર્ડમાં નવા અજમાની આવક શરૂ થઈ ગઈ છે. જોકે, ચાલુ વર્ષે કમોસમી વરસાદને કારણે અજમાના પાકની ગુણવત્તા પર માઠી અસર જોવા મળી છે.

બંધારણ તોડવા મુદ્દે પૂર્વ ધારાસભ્ય ચંદનજી ઠાકોરની પ્રતિક્રિયા 

ઠાકોર સમાજનું બંધારણ તોડવા મુદ્દે પૂર્વ ધારાસભ્ય ચંદનજી ઠાકોરની પ્રતિક્રિયા સામે આવી છે. ઠાકોર સમાજ 22 લાખની વસ્તી ધરાવતો સમાજ છે. નાની મોટી ભૂલો થશે તો તેનું નિરાકરણ થશે.સમાજની જનરલ બોડી તેનુ નિરાકરણ કરશે.પાટણ,બનાસકાંઠા,વાવ-થરાદના આગેવાનો નિર્ણય કરશે.એક વર્ષ બાદ ઠાકોર સમાજ ફરીવાર એકઠો થશે.ડીજેના મુદ્દે જે ચૂક રહી ગઇ તે મુદ્દે વાતચીત થશે.રાસ-ગરબાને ડીજે ગણવું કે સમાજ નક્કી કરશે 

વાવ-થરાદની આશા વર્કરોએ કરી રજૂઆત

ઉત્તર ગુજરાતમાં વાવ થરાદની આશા વર્કર બહેનોએ મુખ્યમંત્રીને ટપાલ લખીને રજૂઆત કરી છે. થરાદ કલેક્ટર કચેરી ખાતે રેલી યોજીને વિવિધ માગણીઓ સાથે સુત્રોચ્ચાર કરીને વિરોધ પ્રદર્શન કર્યું હતું. પડતર માંગણીઓ પૂર્ણ નહીં થતાં આશા વર્કર બહેનો કામગીરીથી અળગી રહી હતી અને વિરોધની ચીમકી આપી હતી. 

પાકિસ્તાનના ઈસ્લામાબાદમાં બ્લાસ્ટમાં 50 લોકોના મોત

પાકિસ્તાનની રાજધાની ઇસ્લામાબાદમાં આજે એટલે કે શુક્રવારે જુમ્માની નમાજ દરમિયાન જોરદાર વિસ્ફોટ થયો છે. શુક્રવારના દિવસે બપોરના સમયે લોકો જુમ્માની નમાજ  પઢી રહ્યા હતા તે જ સમયે મસ્જિદમાં અચાનક વિસ્ફોટ થતા અનેક લોકોના મોતની આશંકા સેવાઇ રહી છે.હાલ બ્લાસ્ટની ઘટના બાદ ઇસ્લામાબાદમાં ઇમરજન્સી લાગુ કરવામાં આવી છે. પ્રાથમિક અહેવાલ પ્રમાણે આ બ્લાસ્ટમાં 50 લોકોના મોત થયા હોવાની આશંકા છે. 

પોરબંદરની જૂની કોર્ટ બિલ્ડિંગમાં ગંભીર બેદરકારી

બિલ્ડિંગમાંથી મોટી સંખ્યામાં ચૂંટણી કાર્ડ મળ્યા, ફાઇલ, સરકારી રેકર્ડ સહિતનો સામાન વેર વિખેર મળ્યો, સરકારી રેકર્ડ સહિતનો સામાન મળતા અનેક સવાલ. 

પાકિસ્તાનના ઈસ્લામાબાદમાં નમાઝ બાદ બ્લાસ્ટ

પાકિસ્તાનની રાજધાની ઇસ્લામાબાદમાં આજે એટલે કે શુક્રવારે જુમ્માની નમાજ દરમિયાન જોરદાર વિસ્ફોટ થયો છે. શુક્રવારના દિવસે બપોરના સમયે લોકો જુમ્માની નમાજ  પઢી રહ્યા હતા તે જ સમયે મસ્જિદમાં અચાનક વિસ્ફોટ થતા અનેક લોકોના મોતની આશંકા સેવાઇ રહી છે.હાલ બ્લાસ્ટની ઘટના બાદ ઇસ્લામાબાદમાં ઇમરજન્સી લાગુ કરવામાં આવી છે.

બરોડા ડેરીની 18 માર્ચે ચૂંટણી યોજાશે

આવતીકાલે જાહેરનામું બહાર પડી શકે, 21 થી 26 ફેબ્રુઆરી વચ્ચે ફોર્મ ભરી શકાશે, 2 થી 3 માર્ચના રોજ ફોર્મ પરત લઇ શકાશે, 7 માર્ચના રોજ ફોર્મ ચકાસણી હાથ ધરાશે, વર્તમાન બોર્ડની મુદ્દત પૂર્ણ થયે દોઢ મહિનો પૂરો, કલેક્ટર સહિત 5ને હાજર થવા HCનું ફરમાન. 

શનિવારે અંબાજીના વિકાસકાર્યોનું ખાતમુર્હૂત કાર્યક્રમ

CMના હસ્તે રુ. 950 કરોડના વિકાસકાર્યોનું ખાતમુર્હૂત, મુખ્યમંત્રી સાથે અન્ય ચાર મંત્રીઓ પણ હાજર રહેશે, મુખ્યમંત્રી શક્તિ કોરિડોર પ્રોજેક્ટનું ખાતમુર્હૂત કરશે, ત્રિશુલિયા ઘાટી ખાતે શ્રી શક્તિ ત્રિશૂળ લોકાર્પણ કરશે, મુખ્યમંત્રીના આગમને પગલે તંત્ર દ્વારા તૈયારીઓ શરુ.

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Surat News : દક્ષિણ ગુજરાતના કાપડ, રસાયણ અને સીફૂડ નિકાસને યુરોપિયન યુનિયનની શૂન્ય-ડ્યુટી એક્સેસથી મોટો લાભ

02 - Vadodara News : ગોવાથી વડોદરા પહોંચ્યો દારૂ, શેતાન બુટલેગરે કારમાં 3 ટાંકી બનાવી દારૂ ઠાલવ્યો, પોલીસ પણ ચૌંકી આ કરતબથી

03 - Ahmedabad News : AMCની ટીપરવાને વસ્ત્રાલમાં 2 વિદ્યાર્થિનીને ફંગોળી સર્જયો અકસ્માત, વિદ્યાર્થિનીઓ 100 ફૂટ સુધી ઢસડાઈ

04 - Railway News : અમદાવાદ રેલવે મંડળનું ટિકિટ ચેકિંગ અભિયાન સફળ, ટિકિટ વિનાના મુસાફરો પાસેથી વસૂલ્યો રૂ.25.72 કરોડથી વધુનો દંડ

05 - Ahmedabad News : અમદાવાદની સેવન્થ ડે સ્કૂલમાં વિદ્યાર્થીઓ વચ્ચે ફરી મારામારી, શર્ટ પર બ્લેડ મારી બટન તોડી વિદ્યાર્થીને મરાયો માર

06 - PM Modi Malaysia Visit 2026: સેમીકન્ડક્ટર અને રેયર અર્થમાં ભારતના અર્થતંત્રને તેજ ગતિ આપશે મલેશિયા યાત્રા

07 - Nepal ના બૈતાડી જિલ્લામાં ગમખ્વાર અકસ્માત, યાત્રીઓ સવાર બસ ઊંડી ખીણમાં ખાબકતા 13નાં મોત

08 - Naxalite Encounter: બીજાપુર-મહારાષ્ટ્ર સીમા પર અથડામણ, ગઢચિરોલીમાં 3 નક્સલી ઠાર

09 - T20 World Cup Opening Ceremony :ઓપનિંગ સેરેમનીમાં બોલિવૂડના આ સ્ટાર્સ મચાવશે ધૂમ

10 - Bangladesh US Deal News: ચૂંટણી પહેલા Muhammad Yunus-Donald Trump વચ્ચેના 'ગુપ્ત સોદા'એ જગાવી ચર્ચા

સુરતના અલથાણમાં વિદ્યાર્થિનીનો આપઘાત

20 વર્ષીય ખુશી અગ્રવાલે આપઘાત કરતા ચકચાર, ફ્લેટમાં ગળેફાંસો ખાઇ વિદ્યાર્થિનીનો આપઘાત, મૃતક વિદ્યાર્થિની ત્રીજા વર્ષમાં અભ્યાસ કરતી હતી, અલથાણ પોલીસે સમગ્ર મામલે તપાસ હાથ ધરી. 

ગાંધીનગર મનપાનું ડ્રાફ્ટ બજેટ રજુ 

1903.08 કરોડનું ડ્રાફ્ટ બજેટ રજૂ 

મિલકત વેરામાં કોઈ ફેરફાર નહી

મિલકત વેરામાં રિબેટ યોજનામાં વધારો

બે માસના બદલે ત્રણ માસ અપાશે

ગયા વર્ષ કરતા બજેટમાં 11 ટકાનો વધારો

આંતરમાળખાકીય સુવિધાઓ માટે 219 કરોડની ફાળવણી

ભૌતિક સુવિધાઓ માટે 1186.71 કરોડની ફાળવણી

શિક્ષણ માટે ડ્રાફ્ટ બજેટમાં 16.90 કરોડની ફાળવણી

આરોગ્ય માટે ડ્રાફ્ટ બજેટમાં 40.18 કરોડની ફાળવણી 

સફાઈ માટે ડ્રાફ્ટ બજેટમાં 161.75 કરોડની ફાળવણી 

આગવી ઓળખના કામ માટે 92.46 કરોડની ફાળવણી 

અન્ય કામો માટે 185.63 કરોડની ફાળવણી

પ્રશાંત કિશોરને સુપ્રીમ કોર્ટે ફટકાર લગાવી

જનતાએ તમને નકારી કાઢ્યા છેઃ SC, લોકપ્રિય થવા કોર્ટનો ઉપયોગ ન કરશો: SC, સુપ્રીમ કોર્ટે અરજી પર સુનાવણીનો ઇન્કાર કર્યો, જન સૂરજ પાર્ટીએ અરજી પાછી ખેંચી લીધી, બિહારની ચૂંટણી રદ કરવા અરજી કરી હતી. 

ભારતની EUને દરિયાઈ નિકાસ હાલ USD 1 બિલિયન છે

FTA હેઠળ 26% સુધીના ટેરિફ ઘટાડા સાથે EUના USD 53.6 બિલિયનના દરિયાઈ આયાત બજારમાં ભારતને સંપૂર્ણ પ્રાધાન્યક્ષમ ઍક્સેસ મળશે. આથી ગુજરાતમાંથી મૂલ્યવર્ધિત સીફૂડ નિકાસમાં નોંધપાત્ર વધારો થશે. 2047 સુધીમાં ભારત વૈશ્વિક રાસાયણિક બજારમાં લગભગ 12% હિસ્સો ધરાવતું USD 1 ટ્રિલિયનનું રાસાયણિક ઉત્પાદન કેન્દ્ર બનવાની અપેક્ષા છે. ભારત–EU FTA હેઠળ રાસાયણિક નિકાસના 97.5% મૂલ્ય પર શૂન્ય ડ્યુટી લાગુ પડશે, જેના કારણે 12.8% સુધીના ટેરિફ દૂર થશે અને અકાર્બનિક, કાર્બનિક તથા કૃષિ રસાયણ ક્ષેત્રોમાં સ્પર્ધાત્મકતા વધશે. દક્ષિણ ગુજરાત રાજ્યના અગ્રણી રાસાયણિક કેન્દ્ર તરીકે સુરત આર્થિક ક્ષેત્ર ગુજરાતના રાસાયણિક GVAમાં આશરે 70% ફાળો આપે છે, જે આ વૃદ્ધિને મજબૂત આધાર પૂરો પાડે છે.

કાપડ એકમો આ ક્ષેત્રને ઉચ્ચ-મૂલ્ય નિકાસ માટે મજબૂત આધાર પૂરો પાડે છે

વારસાગત કારીગરી અને મજબૂત MSME આધાર ધરાવતું રત્ન અને ઝવેરાત ક્ષેત્ર EU બજારમાં નોંધપાત્ર સ્પર્ધાત્મક લાભ મેળવવા તૈયાર છે. વિશ્વના અગ્રણી હીરા પ્રોસેસિંગ હબ પૈકીના એક સુરતમાં 5,000થી વધુ એકમો કાર્યરત છે. FTA હેઠળ EUના USD 79.2 બિલિયનના આયાત બજારમાં પ્રાધાન્યક્ષમ ઍક્સેસ સાથે ભારતની USD 2.7 બિલિયનની ઝવેરાત નિકાસમાં ઝડપી વૃદ્ધિની અપેક્ષા છે. સુરત SEZમાં 250થી વધુ જ્વેલરી, હીરા પ્રોસેસિંગ અને કાપડ એકમો આ ક્ષેત્રને ઉચ્ચ-મૂલ્ય નિકાસ માટે મજબૂત આધાર પૂરો પાડે છે.

EU કાપડ અને વસ્ત્રો માટે ભારતનું બીજું સૌથી મોટું નિકાસ સ્થળ છે

કાપડ અને વસ્ત્રોમાં શૂન્ય-ડ્યુટી ઍક્સેસ તથા 12% સુધીના ટેરિફ ઘટાડા સાથે EUનું USD 263.5 બિલિયનનું આયાત બજાર ભારત માટે ખુલશે. હાલ ભારતની વૈશ્વિક કાપડ અને વસ્ત્રોની નિકાસ USD 36.7 બિલિયન છે, જેમાંથી EUને USD 7.2 બિલિયનની નિકાસ થાય છે. EU ને ભારતની કાપડ નિકાસ રેડીમેડ ગાર્મેન્ટ્સ (RMG) (~60%), ત્યારબાદ કોટન ટેક્સટાઇલ (17%), અને મેન-મેડ ફાઇબર અને MMF ટેક્સટાઇલ (12%) દ્વારા કરવામાં આવે છે, જેમાં ગુજરાતનું સુરત MMF અને સિન્થેટિક ટેક્સટાઇલનું ઉત્પાદન કરે છે. આ કરારથી યાર્ન, કોટન યાર્ન, મેન-મેડ ફાઇબર એપેરલ, રેડીમેડ ગાર્મેન્ટ્સ, હોમ ટેક્સટાઇલ્સ તથા પુરુષો-સ્ત્રીઓના વસ્ત્રોમાં નવી તકો સર્જાશે. સુરત શહેર મેન-મેડ ફાઇબર અને સિન્થેટિક ટેક્સટાઇલ ઉત્પાદનનું મુખ્ય કેન્દ્ર હોવાથી દક્ષિણ ગુજરાતને વિશેષ લાભ મળશે. 

EU માટે ગુજરાતની કુલ નિકાસમાં આશરે 25% 

હાલમાં યુરોપિયન યુનિયન તરફ ભારતની નિકાસ આશરે રૂ. 1.44 લાખ કરોડ (USD 16.6 બિલિયન) છે. એક વિકસતી અર્થવ્યવસ્થા તરીકે, ભારતે 97% ટેરિફ લાઇન અને 99.5% વેપાર મૂલ્યમાં યુરોપિયન બજારોમાં પસંદગીની ઍક્સેસ મેળવી છે. 70.4% ટેરિફ લાઇન, જે ભારતની 90.7% નિકાસને આવરી લે છે, તેમાં તાત્કાલિક ડ્યુટી નાબૂદ કરવામાં આવશે. આમાં કાપડ, ચામડાં અને ફૂટવેર, ચા-કોફી, મસાલા, રમકડાં, રમતગમત સામાન, રત્નો અને ઝવેરાત, દરિયાઈ ઉત્પાદનો, પ્રોસેસ્ડ ફૂડ, બેકરી વસ્તુઓ, ઓટોમોબાઇલ્સ, સ્ટીલ, ફાર્માસ્યુટિકલ્સ અને રસાયણો જેવા મહત્વપૂર્ણ ક્ષેત્રોનો સમાવેશ થાય છે. નાણાકીય વર્ષ 2024-25 દરમિયાન આ ક્ષેત્રોએ EU માટે ગુજરાતની કુલ નિકાસમાં આશરે 25% ફાળો આપ્યો હતો.

દક્ષિણ ગુજરાતના કાપડ, રસાયણ અને સીફૂડ નિકાસને યુરોપિયન યુનિયનની શૂન્ય-ડ્યુટી એક્સેસથી મોટો લાભ

ભારત અને યુરોપિયન યુનિયન વચ્ચે થયેલો મુક્ત વેપાર કરાર (FTA) ભારતની વૈશ્વિક આર્થિક ભાગીદારીમાં એક ઐતિહાસિક માઈલસ્ટોન સાબિત થવાનો છે. આ કરાર ભારતના વિશ્વસનીય, પારદર્શક અને બહુપક્ષીય વેપાર અભિગમને મજબૂત બનાવે છે તથા નિકાસ, રોકાણ અને ઔદ્યોગિક વૃદ્ધિ માટે નવા અવસરો ઊભા કરે છે. આ એફટીએ માનનીય વડાપ્રધાન શ્રી નરેન્દ્ર મોદીના ‘વિકસિત ભારત’ના વિઝનને સાકાર કરવાની દિશામાં મહત્વપૂર્ણ પગલું છે.

પોલીસે તપાસનો ધમધમાટ કર્યો શરૂ

પોલીસને આ બાતમી મળતા વોચ ગોઠવી હતી અને વોચના આધારે ઓપરેશન પાર પાડયું છે, છેલ્લા કેટલા સમયથી દારૂ આવતો હતો અને કોને આપવામાં આવતો હતો તે દિશામાં પોલીસે તપાસ શરૂ કરી છે, પ્રોહિબિશન એકટ હેઠળ ગુનો નોંધીને પોલીસે તપાસ શરૂ કરી છે, આરોપીની કાર પણ જપ્ત કરવામાં આવી છે.

વડોદરામાં દારૂની હેરાફેરીની નવી તરકીબ

બુટલેગરે દારૂ વેચવા માટે નવી હેરાફેરી શોધી લીધી હતી, તેણે કારમાં ત્રણ ટાંકી બનાવી ત્રણ નળ લગાવ્યા અને ટાંકી દારૂથી ખીચોખીચ ભરી દારૂ સપ્લાયનો ધંધો કરતો હતો, બુટલેગરે કારની બ્રેક લાઈટ અને ટાયર પાસે ટાંકીના વાલ્વ લગાવ્યા અને નળ ચાલુ કરતા જ ટાંકી માંથી નિકળતો હતો વિદેશી દારૂ. ટાંકી માંથી લુઝ દારૂ કાઢી બોટલમાં ભરીને કરતા હતા છૂટક વેચાણ. પોલીસે દારૂ 3લાખ ઉપરાંતનો લુઝ દારૂ જપ્ત કર્યો છે. 

20 રુપિયાની ટ્રેપમાં 20 વર્ષ પછી આરોપી નિર્દોષ

વર્ષ 1997ના લાંચ કેસમાં નિર્દોષ જાહેર, કોન્સ્ટેબલ બાબુભાઈ પ્રજાપતિને મુક્ત કર્યા, વેજલપુરમાં રુ. 20ની લાચનો કેસ હતો, સેશન્સ કોર્ટે અગાઉ સજા ફટકારી હતી, HCમાં અપીલ કરતા નિર્દોષ છોડી મુકાયા. 

વડોદરામાં સગીરને જન્મટીપની સજા ફટકારાઇ

વિદ્યાર્થીની હત્યા મામલે નામદાર કોર્ટનો ચુકાદો, 2018માં બરાનપુરાની શાળામાં હત્યા કરાઇ હતી, આરોપીએ સ્કૂલમાં રજા પડે તે હેતુથી હત્યા કરી હતી, ચિલ્ડ્રન કોર્ટે આજીવન કેદની સજા ફટકારી દંડ ફટકાર્યો, તિક્ષ્ણ હથિયારથી હુમલો કરી વિદ્યાર્થીની કરી હતી હત્યા, ધો-10માં અભ્યાસ કરતા વિદ્યાર્થીએ હત્યા કરી હતી, સગીર વિદ્યાર્થીની હત્યા મામલે સજા ફટકરવામાં આવી. 

રિશિડ્યુલ ટ્રેનો 

01-6 ફેબ્રુઆરી 2026 ની ટ્રેન નંબર 12462 સાબરમતી-જોધપુર વંદે ભારત એક્સપ્રેસ સાબરમતીથી પોતાના નિર્ધારિત સમયથી 01 કલાક મોડી પ્રસ્થાન કરશે. 

02-6 ફેબ્રુઆરી 2026 ની ટ્રેન નંબર 22548 સાબરમતી-ગ્વાલિયર એક્સપ્રેસ સાબરમતીથી પોતાના નિર્ધારિત સમયથી 01 કલાક મોડી પ્રસ્થાન કરશે.

03-5 ફેબ્રુઆરી 2026 ની ટ્રેન નંબર 14701 શ્રીગંગાનગર-બાન્દ્રા ટર્મિનસ અરાવલી એક્સપ્રેસ શ્રીગંગાનગરથી પોતાના નિર્ધારિત સમયથી 03 કલાક મોડી પ્રસ્થાન કરશે. 

04-6 ફેબ્રુઆરી 2026 ની ટ્રેન નંબર 09084 ભગત કી કોઠી-મુંબઈ સેન્ટ્રલ સ્પેશિયલ ભગત કી કોઠીથી પોતાના નિર્ધારિત સમયથી 03.30 કલાક મોડી પ્રસ્થાન કરશે.

આંશિકરૂપે રદ ટ્રેનો 

•7 ફેબ્રુઆરી 2026 ની ટ્રેન નંબર 14822 સાબરમતી-જોધુપર એક્સપ્રેસ સાબરમતી-આબૂરોડ વચ્ચે આંશિકરૂપે રદ રહેશે. 

•6 ફેબ્રુઆરી 2026 ની ટ્રેન નંબર 14821 જોધપુર-સાબરમતી એક્સપ્રેસ આબૂરોડ-સાબરમતી વચ્ચે આંશિકરૂપે રદ રહેશે. 

મદાર-પાલનપુર સેક્શનમાં એન્જિનિયરીંગ કામ માટે બ્લોકને લીધે કેટલીક ટ્રેનો પ્રભાવિત રહેશે 

ટ્રેનોના રોકાણ, સમય અને સંરચના વિશે વિગતવાર માહિતી માટે યાત્રી કૃપા કરીને www.enquiry.indianrail.gov.in  પર જઈને અવલોકન કરી શકે છે. ઉત્તર પશ્ચિમ રેલવેના અજમેર મંડળના મદાર-પાલનપુર રેલવે સેક્શન પર માવલ-શ્રી અમીરગઢ સ્ટેશનો વચ્ચે બ્રિજ નંબર 812 પર સ્ટીલ ગર્ડર રિપ્લેસમેન્ટ કામ માટે બ્લૉક લેવામાં આવ્યો છે. આ બ્લૉકને લીધે કેટલીક ટ્રેનો પ્રભાવિત રહેશે.  

આ ટ્રેનમાં લાગશે વધુ જનરલ કોચ

01-ટ્રેન નંબર 20966/20965 ભાવનગર–સાબરમતી–ભાવનગર ઇન્ટરસિટી એક્સપ્રેસમાં સ્થાયી રીતે 04 જનરલ કોચ લગાવવામાં આવશે. આ સુવિધા 06 ફેબ્રુઆરી, 2026થી ભાવનગર તથા ગાંધીગ્રામ બંને સ્ટેશનોથી અમલમાં આવશે.

02-ટ્રેન નંબર 12905/12906 પોરબંદર–શાલીમાર–પોરબંદર સુપરફાસ્ટ એક્સપ્રેસમાં સ્થાયી રીતે 01 વધારાનો જનરલ કોચ લગાવવામાં આવી રહ્યો છે. આ કોચ 04 ફેબ્રુઆરી, 2026થી પોરબંદર સ્ટેશનથી તથા 06 ફેબ્રુઆરી, 2026થી શાલીમાર સ્ટેશનથી લગાવવામાં આવશે. ત્યારબાદ આ ટ્રેનમાં જનરલ કોચોની સંખ્યા 02થી વધીને 03 થઈ જશે.

03-ટ્રેન નંબર 20968/20967 પોરબંદર–સિકંદરાબાદ–પોરબંદર સુપરફાસ્ટ એક્સપ્રેસમાં પણ સ્થાયી રીતે 01 વધારાનો જનરલ કોચ લગાવવાની સુવિધા આપવામાં આવી છે. આ સુવિધા 03 ફેબ્રુઆરી, 2026થી પોરબંદર સ્ટેશનથી તથા 04 ફેબ્રુઆરી, 2026થી સિકંદરાબાદ સ્ટેશનથી અમલમાં આવી ચૂકી છે. આ સાથે આ ટ્રેનમાં જનરલ કોચોની સંખ્યા 02થી વધીને 03 થઈ ગઈ છે.

વસ્ત્રાલ પ્રણામી બંગલોઝ પાસેની ઘટના

આ ઘટના વસ્ત્રાલના પ્રણામી બંગ્લોઝ પાસે બની હતી અને ધોરણ 12ની એના મારવાડી અને ધોરણ 7ની હિમાની મારવાડી ઇજા થતા સારવાર હેઠળ છે, અમદાવાદ ટ્રાફિક આઈ ડિવિઝને આ મામલે વધુ તપાસ શરૂ કરી છે અને આ ઘટનામાં વિધાર્થીઓના માતા-પિતાના પણ પોલીસે નિવેદન લીધા છે. 

અમદાવાદના વસ્ત્રાલમાં બે વિદ્યાર્થીનીનો અકસ્માત થયો

અમદાવાદમાં કોર્પોરેશનની ટીપર વાન વારંવાર અકસ્માત સર્જતી હોય છે, આવો જ એક અકસ્માત અમદાવાદના વસ્ત્રાલમાં થયો હતો જેમાં ડોર ટુ ડોર કચરાની ગાડીએ વિદ્યાર્થીનીઓને હવામાં ફંગોળી હતી અને બે વિદ્યાર્થીની ટ્યુશનથી પરત જઈ રહી હતીતે દરમિયાન આ ઘટના બની છે, પોલીસે પણ આ મામલે તપાસ શરૂ કરી છે અને સીસીટીવીના આધારે આ તપાસ કરાઈ છે, સીસીટીવીમાં પણ દેખાય છે કે, ટીપર વેનના ચાલકે આ અકસ્માત કર્યો છે.

AMCની ટીપરવાને  વસ્ત્રાલમાં 2 વિદ્યાર્થિનીને ફંગોળી સર્જયો અકસ્માત, વિદ્યાર્થિનીઓ 100 ફૂટ સુધી ઢસડાઈ

અમદાવાદના વસ્ત્રાલમાં બે વિદ્યાર્થિનીને અકસ્માત નડયો છે જેમાં અમદાવાદ કોર્પોરેશનની ડોર ટુ ડોર કચરાની ગાડીએ વિદ્યાર્થિનીઓને ફંગોળી હતી અને જેના કારણે વિધાર્થીનીઓ ઈજાગ્રસ્ત થઈ છે. અમદાવાદના વસ્ત્રાલમાં ટ્યુશનથી ઘરે જતી વિદ્યાર્થિનીઓને કચરાની વેને અડફેટે લીધી હતી અને અકસ્માત સર્જી ચાલકે બે વિદ્યાર્થિનીઓને 100 ફૂટ સુધી ઢસડી હતી અને સમગ્ર ઘટનાના સીસીટીવી પણ સામે આવ્યા છે, બંન્ને વિદ્યાર્થિનીને ઇજા પહોંચતા સારવાર હેઠળ ખસેડાઈ છે. 

સુરતમાં પોલીસ હેડ કોન્સ્ટેબલ પર જીવલેણ હુમલો 

વરાછામાં ટ્રાફિક દૂર કરવા જતા પોલીસ પર હુમલો, અક્ષય આહીર ટ્રાફિકજામ થતા કાર-બસ હટાવા ગયા હતા, કોન્સ્ટેબલ પર 4 જેટલા લોકોએ જીવલેણ હુમલો કર્યો, હુમલામાં કોન્સ્ટેબલને નાકના ભાગે ગંભીર ઇજા, કાપોદ્રા પોલીસે ગુનો નોંધી વધુ તપાસ હાથ ધરી. 

અમદાવાદ રેલવે મંડળનું ટિકિટ ચેકિંગ અભિયાન સફળ, ટિકિટ વિનાના મુસાફરો પાસેથી વસૂલ્યો રૂ.25.72 કરોડથી વધુનો દંડ 

પશ્ચિમ રેલવેના અમદાવાદ મંડળે એપ્રિલ 2025 થી જાન્યુઆરી 2026 દરમિયાન ગહન ટિકિટ તપાસ અભિયાનો મારફતે રૂ.25.72 કરોડથી વધુનો દંડ પ્રાપ્ત કરીને નોંધપાત્ર સિદ્ધિ મેળવી છે. પશ્ચિમ રેલવેનું અમદાવાદ મંડળ પોતાના યાત્રીઓની સુવિધાઓને સતત ઉત્તમ બનાવવા માટે પ્રતિબદ્ધ છે અને માન્ય યાત્રીઓની સુરક્ષિત અને સુખદ યાત્રા સુનિશ્ચિત કરવા માટે અનેક મજબૂત પગલાં લઈ રહ્યું છે. અનધિકૃત યાત્રાને અટકાવવાના ઉદ્દેશથી મંડળ રેલવે મેનેજર વેદ પ્રકાશ, સિનિયર મંડળ કોમર્શિયલ મેનેજર અન્નૂ ત્યાગી અને અન્ય કોમર્શિયલ અધિકારીઓ દ્વારા દરરોજ ટિકિટ તપાસ કામની સમીક્ષા કરવામાં આવી તથા તેમના માર્ગદર્શનમાં વિશેષ ટિકિટ તપાસ અભિયાન સંચાલિત કરવામાં આવ્યા. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Railway News : પશ્ચિમ રેલવે દ્વારા હોળીના તહેવાર પર હોલિડે સ્પેશિયલ ટ્રેનોનું આયોજન કરાયું

02 - Ahmedabad News : અમદાવાદની સેવન્થ ડે સ્કૂલમાં વિદ્યાર્થીઓ વચ્ચે ફરી મારામારી, શર્ટ પર બ્લેડ મારી બટન તોડી વિદ્યાર્થીને મરાયો માર

03 - Ahmedabad News : શહેરીજનો પર ફરી મોંઘવારીનો માર ઝીંકાશે, અમદાવાદ-ગાંધીનગરના વીજગ્રાહકોનું વીજબિલ વધવાની શકયતા

04 - Vadodara News : વડોદરા ડેરી ચૂંટણી વિવાદમાં કલેક્ટર સહિત 5ને ગુજરાત હાઈકોર્ટનું તેડું, ચૂંટણી રોકી દેતા વધ્યો વિવાદ

05 - Ahmedabad News : અમદાવાદના SP રીંગ રોડ પર હોટલ હિલ્લોક પાસેનો કટ બંધ કરતા સ્થાનિકોમાં રોષ ફાટી નીકળ્યો, રોડ કર્યો ચક્કાજામ

06 - Abu Dhabiમાં શાંતિ મંત્રણા સફળ, રશિયા-યુક્રેન વચ્ચે 314 યુદ્ધબંદીઓની અદલા બદલી પર મંજૂરી

07 - Gold Price Today: સોના ચાંદીના ભાવ ધડામ, જાણો આજે કેટલુ સસ્તુ થયું ?

08 - Elvish Yadavએ એક્ટ્રેસ જિયા શંકર સાથે કરી લીધી સગાઈ? ફોટો શેર કરીને કહ્યું- 'મને મારો પ્રેમ મળી ગયો!'

09 - Civil Aviation Report : 754 વિમાનોમાંથી 50%માં ખામી, યાદીમાં ટોપ પર એર ઈન્ડિયા અને ઈન્ડિગો

10 - India GCC FTA : ભારત અને ગલ્ફ દેશો વચ્ચે મોટા વેપાર કરારની તૈયારી ! જાણો શું થશે ફાયદો

પંચમહાલમાં વિદ્યાર્થીએ મહિલા શિક્ષિકાને થપ્પડ ઝીંકી

શહેરાની શ્રીમતી એસ.જે. દવે હાઇસ્કૂલની ઘટના, શિક્ષિકાને થપ્પડ મારતા ઘટના CCTVમાં કેદ, પોલીસે આરોપીઓને સાથે રાખી રિકન્સ્ટ્રક્શન કર્યુ, શાળામાં શિક્ષકોની હાજરીમાં રિકન્સ્ટ્રક્શન કરાયું. 

અમદાવાદમાં લૂંટના ઇરાદે ટાર્ગેટ કરતી ટોળકી ઝડપાઇ

સોલા પોલીસે ટોળકીના ત્રણ આરોપીઓને ઝડપ્યા, ગોતા પાસે એક વ્યક્તિ પર ઘાતકી હુમલો કર્યો હતો, પેટમાં ચપ્પુના ઘા મારી હત્યાનો પ્રયાસ કર્યો હતો, દિનેશ ઉર્ફે કાવા, સૂરજ ડામોર, પંકજ કટારાની ધરપકડ. 

RBIનો રેપો રેટ યથાવત, લોનના વ્યાજ દર રહેશે સ્થિર

ભારતીય રિઝર્વ બેંક (RBI) ની મોનેટરી પોલિસી કમિટી (MPC) ની ત્રણ દિવસીય બેઠક આજે પૂર્ણ થઈ છે. દેશભરના મધ્યમ વર્ગ અને લોન ધારકો જે રાહતની આશા રાખી રહ્યા હતા, તેમને ફરી એકવાર નિરાશા સાપડી છે. RBI ગવર્નર સંજય મલ્હોત્રાએ શુક્રવારે જાહેરાત કરી હતી કે રેપો રેટમાં કોઈ પણ પ્રકારનો ફેરફાર કરવામાં આવ્યો નથી અને તેને 5.25 ટકા પર યથાવત રાખવામાં આવ્યો છે. 

PM મોદીની પાઠશાળાની ખાસ વાતો

બોર્ડના વિદ્યાર્થીઓ સાથે PM મોદીનો સંવાદ

9મી વાર વિદ્યાર્થીઓ સાથે PM મોદીનો સંવાદ

PMએ કૌશલ્ય અને માર્ક્સ બન્નેના મહત્વ સમજાવ્યા

સારા શિક્ષકો સર્વાંગી વિકાસ કરાવી શકે છે

જીવન સર્વશ્રેષ્ઠ બને, તે માટે તૈયારી કરો

શિક્ષા અને સ્કિલ બન્ને જોડિયા ભાઈ છે

સંતુલન બનાવીને ચાલવું જરૂરી છે

સ્કિલ જીવનમાં અનિવાર્ય છે

અભ્યાસ વગર સ્કિલ આવતી નથી

જે વીતી ગયું છે, તેને વિચારીને સમય બરબાદ ન કરો

શરીર અને મન બન્ને મજબૂત રાખો

શિક્ષકથી એક પગલું આગળ રહેવાની PMની સલાહ

પરીક્ષા સાથે જીવનના પડકારોનો સામનો કરવાની શીખ

જીવન માત્ર પરીક્ષા માટે નથી

શિક્ષકોથી આગળ રહેશો તો અભ્યાસમાં પાછળ નહીં રહો

સાચું સંતુલન રાખીને ચાલશો તો ડગમગશો નહીં

તમારી ભણવાની પૅટર્ન પર વિશ્વાસ રાખો

સતત અધ્યયન વગર કોઈ સ્કિલ આવડતી નથી

મનને જાણો, મનને જોડો, ત્યારબાદ વિષય નક્કી કરો

પંજાબના જલંધરમાં AAP નેતાની હત્યા થઈ 

ગુરુદ્વારા બહાર લક્કી ઓબેરોયને ગોળી મારી, લક્કી ઓબેરોયને 5 ગોળી મારી હત્યા કરી, હુમલાખોરો બાઇક પર આવી ફરાર થયા, CCTV ફૂટેજ દ્વારા પોલીસ તપાસ તેજ બની, પંજાબના કાયદો અને વ્યવસ્થા પર સવાલો ઉઠ્યા. 

અમદાવાદની સેવન્થ ડે સ્કૂલ ફરી એક વખત વિવાદમાં આવી 

અમદાવાદની સેવન્થ ડે સ્કૂલ વિવાદમાં આવી છે જેમાં ધોરણ 7ના વિધાર્થીને 3 વિધાર્થીઓએ ભેગા મળીને માર માર્યો છે અને બટન પણ તોડી નાખ્યા છે, ભોગ બનનાર વિધાર્થી મોનીટર હોવાથી તેણે અન્ય વિધાર્થીને લાઈનમાં આવવાનું કહેતા માર માર્યો હોવાની વાત સામે આવી છે, ખોખરા પોલીસ સ્ટેશનમાં ભોગ બનનાર વિદ્યાર્થીના પિતાએ ત્રણ વિદ્યાર્થીઓ સામે ફરિયાદ નોંધાવી છે. હાલમાં ડીઈઓની એક ટીમ સ્કૂલમાં પહોંચી છે અને તપાસ કરી શરૂ. 

અમદાવાદની સેવન્થ ડે સ્કૂલમાં વિદ્યાર્થીઓ વચ્ચે ફરી મારામારી, શર્ટ પર બ્લેડ મારી બટન તોડી વિદ્યાર્થીને મરાયો માર

અમદાવાદની સેવન્થ ડે સ્કૂલમાં વિદ્યાર્થીઓ વચ્ચે ફરી મારમારીની ઘટના બની છે અને ધો. 7ના વિદ્યાર્થીને 3 વિદ્યાર્થીઓએ માર માર્યો છે, શર્ટ પર બ્લેડ મારી બટન તોડી માર માર્યો હોવાની વાત સામે આવી છે. અમદાવાદના ખોખરામાં આવેલી સેવન્થ ડે સ્કૂલ ફરી વિવાદમાં આવી છે અને સામાન્ય અદાવત રાખી વિદ્યાર્થીને અન્ય વિધાર્થીને માર માર્યો છે, સમગ્ર ઘટનામાં વિદ્યાર્થીના પિતાએ ખોખરા પોલીસ મથકમાં ફરિયાદ નોંધાવી છે અને પોલીસે સમગ્ર કેસમાં તપાસનો ધમધમાટ શરૂ કર્યો છે, હાલ સ્કૂલનો વહિવટ સરકાર હસ્તક છે. 

ગાંધીનગરના ભાટમાં પરીક્ષા પે ચર્ચા કાર્યક્રમ

આનંદ નિકેતન સ્કૂલના કાર્યક્રમમાં મુખ્યમંત્રી હાજર

મોબાઇલ વાપરવા પર CM ભૂપેન્દ્ર પટેલનું નિવેદન

બાળકોને પૂછ્યું કેટલા લોકો ફોન વાપરે છે

‘મોબાઇલ વાપરવાનો સમય નક્કી હોવો જોઇએ’

મારા ઘરે 5 વર્ષનો નાનો પૌત્ર છેઃ મુખ્યમંત્રી

અમે મોબાઇલ વાપરવાનો સમય નક્કી કર્યો છે

8 કે 10 મિનિટ જ મોબાઇલ જોવાનોઃ મુખ્યમંત્રી

તો પણ કહે હજુ 5 મિનિટ જોવા દો નેઃ મુખ્યમંત્રી

ગેસ ગળતર સમયે શું ન કરવું જોઈએ?

ગેસ ગળતર થાય ત્યારે બચાવ કામગીરી સમયે તેમાં ન રોકાયેલા લોકોએ ત્યાં ભેગા ન થવું જોઈએ. ગેસ ગળતરનું ક્ષેત્ર સત્તાવાળા તરફથી પૂર્ણ રીતે સલામત ઘોષિત ન થાય ત્યાં સુધી અસરગ્રસ્ત ક્ષેત્રમાં પ્રવેશ કરવો જોઈએ નહી.બચાવ કામગીરીના પ્રશિક્ષણ અને તે માટેના જરૂરી સરંજામ વગર બચાવ કામગીરીમાં જોડાવું નહી.

ઈજાગ્રસ્તોને સારવાર હેઠળ ખસેડાયા

વલસાડ જિલ્લાના સરીગામ જીઆઇડીસીમાં આવેલી એક કેમિકલ કંપનીમાં ગેસ લીકેજની ઘટના બની છે, ગેસ લીકેજની ઘટના બાદ ધડાકો થયો હોવાનું લોકોમાં ચર્ચાઈ રહ્યું છે, ત્રણથી વધુ લોકો ઇજાગ્રસ્ત થતા હોસ્પિટલમાં ખસેડવામાં આવ્યા છે અને ગેસ લીકેજ થતા આજુબાજુના કંપનીના કામદારો કંપની છોડી ભાગ્યા છે, ઈજાગ્રસ્તોની તબિયત હાલ સુધારા પર છે, અને સમગ્ર ઘટનામાં પોલીસે પણ જાણવાજોગ નોંધી છે, અમુક લોકોની તબિયત એટલી લથડી હતી કે તેઓ કંપનીની બહાર પણ નીકળી શકયા ન હતા. 

વલસાડની  સરીગામ GIDCમાં કેમિકલ કંપનીમાં ગેસ લીકેજ, ત્રણથી વધુ લોકો ઇજાગ્રસ્ત થતા હોસ્પિટલ ખસેડાયા

વલસાડની સરીગામ GIDCમાં કેમિકલ કંપનીમાં ગેસ લીકેજની ઘટના બની છે અને ફાયર વિભાગની ટીમ ઘટના સ્થળે પહોંચી છે, ગેસ લીકેજની ઘટના બાદ ધડાકો થયો હોવાની ચર્ચાએ જોર પકડયું છે. આ ગેસ લીકેજમાં ત્રણથી વધુ લોકો ઇજાગ્રસ્ત થતા હોસ્પિટલ ખસેડાયા છે અને ગેસ લીકેજને પગલે કંપનીના કામદારોમાં અફરાતફરી મચી છે, આસપાસના વિસ્તારમાં આંખમાં બળતરાની ફરિયાદ ઉઠી છે અને ગેસ લીકેજમાં કંપનીના સંચાલક ઘાયલ થયાની ચર્ચા છે, તો પોલીસે પણ સમગ્ર ઘટનામાં તપાસનો ધમધમાટ શરૂ થયો છે.

રાજકોટમાં ભાજપના કોર્પોરેટરને બરતરફ કરવા દરખાસ્ત

ગેરહાજર રહેતા કોર્પોરેટરને બરતરફ કરવા કાર્યવાહી, નેહલ શુક્લ છેલ્લા 3 જનરલ બોર્ડમાં ગેરહાજર રહ્યા છે, સેક્રેટરીએ સમગ્ર મામલે મ્યુનિસિપલ કમિશનરને પત્ર લખ્યો, સેક્રેટરી ધવલ જેસડીયાએ કમિશનર પાસે માંગ્યું માર્ગદર્શન, પદ પરથી હટાવી શકાય કે નહીં તે બાબતે માર્ગદર્શન માગ્યું.

જામનગરમાં વહેલી સવારથી મેગા ડિમોલિશન

સિદ્ધાર્થનગર આસપાસના વિસ્તારમાં ડિમોલિશન, રેલવે ટ્રેક નજીકના દબણો દૂર કરવા કામગીરી, ડબલ ટ્રેકથી અંદાજે 20 ફૂટ સુધીના દબાણો દૂર. 

ભારે જહેમત બાદ બે યુવકના મૃતદેહ મળ્યા 

મુન્દ્રા તાલુકાના ભોરારા ગામ નજીક નર્મદા કેનાલ બે યુવકો ડૂબ્યા હતા અને તેમના મોત થયા છે, ઘટના પગલે ફાયર વિભાગની ટીમે ઘટના સ્થળે પહોંચી રેસ્ક્યું કામગીરી હાથ ધરી હતી અને મોડી રાત્રે કેનાલમાંથી બંને યુવકના મૃતદેહને બહાર કાઢયા હતા, સમગ્ર મામલે પોલીસે વધુ તપાસ હાથ ધરી છે અને હાલમાં અકસ્માતે મોતનો ગુનો નોંધ્યો છે, સ્થાનિકોને જાણ થતા સ્થાનિકોએ ફાયર વિભાગને આ મામલે જાણ કરી હતી, સમગ્ર ઘટનામાં મોડી રાત સુધી રેસ્કયું કામગીરી કરાઈ હતી.

કચ્છના મુન્દ્રામાં કેનાલમાં 2 યુવક ડૂબતા મોત, ભોરારા ગામ નજીક બની ઘટના 

કચ્છના મુન્દ્રામાં આવેલી કેનાલમાં 2 યુવકો ડૂબતા તેમના મોત થયા છે, ફાયર વિભાગે સમગ્ર ઘટનામાં મૃતદેહ બહાર કાઢયો છે અને પોલીસને જાણ કરી છે. કચ્છના મુન્દ્રામાં કેનાલમાં બે યુવકો ડૂબતા તેમના મોત થયા છે અને ભોરારા ગામ નજીક કેનાલમાં યુવકો ડૂબ્યા હોવાની વાત સામે આવી છે, ફાયર વિભાગને કોલ મળતા ફાયર વિભાગે ઘટના સ્થળેથી મૃતદેહ બહાર કાઢયા છે અને પોલીસને તપાસ સોંપી છે, યુવકો કયાંના છે તેની માહિતી હાલમાં સામે આવી નથી. 

MCXમાં સોના-ચાંદીના ભાવમાં ઘટાડો

ચાંદીના ભાવમાં રુ. 7900નો ઘટાડો, ચાંદીનો ભાવ પ્રતિ કિલોએ રુ. 2,35,900, સોનાના ભાવમાં રુ. 1200નો ઘટાડો, સોનાનો ભાવ પ્રતિ 10 ગ્રામે રુ. 1,57,000. 

આ જાહેરનામું માત્ર આજ રોજ અમલી રહેશે

જો કોઈ પણ વ્યક્તિ આ જાહેરનામાના નિયમોનું ઉલ્લંઘન કરશે અથવા ઉલ્લંઘન કરવામાં મદદગારી કરશે, તો તેની વિરુદ્ધ ગુજરાત પોલીસ અધિનિયમ-૧૯૫૧ની કલમ-૧૩૧ મુજબ કાયદેસરની શિક્ષાત્મક કાર્યવાહી કરવામાં આવશે. વહીવટી તંત્ર દ્વારા આમ જનતાને સહકાર આપવા અને વૈકલ્પિક માર્ગોનો ઉપયોગ કરવા અપીલ કરવામાં આવી છે.

વહીવટી તંત્ર દ્વારા નાગરિકોની સુવિધા માટે ડાયવર્ઝન જાહેર કરવામાં આવ્યું છે

જે મુજબ ધ્રાંગધ્રા તરફથી આવતા અને રાજકોટ, ચોટીલા કે મૂળી તરફ જતા મોટા વાહનોએ હવે ધ્રાંગધ્રા-કોંઢ-સરા-સરલા થઈને મૂળી તરફ જવાનું રહેશે. તેવી જ રીતે રાજકોટ કે મૂળી તરફથી ધ્રાંગધ્રા જવા માંગતા વાહનોએ પણ આ જ પરત રૂટનો ઉપયોગ કરવાનો રહેશે. સુરેન્દ્રનગર અને લીંબડીથી ધ્રાંગધ્રા જવા માટે વાહનોએ ગેબનશાહ પીર સર્કલથી લખતર-વણા-માલવણ રસ્તાનો ઉપયોગ કરવાનો રહેશે. માલવણ તરફથી આવતા-જતા વાહનો માટે લખતર-ગેબનશાહ સર્કલનો રૂટ નક્કી કરાયો છે. જ્યારે મૂળીથી માલવણ જતા વાહનોએ મેકશન સર્કલથી વઢવાણ અને ગેબનશાહ સર્કલ થઈને લખતર તરફ જવાનું રહેશે.

સુરેન્દ્રનગરમાં આજે મુખ્યમંત્રીના પ્રવાસને લઈ શહેરમાં ભારે વાહનોના પ્રવેશ પર પ્રતિબંધ અને રૂટ ડાયવર્ઝન જાહેર

આજે તા.૦૬/૦૨/૨૦૨૬ના રોજ મુખ્યમંત્રી ભુપેન્દ્ર પટેલ સુરેન્દ્રનગર જિલ્લાની મુલાકાતે પધારી રહ્યા છે. મુખ્યમંત્રી પંડિત દીનદયાળ ઉપાધ્યાય ટાઉનહોલ અને ધ્રાંગધ્રા રોડ પર સ્થિત પ્રેસિડેન્ટ રિસોર્ટ ખાતે આયોજિત વિવિધ કાર્યક્રમોમાં ઉપસ્થિત રહેનાર છે. સુરક્ષા અને સુચારુ ટ્રાફિક વ્યવસ્થા જળવાઈ રહે તે હેતુથી સુરેન્દ્રનગરના અધિક જિલ્લા મેજિસ્ટ્રેટ આર.કે.ઓઝા દ્વારા એક જાહેરનામું પ્રસિદ્ધ કરવામાં આવ્યું છે. આ જાહેરનામાં જણાવ્યા પ્રમાણે આજ રોજ સુરેન્દ્રનગર શહેરના મુખ્ય માર્ગો પર ભારે વાહનોના પ્રવેશ પર પ્રતિબંધ મુકવામાં આવ્યો છે અને વૈકલ્પિક રૂટની વ્યવસ્થા કરવામાં આવી છે. 

5 વાગ્યા દરમિયાન પેપર-1ની પરીક્ષા લેવાશે

આમ, આ કાર્યવાહી પુર્ણ થયા બાદ ૨૭ લાખ કરતા પણ વધુ ઉમેદવારો CTET પરીક્ષા માટે નોંધાયા હોવાથી એક જ દિવસમાં પરીક્ષા યોજવામાં આવે તો મુશ્કેલી થઈ શકે તેમ હોવાનું જણાતા બોર્ડ દ્વારા CTETની પરીક્ષા બે દિવસમાં યોજવાનો નિર્ણય કર્યો છે. ૭ફેબ્રુઆરીના રોજ સવારે ૯:૩૦થી ૧૨ વાગ્યા દરમિયાન પેપર-૨ની પરીક્ષા અને ૨:૩૦ વાગ્યાથી ૫ વાગ્યા સુધી પેપર-૧ની પરીક્ષા લેવાશે. જ્યારે ૮ ફેબ્રુઆરીના રોજ સવારે ૯-૩૦ વાગ્યાથી ૧૨ વાગ્યા દરમિયાન પેપર-૨ની પરીક્ષા અને ૨:૩૦ વાગ્યાથી પ વાગ્યા દરમિયાન પેપર-૧ની પરીક્ષા લેવાશે.

પોર્ટલ પર પોતાની અરજી સબમીટ કરી શકે તેવી વ્યવસ્થા કરાઈ હતી

જે પૈકી છેલ્લા બે દિવસમાં જ ૭,૬૮,૧૯૯ ફોર્મ ભરાયા હોવાનું જણાયું હતું. ફોર્મ ભરવાની મુદત પૂર્ણ થયા બાદ બોર્ડ સમક્ષ રજૂઆતો આવી હતી કે, ઘણા ઉમેદવારો પોતાના ફોર્મ સબમિટ કરી શક્યા નથી. જેથી બોર્ડ દ્વારા વધુ સમીક્ષા કરતા જાણવા મળ્યું હતું કે, ૧,૬૧,૧૨૭ ઉમેદવારોના ફોર્મ અધુરા ભરેલા તથા ભરાયા બાદ ફાઈનલ સબમિટ થયા ન હોવાનું જણાયું હતું. જેથી તેમને તક આપવાનું નક્કી કરાયું હતું અને ૩૦ ડિસેમ્બર સુધી તેઓ પોર્ટલ પર પોતાની અરજી સબમીટ કરી શકે તેવી વ્યવસ્થા કરાઈ હતી. 

CBSE સ્કૂલમાં શિક્ષક માટેની CTET પરીક્ષા 7 અને 8 ફેબ્રુઆરીએ યોજાશે

સેન્ટ્રલ બોર્ડ ઓફ સેકન્ડરી એજ્યુકેશન (CBSE) સંલગ્ન સ્કૂલોમાં શિક્ષક બનવા માટેની CTET (સેન્ટ્રલ ટિચર્સ એલિજિબિલિટી ટેસ્ટ) હવે તા.૭ અને ૮ ફેબ્રુઆરીના રોજ લેવામાં આવશે. આ પરીક્ષા માટે દેશભરમાંથી અંદાજે ૨૭ લાખથી વધુ ઉમેદવાર નોંધાયા છે. ઉમેદવારોની સંખ્યામાં વધારો થતાં તા.૮ ફેબ્રુઆરીના રોજ યોજાનાર આ પરીક્ષા હવે બે દિવસ લેવાનુ નક્કી કરાયુ છે. સમગ્ર દેશના ૧૪૦ જેટલા શહેરમાં પરીક્ષા વ્યવસ્થા ગોઠવવામાં આવશે. સમગ્ર દેશમાંથી પરીક્ષા માટે ૨૫,૩૦,૫૮૧ ઉમેદવારોના ફોર્મ ભરાયા હતા. 

30 કિ.મી. હાઇવે રોડ ડેવલપ થતાં શું ફાયદા થશે

કોમનવેલ્થ ગેમ્સ વખતે રોડ અમદાવાદની શાન રહેશે 

રોડ પર ૪ કે ૬ લેન બનાવવાનું આયોજન 

અમદાવાદથી ગાંધીનગર કે સનાથલ જવા માટે સરળતા 

લાખ્ખોની સંખ્યામાં રોજ પસાર થતાં વાહનોને ફાયદો 

હેવી વાહનોને અવરજવર કરવામાં સરળતા રહેશે 

સર્વિસ રોડ દબાણમુકત્ત રહેશે  રોડની બંને બાજુ લાઇટીંગ રહેશે 

રોડની બંને બાજુ ગ્રીનરી રહેશે  

રોડમાં કેટલાક અંતરે ગજેબો રહેશે 

કેટલાક સ્થળોએ વાયફાયની સુવિધા ઉભી કરવા આયોજન 

લોકલ ફોર વોકલને વેગ અપાશે 

એસ.જી હાઈવે બ્યુટિફિકેશન સાથે તૈયાર થશે

ત્યારે અમદાવાદની ઓળખ સમાન એસ.જી. હાઈવેને સનાથલ સર્કલથી શરૂ કરી ગાંધીનગરના જી-૭ સર્કલ સુધીનો આખો રોડ ડેવલોપ કરાશે. લગભગ ૩૦ કિમીનો રોડને એરપોર્ટથી ઈન્દિરા બિજના રોડને જે રીતે આઈકોનિક રોડ બનાવાયો છે, તેવી જ રીતે સનાથલથી ગાંધીનગર સુધીનો એસ.જી હાઈવે નેશનલ હાઈવે ઓથોરિટી, અમદાવાદ મ્યુનિસિપલ કોર્પોરેશન, ઔડા, ગુડા, ગાંધીનગર મહાનગરપાલિકામાં સમાવિષ્ટ રોડને વિકસાવાશે. આજના તાકીદના કામની અંદર યુ.એન.મહેતા ફાઉન્ડેશન દ્વારા ડેવલોપ કરવામાં આવશે અને પ્લાનીંગ-ડિઝાઈન સહિત કન્સલટન્સીનો તમામ ખર્ચ યુ.એન.મહેતા ફાઉન્ડેશન ભોગવશે. પરિણામે આવનારા સમયગાળા -દરમિયાન લેન્ડસ્કેપિંગ તદઉપરાંત વાત -કરીએ તો ગઝીબો, ઈસ્કોનથી પકવાન - સુધીનો રોડ ડેવલોપ કરવામાં આવ્યો -એવો નવતર ૩૦ કિમીનો રોડ એસ.જી - હાઈવે બ્યુટિફિકેશન સાથે તૈયાર થશે.

કન્સલટન્સીનો તમામ ખર્ચ યુ.એન.મહેતા ફાઉન્ડેશનના CSR ફંડમાંથી કરાશે

AMC સ્ટેન્ડિંગ કમિટીમાં નિર્ણય કરી અગાઉના કન્સલટનને નોટીસ આપી કામ પરત લઇને નવા કન્સલટને સોંપી દેવાયું છે. કન્સલ્ટન્સીનો અંદાજે ૨૫ કરોડ ખર્ચ થવાનો અંદાજ છે, જે AMCને ભોગવવાનો નહીં રહે. ૩૦ કિ.મી.ના રોડમાં અંદાજે પાંચ જેટલી ઓથોરિટીની હદ લાગે છે. રોડને ગુજરાત અર્બન ઇન્ફાસ્ટ્રક્ચર ડેવલપમેન્ટ કંપની લી. કંપની દ્વારા વિકસાવાનું કામ કરશે. આ કામ કમિટીની બેઠકમાં તાકીદમાં મંજૂર કરાયું હતું. મ્યુનિ. સ્ટેન્ડિંગ કમિટી ચેરમેને કહ્યું કે, આગામી કોમનવેલ્થ ગેમ્સ ૨૦૩૦ અમદાવાદમાં યોજાવવા માટે જઈ રહી છે.

અમદાવાદના SG હાઇવેને ડસ્ટ ફ્રી આઇકોનિક બનાવાશે, તમામ ખર્ચ યુએન મહેતા ફાઉન્ડેશન દ્વારા કરાશે

અમદાવાદના SG હાઇવેને ડસ્ટ ફ્રી  આઇકોનિક બનાવાશે અને રોડની ડિઝાઇનથી લઈ બ્યુટીફિકેશન કામગીરી કરાશે, કામગીરી યુએન મહેતા ફાઉન્ડેશનને સોંપવા નિર્ણય કરાયો છે અને તમામ ખર્ચ યુએન મહેતા ફાઉન્ડેશન દ્વારા કરાશે. મ્યુ. કોર્પોરેશનને 20થી 25 કરોડની બચત થશે અને સનાથલથી ગાંધીનગર સુધીનો એસ.જી હાઈવે ડેવલોપ કરાશે અને ચેકિંગ કરાવા થર્ડ પાર્ટી ઓડિટ કન્સલટન્ટની નિમણૂંક કરાશે અને AMC દ્વારા કોમનવેલ્થ ગેમ્સ અને ઓલિમ્પિક ૨૦૩૬ને લઈને અત્યારથી જ તૈયારીઓ ચાલી રહી છે, ત્યારે સનાથલથી ગાંધીનગર સુધી ૩૦ કિ.મી. રોડનું આઇકોનીક રોડ સાથે નવીનીકરણ કરાશે. 

વીજગ્રાહકો ઉપર રેગ્યુલેટરી ચાર્જ નાખી ઘટ સરભર કરવાની નોબત આવી

ટોરન્ટ કંપનીએ અમદાવાદ અને ગાંધીનગર શહેરોને આવરતી તેની ટેરિફ પિટિશનમાં યુનિટ દીઠ ૧૭ પૈસા રેગ્યુલેટરી ચાર્જ તરીકે વસૂલવાની પરમિશન માગતા એવું જણાવ્યું છે કે ૨૦૨૪-૨૫ના નાણાકિય વર્ષમાં અંદાજિત આવક સામે રૂ.૧૦૪૩.૭૮ કરોડની જંગી વાસ્તવિક ઘટ સર્જાતા તેને વીજગ્રાહકો ઉપર રેગ્યુલેટરી ચાર્જ નાખી ઘટ સરભર કરવાની નોબત આવી છે. સૂત્રો કહે છે કે, સુરત-ટોરન્ટ કંપનીના હિસાબમાં આવી ઘટ ઉભી થઈ નથી. જેને કારણે ત્યાંના વીજગ્રાહકો ઉપર આ રીતે રેગ્યુલેટરી ચાર્જ વસૂલવાની કોઈ દરખાસ્ત નથી.

વીજગ્રાહકો ઉપર રૂ.148 કરોડનો જંગી બોજો આવશે

ટોરન્ટ કંપનીએ તેની આ માગણી જક સમક્ષ કરેલી ટેરિફ પિટિશન અંતર્ગત કરી છે. જેનો નિર્ણય જર્ક દ્વારા ૩૧ માર્ચ, ૨૦૨૬ સુધીમાં લેવાશે. જો ટોરન્ટની આ પ્રપોઝલ માન્ય રખાશે તો અમદાવાદ અને ગાંધીનગરના રહેણાક, કમર્શિયલ અને ઔદ્યોગિક એમ ત્રણે કેટેગરીના કુલ ૨૧.૭૨,૫૫૭ વીજગ્રાહકો ઉપર રૂ.૧૪૮ કરોડનો જંગી બોજો આવશે. આ બોજો ૨૦૨૬-૨૭ના નાણાકિય વર્ષમાં ઝીંકવાની શક્યતા છે. ટોરન્ટ કંપનીએ જણાવ્યું છે કે, ૨૦૨૪-૨૫માં તેના દ્વારા કુલ ૮૯૨૧.૧૦ મિલિયન યુનિટ્સનું વેચાણ થયું હતું અને આ વેચાણ ૨૦૨૬-૨૭માં અંદાજે ૮૬૮૪.૪૪ મિલિયન યુનિટ્સ રહેશે. આ વેચાણમાં તમામ કેટેગરીના ગ્રાહકોને થયેલો વીજસપ્લાય સમાવિષ્ટ છે.

શહેરીજનો પર ફરી મોંઘવારીનો માર ઝીંકાશે, અમદાવાદ-ગાંધીનગરના વીજગ્રાહકોનું વીજબિલ વધવાની શકયતા

અમદાવાદ-ગાંધીનગરના વીજગ્રાહકોનું વીજબિલ વધશે તેવી વાત સામે આવી છે, 3 કેટેગરીમાં 148 કરોડનો જંગી બોજો ઝીંકાશે અને ટોરેન્ટ પાવર યુનિટે 17 પૈસા રેગ્યુલેટરી ચાર્જ વસૂલશે અને ટોરેન્ટ પાવરે ચાર્જ વસૂલવા જર્ક સમક્ષ કરી માંગણી. અમદાવાદ અને ગાંધીનગરના વીજગ્રાહકોનું વીજબિલ આ વર્ષે વધી જવાની શક્યતા છે. ટોરન્ટ પાવર લિમિટેડ કંપનીએ તેના અમદાવાદ અને પાટનગર ગાંધીનગરના તમામ કેટેગરીના ગ્રાહકો પાસેથી યુનિટ દીઠ ૧૭ પૈસા રેગ્યુલેટરી ચાર્જ વસૂલવાની ગુજરાત વીજ નિયમન પંચ-'જર્ક' સમક્ષ પરમિશન માગી છે. 

લોકોને પડતી હાલાકીની ફરિયાદો સતત વધી રહી છે

પાડોશી રાજ્ય રાજસ્થાનમાં ત્રણ વર્ષમાં ૨૬,૪૨૪, મહારાષ્ટ્રમાં ૯,૨૦૬ અને મધ્યપ્રદેશમાં ૮,૭૯૭ ફરિયાદો મળી હતી. ઓડિસામાં વધારાની યુઝર ફ્રી વસૂલ કરવાના કિસ્સામાં ૨૨.૫૦ લાખનો દંડ ફટકારવામાં આવ્યો છે જ્યારે સાઈન બોર્ડની જાળવણી નહિ કરવાના કિસ્સામાં એક લાખ રૂપિયાનો દંડ કરાયો છે, મિનિસ્ટ્રી ઓફ રોડ ટ્રાન્સપોર્ટે ગુરુવારે કામકાજનો આ ચિઠ્ઠો જાહેર કર્યો હતો, જોકે ગુજરાતમાં હજારો કરિયાદો મળી પરંતુ શું પગલાં લેવાયા તે વિશે કોઈ જ ફોડ પાડવામાં આવ્યો નથી. 

સરકારને ટોલ ટેક્સ ફ્રી પેટે કરોડોની આવક થઈ રહી છે

અન્ય રાજ્યોની જેમ ગુજરાતમાં લોકોની ફરિયાદો પર જાણે કોઈ ખાસ ધ્યાન અપાતું નથી, મહારાષ્ટ્ર, રાજસ્થાન, મધ્યપ્રદેશ સહિતના રાજ્યોમાં એક લાખથી માંડીને ૨૨ લાખ સુધીનો દંડ ફટકારાયો છે. ગુજરાતમાં નેશનલ હાઈવેના અત્યારે ૬૨ ટોલ પ્લાઝા કાર્યરત છે, જ્યાંથી સરકારને ટોલ ટેક્સ ફ્રી પેટે કરોડોની આવક થઈ રહી છે. ટોલ ટેક્સના ઉઘરાણા સહિતના મુદ્દે ગુજરાતમાંથી છેલ્લા ત્રણ વર્ષમાં ૯,૭૬૨ ફરિયાદો મુસાફરો દ્વારા કરવામાં આવી છે. 

રાજયમાં ટોલટેક્સના વધુ ઉઘરાણાની ફરિયાદ, ખોટી રીતે ટોલ ઉઘરાવવો અને વધુ નાણાં વસૂલવાની ફરિયાદ 

ગુજરાતમાં ટોલ પ્લાઝા પર વધારે પડતી ફી ઉઘરાવવા, રસ્તાઓ ખખડધજ હોવા સહિતની છેલ્લાં ત્રણ વર્ષમાં 9762 ફરિયાદો કરવામાં આવી છે. ખોટી રીતે ટોલ ઉથરાવવું. વધુ પડતાં નાણાં વસૂલવા, ટોલ બૂથ પર સ્ટાફ દ્વારા ખરાબ વર્તન જેવી મુસાફરોની ફરિયાદોમાં સતત વધારો થઈ રહ્યો છે. વર્ષ ૨૦૨૩માં ગુજરાતમાં ૧૧૩૧ ફરિયાદો મળી હતી, એ પછી વર્ષ ૨૦૨૪માં ૩૩૦૭ અને વર્ષ ૨૦૨૫માં ૫,૩૨૪ ફરિયાદો મળી છે. 

આ અધિકારીઓને આજે રૂબરૂ કે વીસી દ્વારા કોર્ટમાં હાજર રહેવા આદેશ

01-સહકાર સચિવ, ગુજરાત

02-મિતેશ પંડયા, રજિસ્ટ્રાર (સહકાર વિભાગ)

03-અનિલ ધામેલિયા, જિલ્લા કલેક્ટર, વડોદરા

04-ઐશ્વર્યા દુબે, મદદનીશ કલેક્ટર

05-નીલમબેન ચાવડા, જિલ્લા સહકારી રજિસ્ટ્રાર

સહકારી મંડળીમાં મતદાર યાદી મર્યાદિત હોય છે

આ દલીલ ફગાવતા કોર્ટે ટકોર કરી કે, સહકારી મંડળીમાં મતદાર યાદી મર્યાદિત હોય છે, આ કઈ વિધાનસભા કે લોકસભાની ચૂંટણી નથી. હાઈકોર્ટે વધુમાં ઉમેર્યું કે કાં તો સમયસર ચૂંટણી યોજવી જોઈએ અથવા વહીવટદારની નિમણૂક કરવી જોઈએ. વડોદરા કલેક્ટર અને ડેપ્યુટી કલેક્ટરે રજૂ કરેલા સોગંદનામામાં પણ ક્ષતિઓ જણાતા કોર્ટે ભારે ટીકા કરી હતી, જેને પગલે અધિકારીઓએ સોગંદનામા પરત ખેંચવાની ફરજ પડી હતી. આવતીકાલે આ તમામ અધિકારીઓ વિરુદ્ધ કોર્ટ 'ચાર્જ ફ્રેમ' કરશે, જેને પગલે સરકારી આલમમાં ડાટ વ્યાપી ગયો છે. 

સરકારી સ્ટાફ SIRની કામગીરીમાં રોકાયેલો ચૂંટણીમાં વિલંબ થયો છે

કોર્ટની કાર્યવાહીથી બચવા માટે રાજ્ય સરકારે તાજેતરમાં એક જાહેરનામું બહાર પાડી તમામ સહકારી સંસ્થાઓની મુદત ૬ મહિના વધારી દીધી હતી. જોકે, હાઈકોર્ટે આ દાવને ફગાવતા જણાવ્યું કે, "કયા કાયદા હેઠળ આવું જાહેરનામું બહાર પાડયું? ચૂંટણી ટાળવા માટે સરકારના આવા નોટિફિકેશન કાયદાની દ્રષ્ટિએ ટકી શકે તેમ નથી. કોર્ટે સ્પષ્ટ કર્યું કે મુદત વધારવાથી હાઈકોર્ટના હુકમનો જે અનાદર થયો છે તે ગુનો ભૂંસાઈ જતો નથી. 'આ લોકસભાની ચૂંટણી નથી કે સ્ટાફ ઓછો પડે' સરકાર પક્ષે એવો બચાવ કરવામાં આવ્યો હતો કે સરકારી સ્ટાફ SIR (સર)ની કામગીરીમાં રોકાયેલો ચૂંટણીમાં વિલંબ થયો છે. 

વડોદરા જિલ્લા વહીવટી તંત્રની આકરી ઝાટકણી કાઢી હતી કોર્ટે

જસ્ટિસ ભાર્ગવ કારીઆ અને જસ્ટિસ એલ.એસ. પીરઝાદાની ખંડપીઠે આજે સુનાવણી દરમિયાન રાજ્ય સરકાર અને વડોદરા જિલ્લા વહીવટી તંત્રની આકરી ઝાટકણી કાઢી હતી. કોર્ટના તિરસ્કાર બદલ હાઈકોર્ટે આ કેસમાં રાજયના સહકાર સચિવ, સહકાર વિભાગના રજિસ્ટ્રાર મીતેશ પંડયા, વડોદરા જિલ્લા કલેકટર અનિલ ધામેલીયા, મદદનીશ કલેકટર ઐશ્વર્યા દુબે અને જિલ્લા સહકારી રજિસ્ટ્રાર નીલમબેન ચાવડાને આવતીકાલે હાઇકોર્ટ સમક્ષ રૃબરૃ અથવા વીડિયો કોન્ફરન્સથી હાજર રહેવા ફરમાન કયું હતું. 

વડોદરા ડેરી ચૂંટણી વિવાદમાં કલેક્ટર સહિત 5ને ગુજરાત હાઈકોર્ટનું તેડું, ચૂંટણી રોકી દેતા વધ્યો વિવાદ

વડોદરા ડેરી ચૂંટણી વિવાદમાં કલેક્ટર સહિત 5ને કોર્ટનું તેડું આવ્યું છે, કલેક્ટર અનિલ ધામેલીયાને હાજર થવા ફરમાન કોર્ટે કર્યુ છે, સહકાર સચિવ, સહકારી રજિસ્ટ્રાર, મદદનીશ કલેક્ટરને તેડું આવ્યું છે. રાજ્યમાં સહકારી મંડળીઓની ચૂંટણી યોજવી જરુરી છે અને મુદત પૂરી થવાના 90 દિવસ પહેલા ચૂંટણી યોજવી જરુરી છે, વડોદરા ડેરીએ આદેશનું પાલન ન કરતા હાઇકોર્ટનું આકરું વલણ સામે આવ્યું છે અને હાઇકોર્ટે રાજ્ય સરકાર અને વડોદરા તંત્રની ઝાટકણી કાઢી છે. રાજ્યની સહકારી મંડળીઓની મુદત પૂરી થવાના 90 દિવસ પહેલાં ચૂંટણી યોજવાના સ્પષ્ટ આદેશ છતાં વડોદરા ડેરીના કિસ્સામાં તેનું પાલન ન થતા ગુજરાત હાઈકોર્ટે આકરા તેવર અપનાવ્યા છે.

પોલીસે ટ્રાફિક પૂર્વવત કરાવવાની કાર્યવાહી કરી હતી

તો ઘટનાની જાણ થતાની સાથે પોલીસનો કાફલો પણ ઘટના સ્થળે પહોંચ્યો હતો અને રોડ પરનો ટ્રાફિક દૂર કર્યો હતો, સ્થાનિકોનું કહેવું છે કે તંત્રને રજૂઆત બાદ પણ કોઈ નિરાકરણ નથી આવ્યું અને હેરાન થવાનો વારો આવ્યો છે, સ્થાનિક લોકો દ્વારા 'દાદાગીરી નહીં ચલેગી, નહીં ચલેગી' ના નારા લગાવીને રોડ બંધ કરી દેવામાં આવ્યો હતો. 

સ્થાનિકોના ટોળા રોડ ઉપર ઉતરી આવ્યા

ઝુંડાલથી વૈષ્ણોદેવી તરફ જવાના રોડ પર હોટલ હિલ્લોક આવે છે અને આ હોટલની પાસેના રોડ પર ડિવાઈડરનો કટ બંધ કરી દેવામાં આવ્યો છે અને ભાજપના એક નેતા દ્વારા આ રોડ પરની કટ બંધ કરી દેવાની રજૂઆત કરવામાં આવી હતી જેના કારણે આસપાસની સોસાયટીના લોકોને ફરીને જવાનો વારો આવ્યો છે, સ્થાનિકોનો આક્ષેપ છે કે, ટ્રાફિક હોય છે જેના કારણે 5 થી 7 કિમી ફરીને જઉં પડે છે અને તેના કારણે હાલાકી પડી રહી છે અને વિરોધ કર્યો હતો. 

અમદાવાદના SP રીંગ રોડ પર હોટલ હિલ્લોક પાસેનો કટ બંધ કરતા સ્થાનિકોમાં રોષ ફાટી નીકળ્યો, રોડ કર્યો ચક્કાજામ 

અમદાવાદ SP રીંગ રોડ પર લોકોએ રસ્તો બ્લોક કર્યો છે, હોટલ હિલ્લોક પાસેનો કટ બંધ કરતા સ્થાનિકોમાં રોષ જોવા મળ્યો છે અને કટ બંધ કરતા સ્થાનિકોએ રોષ ઠાલવી રસ્તો બ્લોક કર્યો છે. અમદાવાદ એસપી રીંગ રોડ પર લોકોએ રસ્તો બ્લોક કર્યો છે, અને હોટલ હિલ્લોક પાસેનો કટ બંધ કરવાને લઈ સ્થાનિકોમાં ભારે રોષ છે, સ્થાનિકોએ રોડ પર ઉતરી રોડ ચક્કાજામ કર્યો છે અને મોડી રાતથી વાહનવ્યવહાર બંધ કરાવી દીધો હતો, સ્થાનિકોનું કહેવું છે કે, આ કટ જયાં સુધી નહી ખોલાય ત્યાં સુધી વિરોધ કરવામાં આવશે. 

અમદાવાદમાં 15 વર્ષમાં જાન્યુ.માં સૌથી ઓછી ઠંડી પડી

પાછલા વર્ષને બાદ કરતા જાન્યુ.માં સૌથી ઓછી ઠંડ, 1954માં 10 જાન્યુ.એ રેકોર્ડબ્રેક 3.9 ડિગ્રી તાપમાન હતું, ચાલુ વર્ષે ત્રણ વખત 12 ડિગ્રીથી નીચે પારો ગયો, ગત વર્ષની સરખામણીએ ઠંડીમાં નોંધપાત્ર ઘટાડો, નલિયામાં ગત વર્ષે 10 વખત પારો 7 ડિગ્રીથી નીચે ગયો.

આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું

ગત તા.૨૮ ડિસેમ્બર-૨૦૨૪ના રોજ નલિયામાં લઘુત્તમ તાપમાન ૪.૨ ડિગ્રી સુધી ગગડયું હતું. આ વખતે સૌથી ઓછુ ૮.૮ ડિગ્રી તાપમાન રહ્યું છે. મહત્ત્વની વાત એ છે કે, આ વખતે ડિસેમ્બરમાં નલિયા સિવાય ગુજરાતના એકપણ પ્રદેશમાં લઘુતમ તાપમાન ૧૦ ડિગ્રીથી નીચે ગયું નથી. અમદાવાદ શહેરના વાત કરવામાં આવે નો ડિસેમ્બર-૨૦૨૪માં ૩૧માંથી ૧૪ દિવસ એવા હતા કે જેમાં લયુત્તમ તાપમાન ૧૪ ડિગ્રીથી નીચે નોંધાયું હતું. ચાલુ વર્ષે માત્ર ૪ જ વખત અમદાવાદનું તાપમાન ૧૪ ડિગ્રીથી નીચે ઉતર્યુ છે. આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું.

ગુજરાત સહિત દેશભરમાં ગ્લોબલ વોર્મિંગની અસર ખુબ ઝડપથી વધી રહી છે

છેલ્લાં કેટલાંક વર્ષથી ગુજરાતની ત્રણેય સિઝનમાં ખૂબ મોટો બદલાવ મળી રહ્યો છે. ડિસેમ્બર મહિનામાં રાજ્યમાં મોટાભાગે કાતિલ ઠંડીનો વર્તારો શરૂ થઈ જતો હોય છે. પરંતુ આ વખતે ગત વર્ષની સાથે સરખામણીએ કરવામાં આવે તો ઠંડીમાં નોંધપાત્ર ઘટાડો જોવા મળ્યો છે. ભર શિયાળે ઠંડી કરતાં ગરમ અને ઉકળાટભર્યા દિવસોની સંખ્યા વધુ જોવા મળી રહી છે. ડિસેમ્બર-૨૦૨૪ અને ડિસેમ્બર-૨૦૨૫માં પડેલી ઠંડી પર નજર કરવામાં આવે તો, ગત વર્ષે ડિસેમ્બરના ૩૧ દિવસમાથી કચ્છના નલિયામાં લઘુતમ તાપમાનનો પારો ૨૨ વખતલ ૧૦ ડિગ્રીથી નીચે પહોંચ્યો હતો, જે આ વખતે માત્ર ૪ વખત પારો ૧૦ ડિગ્રીથી નીચે ઉતર્યો છે.

કેમ આ વર્ષે શિયાળો ‘નરમ’ રહ્યો?

હવામાન નિષ્ણાતોના કહેવા મુજબ, સામાન્ય રીતે ડિસેમ્બરમાં ઉત્તર ભારત તરફથી આવતા સૂકા અને ઠંડા પવનો ગુજરાતમાં ઠંડી લાવે છે. પરંતુ આ વખતે હિમાલયમાં આ વખતે મજબુત વેસ્ટર્ન ડિસ્ટર્બન્સ (પશ્ચિમી વિક્ષેપ) સર્જાયા નથી. જ્યારે પહાડો પર ભારે હિમવર્ષા થાય છે. ત્યારે ત્યાંથી ફેંકાતા ઠંડા પવનો મેદાની વિસ્તારો અને ગુજરાત સુધી ઠંડી લાવે છે. આ વર્ષે ઉત્તર ભારતમાં હિમવર્ષા ઓછી થતા ઠંડીનું મોજુ સર્જાયું નથી. હવામાન નિષ્ણાતોના મતે, પ્રશાંત મહાસાગરમાં તાપમાન વધવાની ઘટના એટલે કે 'અલ નિનો'ની અસરને કારણે વૈશ્વિક સ્તરે શિયાળો હુંફાળો રહ્યો છે. અરબી સમુદ્ર તરફથી આવતા ગરમ અને ભેજવાળા પવનોને કારણે લઘુતમ તાપમાનમાં ઘટાડો થતો અટક્યો છે.

ઉત્તર ભારતમાં વેસ્ટર્ન ડિસ્ટર્બન્સ એક્ટિવ થવાથી હવામાન બદલાઈ ગયું છે

રાજસ્થાન, ઉત્તર પ્રદેશ અને દિલ્હીમાં મોડી રાતથી વરસાદ પડી રહ્યો છે. હિમાલયના રાજ્યોમાં પણ વરસાદ-બરફવર્ષાનો વધુ એક રાઉન્ડ શરૂ થઈ ગયો છે. હિમાચલના સિમલા-મનાલીમાં સિઝનની પ્રથમ બરફવર્ષા થઈ. આગામી પાંચ દિવસ દરમિયાન ઉત્તરપશ્ચિમ ભારત અને બિહારમાં સવારના સમયે ગાઢ ધુમ્મસ છવાયેલું રહેવાની આશંકા છે. હવામાન વિભાગના અનુસાર દિલ્હીના લોકોને ઓછામાં ઓછા બે દિવસ ઠંડીથી રાહત નહીં મળે. દેશના ઘણા મેદાન વિસ્તારોમાં લઘુત્તમ તાપમાન રેકોર્ડ બનાવી રહ્યું છે. મેદાન વિસ્તારમાં ઘણા શહેરોમાં તાપમાન શૂન્ય ડિગ્રીની નજીક પહોંચી રહ્યો છે.

ભારતીય હવામાન વિભાગની આગાહી

ભારતીય હવામાન વિભાગની આગાહી સામે આવી છે જેમાં યુપી, ઉત્તરાખંડ, MP,બિહારમાં ગાઢ ધુમ્મસ છવાશે જેમાં હિમાચલમાં અનેક સ્થળે આવતીકાલે ગાઢ ધૂમ્મસ છવાય તેવી શકયતાઓ છે, ઘણાં વિસ્તારોમાં વિઝિબિલિટી ઘણી ઓછી રહેશે તેવી શકયતાઓ પણ સેવાઈ રહી છે. 

ગુજરાતમાં બેવડી ઋતુનો અનુભવ કરતા શહેરીજનો, બપોરના સમયે થાય છે ગરમીનો અહેસાસ 

રાજ્યમાં બેવડી ઋતુનો અનુભવ થઈ રહ્યો છે અને ધીરે ધીરે ઠંડીનું જોર ઘટયું છે, બીજી તરફ સૌથી ઓછું નલિયામાં 13.8 ડિગ્રી તાપમાન નોંધાયું છે, તો ધીરે ધીરે ઠંડીમાં ઘટાડો તો બપોરના સમયે ગરમીનો અહેસાસ થઈ રહ્યો છે. ડીસામાં 15.4, કંડલા એરપોર્ટમાં 15.6 ડિગ્રી, ભૂજમાં 16.8 ડિગ્રી, અમદાવાદમાં 18.6 ડિગ્રી, ગાંધીનગરમાં 17.8 ડિગ્રી, દમણમાં 19.8 ડિગ્રી, વલ્લભવિદ્યાનગરમાં 18 ડિગ્રી, રાજકોટમાં 18.5 ડિગ્રી, અમરેલીમાં 17 ડિગ્રી તાપમાન નોંધાયું છે.

રિઝર્વ બેંકની મોનેટરી પોલિસી બેઠકનો આજે અંતિમ દિવસ

3 દિવસની બેઠક બાદ RBI નિર્ણયો જાહેર કરશે, રિઝર્વ બેંક ગર્વનર સવારે 10 વાગ્યે પોલિસી જાહેર કરશે, નાણાકીય વર્ષ 2025-26 માટેની અંતિમ મોનેટરી પોલિસી. 

એર ઇન્ડિયાના ચોથા ભાગના વિમાન ટેકનિકલી ખરાબ

કેન્દ્ર સરકારે લોકસભામાં આપી જાણકારી, એર ઇન્ડિયાના 267 વિમાનમાં કોઇને કોઇ ખામી, 6 એરલાઇન કંપનીના કુલ 377 વિમાનમાં ખામી 754માંથી 377 વિમાનમાં ખામી હોવાનું સામે આવ્યું, ઇન્ડિગોના 405 વિમાનમાંથી 148માં સમસ્યાઓ, એર ઇન્ડિયા એક્સપ્રેસના 101માંથી 54 વિમાનમાં ખામી.

ઓલા, ઉબર, રેપિડો કેબ ડ્રાઇવર્સની દેશવ્યાપી હડતાલ

કેબ ડ્રાઇવર્સ આવતીકાલે દેશવ્યાપી હડતાલ પર જશે, કેન્દ્રીય મંત્રી નીતિન ગડકરીને પત્ર લખી કરી માગ, ડ્રાઇવર્સે પોતાની માગ પર કાર્યવાહી કરવા વિનંતી કરી, યુનિયને હડતાલને ઓલ ઇન્ડિયા બ્રેક ડાઉન નામ આપ્યું, એગ્રીગેટર કંપનીઓ નફો કરે, ડ્રાઇવરોને નુકસાનઃ યુનિયન.

રાજકોટમાં PRના ચક્કરમાં યુવકે ગુમાવ્યા લાખો રુપિયા

PRના ચક્કરમાં યુવકે તાંત્રિક વિધિમાં રુપિયા ગુમાવ્યા, પૈસા પડાવનાર ભુવાની ભક્તિનગર પોલીસે અટકાયત કરી, પોલીસે કાર સહિત 12 લાખથી વધુનો મુદ્દામાલ કબ્જે કર્યો, સતીશ ધામી વિડીયો કોલથી તાંત્રિક વિધિ કરાવતો હતો, અંકિત પરમાર, સતીશ ધામી સો.મીડિયાથી સંપર્કમાં આવ્યા, ભક્તિનગર પોલીસે ભુવાની અટકાયત કરી તપાસ હાથ ધરી.

અમદાવાદ SP રીંગ રોડ પર લોકોએ રસ્તો બ્લોક કર્યો

હોટલ હિલ્લોક પાસેનો કટ બંધ કરતા સ્થાનિકોમાં રોષ, કટ બંધ કરતા સ્થાનિકોએ રોષ ઠાલવી રસ્તો બ્લોક કર્યો, બંધ કરેલો કટ ખોલવા સ્થાનિક લોકોએ માગ કરી.