Gujarat Latest News Live : મોરબીમાં મહિલાઓએ હાઈવે પર કર્યો ચક્કાજામ, એક ગટરનું કામ નહીં થતાં સ્થાનિકો વિફર્યા

અમદાવાદના સાઉથ બોપલમાં કારમાંથી ચોરી

અમદાવાદના સાઉથ બોપલમાં કારમાંથી ચોરી કર્યાનો કેસ સામે આવ્યો છે. બાઈક પર આવેલા ગઠિયાએ કારમાંથી ચોરી કરી હતી. બે ગઠિયાઓએ કારનો કાચ તોડીને બેગની ચોરી કરી હતી. બે લાખ રૂપિયા ભરેલી બેગની ચોરી અંગે ફરિયાદ નોંધાઈ છે. ચોરીની સમગ્ર ઘટના સીસીટીવીમાં કેદ થઈ ગઈ છે. પોલીસે CCTVના આધારે તપાસ હાથ ધરી છે.

અમદાવાદના સાણંદમાં આંગડિયા કર્મી લૂંટાયો

અમદાવાદના સાણંદમાં આંગડિયા કર્મી લૂંટાયો છે. સાણંદથી રૂપિયા ભરેલી બેગ લઈને નીકળ્યો હતો. ગીબપુરા પાસે બાઈક પર આવેલા લૂંટારાઓએ લૂંટ ચલાવી હતી. આંગડિયા કર્મચારી સરખેજ ઓફિસે જઈ રહ્યો હતો. સાણંદ અને અમદાવાદ ગ્રામ્ય પોલીસે તપાસ હાથ ધરી છે.

વલસાડના ઉમરગામમાં પુત્રએ કરી માતાની હત્યા

વલસાડના ઉમરગામમાં પુત્રએ જ માતાની હત્યા કરી નાંખી હોવાની ઘટના સામે આવી છે. માનસિક અસ્થિર પુત્રએ માતાની હત્યા કરી નાંખી હતી. પોલીસે ઘટના સ્થળે પહોંચીને વધુ તપાસ હાથ ધરી છે.

152 પોલીસ કોન્સ્ટેબલની બદલીના આદેશ 

ગુજરાતમાં પોલીસ કર્મચારીઓની બદલીના આદેશ છૂટ્યા છે. પોલીસ કર્મચારીઓની સ્વ વિનંતીને ધ્યાનમાં રાખીને લાંબા સમયથી પડતર રહેલી બદલીઓનો ઓર્ડર થયો છે. DGP કચેરીએથી બદલીના આદેશ થતાં રાહ જોઈને બેઠેલા પોલીસ કર્મીઓમાં ખુશીની લહેર પ્રસરી જવા પામી છે. 152 પોલીસ કોન્સ્ટેબલની જિલ્લા ફેર બદલીના આદેશ કરવામાં આવ્યા છે.  વતનમાં જવા માટે જે કર્મચારીઓએ બદલીનો રિપોર્ટ કર્યો હતો તેવા કર્મચારીઓની બદલી કરવામાં આવી છે. 

ખ્યાતિ હોસ્પિટલ કાંડમાં ડો. પ્રશાંત વજીરાણીને સુપ્રીમ કોર્ટની રાહત

અમદાવાદની ખ્યાતિ હોસ્પિટલ કાંડના આરોપી ડો, પ્રશાંત વજીરાણીને સુપ્રીમ કોર્ટે રાહત આપી છે. વજીરાણીના જામીન રદ કરવા અંગેની અરજી સુપ્રીમ કોર્ટે ફગાવી દીધી છે. કોર્ટે આરોપીને તપાસમાં સહકાર આપવા કડક શબ્દોમાં ટકોર કરી હતી. તપાસમાં સહકાર ના આપે તો જામીન રદ થશે તેવી પણ ટકોર કરી હતી. ડો. પ્રશાંત વજીરાણી પર PM jayનો લાભ લેવા માટે ખોટા ઓપરેશન કર્યા હોવાનો આક્ષેપ કરવામાં આવ્યો છે. 

અમદાવાદના બહેરામપુરામાં આગની ઘટના

અમદાવાદના બહેરામપુરામાં આગની ઘટના સામે આવી છે. મોડી સાંજે કબાડી માર્કેટમાં આગ લાગી છે. કબાડી માર્કેટ નંબર ત્રણમાં આગ લાગી હતી. ફાયરવિભાગની 8 ગાડીઓ ઘટનાસ્થળે પહોંચી હતી. આગને કાબુમાં લેવા ફાયરના જવાનો દ્વારા પ્રયાસ કરાયો હતો.

હૈદરાબાદ EDના શહેરમાં 6 સ્થળો પર દરોડા 

EDની તપાસમાં બહાર આવ્યું છે કે અમદાવાદમાં ગેરકાયદેસર કોલ સેન્ટર ઘણા આરોપીઓ જેમ કે મોહમ્મદ અંસારી ઉર્ફે મોહમ્મદ ઇરફાન અંસારી, અકીબ ગુલામરસુલ ઘાંચી, વિકાસ કે નિમાર, દિવ્યાંગ રાવલ, પ્રદીપ વી રાઠોડ અને તેમના સહયોગીઓ દ્વારા સ્થાપિત અને સંચાલિત કરવામાં આવ્યા હતા.તપાસમાં એ પણ બહાર આવ્યું છે કે કોલ સેન્ટર ઓપરેટરોએ યુ.એસ. સરકારી એજન્સીઓના અધિકારીઓ અથવા ખાનગી કંપનીઓના પ્રતિનિધિઓનો ઢોંગ કર્યો હતો અને લોન બાકી રકમ, કર જવાબદારીઓ અથવા કાનૂની કાર્યવાહી ન કરવાના ખોટા આરોપો લગાવીને પીડિતોને ડરાવ્યા હતા, જેના કારણે તેમને ગિફ્ટ કાર્ડ ખરીદવા અથવા ડિજિટલ ચુકવણી કરવા દબાણ કરવામાં આવ્યું હતું.

કડી પોલીસ સ્ટેશન ખાતે તેરા તુજકો અર્પણ કાર્યક્રમ યોજાયો 

કડી પોલીસ સ્ટેશન ખાતે તેરા તુજકો અર્પણ કાર્યક્રમ યોજાયો હતો. કડી પોલીસે આ કાર્યક્રમનું આયોજન કર્યું હતું. નાગરિકોને તેમનો સામાન પરત મળ્યો હતો. ચોરી અને લૂંટમાં ગયેલો લાખોનો મુદ્દામાલ પોલીસે પરત કર્યો હતો. મોબાઈલ, બોલેરો, ઈકો કાર અને સોનાના દાગીના મૂળ માલિકોને સોંપાયા હતાં. કુલ 10.45 લાખનો મુદ્દામાલ રિકવર કરી પોલીસે કરી સરાહનીય કામગીરી

ડ્રગ્સ સામેની મુહિમમાં સરકારનું વધુ એક કડક પગલું

રાજ્યના ગૃહ વિભાગે એક જાહેરનામું બહાર પાડ્યું છે. જેમાં ચરસ અને ગાંજાના સેવન માટે વપરાતા પેપર સ્મોકિંગ કોન પર પ્રતિબંધ મુકવામાં આવ્યો છે. આવા પદાર્થોનો ઈ કોમર્સ પર થતાં વેચાણ પર પ્રતિબંધ ફરમાવવામાં આવ્યો છે. પાન પાર્લર કે દુકાનોમાં વેચાણ કે તેના સંગ્રહ પર પણ પ્રતિબંધ મુકવામાં આવ્યો છે. ડ્રગ્સ સામેની મુહિમમાં સરકારે વધુ એક કડક પગલું ભર્યું છે. ઉલ્લેખનીય છે કે, તાજેતરમાં જ ગોગો પેપરનો મામલો સામે આવ્યો હતો. જેથી તેના પર પણ પ્રતિબંધ મુકી દેવાયો હતો. 

અધિકારીઓ ચૂંટાયેલ પ્રતિનિધિનું નથી માનતા

અમદાવાદ મહાનગર પાલિકામાં ચૂંટાયેલા પ્રતિનિધિઓનું અધિકારીઓ માનતા નહીં હોવાથી તેમને ઠપકો આપવા માટે દરખાસ્ત લાવવામાં આવી છે. અલગ અલગ ઝોનના અધિકારીઓને ઠપકો આપવા માટે દરખાસ્ત કરાઈ છે. ડ્રોમાં લાગેલા મકાનોમાં તપાસ કરવા સૂચના અપાઈ હતી. કેટલા આવાસ ખાલી છે તેની તપાસ કરવા સૂચના અપાઈ હતી.  અધિકારીઓ દ્વારા તપાસ નહીં કરતાં ચેરમેને આદેશ આપ્યા હતાં. ગત કમિટીમાં 200 જેટલા મકાનોમાં ડ્રો બાદ પણ આવાસ ખાલી હોવાનું સામે આવ્યું હતું

રાસ્કા 100 MLD વોટર ટ્રીટમેન્ટ પ્લાન્ટમાં બેદરકારી 

અમદાવાદ મહાનગર પાલિકાના વોટર ટ્રીટમેન્ટ પ્લાન્ટની કામગીરી માટે તંત્રની લાલિયાવાડી સામે આવી છે. રાસ્કા 100 એમએલડી વોટર ટ્રીટમેન્ટ પ્લાન્ટમાં બેદરકારી દાખવવામાં આવી છે. પ્રોજેક્ટ કન્સલ્ટન્ટની મોટી બેદરકારી સામે આવી છે. ટેન્ડર પ્રક્રિયામાં જ ડિસક્વોલિફાય થયેલી કંપનીને જ ક્વોલિફાય કરી દેવામાં આવતા વિવાદ સર્જાયો છે. સ્કાય વે ઈન્ફ્રાને ક્વોલિફાય કરી દેતા વિવાદ સર્જાયો છે. કન્સલ્ટન્ટ મલ્ટી મીડિયા કંપનીને AMC 5 લાખની પેનલ્ટી આપશે.સ્કાય વે ઇન્ફ્રા સી જી રોડ પર રોડ નાનો કરવાના વિવાદમાં સપડાયું હતું. 

મોરબીમાં ફરી એક વાર ચક્કાજામ કરવામાં આવ્યો

મોરબીમાં ફરી એક વાર ચક્કાજામ કરવામાં આવ્યો છે. ડિવાઈન પાર્કના સ્થાનિકોએ ઉભરાતી ગટરના ત્રાસથી કંટાળીને ચક્કાજામ કર્યો હતો. સ્થાનિકો ગટરને કારણે બિમારનો ભોગ બની રહ્યા હોવાનો આક્ષેપ કરવામાં આવી રહ્યો છે. તંત્રને અનેક રજૂઆતો કરવા છતાંય કામ નહીં થતું હોવાના આક્ષેપ કરવામાં આવ્યા છે.

સસ્તા સોનાના નામે છેતરપિંડી કરનાર આરોપી ઝડપાયો

સસ્તા સોનાના નામે ઠગાઈ કરનાર આરોપી ઝડપાયો છે. ફારુક હુશેન સમા નામના આરોપીને ઝડપી પાડવામાં આવ્યો છે. સોશિયલ મીડિયા પર આરોપી પ્રમોશન કરતો હતો. એકના ત્રણ ગણા રૂપિયા કરવાની લાલચ આપી હતી. રોકડ, નકલી નોટ, કોરા કાગળ સહિતનો મુદ્દામાલ કબજે લેવાયો છે. 

સોશિયલ મીડિયામાં વીડિયો થયો વાયરલ

વાવ થરાદમાં સ્થાનિક ભુવાજીએ કોંગ્રેસના એક નેતાને વિધાનસભાની ચૂંટણીમાં ટિકિટ મળવાની આગાહી કરી છે. આ ચૂંટણીમાં તેઓ 11 હજાર મતની લીડથી જીતશે તેવો દાવો પણ કર્યો છે. ધુણતા ભુવાજીના વેણથી રાજકીય ગરમાવો વધ્યો છે. સ્થાનિક લોકો અને કોંગ્રેસના કાર્યકરોમાં કુતૂહલ વ્યાપી ગયું છે.  સ્થાનિક ભુવાજીએ કોંગ્રેસના અગ્રણી માંગીલાલ પટેલ અંગે મોટી આગાહી કરી છે. ભુવાજીએ ધુણતા ધુણતા કહ્યું હતું કે,  આવનારી ધારાસભાની ચૂંટણીમાં માંગીલાલ પટેલને  ટીકીટ મળશે અને તેઓ અંદાજે 11 હજાર વોટના માર્જિનથી વિજયી બનશે.  આ આગાહીને લઈને વિસ્તારમાં ચર્ચાનો માહોલ સર્જાયો છે

પંચમહાલના હાલોલમાં ભંગારના ગોડાઉનમાં આગ

પંચમહાલના હાલોલના પાવાગઢ બાયબાસ નજીક ગોપીપુરા કસ્બા રોડ પર ભંગારના ગોડાઉનમાં આગ લાગવાનો બનાવ સામે આવ્યો છે. ભંગારનો જથ્થો વધુ હોવાથી આગે મોટું સ્વરૂપ ધારણ કર્યું હતું. ભંગારમાં રેક્ઝીનનું વેસ્ટ, કપડાના ડૂચાનો ઢગલો હોવાથી આગ પ્રસરી ગઈ હતી. આગ વધારે ફેલાવ નહીં એ હેતુથી હાલોલ ફાયર બ્રિગેડ અને ખાનગી કંપનીના ફાયર ફાયટર  કામે લાગ્યા હતાં.આગ કયા કારણોસર લાગી એ હજુ બહાર આવ્યું નથી

ગુજરાતમાં 20 એપ્રિલથી વસ્તી ગણતરી શરૂ થશે

ગુજરાતમાં આગામી 20મી એપ્રિલથી વસતી ગણતરી શરૂ થશે. 19મી મે સુધી ગુજરાતની હાઉસ લિસ્ટિંગ પ્રક્રિયા કરાશે. વસતી ગણતરી 2027 માટે ગેઝેટ પ્રસિદ્ધ કરાયું છે. રાજ્યમાં પ્રક્રિયા માટે વિશેષ સમયગાળો નક્કી કરાયો છે. કેન્દ્ર સરકારે પણ સૂચના જાહેર કરી છે. 

સાંતલપુરના કોરડા ગામે બંધારણ મુદ્દે મળી હતી બેઠક

સાંતલપુરના કોરડા ગામમાં સમાજનું બંધારણ તોડવા મુદ્દે ઠાકોર સમાજની બેઠક મળી હતી. આ બેઠકમાં કોરડા ગામના પૂર્વ સરપંચ મગનજી ઠાકોરના દીકરા અને દીકરીના લગ્ન પ્રસંગમાં DJના મુદ્દે બંધારણનો ભંગ થયો હતો.બંધારણ ભંગના નિર્ણય બાબતે મળેલી જાહેર સભામાં ગરમા ગરમી જોવા મળી હતી. ગ્રામ કમિટી દ્વારા મગનજી ઠાકોરને પહેલા 21 હજાર દંડ જાહેર કરવામાં આવતા સભામાં આવેલા લોકોએ સ્ટેજ પર બેઠેલા લોકો સમક્ષ હલ્લાબોલ કર્યો હતો. લોકો સભાં છોડીને ચાલતા થતા,અમૃતજી ઠાકોર અને ચંદનજીએ સંત સદારામ બાપાની સોગંદ આપીને હાથાજોડી કરીને  લોકોને સભામાં બેસાડ્યા હતાં.

બનાસકાંઠામાં સરપંચને પદ પરથી હટાવ્યા

બનાસકાંઠામાં નવી ભીલડીના સરપંચને પદ પરથી હટાવવામાં આવ્યા છે. સરપંચ કાંતિજી કપૂરજી માળીને હોદ્દા પરથી દૂર કરાયા છે. કૌટુંબિક મિલ્કતના દબાણો દૂર કરવામાં તેઓ નિષ્ફળ રહ્યાં છે. ફરજ દરમિયાન ગેરવર્તણૂંક અને પદનો દૂર ઉપયોગ કર્યો હતો. પંચાયત ધારાની કલમ 57 ક હેઠળ તેમને દૂર કરવામાં આવ્યા છે. 

ATSને મળશે નવી આધુનિક બિલ્ડીંગ

ગુજરાત રાજ્યની સુરક્ષા વ્યવસ્થાને વધુ સુદ્રઢ અને આધુનિક બનાવવાના સંકલ્પ સાથે નાયબ મુખ્યમંત્રી હર્ષ સંઘવીના હસ્તે અમદાવાદમાં વિવિધ પોલીસ પ્રકલ્પોના ઈ-ખાતમુહૂર્તનો કાર્યક્રમ યોજાયો હતો.આ કાર્યક્રમમાં અંદાજે 202.85 કરોડ રૂપિયાના ખર્ચે સાકાર થનારા  વિવિધ મહત્વના પ્રકલ્પોનું વર્ચ્યુઅલ ખાતમુહૂર્ત કરવામાં આવ્યું હતું. જેમાં અમદાવાદના છારોડી ખાતે 47.98 કરોડના ખર્ચે નિર્માણ પામનાર અત્યાધુનિક ATS બિલ્ડિંગ, બોડકદેવ ખાતે 33.49 કરોડના ખર્ચે બનનાર અર્બન પોલીસ સ્ટેશન, અમરાઈવાડી પોલીસ લાઈન ખાતે 74.62 કરોડના ખર્ચે  પોલીસ આવાસ અને PSI ક્વાર્ટર્સ, કાગડાપીઠ ખાતે 39.68 કરોડના ખર્ચે પોલીસ આવાસ તેમજ સૈજપુર બોઘા ખાતે 5.74 કરોડના ખર્ચે ડૉગ કેનાલ તથા ટ્રેનિંગ ઓફિસ અને ૧.૩૪ કરોડના ખર્ચે SRP ગ્રુપ-2 ના બંગલાના કામોનો સમાવેશ થાય છે.

વાંચો 06 વાગ્યા સુધીના મહત્વના સમાચાર

1.Suratનું ખટોદરા પોલીસ સ્ટેશન સુવિધાઓમાં અવ્વલ, સંદેશ ન્યૂઝના રિયાલિટી ચેકમાં સામે આવી હકીકત

2. Rajkotમાં કંપનીના ફાઈનલ રિપોર્ટ માટે રૂ. 5 હજારની લાંચ લેતા વર્ગ-2નો અધિકારી ઝડપાયો

3. Mumbai : વિલે પાર્લેમાં એક બિલ્ડીંગના 13મા માળે લાગી આગ, 1 વ્યક્તિનું થયું મોત

4. T20 વર્લ્ડકપમાં ભારત માટે સૌથી વધુ વિકેટ લેનાર બોલર, અર્શદીપ પાસે ઈતિહાસ રચવાની તક

5. Bharuch News: દહેજમાં જાળ બિછાવી ડુક્કરના શિકાર માટે ને મોત થયું નિલગાયનું, આરોપીઓને બે લાખનો દંડ

6. India US Trade Deal : તો 100ને પાર પહોંચશે પેટ્રોલ ? ટ્રમ્પના કારણે એક જ ઝટકામાં વધી શકે છે કિંમત

7.Digital Arrest કેસમાં સુપ્રીમ કોર્ટ સખત, કહ્યું 'RBIની SOP દેશભરમાં લાગુ થાય'

8. Ahmedabad News: શહેરમાં હું નથ્થુરામ ગોડસે નાટકનો શો રદ કરાયો, 75 ટકા ટિકિટો વેચાઈ ગઈ હતી

9. Bhavnagar News: સાયબર માફિયાઓની હિંમત તો જુઓ! ઈન્ચાર્જ DYSPનું જ ઇન્સ્ટાગ્રામ એકાઉન્ટ હેક કર્યું

10. Salman Khanના કપડાં પર મોહન ભાગવતની ટિપ્પણી! RSS પ્રમુખે એવું તે શું કહ્યું કે ભાઈજાન હસી પડ્યા!

ગોગો પેપરના વેચાણ અને સંગ્રહ પર પ્રતિબંધનો મામલો 

ગોગો પેપરના વેચાણ અને સંગ્રહ પર પ્રતિબંધ મામલે રાજ્ય સરકારે હાઇકોર્ટમાં જવાબ આપ્યો છે.જિલ્લા કલેક્ટર અને SPને વ્યાપક સત્તા અપાઈ છે.સંગ્રહ કરનાર સામે કાર્યવાહી કરવા સત્તા સોંપી છે.7 ફેબ્રુઆરીએ ગૃહ વિભાગે નોટિફિકેશન જાહેર કર્યું છે.સોમવારે હાઇકોર્ટમાં વધુ સુનાવણી હાથ ધરાશે 

સુરતમાં વધુ એક બાંધકામમાં ભ્રષ્ટાચારની આશંકા

સુરતમાં વધુ એક બાંધકામમાં ભ્રષ્ટાચારની આશંકા છે. તાપી નદી પર બની રહેલ ઈન્ટેક વેલ નમી પડી છે. નિર્માણાધીન ઈન્ટેક વેલ કેવી રીતે નમી તે અંગે સવાલો ઉભા થયાં છે. સ્ટ્રક્ચર સ્ટેબિલિટી રિપોર્ટ કરવા માટે માગ ઉઠી છે. જો કોઇ ટેકનિકલ ભૂલ હોય તો સુધારો કરવા માગ કરાઈ છે.મનપા કામ ન કરે તો કરોડોના ખર્ચ પર પાણી ફરશે

અમદાવાદ મનપાના CNCD વિભાગની પહેલ

અમદાવાદ મનપાના સીએનસીડી વિભાગની પહેલ કરવામાં આવી છે. પેટ ડોગ્સના અંતિમ સંસ્કાર માટે વ્યવસ્થા કરી છે. સીએનજી આધારિત ડોગ ક્રિમેટોરિયમ કાર્યરત કરાયું છે. 30 લાખ રૂપિયાના ખર્ચે બહેરામપુરામાં ક્રિમેટોરિયમ તૈયાર કરવામાં આવ્યું છે. એક સાથે ત્રણ ડોગના અંતિમ સંસ્કાર કરી શકાશે. ઘરે બેઠા ડોગની અંતિમ વિધિ જોવાની સગવડ કરાઈ છે. ડોગના અસ્થિ અને રાખ સન્માપૂર્વક સોંપવાની પણ વ્યવસ્થા કરાઈ છે. 

 વધુ એક લાંચિયો અધિકારી લાંચ લેતા ઝડપાયો

રાજકોટ CGSTનો અધિકારી લાંચ લેતા ઝડપાયો છે. વર્ગ-2ના અધિકારી ધર્મેન્દ્ર યાદવ લાંચ લેતા ઝડપાયો છે. કંપનીના ફાઇનલ રિપોર્ટ માટે લાંચ માગી હતી. 5 હજાર રૂપિયાની લાંચ લેતા રંગે હાથ ઝડપાઈ ગયો છે. 

બનાસકાંઠામાં ડમ્પરની અડફેટે બાઇકચાલકનું મોત

બનાસકાંઠામાં ડમ્પરની અડફેટે બાઈકચાલકનું મોત નિપજ્યું છે. સામઢી નજીક ડમ્પરે બાઈક ચાલકને અડફેટે લીધો હતો. ડમ્પરના ટાયર નીચે કચડાઈ જતાં યુવકનું મોત નિપજ્યું છે. સમગ્ર અકસ્માતના સીસીટીવી ફૂટેજ સામે આવ્યા છે. 

અમદાવાદ RTOમાં એજન્ટો સામે નોંધાઇ ફરિયાદ

અમદાવાદ આરટીઓમાં એજન્ટો સામે ફરિયાદ નોંધાઈ છે. આરટીઓના કામ માટે અરજદારો પાસે પૈસા લેવામાં આવતા હતાં. બે એજન્ટો સામે રાણિપ પોલીસ સ્ટેશનમાં ફરિયાદ નોંધવામાં આવી છે. લાઈસન્સ માટે બે એજન્ટો રૂપિયા લેતા કાર્યવાહી કરાઈ છે. બંને એજન્ટોની રાણીપ પોલીસે ધરપકડ કરી છે.

વડોદરાના રાવપુરામાં સર્જાયો હતો અકસ્માતનો મુદ્દો

વડોદરાના રાવપુરામાં અકસ્માત કરનાર કાર ચાલક આકાશ દરજીની પોલીસે ધરપકડ કરી છે. પોલીસે આરોપી પાસે જાહેરમાં માફી મંગાવી હતી. ટ્રાફિક સિગ્નલ તોડવા બદલ તેણે પસ્તાવો વ્યક્ત કર્યો હતો. સરકારી સંપત્તીને ભારે નુકસાન પહોંચાડ્યું હોવાનું તેણે સ્વીકાર્યું હતું. ફરી આવી ભૂલ નહીં કરવાની તેણે ખાતરી આપી હતી. પોલીસની કાર્યવાહીથી બેફામ ડ્રાઈવિંગ કરનારા નબીરાઓમાં ફફડાટ ફેલાયો છે. 

દેવગઢ બારીયામાં પોક્સો કેસનો આરોપી ફરાર 

દેવગઢ બારિયામાં પોક્સો કેસનો આરોપી સબજેલમાંથી ફરાર થઈ જતાં ચકચાર મચી જવા પામી છે. આરોપી મનોજ કટારા દિવાલ કુદી ફરાર થઈ ગયો છે.ફરાર આરોપીની શોધખોળ માટે નાકાબંધી કરવામાં આવી છે. 

કચ્છના મુન્દ્રામાં ફાયરિંગની ઘટના 

કચ્છના મુંદ્રામાં ફાયરિંગની ઘટના સામે આવી છે. સોની વેપારીને ધોળા દિવસે લૂંટવાનો પ્રયાસ કરવામાં આવ્યો હતો. આરોપીઓએ ફાયરિંગ કરી લૂંટનો પ્રયાસ કર્યો હતો. બારોઈ રોડ પર રૂદ્રાક્ષ જ્વેલર્સમાં ઘટના બની હતી. બાઈક પર આવેલા લૂંટારાઓએ ફાયરિંગ કર્યું હતું. મુંદ્રા પોલીસે ઘટનાને લઈને તપાસ શરૂ કરી છે. એક આરોપીને વેપારીએ ઝડપી પાડ્યો હતો. ફરાર થયેલા ત્રણ આરોપીઓની પોલીસે શોધખોળ હાથ ધરી છે. 

પોલીસ હેરાન કરશે કહી વેપારીને ધમકાવ્યો

મોરબીના હળવદમાં પોલીસની 112 નંબરની વાનના ડ્રાઈવરે રૌફ જમાવ્યો હોવાનો એક વીડિયો હાલમાં વાયરલ થઈ રહ્યો છે. રવુભા નામના પોલીસ વાનના ડ્રાઈવરે બેકરીની દુકાનમાં બીલના પૈસા ઓછા કરવા માટે દાદાગીરી કરી હતી. તેમણે બેકરીના વેપારીને એવું કહીને ધમકાવ્યો હતો કે, પૈસા ઓછા નહીં કરતો પોલીસ હેરાન કરશે. બેકરીમાં સર્જાયેલા દ્રશ્યો સીસીટીવીમાં કેદ થઈ ગયા હતાં. કાયદાના રક્ષકની દાદાગીરીથી લોકોમાં રોષ ફેલાયો છે. દુકાનદાર સામે રૌફ જમાવી રહેલી ખાખીની શરમ હવે નેવે મુકાઈ ગઈ છે. 

અમદાવાદમાં હું નથ્થુરામ નાટક રદ્દ

રાજકોટ અને જામનગર બાદ અમદાવાદમાં પણ નથ્થુરામ ગોડસે નાટક રદ કરવામાં આવ્યું છે. અમદાવાદના બોડકદેવમાં આ નાટક યોજાવાનું હતું. પંડિત દીનદયાલ હોલમાં આ નાટકનું આયોજન કરવામાં આવ્યું હતું. નાટકનો વિરોધ થતાં આયોજકો દ્વારા નાટક રદ કરવાનો નિર્ણય લેવામાં આવ્યો છે. 

ભાવનગરના ઈન્ચાર્જ DYSPનું ઈન્સ્ટાગ્રામ થયું હેક

ભાવનગરના ઈન્ચાર્જ ડીવાયએસપીનું ઈન્સ્ટાગ્રામ હેક થયું છે. મનીષ નકુમનું ઈન્સ્ટાગ્રામ એકાઉન્ટ હેકર્સે હેક કરી નાંખ્યું છે. કોઈપણ સાથે નાણાકીય વ્યવહાર નહીં કરવા અપીલ કરાઈ છે. તળાજા અને મહુવામાં સાયબર ક્રાઈમથી ખળભળાટ મચી જવા પામ્યો છે. પોલીસ અધિકારીએ વોટ્સએપ દ્વારા માહિતી આપી છે. 

વાવ-થરાદમાં કોંગ્રેસ નેતા અંગે ભુવાજીએ કરી આગાહી

કોંગ્રેસ નેતા માંગીલાલ પટેલ અંગે ભવિષ્યવાણી કરી, સોશિયલ મીડિયામાં વીડિયો થયો વાયરલ, વિધાનસભાની ચૂંટણીમાં ટિકિટ મળવાનો દાવો, 11 હજાર મતોની બહુમતીથી જીતવાની આગાહી, ધુણતા ભુવાજીના વેણે રાજકીય ગરમાવો વધાર્યો, સ્થાનિક લોકો અને કાર્યકરોમાં કુતૂહલ વ્યાપ્યું. 

કલાકાર દેવાયત ખવડને હાઈકોર્ટથી હંગામી રાહત

ચાંગોદર મારામારી કેસમાં આગોતરા જામીનમાં રાહત, ખવડની ધરપકડ પર રોક 23 ફેબ્રુઆરી સુધી લંબાવાઇ, 23 ફેબ્રુઆરીએ હાઇકોર્ટમાં વધુ સુનાવણી હાથ ધરાશે, અગાઉ સેશન્સ કોર્ટે રદ હતી આગોતરા જામીન અરજી, સેશન્સ કોર્ટે શરતોના ભંગ બદલ રદ કર્યા હતા જામીન. 

ગાંધીનગર ખાતે વસંતોત્સવનું આયોજન

સસ્તા અનાજના દુકાનદારોનું કમિશન વધારવા રજૂઆત

મહત્તમ કમિશન 20 હજારથી વધારી 30 હજાર કરવા માગ, સસ્તા અનાજ દુકાનદારોની પુરવઠા મંત્રી સાથે બેઠક, અનાજ માટે કમિશન રુ.1.5થી વધારી રુ.3 કરવા માંગ, લોગ ઇન એક્સેસ પરિવારના એક સભ્યને આપવા માગ, બજેટ પહેલા માગણીઓ સ્વીકારાશે તેવુ મંત્રીનું આશ્વાસન. 

વૈજ્ઞાનિક માપણીમાં ડીઆઈએલઆરને સાથે રાખીને પ્રાથમિકતા આપવામાં આવી

આ ઝુંબેશમાં તળાવો અને વોટરબોડીને સત્તાવાર દરજ્જો આપતા પહેલા તેના ક્ષેત્રફળની માપણીનો અભિગમ અનુસરવામાં આવ્યો. જેથી ભવિષ્યમાં તળાવોના ક્ષેત્રફળને લઈને કોઈ જ વાદવિવાદ ઉપસ્થિત ન થાય અને સત્તાવાર દરજ્જા બાદ તળાવ સંરક્ષણ અને સંવર્ધનના કામોનું સુચારુંરૂપે અમલીકરણ કરી શકાય. કચ્છ જિલ્લા કલેક્ટર આનંદ પટેલે સંબંધિત પ્રાંત અધિકારીઓ, મામલતદારો, લેન્ડ રેકર્ડ ઓફિસર્સ સાથે બેઠક યોજીને તળાવની જમીનોના સંરક્ષણ, સંવર્ધન અને બ્યૂટીફિકેશન માટે 'તળાવ નીમ' કરવાનું અભિયાન ઝુંબેશરૂપે શરૂ કર્યું. મજબૂત રેકર્ડ નિભાવણી થઈ શકે અને ભવિષ્યમાં તળાવોના ક્ષેત્રફળને લઈને કોઈ જ વાદવિવાદ ન થાય તે માટે કચ્છ કલેક્ટર આનંદ પટેલની સૂચનાનુસાર વૈજ્ઞાનિક માપણીમાં ડીઆઈએલઆરને સાથે રાખીને પ્રાથમિકતા આપવામાં આવી. 

કચ્છના 281 ગામના 910 તળાવને રેવન્યૂ રેકર્ડ પર લાવી બ્યુટીફિકેશન, જળસંચય અને સંરક્ષણ માટે કલેક્ટરના માર્ગદર્શનમાં મહેસૂલી તંત્રની ઝુંબેશરૂપ કામગીરી

કચ્છ જિલ્લો ભૌગોલિક રીતે અર્ધશુષ્ક ક્ષેત્રમાં આવતો હોવાથી પાણી એ સૌથી મોટી જરૂરિયાત બની જાય છે. આ પરિસ્થિતિમાં પીવાના પાણી, કૃષિ અને પશુપાલન માટે જળ સંસાધનો, તળાવો અને વોટરબોડીનું સંવર્ધન અને સંરક્ષણ અત્યંત અનિવાર્ય છે. આ વિચારને સાર્થક કરતી ઝુંબેશ કચ્છ કલેક્ટર આનંદ પટેલની આગેવાનીમાં ત્રણ મહિના પહેલા કચ્છના મહેસૂલ વિભાગ દ્વારા શરૂ કરવામાં આવી હતી. કલેક્ટર આનંદ પટેલના માર્ગદર્શનમાં મહેસૂલી તંત્ર દ્વારા નીમ ન થયેલા તળાવો અને વોટરબોડીની ઓળખ કરીને તેને નીમ કરવાની પ્રક્રિયા ઝુંબેશરૂપે શરૂ કરવામાં આવી. ગુજરાતમાં સૌપ્રથમ વખત કચ્છના ૨૮૧ ગામના કુલ ૯૧૦ તળાવોને રેવન્યૂ રેકર્ડ પર લાવી બ્યુટીફિકેશન, જળસંચય અને સંરક્ષણ માટે કામગીરી પૂર્ણ કરવામાં આવી છે. 

મઠ એ મુખ્યત્વે સૂકા અને અર્ધ-સૂકા વિસ્તારોનો પાક છે

કચ્છ અને ઉત્તર ગુજરાતના બનાસકાંઠા જેવા જિલ્લાઓમાં મઠનું વાવેતર વધુ જોવા મળે છે. આ ઉપરાંત ચોળા, વાલ અને વટાણા પણ ગૌણ કઠોળ તરીકે લેવામાં આવે છે. મઠ સહિતના અન્ય કઠોળ પાકોનું વર્ષ ૨૦૨૪-૨૫માં ૭૨,૦૦૦ હેક્ટરમાં વાવેતર અને ૬૪,૦૦૦ મેટ્રિક ટનથી વધુ ઉત્પાદન નોંધાયું હતું. ગુજરાતમાં કઠોળના પાકમાં થયેલી આ ક્રાંતિ પાછળ રાજ્ય સરકારની અનેક મહત્વપૂર્ણ પહેલો જવાબદાર છે. 'સૌની યોજના' અને 'સુજલામ સુફલામ' જેવી યોજનાઓ દ્વારા રવિ અને ઉનાળુ પાક માટે પાણીની ઉપલબ્ધતા વધી છે. વળી, સરકાર દ્વારા કઠોળના ટેકાના ભાવમાં ૧૧ થી ૩૧ ટકા જેટલો વધારો કરવામાં આવતા ખેડૂતો કઠોળની ખેતી તરફ વળ્યા છે. આ ઉપરાંત રાજ્યની કૃષિ યુનિવર્સિટીઓ દ્વારા વિકસાવવામાં આવેલી 'ગુજરાત ચણા-૩' અને ‘ગુજરાત મગ-૪' જેવી સુધારેલી જાતોથી હેક્ટર દીઠ ઉત્પાદન પણ વધ્યું છે. સાથે જ, રાજ્યમાંથી કઠોળની નિકાસ બમણી થતા વાવેતર વિસ્તાર, ઉત્પાદન અને ઉત્પાદકતામાં ધરખમ વધારો જોવા મળી રહ્યો છે.

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Banaskantha News : બનાસકાંઠામાં રેતી ભરેલા ડમ્પર અને બાઇક વચ્ચે અકસ્માતમાં 1નું ઘટના સ્થળે મોત

02 - Surat News : પરણિત હોવા છત્તા કુંવારો કહીને યુવતી સાથે દુષ્કર્મ આચર્યુ, આરોપીએ યુવતીના ગંદા ફોટા પાડી તેના નાના ભાઈ સાથે પરણાવી દીધી

03 - Ahmedabad News : અમદાવાદના બોપલમાં કારનો કાચ તોડી 2 શખ્સ રોકડ લઈ ફરાર, સમગ્ર ઘટનામાં સીસીટીવી આવ્યા સામે

04 - Gandhinagar News : દક્ષિણ ગુજરાતમાં 17 જિલ્લા હાથીપગા રોગ માટે સંવેદનશીલ છે, આવતીકાલથી સામૂહિક દવા વિતરણ કાર્યક્રમના ત્રીજા રાઉન્ડનો પ્રારંભ થશે

05 - Gandhinagar News : અમેરિકા દ્વારા ભારતીય સામાન પર ટેરિફ 50 ટકાથી ઘટાડીને 18 ટકા કરાતા નિકાસમાં થશે વિક્રમજનક વધારો

06 - T20 WC 2026: પહેલી મેચમાં ઇટાલીની કારમી હાર,સ્કોટલેન્ડે 72 રને હરાવ્યું

07 - Kanpur Accident: કોણ છે શિવમ મિશ્રા? જેની લેમ્બોર્ગિનીએ 6 લોકોને કચડ્યા

08 - Online Gameનો ચોંકાવનારો કિસ્સો, મેરઠમાં ઓનલાઈન ગેમ રમતા 23 વર્ષના યુવાનનું થયું મોત

09 - Nigeriaમાંન માર્ગ અકસ્માતમાં ટ્રક પલટી જતાં 30ના મોત, અન્ય લોકો ગંભીર રીતે ઘાયલ

10 - Holi Special Train: મુસાફરોની સુવિધા માટે 1410 સ્પેશિયલ ટ્રેનોની જાહેરાત, કન્ફર્મ ટિકિટનું ટેન્શન હવે દૂર!

મગનું 1.38 લાખ હેક્ટરમાં વાવેતર

તેવી જ રીતે, તુવેરના ઉત્પાદનમાં પણ ગુજરાત દેશના મોખરાના રાજ્યોમાં સ્થાન ધરાવે છે. વર્ષ ૨૦૧૯-૨૦માં રાજ્યમાં તુવેરનું કુલ ઉત્પાદન ૨.૧૦ લાખ મેટ્રિક ટન હતું, જેની સામે ૪૫ ટકાની વૃદ્ધિ સાથે વર્ષ ૨૦૨૪-૨૫માં ૩.૦૮ લાખ મેટ્રિક ટન ઉત્પાદન નોંધાયું હતું. આ ઉપરાંત અડદ, મગ અને મઠ જેવા અન્ય કઠોળ પાકોનું પણ હવે ગુજરાતમાં પુષ્કળ વાવેતર થઈ રહ્યું છે. વર્ષ ૨૦૨૪-૨૫માં રાજ્યમાં અડદનું ૧.૧૪ લાખ હેક્ટરમાં વાવેતર અને આશરે ૯૦,૦૦૦ મેટ્રિક ટન ઉત્પાદન નોંધાયું હતું. તેવી જ રીતે, મગનું ૧.૩૮ લાખ હેક્ટરમાં વાવેતર અને આશરે ૧.૨૬ લાખ મેટ્રિક ટન ઉત્પાદન થયું હતું.

ચણાનું કુલ ઉત્પાદન 6.36 લાખ મેટ્રિક ટન હતું

વર્ષ ૨૦૧૯-૨૦માં રાજ્યમાં કઠોળ પાકોનો કુલ વાવેતર વિસ્તાર ૯ લાખ હેક્ટર, ઉત્પાદન ૧૦.૫૮ લાખ મેટ્રિક ટન અને ઉત્પાદકતા ૧,૧૭૩ કિગ્રા પ્રતિ હેક્ટર હતી. જ્યારે, વર્ષ ૨૦૨૪-૨૫માં કઠોળ પાકોનો કુલ વાવેતર વિસ્તાર ૧૪.૩૯ લાખ હેક્ટર, ઉત્પાદન ૨૧.૫૨ લાખ મેટ્રિક ટન અને ઉત્પાદકતા ૧,૪૯૫ કિગ્રા પ્રતિ હેક્ટર નોંધાઈ છે. ગુજરાતમાં ચણા એ સૌથી મહત્વનો કઠોળ પાક છે, જે રાજ્યના કુલ કઠોળ ઉત્પાદનમાં ૭૦ ટકાથી વધુ હિસ્સો ધરાવે છે. વર્ષ ૨૦૧૯-૨૦માં રાજ્યમાં ચણાનું કુલ ઉત્પાદન ૬.૩૬ લાખ મેટ્રિક ટન હતું, જેની સામે અઢી ગણા વધારા સાથે વર્ષ ૨૦૨૪-૨૫માં ૧૫.૬૩ લાખ મેટ્રિક ટન ઉત્પાદન નોંધાયું હતું.

ગુજરાતમાં વાર્ષિક 20 લાખ મેટ્રિક ટનથી વધુ કઠોળનું ઉત્પાદન, 70 ટકાથી વધુ હિસ્સો ચણાનો

ગુજરાતમાં કૃષિ ક્ષેત્રે કઠોળના પાકોએ છેલ્લા કેટલાક વર્ષોમાં અભૂતપૂર્વ પ્રગતિ કરી છે. વડાપ્રધાન નરેન્દ્ર મોદીના 'આત્મનિર્ભર ભારત' મિશન હેઠળ ગુજરાત હવે દેશમાં કઠોળ ઉત્પાદનમાં અગ્રેસર રાજ્ય તરીકે ઊભરી આવ્યું છે. ખાસ કરીને ચણા અને તુવેરના ઉત્પાદનમાં ગુજરાત રાષ્ટ્રીય સ્તરે નોંધપાત્ર પ્રગતિ કરી રહ્યું છે. મુખ્યમંત્રી ભૂપેન્દ્રભાઈ પટેલના માર્ગદર્શન હેઠળ રાજ્યના ખેડૂતો સતત પ્રગતિ કરી રહ્યા છે. કૃષિ મંત્રી જીતુભાઈ વાઘાણીએ આ સંદર્ભે આંકડાકીય વિગતો આપતા જણાવ્યું હતું કે, છેલ્લા ૬ વર્ષ દરમિયાન રાજ્યમાં કઠોળ પાકની ઉત્પાદકતામાં સવા ગણો, વાવેતર વિસ્તારમાં દોઢ ગણો અને ઉત્પાદનમાં બમણો વધારો થયો છે. 

લોકસભાની કાર્યવાહી શરુ થતા જ વિપક્ષનો હોબાળો

લોકસભામાં વિપક્ષી સાંસદો દ્વારા સતત હોબાળો, રાહુલના બોલવાને લઇ લોકસભામાં હોબાળો, રાહુલ ગાંધી બજેટ પર વાત કરેઃ સભાપતિ, વગર નોટિસે ચર્ચા ન થઇ શકેઃ સભાપતિ, સરકાર હંમેશા વાતચીત માટે તૈયારઃ રિજીજૂ, સ્પીકર પાસેથી મને મંજૂરી મળી હતીઃ રાહુલ ગાંધી, ગૃહમાં મને કેમ બોલવા નથી દેવાયોઃ રાહુલ ગાંધી, હોબાળો થતા લોકસભાની કાર્યવાહી આવતીકાલ સુધી સ્થગિત. 

સુરતમાં યુવતી પર દુષ્કર્મના વધુ 2 આરોપી ઝડપાયા

20 વર્ષીય યુવતી પર દુષ્કર્મમાં 5 નરાધમો સામે ફરિયાદ, વીડિયો ઉતારી બ્લેકમેલ કરનાર આરોપી મહુવાથી ઝડપાયો, મુખ્ય સૂત્રધાર આરોપી અશોક નાજા સીઢાને ઝડપ્યો, આરોપી ભવદિપ દેવકુ મોભ અમરેલીના ખાભાથી ઝડપાયો, અત્યાર સુધી દુષ્કર્મના 4 આરોપીને પોલીસે ઝડપી પાડ્યા. 

નાથુરામ ગોડસેના નાટકને મંજૂરી આપવાનો મુદ્દો

નાટકની શરતોમાં નિયમો પાળવાની સ્પષ્ટ સૂચના, નાટકનું આયોજન ન કરવાની શરતે આપી મંજૂરી, નાટક અકાદમીના સભ્ય સચિવની સંદેશ સાથે વાતચીત. 

પોલીસ અને ખનીજ વિભાગની ટીમ ઘટના સ્થળે

જે જગ્યાએથી ડમ્પર રેતી ભરીને આવતુ હતુ તે જગ્યા પર રેતી લેવાની પરમિશન છે કે નહી કે પછી રેતીની ચોરી કરવામાં આવે છે તે દિશામાં પોલીસે તપાસ શરૂ કરી છે, પરિજનોને પણ પોલીસે જાણ કરી છે, મૃતકો બનાસકાંઠા જિલ્લાના રહેવાસી છે, આ સમગ્ર ઘટનામાં સ્થાનિકોમાં રોષ છે અને ડમ્પર ચાલકો સામે કડક કાર્યવાહી કરાય તેવી માગ ઉઠી છે. 

બનાસકાંઠામાં અકસ્માતમાં બે લોકોના મોત

જુના ડીસાથી સામઢી જતા માર્ગ પર અકસ્માત થયો છે અને રેતી ભરેલા ડમ્પર અને બાઇક વચ્ચે અકસ્માત થતા બાઈક સવાર 2ના મોત થયા છે, આ સમગ્ર મામલે ખનીજ અને પોલીસ વિભાગે તપાસ શરી કરી છે અને મૃતદેહને પીએમ માટે ખસેડાયો છે, પીએમ થયા બાદ મૃતદેહ પરિજનોને સોંપવામાં આવશે અને પોલીસે ડ્રાઈવરની અટકાયત કરી છે, સ્થાનિકોનો પણ આક્ષેપ છે કે, આ રોડ પર બેફામ રીતે ડમ્પરો દોડતા હોય છે અને નાના વાહનોને નુકસાન પહોંચાડતા હોય છે.

બનાસકાંઠામાં રેતી ભરેલા ડમ્પર અને બાઇક વચ્ચે અકસ્માતમાં 2ના ઘટના સ્થળે મોત 

બનાસકાંઠામાં જુના ડીસામાં અકસ્માતની ઘટના બની છે, જેમાં ડમ્પર અને બાઈક વચ્ચે અકસ્માતમાં 2ના મોત થયા છે, ઘટનાની જાણ થતાની સાથે લોકોના ટોળા ઉમટયા હતા. બનાસકાંઠામાં જુના ડીસાથી સામઢી જતા માર્ગ પર અકસ્માતની ઘટના બની હતી જેમાં ફુલ સ્પીડમાં આવી રહેલા ડમ્પરે બાઈક પર સવાર લોકોને અડફેટે લીધા હતા જેના કારણે 2 લોકોના ઘટના સ્થળે મોત થયા હતા, ઘટનાની જાણ થતાની સાથે પોલીસનો કાફલો પણ સ્થળ પર પહોંચ્યો હતો. 

શ્રીલંકાનું ડેલીગેશન પહોંચ્યું સચિવાલય

શ્રીલંકાના 5 સભ્યોનું ડેલીગેશન પહોંચ્યું ગાંધીનગર, CM અને DyCMને મળવા આવ્યા શ્રીલંકન સાંસદો, શ્રીલંકાના મેમ્બર ઓફ પાર્લામેન્ટના સભ્યો હાજર, બંને દેશો વચ્ચે સંબધ મજબૂત થાય તે મુદ્દે મુલાકાત, બૌદ્ધ ભગવાનના અવશેષો શ્રીલંકાને ભેટ કર્યા હતા, શ્રીલંકાનું ડેલીગેશન ગિફ્ટ સીટી ખાતે કરશે બેઠક, વેપાર સંબધ મજબૂત થાય તે મુદ્દે થશે ચર્ચા. 

સાચા અર્થમાં 'બાળ લગ્ન મુક્ત ભારત'નું સપનું સાકાર કરી શકીશું

આ પ્રસંગે મહિલા અને બાળ આયોગના ચેરમેન ધર્મિષ્ઠાબેન ગજ્જરે જણાવ્યું હતું કે, બાળ લગ્ન એ માત્ર સામાજિક કુરિવાજ નથી, પરંતુ તે બાળકના માનસિક, શારીરિક અને શૈક્ષણિક વિકાસમાં મોટો અવરોધ છે. આ અભિયાન દ્વારા અમે છેવાડાના નાગરીક સુધી એ સંદેશ પહોંચાડવા માંગીએ છીએ કે લગ્ન માટેની નિર્ધારિત વય મર્યાદાનું પાલન કરવું એ માત્ર કાયદાકીય જ નહીં પરંતુ નૈતિક જવાબદારી પણ છે. જો સમાજ જાગૃત હશે, તો જ આપણે સાચા અર્થમાં 'બાળ લગ્ન મુક્ત ભારત'નું સપનું સાકાર કરી શકીશું.

સાચા અર્થમાં 'બાળ લગ્ન મુક્ત ભારત'નું સપનું સાકાર કરી શકીશું

આ પ્રસંગે મહિલા અને બાળ આયોગના ચેરમેન ધર્મિષ્ઠાબેન ગજ્જરે જણાવ્યું હતું કે, બાળ લગ્ન એ માત્ર સામાજિક કુરિવાજ નથી, પરંતુ તે બાળકના માનસિક, શારીરિક અને શૈક્ષણિક વિકાસમાં મોટો અવરોધ છે. આ અભિયાન દ્વારા અમે છેવાડાના નાગરીક સુધી એ સંદેશ પહોંચાડવા માંગીએ છીએ કે લગ્ન માટેની નિર્ધારિત વય મર્યાદાનું પાલન કરવું એ માત્ર કાયદાકીય જ નહીં પરંતુ નૈતિક જવાબદારી પણ છે. જો સમાજ જાગૃત હશે, તો જ આપણે સાચા અર્થમાં 'બાળ લગ્ન મુક્ત ભારત'નું સપનું સાકાર કરી શકીશું.

મહિલા-બાળ આયોગ અને ગાયત્રી સેવા સંસ્થાનના સંયુક્ત ઉપક્રમે 'બાળ લગ્ન મુક્ત ભારત અભિયાન' અંતર્ગત જનજાગૃતિ રથનું પ્રસ્થાન 

બાળ લગ્ન એ માત્ર સામાજિક કુરિવાજ નથી, પરંતુ તે બાળકના માનસિક, શારીરિક અને શૈક્ષણિક વિકાસમાં અવરોધરૂપ: ચેરમેન   ધર્મિષ્ઠાબેન ગજ્જર. બાળ લગ્ન જેવા સામાજિક દૂષણને જડમૂળથી નાબૂદ કરવાના ઉમદા હેતુ સાથે આજે ગાંધીનગરથી મહિલા અને બાળ આયોગના ચેરમેન  ધર્મિષ્ઠાબેન ગજ્જરે 'બાળ લગ્ન મુક્ત ભારત અભિયાન' અંતર્ગત વિશેષ જનજાગૃતિ રથને લીલી ઝંડી આપી પ્રસ્થાન કરાવ્યું હતું. આ રથ રાજ્યના વિવિધ ગ્રામીણ અને શહેરી વિસ્તારોમાં નાગરીકોને બાળ લગ્નના ગેરફાયદા અને કાયદાકીય જોગવાઈઓ અંગે જાગૃતિ લાવવાનું કાર્ય કરશે. 

પોતે પરિણત હોવા છતાં કુંવારો હોવાનું કહી દુષ્કર્મ આચર્યુ

22 વર્ષીય યુવતીને 38 વર્ષીય પુરુષે ફસાવી હતી અને સ્નેપચેટમાં ખોટું નામ આપી મળવા બોલાવી અને દુષ્કર્મ આચરી વીડિયો બનાવી દીધો, તો વીડિયો તો બનાવ્યો પણ આરોપીએ તેના નાના ભાઈ સાથે ફરિયાદી યુવતીને પરણાવી દીધી અને ત્યારબાદ પણ દુષ્કર્મ આચરતો રહ્યો હતો, જોકે લગ્ન બાદ પણ યુવતીને સંબંધ રાખવા દબાણ અને બળાત્કાર કરતાં મામલો પોલીસ મથકે પહોંચ્યો હતો.

પરણિત હોવા છત્તા કુંવારો કહીને યુવતી સાથે દુષ્કર્મ આચર્યુ, આરોપીએ યુવતીના ગંદા ફોટા પાડી તેના નાના ભાઈ સાથે  પરણાવી દીધી 

સુરતમાં યુવતી સાથે દુષ્કર્મ કરનાર નરાધમની ધરપકડ કરી છે અને સિંગણપોર વિસ્તારમાં યુવતી સાથે દુષ્કર્મ કર્યુ હતુ, આરોપીએ ખોટું નામ ધારણ કરી યુવતીને ફસાવી હતી. પરણિત હોવા છતા કુવારો કહી દુષ્કર્મ આચર્યુ આરોપીએ અને વીડિયો બનાવી નાના ભાઇ સાથે લગ્ન કરાવ્યા હતા, પોલીસે આરોપીની ધરપકડ કરી તપાસ હાથ ધરી છે. નરાધમે સ્નેપ ચેટ પર ખોટું નામ ધારણ કરી યુવતીને ફસાવી હતી અને બ્લેકમેલ કરીને દુષ્કર્મ આચરતા પોલીસે ગુનો નોંધી તપાસ શરૂ કરી. 

એક આરોપી ગુજરાત હાઈકોર્ટનો વકીલ છે

ગુનેગારો ચાલાક હતા, પણ પોલીસ તેમનાથી એક ડગલું આગળ હતી. પોલીસે સીસીટીવી ફૂટેજ જોયા, જેમાં એક શંકાસ્પદ ટ્રક નજરે પડી. આ ટ્રક નંબરના આધારે ડ્રાઈવર સુધી પહોંચાયું. ત્યારબાદ શરૂ થયો ટેકનિકલ સર્વેલન્સનો દોર. મોબાઈલ ટાવર લોકેશન અને કોલ ડિટેઈલ્સ (CDR) તપાસતા એક નંબર શંકાના દાયરામાં આવ્યો. આ નંબર હતો આરોપી વજાહત ખાનનો, જે ચોરી વાળી રાત્રે ઘટનાસ્થળે જ હાજર હતો. બસ, અહીંથી જ પોલીસને મળી સફળતાની ચાવી. પોલીસે આ કેસમાં 5 આરોપીઓની ધરપકડ કરી. અને જ્યારે આરોપીઓના નામ અને પ્રોફાઈલ સામે આવી ત્યારે સૌ દંગ રહી ગયા. મુખ્ય આરોપીઓ પૈકી એક છે મેમણ મહંમદઈક્રામ, જેણે LL.B.નો અભ્યાસ કરેલો છે અને અમદાવાદ હાઈકોર્ટમાં વકીલાત કરે છે! 

મહેસાણા એલસીબી પોલીસે શરૂ કરી હતી તપાસ

અહીં વેપારી રીતેશ શેઠ અને અરવિંદકુમાર શેઠના ગોડાઉન આવેલા છે. ગત ૧૨ ડિસેમ્બર ૨૦૨૫ થી ૨ જાન્યુઆરી ૨૦૨૬ના સમયગાળા દરમિયાન, તસ્કરોએ આ ગોડાઉનને નિશાન બનાવ્યું. રાત્રિના અંધારામાં તસ્કરોએ વેરહાઉસ નં. ૧૩, ૧૪ અને ૧૫ ના તાળા તોડ્યા. અંદરથી એક-બે નહીં પણ હજારોની સંખ્યામાં જીરાની બોરીઓ ગાયબ થઈ ગઈ. ચોરીનો આંકડો સાંભળીને પોલીસ પણ ચોંકી ઉઠી. કુલ ૩ કરોડ ૨ લાખ ૨૮ હજાર રૂપિયાના જીરાની ચોરી! મહેસાણા LCB અને પોલીસની ટીમે તપાસનો ધમધમાટ શરૂ કર્યો. 

ગુજરાત હાઈકોર્ટમાં વકીલ તરીકેની પ્રેકટિસ કરતા વકીલે ગેંગ રચીને 3 કરોડ કરતા વધારેની કિંમતના જીરાની ચોરી કરી  

ઉત્તર ગુજરાતના મસાલા સીટી ગણાતા ઊંઝા કે, જ્યાં વેપારીઓના ગોડાઉનમાંથી લાખો નહીં પણ કરોડો રૂપિયાના જીરાની ચોરી થઈ. પણ જ્યારે પોલીસે આ ચોરીનો ભેદ ઉકેલ્યો ત્યારે ચોંકાવનારા ખુલાસા થયા. ચોરી કરનારી કોઈ સામાન્ય ગેંગ નહોતી, પણ તેમાં સામેલ હતો હાઈકોર્ટનો એક વકીલ! કાયદાનો જાણકાર જ જ્યારે ગુનેગાર બની જાય ત્યારે શું થાય? ઘટના છે મહેસાણા જિલ્લાના ઊંઝા તાલુકાની. ઊંઝાના ઉનાવા પાસે આવેલી ડીસન્ટ હોટલની પાછળ ખોડીયાર એસ્ટેટ આવેલા છે. 

સુપ્રીમ કોર્ટમાં વ્હોટ્સએપ-મેટાની સુનાવણી ટળી

વકીલ કપિલ સિબ્બલની તબિયત લથડતા નિર્ણય, આજે આવવાનો હતો સુપ્રીમનો અંતિમ આદેશ, હવે 23  ફેબ્રુઆરીએ હાથ ધરાશે સુનાવણી, ડેટા ટ્રાન્સફર વિવાદમાં ગ્રાહકોની સુરક્ષા દાવ પર, મુદત પડતા વચગાળાના સ્ટે પર લટકતી તલવાર. 

સુુતરના મેયર અને સ્થાયી અધ્યક્ષને ગાંધીનગરનું તેડું

કતારગામની 3 વિવાદાસ્પદ ટીપી સ્કીમનો મુદ્દો, ચૂંટણી પહેલા ટીપી સ્કીમનો નિવેડો લાવવા પ્રયાસ, બંન્ને પદાધિકારીએ વિભાગ બેસી પરિસ્થિતિ જાણવા પ્રયાસ, ટીપી સ્કીમ 49, 50 અને 51નો વિવાદ ગાંધીનગર પહોંચ્યો, રિઝર્વેશન ઉઠાવવાની માગ સાથે છેલ્લા ઘણા સમયથી વિરોધ. 

ગુજરાત ભારતનું સૌથી મોટું નિકાસકર્તા રાજ્ય બન્યું છે

મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવીના માર્ગદર્શનમાં ગુજરાત ભારતનું સૌથી મોટું નિકાસકર્તા રાજ્ય બન્યું છે. રાજ્યમાં ટેક્ષટાઇલ, ફાર્માસ્યુટિકલ્સ, કેમિકલ્સ, પેટ્રોકેમિકલ્સ, જેમ્સ એન્ડ જ્વેલરી, એન્જિનિયરિંગ ગુડ્સ અને રિન્યુએબલ એનર્જી જેવા ક્ષેત્રોમાં ખૂબ મજબૂત ઔદ્યોગિક માળખું ઉપલબ્ધ છે. આ સમજૂતીથી ગુજરાતનાં આ તમામ સેક્ટર્સને નવો વેગ મળશે. આ વ્યાપાર સમજૂતીનો સૌથી વધુ ફાયદો ટેક્ષટાઇલ-કાપડ ઉદ્યોગને થવાની સંભાવના છે. ટેરિફ ઘટવાથી ગુજરાતના ગારમેન્ટ અને હોમ ટેક્ષટાઇલ ઉત્પાદનો અન્ય દેશોની સરખામણીએ વધુ સ્પર્ધાત્મક બનશે. 

અમેરિકા દ્વારા ભારતીય સામાન પર ટેરિફ 50 ટકાથી ઘટાડીને 18 ટકા કરાતા નિકાસમાં થશે વિક્રમજનક વધારો

વડાપ્રધાન નરેન્દ્રભાઇ મોદીના દ્રષ્ટિવંત નેતૃત્વમાં કેન્દ્ર સરકાર દ્વારા તાજેતરમાં ભારત-અમેરિકા વચ્ચે વચગાળાની વ્યાપાર સમજૂતી (Interim Trade Agreement) કરવામાં આવી છે. જે દેશના અર્થતંત્ર માટે સીમાચિહ્નરૂપ સાબિત થશે તેમજ ખાસ કરીને ગુજરાતનાં ઉદ્યોગો માટે વિકાસની નવી ક્ષિતિજો ખોલશે. ભારત-અમેરિકા વચ્ચેની આ વ્યાપાર સમજૂતી અંતર્ગત અમેરિકાએ ભારતીય સામાન પરના ટેરિફ ૫૦ ટકાના આકરા દરોથી ઘટાડીને આશરે ૧૮ ટકા કર્યા છે, જેના પરિણામે અમેરિકન માર્કેટમાં ભારતીય ઉત્પાદનોની કિંમત સ્પર્ધાત્મક બનશે અને તેની માંગમાં મોટો વધારો થશે.

જાહેર સ્થળો પર 61 બુથ શરૂ કરીને રૂબરૂમાં દવા આપવામાં આવશે

આ ઉપરાંત બાકી રહી ગયેલા સભ્યોને આરોગ્ય કાર્યકર દ્વારા તા. ૧૩ અને ૧૪ ફેબ્રુઆરી ૨૦૨૬ દરમિયાન પુન: ઘરની રૂબરૂમાં મુલાકાત લઈ આ દવા આપવામાં આવશે. આ ઉપરાંત જાહેર સ્થળો પર ૬૧ બુથ શરૂ કરીને રૂબરૂમાં દવા આપવામાં આવશે. આ કામગીરી ચાલુ હોય ત્યારે તથા કામગીરી પૂર્ણ થાયા બાદ ત્રણ મેડીકલ કોલેજના પી.એસ.એમ. ડિપાર્ટમેન્ટ દ્વારા વ્યક્તિગત મૂલ્યાંકન હાથ ધરવામાં આવનાર છે.  આ કાર્યક્રમને સફળ બનાવવા માટે આરોગ્યની તમામ ટીમો, આશા, આંગણવાડી વર્કર તથા શાળાના શિક્ષકોને યોગ્ય તાલીમ આપી સુસજ્જ કરવામાં આવ્યા છે. સંબંધિત વિસ્તારની જાહેર જનતાને આ અભિયાનમાં સક્રિય રીતે જોડાવા અને સહકાર આપવા આરોગ્ય વિભાગ દ્વારા અનુરોધ કરવામાં આવ્યો છે. 

આરોગ્ય કાર્યકરોની 649 ટીમો દ્વારા તમામને રૂબરૂમાં દવા આપવામાં આવશે

અભિયાન અંતર્ગત આ ચાર તાલુકાની કુલ ૫.૪૮ લાખથી વધુ વસ્તીને આવરી લઇને ફાઈલેરિયા રોગના કૃમિનો વ્યક્તિના શરીરમાંથી નાશ થાય તે માટેની દવા ડી.ઇ.સી. અને આલ્બેન્ડાઝોલ રૂબરૂમાં આપવામાં આવશે. જેમાં બે વર્ષથી નાના બાળકો, સગર્ભા મહિલા, અતિશય બીમાર વ્યક્તિ અને ધાત્રી માતા જેને પ્રસૂતિનો એક અઠવાડિયાનો સમય થયો હોય તે સિવાયની તમામ વસ્તીને આવરી લેવામાં આવશે. આ અભિયાન અંતર્ગત ૧૦ થી ૧૨ ફેબ્રુઆરી દરમિયાન આ વિસ્તારોની તમામ ૭૫૯ આંગણવાડી, ૭૪૨ શાળાઓ, ૧૫ કોલેજો તેમજ તમામ ઘરોમાં આરોગ્ય કાર્યકરોની ૬૪૯ ટીમો દ્વારા તમામને રૂબરૂમાં દવા આપવામાં આવશે. 

દક્ષિણ ગુજરાતમાં કુલ 17 જિલ્લા હાથીપગા રોગ માટે સંવેદનશીલ

ગુજરાતમાં સૌરાષ્ટ્ર અને દક્ષિણ ગુજરાતમાં કુલ ૧૭ જિલ્લા હાથીપગા રોગ માટે સંવેદનશીલ ગણાય છે. આ અભિયાન અંતર્ગત હાથીપગા રોગ માટેના સંવેદનશીલ નથી તેવા જિલ્લાઓ અને મહાનગરપાલિકાઓમાં રાત્રી બ્લડ સર્વેની કામગીરી હાથ ધરવામાં આવી હતી. આ પરીક્ષણ બાદ ભરૂચ જિલ્લાનો નેત્રંગ તાલુકો, નર્મદાનો નાંદોદ અને ડેડીયાપાડા અને ડાંગનો વઘઇ તાલુકો આમ ત્રણ જિલ્લાના કુલ ચાર તાલુકાના વિસ્તારોના લોહીના નમૂનામાં હાથીપગા રોગના કૃમિ જોવા મળ્યા હતા.

દક્ષિણ ગુજરાતમાં કુલ 17 જિલ્લા હાથીપગા રોગ માટે સંવેદનશીલ છે, આવતીકાલથી સામૂહિક દવા વિતરણ કાર્યક્રમના ત્રીજા રાઉન્ડનો પ્રારંભ થશે

કેન્દ્ર સરકાર દ્વારા વર્ષ ૨૦૩૦ સુધીમાં દેશભરમાંથી હાથીપગા એટલે કે, ફાઈલેરિયા રોગ નિર્મૂલનનું લક્ષ્યાંક નક્કી કરવામાં આવ્યું છે. મુખ્યમંત્રી ભૂપેન્દ્ર પટેલના માર્ગદર્શનમાં આવતીકાલ તા. ૧૦થી ૧૨ ફેબ્રુઆરી ૨૦૨૬ દરમિયાન નેત્રંગ, નાંદોદ, ડેડિયાપાડા અને વઘઇમાં સામૂહિક દવા વિતરણ કાર્યક્રમનો ત્રીજો રાઉન્ડ હાથ ધરવામાં આવશે. 

ડીસામાં ભુવાજી પર હુમલામાં 6ની ધરપકડ

હુમલો કરનાર છ આરોપીને પોલીસે ઝડપ્યા, શિહોરીના દેવાભાઇ રબારી પર હુમલો થયો હતો, લવ મેરેજની અદાવતમાં હુમલો કરાયો હતો, આરોપીઓને ઘટનાસ્થળે લઇ જઇ રિકન્સ્ટ્રક્શન. 

આ બેગમાં બે લાખ રૂપિયા રોકડ રકમ હતી

ફરિયાદીના અનુસાર વાત કરીએ તો ફરિયાદી કાર પાર્ક કરીને ઉપર જાય છે અને થોડી વારમાં તે કાર લેવા આવે છે તો નજર પડે છે કે, કારનો કાચ તૂટેલો હતો અને તેમાં રહેલી બેગની પણ હતી નહી, ચોરી થયાની જાણ થતા તેમને તાત્કાલિક 112 નંબર ઉપર જાણ કરીને પોલીસને બોલાવી હતી.

લોકોની અવર-જવર વચ્ચે કાચ તોડી નાખ્યો 

અમદાવાદના સાઉથ બોપલ વિસ્તારમાં એક કોમ્પ્લેક્સની બહાર પાર્કિંગમાં પડેલી કારનો કાચ તોડીને ચોરી થવાની ઘટના બની છે અને બે શખ્સો ચોરી કરીને ફરાર થાય છે, લોકોની અવર-જવર અને જાહેર રોડ પર ચોરી થતા સ્થાનિકોમાં પણ રોષની લાગણી છે, પોલીસે સીસીટીવીના આધારે તપાસ શરૂ કરી છે અને ફરિયાદીએ પણ રૂપિયા ગયા છે જેને લઈ ફરિયાદ નોંધાવી છે, અમદાવાદના બોપલ વિસ્તારમાં ચોરીનું પ્રમાણ વધ્યું છે. 

અમદાવાદના બોપલમાં કારનો કાચ તોડી 2 શખ્સ રોકડ લઈ ફરાર,  સમગ્ર ઘટનામાં સીસીટીવી આવ્યા સામે 

અમદાવાદના બોપલમાં ગાડીનો કાચ તોડી રુ. 2 લાખની ચોરી થઈ હોવાની વાત સામે આવી છે, સાઉથ બોપલમાં સાન્વી ટેરા ફ્લોર બિલ્ડિંગ પાસે ચોરી થઈ હોવાની વાત સામે આવી છે. બે ગઠિયા કારનો કાચ તોડી 2 લાખની ચોરી કરી ફરાર થયા છે, માત્ર થોડીક જ સેકન્ડમાં આ ચોરી થઈ હોવાની વાત છે અને સીસીટીવીમાં આ ઘટના કેદ થઈ છે, પોલીસે સીસીટીવીના આધારે તપાસનો ધમધમાટ શરૂ કર્યો છે. લોકોની અવરજવર વચ્ચે કાચ તોડી પૈસા લઈને ચોર થયા ફરાર અને બંને ચોર હેલ્મેટ પહેરીને આવ્યા હતા. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Ahmedabad News : અમદાવાદમાં ગોગો સ્મોકિંગ કોનને લઇ વટવા પોલીસની કાર્યવાહી, 9 લાખથી વધુના મુદ્દામાલ સાથે એકની ધરપકડ

02 - Bhavnagar News : ભાવનગર એલસીબી પોલીસે ગટરના જેટકિંગ ટેન્કરમાંથી વિદેશી દારૂનો જથ્થો ઝડપ્યો

03 - Rajkot News : પહેલા ફાયરિંગ કર્યુ અને હવે ચાલવાના પણ ફાંફા, સમીર ઉર્ફે સંજલોનીનું પોલીસે ઘટના સ્થળે લઈ જઈ રિ-કન્સ્ટ્રક્શન કર્યુ

04 - Surat News : સુરત એરપોર્ટ પરથી 9 કરોડનો ગાંજો ઝડપાયો, બેંગકોકથી ગાંજો ફલાઈટમાં સુરત સુધી પહોંચ્યો

05 - Valsad News : વલસાડનો લાલ, ભારતની અંડર-19 ક્રિકેટ ટીમનો સ્ટાર ખેલાડી હેનીલ પટેલ વર્લ્ડ ચેમ્પિયન બન્યા બાદ વતન પરત ફર્યો

06 - T20 WC 2026: શાહિદ આફ્રિદીનો રેકોર્ડ ધ્વસ્ત, વાનિન્દુ હસરંગા બીજા સૌથી સફળ બોલર બન્યો

07 - Loksabha Today 2026: ઓમ બિરલા વિરુદ્ધ અવિશ્વાસનો પ્રસ્તાવ લાવી શકે છે વિપક્ષ

08 - Epstein Files: અમેરિકાથી નોર્વે સુધીના દિગ્ગજ નેતાઓની ખુરશી જોખમમાં, એક બાદ એક આપી રહ્યા છે રાજીનામાં

09 - Gold Silver Rate Today: લગ્નસરાની સિઝન વચ્ચે સોના ચાંદીમાં તેજી, જાણી લો આજનો લેટેસ્ટ ભાવ

10 - Bollywoodનું સૌથી મોટું રહસ્ય! રેખા સાથેના સંબંધો પર અમિતાભ બચ્ચનો ખુલાસો, કહી દીધી મોટી વાત!

લોકસભા અધ્યક્ષ સામે વિપક્ષ લાલઘૂમ

ઓમ બિરલા સામે વિપક્ષ અવિશ્વાસ પ્રસ્તાવ લાવશેઃ સૂત્ર, લોકસભા અધ્યક્ષ વિરુદ્ધ અવિશ્વાસ પ્રસ્તાવ લાવશેઃ સૂત્ર, સ્પીકરને હટાવવા માટે અવિશ્વાસ પ્રસ્તાવ લાવશે, લોકસભામાં રાહુલ ગાંધીને બોલવા દેવાની વિપક્ષની માગ, બોલવા નહીં દેવાય તો અવિશ્વાસ પ્રસ્તાવ લાવશેઃ સૂત્ર. 

મોરબીની GIDCમાં બોઇલરમાં બ્લાસ્ટ

દૂધ ગરમ કરવા માટે વપરાતા બોઇલરમાં બ્લાસ્ટ, ઓવર હિટીંગના કારણે બ્લાસ્ટમાં શ્રમિક દાઝ્યો, ઈજાગ્રસ્ત શ્રમિકને સારવાર માટે હોસ્પિટલ ખસેડ્યો. 

મહેસાણાના ઊંઝામાં ઢાબામાં યુવક પર હુમલો

ઢાબામાં જમવા બેઠેલા યુવક પર છરીથી હુમલો, હુમલા બાદ સોનાનો દોરો, રુપિયા ભરેલ પાકીટની લૂંટ, અર્પિત રાજપૂત નામના વ્યક્તિને છરીના ઘા ઝીંક્યા, ઊંઝા પોલીસ સ્ટેશનમાં અજાણ્યા 4 સામે ફરિયાદ. 

રામ કથાકાર સંત મોરારી બાપુએ આપ્યું નિવેદન 

દ્વારકા ચાલી રહેલ રામકથામાં મોરારી બાપુનું નિવેદન, ‘અમેરિકાએ જાહેર નકશામાં POK ભારતનો ભાગ’, ‘POK ભારતનો ભાગ હોવાનો નકશામાં ઉલ્લેખ’, ‘પાડોશી લઈ ગયેલ ભાગ આપડા નકશામાં બતાવ્યું છે’, ચાઈના દ્વારા લઈ જવામાં આવેલ ભાગ પણ ભારતનો, આ નકશા નિર્ણયને હું સ્વાગત કરૂ છું : મોરારી બાપુ, અમેરિકાએ અખંડ ભારતનો નકશો જાહેર કર્યો છે. 

ગુજરાતના ધારાસભ્યોને પણ મોંઘવારી નડી

ધારાસભ્યોના ભથ્થા વધારવા માટે વિચારણા, રેલવે, હવાઇ મુસાફરીના ભથ્થા વધારવા વિચારણા, કાર્યાલય તથા મત વિસ્તાર ભથ્થું વધારવા માટે વિચારણા, વિધાનસભા ખાતે સમિતિ દ્વારા કરવામાં આવી બેઠક, બેઠકમાં અન્ય રાજ્યોના ભથ્થાની સમીક્ષા પણ કરાઇ, ભથ્થા વધારવા અંગે સરકાર સાથે પરામર્શ બાદ નિર્ણય, સરકાર સહમત થાય તો વિધાનસભા સત્રમાં થઈ શકે છે ચર્ચા, સમિતિ આવનાર દિવસોમાં કરી શકે છે વધુ બેઠકો. 

PM મોદીની વિદ્યાર્થીઓ સાથે પરીક્ષા પે ચર્ચા

બોર્ડના વિદ્યાર્થીઓ સાથે PM મોદીનો સંવાદ

તમિલનાડુના વિદ્યાર્થીઓએ પ્રભાવિત કર્યાઃ PM

PM મોદીએ વિકસિત ભારત પર ભાર મૂક્યો

ભારતમાં કોઇ કમી નથીઃ PM

થાકને દૂર કરવા કળાનો ઉપયોગ કરોઃ PM

પરીક્ષાને ઉત્સવની રીતે મનાવોઃ PM

ભણતર અને પેન્શન બંન્ને જરૂરીઃ PM

જે સ્ટાર્ટઅપ ચલાવે તેને મળવું જોઇએઃ PM

સિંગાપુર એક સમયે માછીમારોનું નાનું ગામ હતું : PM

લોકોએ નિયમોનું પાલન કરવું જોઇએઃ PM

સિંગ્નલ હોય કે સફાઇ દરેકે પાલન કરવું જોઇએઃ PM

નાના પગલાંથી દેશ આગળ વધી શકેઃ PM

નાના સ્ટાર્ટઅપથી પણ કામ શરુ થઈ શકેઃ PM

તમામ નાની વસ્તુઓને ધ્યાનમાં રાખવી જોઇએઃ PM

પ્રેરણા અને અનુશાસન પરસ્પર જરુરીઃ PM

ખેલ સાથે શિક્ષણ પણ જરુરીઃ PM

PM મોદીએ પાણીને બચાવવા અપીલ કરી

જીવનમાં ખેલનું પણ વિશેષ મહત્વઃ PM

સરળ કરતા મુશ્કેલ કામ પહેલા કરોઃ PM

વારંવારના પ્રયાસથી ખેલાડી શ્રેષ્ઠ બને છેઃ PM

લીડર બનવા માટે નીડર બનવું જરુરીઃ PM

લોકોને સમજશો તો સમજાવી શકશોઃ PM

હંમેશા પોતાના પર કામ કરવાનું ચાલુ રાખવું : PM

હુમલો હોય કે પરીક્ષા તણાવ ઓછો કરવો જરુરીઃ PM

પેપર સોલ્વ કરવાની આદત રાખોઃ PM

સ્વપ્ન માટે જીવતા શીખોઃ PM

સફળતા શોર કરશે તો લોકોને ખબર પડશેઃ PM

કોઇ વસ્તુથી ડરવું ન જોઇએઃ PM

ભારત વિવિધતાથી ભરેલો દેશ છેઃ PM

અમદાવાદમાં શાસ્ત્રીબ્રિજ રિપેરીંગની વાત માત્ર કાગળ પર

સંદેશ ન્યૂઝના રિયાલિટી ચેકમાં હકીકત સામે આવી, એક તરફ બ્રિજ બંધ રાખવાની વાતો માત્ર કાગળ પર, શાસ્ત્રીબ્રિજ પરથી ભારે વાહનો થઇ રહ્યા છે પસાર, બેરિંગ, પેડેસ્ટલ ખરાબ થતા બ્રિજ બંધની જાહેરાત, 11 મહિના માટે બ્રિજ બંધ રાખવાનો જાહેરનામામાં ઉલ્લેખ. 

ભાવનગરમાં રેલકર્મીએ યુવતીનો જીવ બચાવ્યો

રેલકર્મીએ ટ્રેનમાંથી ઉતરવા જતી યુવતીનો જીવ બચાવ્યો, સિહોર જંક્શન ઉપર પોઈન્ટસ મેને કર્યું સાહસિક કાર્ય, ટ્રેનમાંથી ઉતરતા સમયે યુવતીએ સંતલુમ ગુમાવ્યું હતું, તાત્કાલિક પોઇન્ટસ મેને પહોંચી યુવતીનો જીવ બચાવ્યો, સમગ્ર ઘટના સ્ટેશન પર લાગેલા CCTVમાં કેદ. 

અમદાવાદમાં ગોગો સ્મોકિંગ કોનને લઇ વટવા પોલીસની કાર્યવાહી, 9 લાખથી વધુના મુદ્દામાલ સાથે એકની ધરપકડ 

અમદાવાદમાં ગોગો સ્મોકિંગ કોનને લઇ કાર્યવાહી કરવામાં આવી છે જેમા રોલિંગ સ્ટ્રીપના જથ્થા સાથે એક આરોપીની ધરપકડ કરવામાં આવી છે, રઘુવીર પ્લેટેનિયમ એસ્ટેટમાં વટવા પોલીસે દરોડા પાડયા હતા. વટવા સર્વેલન્સ સ્કોડના પો.સબ.ઈન્સ એ.બી.ગંધા તથા સર્વેલન્સ સ્કોડના માણસો પેટ્રોલીંગમા હતા તે વખતે આધારભુત બાતમી હકીકત આધારે વટવા રઘુવીર પ્લેટીનીયમ એસ્ટેટમાં બ્લોક નંબર - યુ માં શેડ નં.૩ ના ગોડાઉનમાંથી અલગ અલગ કંપનીના રોલીંગ પેપર, ગોગો સ્મોકીંગ કોન, પરફેકટ રોલનું ગે.કા ગોડાઉન ઝડપી એક આરોપીને અટક કરી વટવા પો.સ્ટે ગુ.ર.નં-૧૧૧૯૧૦૩૮૨૬૧૦૦/૨૦૨૬ ધી ભારતીય ન્યાય સંહીતા ૨૦૨૩ ની કલમ-૨૨૩ મુજબ જાહેરનામા ભંગનો કેસ કરી કાયદેસરની કાર્યવાહી કરેલ છે.

વાયરલેસ પીએસઆઈએ નોંધાવી હતી ફરિયાદ 

ભાવનગરમાં વિધાનગરમાં આવેલી પોલીસ લાઈનમાં આ ચોરી થઈ હતી અને બંધ મકાનમાંથી નેત્રમ પ્રોજેકટના સીસીટીવી કેમેરાની ચોરી થઈ હતી અને બારીની ગ્રીલ તોડીને આ ચોરી કરવામાં આવી હતી, વાયરલેસ પીએસઆઈ દ્વારા ફરિયાદ નોંધાવી હતી અને પોલીસે આ મામલે આરોપીને ઝડપી પાડયા છે. રૂ.1.75 લાખના મુદ્દામાલની ચોરી થયાનું જણાવાયું હતું.

થોડા દિવસ અગાઉ થઈ હતી પોલીસ લાઈનમાં ચોરી 

ફરિયાદના આધારે પોલીસે જવાહર મેદાન ઝુંપડામાં રહેતા રાહુલ ઉર્ફે બાડો સોલંકી, હાર્દિક ઉર્ફે ડાબલી મીઠાપરા અને વડવા તલાવડીમાં રહેતા મિહીર ટાંક નામના ત્રણ શખ્સોને ઝડપી લીધા છે, પોલીસે ત્રણેય આરોપીઓ પાસેથી કુલ રૂપિયા 1,51,350નો મુદ્દામાલ કબજે કરી કાર્યવાહી હાથધરી છે, પોલીસની પૂછપરછ દરમિયાન જવાહર મેદાન ઝુંપડામાં રહેતા વિજય ઉર્ફે કાળીયો સોલંકી અને મોતીતળાવમાં રહેતા સુલેમાનભાઈ સર્કીટ નામના બે શખ્સોના નામ ખુલવા પામતા પોલીસે આગળની તપાસ હાથધરી છે. 

ભાવનગર પોલીસ લાઈનમાં થયેલી ચોરીનો ભેદ ઉકેલાયો, 3 આરોપી મુદ્દામાલ સાથે ઝડપાયા  

ભાવનગર પોલીસ લાઈનમાં થયેલી ચોરીનો ભેદ ઉકેલાયો છે અને ભાવનગર એલસીબી પોલીસે આ ચોરીનો ભેદ ઉકેલ્યો છે, લોકલ ક્રાઇમ બ્રાંચે 3 આરોપીઓને ઝડપી પાડ્યા છે. ભાવનગર લોકલ ક્રાઇમ બ્રાંચની ટીમ એ પોલીસ લાઈનમાં થયેલી ચોરીને ભેદ ઉકેલી નાખ્યો છે, થોડા દિવસ પહેલા વિદ્યાનગર ખાતે આવેલ પોલીસ લાઈનમાં બની હતી ચોરીની ઘટના અને વિદ્યાનગર પોલીસ લાઈનના મકાનમાં નેત્ર પ્રોજેક્ટના કેમેરા સહીતની વસ્તુઓની થઈ હતી ચોરી.

પરીક્ષા પે ચર્ચામાં PM મોદીનો વિદ્યાર્થીઓ સાથે સંવાદ

ભારતમાં બનેલી વસ્તુઓનો ઉપયોગ કરો

અનુશાસન ન હોય તો પ્રેરણાઓ બધી નકામી છે

થાકને દૂર કરવા કળાનો ઉપયોગ કરો

શિસ્તબદ્ધ રીતે કામ કરો તો પ્રેરણા કામ લાગે

ક્રાફ્ટ કે કળા તમને વધુ મદદરૂપ થઇ શકે

દેશના બાળકોમાં 2047ના વિકસિત ભારતનું સ્વપ્ન છે

દરેક ટેકનોલોજીનો આપણે સારો ઉપયોગ કરવો જોઇએ

ઘરમાં કોઇ થાળીમાં એઠું ન છોડવાનો પ્રણ લો

જીવનમાં શિસ્તબદ્ધતા ખૂબ જ અનિર્વાય છે

આપણે AIથી ડરવાનું નથી, તેના ગુલામ બનવાનું નથી

તમિલનાડુના વિદ્યાર્થીઓ પાસેથી ઘણું શીખવાનું

અમદાવાદ એરપોર્ટથી મુસાફર સોના સાથે ઝડપાયો

મુસાફર પાસે 96 લાખના ગોલ્ડ બાર મળી આવ્યા, દુબઇથી સ્પાઇસ જેટની ફલાઈટમાં આવ્યો મુસાફર, પેસેન્જરે 2 ગોલ્ડ બાર બેગેજમાં કન્સિડ કરીને છુપાવ્યા, અન્ય ગોલ્ડ અંડરવેરની અંદર છુપાવ્યાનું સામે આવ્યું, કસ્ટમ વિભાગે વધુ કાર્યવાહી હાથ ધરી. 

વલ્લભીપુર પોલીસ આ મામલે વધુ તપાસ કરશે

તો દારૂના જથ્થા સાથે આરોપીની અટકાયત કરવામાં આવી છે અને સમગ્ર ઘટનામાં વલ્લભીપુર પોલીસ આ મામલે તપાસ કરી રહી છે,  પોલીસે અંદાજે 3000થી વધુ 180mlની બોટલ જપ્ત કરી છે. 

પોલીસે બાતમીના આધારે વિદેશી દારૂનો જથ્થો ઝડપી પાડયો

ભાવનગર એલસીબી પોલીસની ટીમ વિસ્તારમાં હતી તે દરમિયાન બાતમી મળી હતી કે,  GJ08AU5706 નંબરની મહિન્દ્રા બોલેરો પિકઅપ ગાડીમાં દારૂનો જથ્થો પસાર થવાનો છે અને આ બાતમીના આધારે, પોલીસે વલ્લભીપુર હર્ષ વિલા આર્કેડ પાસેથી પસાર થઈ રહેલી શંકાસ્પદ ગાડીનો પીછો કરીને તેને ઝડપી પાડી હતી. ગાડીની તલાશી લેતા, તેમાં ગટર સાફ કરવા માટે ઉપયોગમાં લેવાતા જેટકિંગ ટેન્કરમાંથી વિદેશી દારૂની અલગ અલગ બ્રાન્ડની બોટલો મળી આવી હતી.  

ભાવનગર એલસીબી પોલીસે ગટરના જેટકિંગ ટેન્કરમાંથી વિદેશી દારૂનો જથ્થો ઝડપ્યો 

ભાવનગરના વલ્લભીપુરમાંથી વિદેશી દારૂનો જથ્થો ભાવનગર એલસીબી ટીમે ઝડપી પાડયો છે, ગટરના જેટકિંગ ટેન્કરમાંથી આ દારૂનો જથ્થો ઝડપાયો હોવાની વાત છે. વલ્લભીપુર-અમરેલી હાઈવે પરથી આશરે 3000થી વધુ ચપટા (બોટલો) જપ્ત કરવામાં આવી છે. વલ્લભીપુર-અમરેલી હાઈવે પરથી ભાવનગર એલ.સી.બી. ટીમે વિદેશી દારૂનો મોટો જથ્થો ઝડપી પાડ્યો છે અને પોલીસે આ મામલે એક આરોપીની ધરપકડ કરી છે, દારૂનો જથ્થો કોને અને કયાં આપવાનો હતો તે દિશામાં પોલીસે તપાસ શરૂ કરી છે. 

દિલ્હીમાં 9 સ્કૂલોને બોમ્બથી ઉડાવી દેવાની ધમકી

ખાલિસ્તાની સંગઠન દ્વારા ઇમેઇલ કરી ધમકી આપી, દિલ્હીની નવ શાળાઓને ધમકીભર્યા ઇ-મેઇલ મળ્યા, સંસદમાં બોમ્બ બ્લાસ્ટ કરવાની પણ ધમકી આપી. 

સંજલો અને દિલાવરની પોલીસે કડી ખાતેથી ધરપકડ કરી હતી

અંતે રાજકોટ એસઓજીને બાતમી મળી હતી અને તેના આધારે સમીર ઉર્ફે સંજલો અને દિલાવરની પોલીસે કડી ખાતેથી ધરપકડ કરી હતી ત્યારે પોલીસ સમક્ષ કબુલાતમાં મુખ્ય સૂત્રધાર સંજલાએ જણાવ્યું હતું કે આ 90 દિવસના સમયગાળા દરમિયાન તેણે 23થી વધુ ઠેકાણા બદલ્યા હતા અને યુપી,બિહાર,મુંબઈ,દમણ,સાસણ સહિતના વિસ્તારોમાં તે રહ્યો હતો. અને આ સમયગાળા દરમિયાન મોબાઈલ નો ઉપયોગ ખૂબ જ ટાળ્યો હતો. ઉપરાંત સમીર જ્યારે રાજકોટ આવતો હતો ત્યારે તે વેશ પલટો કરતો હતો. અને મહિલાઓના કપડા પહેરી રાજકોટમાં પોલીસને ચકમો આપતો હતો. મુખ્ય સૂત્રધાર સંજલા સામે મારામારી આર્મસ એક્ટ,હત્યા, ગુજસિટોક સહિત નવ ગુના નોંધાયા છે. ત્યારે આ સમગ્ર મામલે પોલીસ દ્વારા વધુ તપાસ હાથ ધરવામાં આવી છે.

રાજકોટના મંગળા રોડ ઉપર 29 ઓક્ટોબર 2025ના રોજ ગેંગવોરની ઘટના બની હતી

જેમાં મુર્ગા ગેંગ અને પેંડા ગેંગ વચ્ચે રાત્રિના સમયે ફાયરિંગ કરવામાં આવ્યું હતું. જેથી સમગ્ર લોકોમાં ડરનો માહોલ છવાઈ ગયો હતો ત્યારે પોલીસની કામગીરી પર પણ અનેક સવાલો ઉઠી રહ્યા હતા ત્યારે આ બંને ગેંગના પોલીસે એક બાદ એક 34 આરોપીને ઝડપી પાડી તેના વિરુદ્ધ ગુજસિટોક હેઠળ કાર્યવાહી કરી હતી. પરંતુ મુર્ગા ગેંગનો મુખ્ય સૂત્રધાર 90 દિવસથી પોલીસ પકડથી દૂર હતો. મુખ્ય સૂત્રધારને ઝડપી પાડવા માટે પોલીસે અલગ અલગ શહેરો અને રાજ્યમાં તપાસ શરૂ કરી હતી પરંતુ પોલીસને 90 દિવસ સુધી ચકમો આપવામાં સમીર ઉર્ફે સંજલો સફળ રહ્યો હતો.

પહેલા ફાયરિંગ કર્યુ અને હવે ચાલવાના પણ ફાંફા,  સમીર ઉર્ફે સંજલોનીનું પોલીસે ઘટના સ્થળે લઈ જઈ રિ-કન્સ્ટ્રક્શન કર્યુ

રાજકોટમાં સરાજાહેર ફાયરિંગ કેસમાં મોટી કાર્યવાહી કરવામાં આવી છે, જેમાં પોલીસે આરોપીને સાથી રાખી કર્યું ઘટનાનું રિ-કન્સ્ટ્રક્શન કર્યુ છે, મુખ્ય સૂત્રધાર સમીર ઉર્ફે સંજલોની પોલીસે કરી ધરપકડ. મંગળા રોડ ફાયરિંગ કરનાર મુખ્ય સૂત્રધાર ઝડપાયો છે અને પોલીસથી બચવા લેડીઝ કપડાં પહેરતો સમીર ઉર્ફે સંજલો, આરોપીએ 90 દિવસમાં 23થી વધુ ઠેકાણા બદલ્યા છે અને મોબાઈલ વગર આરોપીએ યુપી અને બિહારમાં કાપ્યો હતો સમય, ફાયરિંગ કેસમાં પેંડા અને મુર્ગા ગેંગના 36 ઝડપાયા છે અને ક્રાઈમ બ્રાન્ચે કડીમાંથી કરી નાટકીય ધરપકડ. 

જાપાનની ચૂંટણીમાં PM તાકાઇચીનો વિજય

તાકાઇચીની પાર્ટીને 465માંથી 312 બેઠકો મળી, લિબરલ ડેમોક્રેકિટક પાર્ટીનો ભવ્ય વિજય, મતદાન પૂર્ણ થયાના 2 કલાકમાં જ બહુમત પાર, પીએમ મોદીએ તાકાઇચીને પાઠવ્યા અભિનંદન. 

MCXમાં સોના-ચાંદીના ભાવમાં વધારો

ચાંદીના ભાવમાં પ્રતિ કિલોએ રુ. 13 હજારનો વધારો, ચાંદીનો ભાવ વધીને રુ. 2,63,000એ પહોંચ્યો, સોનાના ભાવમાં પ્રતિ 10 ગ્રામે રુ. 2200નો વધારો, સોનાનો ભાવ વધીને રુ. 1,57,800ને પાર. 

આયોજનબદ્ધ રીતે જમીન એનએ કરી આપવા ચોરસ મીટર દીઠ રકમ નક્કી કરી હતી

આ રૂપિયા સ્પીડ મનીના માધ્યમથી અરજી વિલંબિત રાખ્યા સિવાય કામ કરી આપવામાં આવતું હતું. અરજીના આધારે પર ચોરસ મીટર મુજબ રકમ નક્કી કરવામાં આવતી હતી. દરમ્યાનમાં પકડાયેલ કલેકટર રાજેન્દ્રકુમાર મહેન્દ્રભાઈ પટેલે જામીન મેળવવા માટે ગ્રામ્ય કોર્ટમાં અરજી કરી છે. જેમાં પોતે નિર્દોષ છે, ખોટી રીતે ફસાવવામાં આવ્યા છે. તપાસમાં પુરો સહકાર આપ્યો હોવાથી જામીન મંજૂર કરવા જોઈએ. ત્યારબાદ કોર્ટે તપાસનીશ એજન્સીને નોટિસ કાઢીને આવતીકાલ તા.પના રોજ સુનાવણી માટે રાખી છે. 

હેતુફેર અંતર્ગત થયેલી અરજીઓને લઈ આચરવામાં આવતું હતું કૌભાંડ

ઈડીને રાજેન્દ્રકુમાર પટેલને ત્યાંથી હાર્ડડિસ્ક, ફોન, લેપટોપ, પેન ડ્રાઈવ, બે મોબાઈલ સહિત કુલ ૧૨ ડિવાઈ સમળી આવતા જપ્ત કર્યા હતા. જેમાં પેન ડ્રાઈવમાં મહત્વની વિગતો મળી હોવાથી તેમને સાથે રાખીને તપાસ કરી હતી. અરજી વિલંબિત ન થાય તે માટે સ્પીડમનીથી રૂપિયા લઈ ખંડણીનું રેકેટ સુરેન્દ્રનગર કલેક્ટર ઓફિસમાં ચાલતા આ સિસ્ટેમેટિક NA કૌભાંડ મોડસ ઓપરેન્ડીથી કરતા હતા. જેમાં આરોપીની મુખ્ય ભૂમિકા હોવાનું તપાસમાં બહાર આવ્યું હતું. જમીન એનએ આયોજનબદ્ધ રીતે ખંડણી અને ગેરકાયદેસર રીતે લાભ કરાવીને કૌભાંડ ચલાવવામાં આવ્યું હતું. આ કૌભાંડ CLU (ચેન્જ ઓફ લેન્ડ યુઝ) એટલે કે હેતુફેર અંતર્ગત થયેલી અરજીઓને લઈ આચરવામાં આવતું હતું.

સુરેન્દ્રનગર જિલ્લા કલેક્ટર રાજેન્દ્રકુમાર પટેલે જમીન એન.એ. કરવા માટે ભાવો નક્કી કર્યા હતા

જેમાં પર સ્કવેર મીટર જમીન એન.એ. કરવા માટે રૂ.૧૦નો ભાવ ચાલતો હતો. ઈડીને મળેલી ૮૦૦ શીટોમાં રૂ.૧૦ કરોડની લાંચ લેવામાં આવી હોવાનું બહાર આવ્યું હતું. આ ઉપરાંત જમીન બિનખેતી (એનએ) કરવાની ગેરકાયદેસર પ્રક્રિયામાં લાંચના નાણાંની વહેંચણી વ્યવસ્થિત રીતે કરવામાં આવતી હતી. દિલ્હી એન્ફોર્સમેન્ટ ડિરેક્ટરોરેટ (ED)ની સ્પેશયલ ઓપરેશન ગ્રુપે સુરેન્દ્રનગર જિલ્લા કલેક્ટર રાજેન્દ્રકુમાર મહેન્દ્રભાઈ પટેલની ૩ જાન્યુઆરીએ ધરપકડ કરીને પાંચ દિવસના રિમાન્ડ પર મેળવ્યા હતા.

સુરેન્દ્રનગરના પૂર્વ કલેકટર રાજેન્દ્ર પટેલની જામીન અરજી પર ગ્રામ્ય કોર્ટમાં સુનાવણી, તપાસ અધિકારી કોર્ટમાં એફિડેવિટ રજૂ કરી શકે છે

એન્ફોર્સમેન્ટ ડિરેક્ટરોરેટ (ED)ના સ્પેશયલ ઓપરેશન ગ્રુપે સુરેન્દ્રનગર જિલ્લા કલેકટર રાજેન્દ્રકુમાર મહેન્દ્રભાઈ પટેલની લાંચ લેવાના મામલે ધરપકડ કરીને જેલમાં મોકલી આપ્યા હતા. સુરેન્દ્રનગરના પૂર્વ કલેક્ટરની કોર્ટમાં જામીન અરજીને લઈ આજે અમદાવાદ ગ્રામ્ય કોર્ટમાં સુનાવણી થઈ શકે છે, કેસની તપાસમાં સહકાર આપવાની બાંહેધરી સાથે અરજી થઈ છે અને જમીન કૌભાંડ કેસમાં રાજેન્દ્ર પટેલ સામે ચાલી રહી છે તપાસ, EDની ભ્રષ્ટાચાર હેઠળ પૂર્વ કલેક્ટર સામે તપાસ અને તપાસ અધિકારી કોર્ટમાં એફિડેવિટ રજૂ કરી શકે છે. 

જૂનાગઢમાં ઓઘડની ટૂંક પર ધજા લગાવવાનો મુદ્દો

નાથ સંપ્રદાયના સ્થાને જૈન સંપ્રદાયનો ઝંડો લગાવાયો, ભવનાથ પોલીસ સ્ટેશનમાં બે લોકો સામે ફરિયાદ, વૈમનસ્ય ફેલાવવાનું કૃત્ય આચર્યુ હોવાની ફરિયાદ, ઝંડો ચોરી કરી ઉપર લઇ જઇ ફરાવતા ફરિયાદ. 

સ્મગલરોએ નવી મોડસ ઓપરેન્ડી શોધી લીધી 

કોઈ પણ એજન્સી જયારે ગાંજો કે ડ્રગ્સ પકડે છે તો તેની કાર્યવાહી એનડીપીએસ એકટ હેઠળ થતી હોય છે, અને તેની અલગ કોર્ટ હોય છે જેમાં જેલની સજા સુધીની જોગવાઈ છે, ત્યારે અસંખ્ય પેડલરોને જેલની સજા થઈ છે અને જેલમાં સડી રહ્યાં છે, યુવાધન સૌથી વધારે ગાંજાના રવાડે ચડયું છે, તો ગાંજો જેમાં બનાવાય છે તે ગોગા પેપરની પણ ગુજરાત પોલીસે તપાસ કરી હતી અને જે તે લોકો વેચાણ કરતા હતા તેમની સામે ગુનો પણ નોંધ્યો હતો. 

સુરત ઇન્ટરનેશનલ એરપોર્ટ ઉપર ફરી ઝડપાયું ગાંજાનો જથ્થો 

બેંગકોકથી આવી રહેલી ફલાઈટમાં આ ગાંજો ઝડપાયો છે અને બેંગકોકથી સુરત સુધી આ ગાંજો પહોંચ્યો હતો, યુવાધન સુધી ગાંજો પહોંચે તે પહેલા આરોપીઓ અને ગાંજો ઝડપાઈ ગયો હતો. સુરત એરપોર્ટ પરથી વારંવાર ગાંજાનો જથ્થો ઝડપાઈ આવે છે. કસ્ટમ અને ડીઆરઆઈની તપાસમાં સામે આવ્યું છે કે, ગાંજો સીટની નીચે સંતાડીને લાવવામાં આવ્યો હતો, અને બાતમીના આધારે ગાંજો ઝડપાયો છે, આ ગાંજો કોને અને કયાં આપવાનો હતો તે દિશામાં તપાસ શરૂ કરાઈ છે. 

સુરત એરપોર્ટ પરથી 9 કરોડનો ગાંજો ઝડપાયો, બેંગકોકથી ગાંજો ફલાઈટમાં સુરત સુધી પહોંચ્યો 

સુરત એરપોર્ટ પરથી ગાંજાનો જથ્થો ઝડપાયો છે અને એરપોર્ટ પરથી રુ. 9 કરોડનો ગાંજો ઝડપાયો છે, બેંગકોકથી આવેલી ફ્લાઇટમાંથી ગાંજો મળ્યો છે અને બીજા દિવસે એ જ ફ્લાઇટમાંથી 8 કિલો ગાંજો મળ્યો છે. સુરત એરપોર્ટ પર કસ્ટમ અને DRI ટીમનું સંયુક્ત ઓપરેશન પાર પડયું છે જેમાં પ્રવિણ કરમવીર અને પ્રદિપ ભાનની ધરપકડ કરવામાં આવી છે, વિક્રમ બુકલ, અંશુલ ગુપ્તાની ધરપકડ કરી છે, બે દિવસમાં અલગ-અલગ ગાંજા ઝડપાયા છે, એક દિવસ અગાઉ 8 કિલો ગાંજો તો આજે 9 કિલો ગાંજો ઝડપાયો છે. 

ઉત્તપ્રદેશના રાયબરેલીમાં ભયાનક અકસ્માતમાં 4ના મોત

ગંગા એક્સપ્રેસ-વે પર બેફામ કારે 4 વિદ્યાર્થિનીનો ભોગ લીધો, વિદ્યાર્થિનીઓ ભંડારામાં પ્રસાદ લઇ ઘરે જઇ રહી હતી, પાછળ આવતી બેફામ કારે વિદ્યાર્થિનીઓને અડફેટે લીધી, કારની ટક્કરથી ચાર વિદ્યાર્થિનીઓના ઘટનાસ્થળે જ મોત, અકસ્માતમાં ત્રણ યુવતીઓની હાલત ગંભીર, અકસ્માત બાદ સ્થાનિક લોકોમાં ભારે રોષ જોવા મળ્યો, અકસ્માતને લઇ પોલીસે વધુ તપાસ હાથ ધરી. 

AMC સામી ચૂંટણીએ હવે ડ્રેનેજના કામ કરશે 

વરસાદી પાણીના નિકાલ માટે AMC કામ કરશે, 1.42 કરોડમાં સ્પોન્જ પાર્ક બનાવવા માટે દરખાસ્ત, નેશનલ ડિઝાસ્ટર ફંડ અંતર્ગત કામો કરવામાં આવશે, વાસણા, બોડકદેવ, ઓઢમાં કામ માટે દરખાસ્ત કરાશે, મક્તમપુરા, વટવામાં કામ માટે દરખાસ્ત કરાશે. 

સુરતમાં સોનાની ચેન સ્નેચીંગ કરનારો ઝડપાયો 

ઉધના પોલીસે આરોપી સાહિલ શેખને ઝડપી પાડ્યો, બાઇક ઉપર જતા દંપતીની ચેન સ્નેચીંગન કરી ફરાર, ચેન સ્નેચીંગના CCTV ફૂટેજ સામે આવ્યા. 

માણસની જેમ જ શેરૂની અંતિમ વિદાય કરાઈ

પરિવારમાં ચાર બહેનો અને એક ભાઈ હોવાથી તેઓએ બીજો ભાઈ શેરૂને માન્યો હતો, ખૂબ જ વફાદાર અને પ્રેમાળ સ્વભાવનો શેરૂ હતો, ઘરમાં રહેતા માતા પિતાએ પોતાના દીકરાની જેમ શેરૂની દેખ- સંભાળ કરી, સોસાયટીમાં આ પરિવાર પોતાના નામથી નહીં પરંતુ શેરૂ વાળું ઘર તરીકે ઓળખાતું થઈ ગયું પરંતુ શેરૂએ અંતિમ શ્વાસ લીધા બાદ પરિવારના સભ્યોએ નિર્ણય લીધો, જેમ મનુષ્ય ની અંતિમવિધિ થાય છે એવી જ રીતે શેરૂની વિદાય થવી જોઈએ.

સુરતમાં પાલતું શ્વાન "શેરૂ"ને માણસની જેમ અપાઈ અંતિમ વિદાય, માલિકના ખોળામાં જ લીધા અંતિમ શ્વાસ 

સુરતમાં પાલતું શ્વાનની મનુષ્યની જેમ અંતિમવિધિ કરવામાં આવી, શહેરના ભટાર વિસ્તારમાં આવેલ ઓટોપ નગરમાં રેહતા બખીયા પરિવારમાં 11 વર્ષ પહેલાં 10 દિવસનો બાળ સ્વરૂપ ધરાવતો જર્મન શેફર્ડ બ્રીડનો પાલતું શ્વાન પરિવારનો સભ્ય બન્યો હતો. જેનું નામ શેરૂ રાખવામાં આવ્યું હતું અને ધામધૂમ રીતે આ પાલતુ પ્રાણી શેરૂને સભ્યોએ સ્વાગત કર્યું હતું, આ ખુશીના દિવસોને 11 વર્ષ વીતી ગયા અને 7મી ફેબ્રુઆરી 2026ના રોજ પોતાના માલિકના હાથે ઠંડુ પાણી પીને એમના જ ખોળામાં પોતાનો અંતિમ શ્વાસ લીધો, આ દુઃખદ ઘટનાથી પરિવારમાં સન્નાટો ફેલાઈ ગયો, દુઃખ ના વાદળો છવાઈ ગયા હતા.

અમદાવાદ શહેરમાં વધશે ટ્રાફિક સમસ્યા

બ્રિજની માળખાગત મજબૂતી અને સલામતીને ધ્યાને રાખીને આ નિર્ણય લેવામાં આવ્યો છે અને શાસ્ત્રી બ્રિજ બંધ થતા પૂર્વ વિસ્તાર તરફ જતા વાહનચાલકોને તકલીફ પડશે, શાસ્ત્રી બ્રિજ બંધ થતા પીરાણા તરફથી વિશાલા તરફ જવા માંગતા વાહનચાલકોને હવે શહેરના આંતરિક માર્ગો પરથી ફરજીયાત ચક્કર મારીને જવું પડશે. પરિણામે શહેરના મધ્ય વિસ્તારમાં ટ્રાફિકનો ભાર વધવાની શક્યતા છે. ટ્રાફિક પોલીસ દ્વારા વૈકલ્પિક માર્ગોની વ્યવસ્થા કરવામાં આવી છે અને નાગરિકોને સૂચના આપવામાં આવી છે કે શક્ય હોય ત્યાં સુધી જાહેર પરિવહનનો ઉપયોગ કરે અને ટ્રાફિક નિયમોનું પાલન કરે. 

11 મહિના શાસ્ત્રી બ્રિજ બંધ રહેશે

અમદાવાદ શહેરનો વધુ એક બ્રિજ ખરાબ થતા તેનું રીપેરીંગ કરવામાં આવશે, આ શાસ્ત્રી બ્રિજ આગામી 11 મહિના માટે બંધ કરવામાં આવ્યો છે, અમદાવાદની વિશાલા હોટલથી નારોલ અને નરોડા સુધી આ રોડ સીધો જતો હતો અને સમારકામને લઈ આ બ્રિજ બંધ કરવામાં આવ્યો છે, હાલમાં મશીનરીથી રીપેરીંગ કામગીરી કરાઈ રહી છે, અને બ્રિજનું સમારકામ 9 ફેબ્રુઆરીથી શરૂ થઈ 8 જાન્યુઆરી 2027 સુધી ચાલશે.

અમદાવાદમાં આજથી શાસ્ત્રી બ્રિજની કામગીરી કરાશે શરૂ, એક તરફનો બ્રિજનો માર્ગ રખાશે બંધ

અમદાવાદમાં આજથી શાસ્ત્રી બ્રિજની કામગીરી કરાશે શરૂ અને કામગીરીને પગલે એક તરફનો માર્ગ બંધ રખાશે, 11 માસ માટે શાસ્ત્રીબ્રિજની કામગીરી કરાશે શરૂ અને બેરિંગ, પેડેસ્ટલ ખરાબ થતા કામગીરી કરાશે. અમદાવાદનો શાસ્ત્રીબ્રિજ ફરીવાર થશે બંધ અને બ્રિજના બેરિંગ અને પેડેસ્ટલ ખરાબ થતા બ્રિજ બંધ કરાશે જેમાં વિશાલાથી પીરાણા સુધી જોડતો બ્રિજ રહેશે બંધ અને આવતીકાલથી એક તરફનો બ્રિજ બંધ રહેશે જેમાં શાસ્ત્રીબ્રિજ થતા વાહનચાલકોને પડશે હાલાકી અને 11 મહિના બ્રિજ બંધ રહેતા નાગરિકોને પડશે હાલાકી, બ્રિજના સમારકામથી કામગીરી શરૂ કરાઇ.

જૂજવાં ગામનો રહેવાસી હેનીલ પટેલ

ભારતીય અંડર-19 ક્રિકેટ ટીમમાં પસંદગી પામીને અને વર્લ્ડકપમાં  ઉત્કૃષ્ટ પ્રદર્શન કરો વિશ્વ ફલક પર ગુજરાતનું નામ ગુંજતું કરનાર હેનીલ પટેલના માનમાં આખું વલસાડ હિલોળે ચઢ્યું હતું, હેનીલ પટેલના સ્વાગત માટે ધરમપુર ચોકડી ખાતે લોકોની ભારે ભીડ એકઠી થઈ હતી. જેવો હેનીલ વલસાડની ધરતી પર પહોંચ્યો, ત્યાં હાજર હજારો પ્રશંસકો અને સ્થાનિક આગેવાનો અને રમતપ્રેમીઓએ ફૂલહાર અને ગુલાબથી હેનીલને વધાવી લીધો હતો. વલસાડના નાનકડા એવા જૂજવાં ગામનો રહેવાસી હેનીલ આજે દરેક યુવાનો માટે પ્રેરણા સ્ત્રોત બન્યો છે. તેની આ સિદ્ધિને બિરદાવવા માટે વલસાડ શહેરમાં એક ભવ્ય વિજય સરઘસ કાઢવામાં આવ્યું હતું.

વલસાડવાસીઓએ તેમનું ઐતિહાસિક સ્વાગત કર્યું

વલસાડના લાલનું ભવ્ય આગમન U-19 વર્લ્ડકપ સ્ટાર હેનીલ પટેલનું ડીજેના તાલે ગરબા અને વિજય સરઘસ સાથે સ્વાગત થયું રમતગમત ક્ષેત્રે વલસાડ જિલ્લાનું નામ રોશન કરનાર યુવા ક્રિકેટર હેનીલ પટેલ અંદર 19 વર્લ્ડ કપ રમ્યા બાદ પોતાના વતન પરત ફરતા વલસાડવાસીઓએ તેમનું ઐતિહાસિક સ્વાગત કર્યું હતું. 

વલસાડનો લાલ, ભારતની અંડર-19 ક્રિકેટ ટીમનો સ્ટાર ખેલાડી હેનીલ પટેલ વર્લ્ડ ચેમ્પિયન બન્યા બાદ વતન પરત ફર્યો

વલસાડની ધરતી આજે ગૌરવથી ઝળહળી ઉઠી છે, વલસાડનો લાલ, ભારતની અંડર-19 ક્રિકેટ ટીમનો સ્ટાર ખેલાડી હેનીલ પટેલ વર્લ્ડ ચેમ્પિયન બન્યા બાદ વતન પરત ફર્યો છે. અંડર-19 વર્લ્ડ કપમાં શાનદાર પ્રદર્શન કરી ગુજરાત અને ભારતનું નામ વિશ્વફલક પર રોશન કરનાર હેનીલ પટેલનું વલસાડમાં ભવ્ય સ્વાગત કરાયું હતું.. ધરમપુર ચોકડીથી કાર્યક્રમમાં ડીજેના તાલે ગરબા, ફૂલહારથી સન્માન અને ભવ્ય વિજય સરઘસ સાથે વલસાડવાસીઓએ હેનીલનું સ્વાગત કર્યું હતું.

રાજકોટમાં પિસ્તલ સાથે ઝડપાયેલ નીકળ્યો દુષ્કર્મનો આરોપી

આરોપીએ પરણિતાનું અપહરણ કરી દુષ્કર્મ આચર્યુ હતુ, મહિલા-આરોપીનો 3 વર્ષ અગાઉ રિક્ષામાં પરિચય થયેલો, આરોપી હરેશ જાદવ પાસેથી પિસ્તલ,3 કારતૂસ જપ્ત કરાયા, પોલીસે આરોપી હરેશને બેડી ગામ ખાતેથી ઝડપી પાડ્યો, આરોપી વિરુદ્ધ અગાઉ 9થી વધુ ગુના નોંધાયેલા છે. 

સંજલો અને દિલાવરની પોલીસે કડી ખાતેથી ધરપકડ કરી હતી

અંતે રાજકોટ એસઓજીને બાતમી મળી હતી અને તેના આધારે સમીર ઉર્ફે સંજલો અને દિલાવરની પોલીસે કડી ખાતેથી ધરપકડ કરી હતી ત્યારે પોલીસ સમક્ષ કબુલાતમાં મુખ્ય સૂત્રધાર સંજલાએ જણાવ્યું હતું કે આ 90 દિવસના સમયગાળા દરમિયાન તેણે 23થી વધુ ઠેકાણા બદલ્યા હતા અને યુપી,બિહાર,મુંબઈ,દમણ,સાસણ સહિતના વિસ્તારોમાં તે રહ્યો હતો. અને આ સમયગાળા દરમિયાન મોબાઈલ નો ઉપયોગ ખૂબ જ ટાળ્યો હતો. ઉપરાંત સમીર જ્યારે રાજકોટ આવતો હતો ત્યારે તે વેશ પલટો કરતો હતો. અને મહિલાઓના કપડા પહેરી રાજકોટમાં પોલીસને ચકમો આપતો હતો. મુખ્ય સૂત્રધાર સંજલા સામે મારામારી આર્મસ એક્ટ,હત્યા, ગુજસિટોક સહિત નવ ગુના નોંધાયા છે. ત્યારે આ સમગ્ર મામલે પોલીસ દ્વારા વધુ તપાસ હાથ ધરવામાં આવી છે. 

રાજકોટના મંગળા રોડ ઉપર 29 ઓક્ટોબર 2025ના રોજ ગેંગવોરની ઘટના બની હતી 

જેમાં મુર્ગા ગેંગ અને પેંડા ગેંગ વચ્ચે રાત્રિના સમયે ફાયરિંગ કરવામાં આવ્યું હતું. જેથી સમગ્ર લોકોમાં ડરનો માહોલ છવાઈ ગયો હતો ત્યારે પોલીસની કામગીરી પર પણ અનેક સવાલો ઉઠી રહ્યા હતા ત્યારે આ બંને ગેંગના પોલીસે એક બાદ એક 34 આરોપીને ઝડપી પાડી તેના વિરુદ્ધ ગુજસિટોક હેઠળ કાર્યવાહી કરી હતી. પરંતુ મુર્ગા ગેંગનો મુખ્ય સૂત્રધાર 90 દિવસથી પોલીસ પકડથી દૂર હતો. મુખ્ય સૂત્રધારને ઝડપી પાડવા માટે પોલીસે અલગ અલગ શહેરો અને રાજ્યમાં તપાસ શરૂ કરી હતી પરંતુ પોલીસને 90 દિવસ સુધી ચકમો આપવામાં સમીર ઉર્ફે સંજલો સફળ રહ્યો હતો. 

મુર્ગા ગેંગનો મુખ્ય સૂત્રધાર સમીર ઉર્ફે સંજલો ઝડપાયો, પોલીસથી બચવા રાજકોટ આવે ત્યારે મહિલાના કપડાં પહેરીને ફરતો 

રાજકોટમાં લુખ્ખાઓ બેફામ બન્યા હતા અને દિન-દહાડે હત્યા અને ફાયરિંગની ઘટના બનતા પોલીસની કામગીરી પર સવાલ ઉઠી રહ્યા હતા. ત્યારે ગુનેગારોની શાન ઠેકાણે લાવવા માટે પોલીસે ગુજસીટોકનું હથિયાર ઉગામ્યું હતું અને પેંડા અને મુર્ગાગેંગના ૩૫ સભ્યો વિરુદ્ધ ગુજસીટોક હેઠળ ગુના નોંધવામાં આવ્યા હતા. અને જે રોડ ઉપર ફાયરિંગ કર્યું હતું ત્યાં જ તેમનું રિ-કન્સ્ટ્રક્શન કરી મરઘા બનાવવામાં આવ્યા હતા. ત્યારે પોલીસે મુર્ગા ગેંગનો મુખ્ય સૂત્રધાર સમીર ઉર્ફે સંજલો અને તેનો સાગરીત દિલાવરની ધરપકડ કરી હતી.

અમદાવાદમાં 15 વર્ષમાં જાન્યુ.માં સૌથી ઓછી ઠંડી પડી

પાછલા વર્ષને બાદ કરતા જાન્યુ.માં સૌથી ઓછી ઠંડ, 1954માં 10 જાન્યુ.એ રેકોર્ડબ્રેક 3.9 ડિગ્રી તાપમાન હતું, ચાલુ વર્ષે ત્રણ વખત 12 ડિગ્રીથી નીચે પારો ગયો, ગત વર્ષની સરખામણીએ ઠંડીમાં નોંધપાત્ર ઘટાડો, નલિયામાં ગત વર્ષે 10 વખત પારો 7 ડિગ્રીથી નીચે ગયો.

આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું

ગત તા.૨૮ ડિસેમ્બર-૨૦૨૪ના રોજ નલિયામાં લઘુત્તમ તાપમાન ૪.૨ ડિગ્રી સુધી ગગડયું હતું. આ વખતે સૌથી ઓછુ ૮.૮ ડિગ્રી તાપમાન રહ્યું છે. મહત્ત્વની વાત એ છે કે, આ વખતે ડિસેમ્બરમાં નલિયા સિવાય ગુજરાતના એકપણ પ્રદેશમાં લઘુતમ તાપમાન ૧૦ ડિગ્રીથી નીચે ગયું નથી. અમદાવાદ શહેરના વાત કરવામાં આવે નો ડિસેમ્બર-૨૦૨૪માં ૩૧માંથી ૧૪ દિવસ એવા હતા કે જેમાં લયુત્તમ તાપમાન ૧૪ ડિગ્રીથી નીચે નોંધાયું હતું. ચાલુ વર્ષે માત્ર ૪ જ વખત અમદાવાદનું તાપમાન ૧૪ ડિગ્રીથી નીચે ઉતર્યુ છે. આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું.

ગુજરાત સહિત દેશભરમાં ગ્લોબલ વોર્મિંગની અસર ખુબ ઝડપથી વધી રહી છે

છેલ્લાં કેટલાંક વર્ષથી ગુજરાતની ત્રણેય સિઝનમાં ખૂબ મોટો બદલાવ મળી રહ્યો છે. ડિસેમ્બર મહિનામાં રાજ્યમાં મોટાભાગે કાતિલ ઠંડીનો વર્તારો શરૂ થઈ જતો હોય છે. પરંતુ આ વખતે ગત વર્ષની સાથે સરખામણીએ કરવામાં આવે તો ઠંડીમાં નોંધપાત્ર ઘટાડો જોવા મળ્યો છે. ભર શિયાળે ઠંડી કરતાં ગરમ અને ઉકળાટભર્યા દિવસોની સંખ્યા વધુ જોવા મળી રહી છે. ડિસેમ્બર-૨૦૨૪ અને ડિસેમ્બર-૨૦૨૫માં પડેલી ઠંડી પર નજર કરવામાં આવે તો, ગત વર્ષે ડિસેમ્બરના ૩૧ દિવસમાથી કચ્છના નલિયામાં લઘુતમ તાપમાનનો પારો ૨૨ વખતલ ૧૦ ડિગ્રીથી નીચે પહોંચ્યો હતો, જે આ વખતે માત્ર ૪ વખત પારો ૧૦ ડિગ્રીથી નીચે ઉતર્યો છે.

કેમ આ વર્ષે શિયાળો ‘નરમ’ રહ્યો?

હવામાન નિષ્ણાતોના કહેવા મુજબ, સામાન્ય રીતે ડિસેમ્બરમાં ઉત્તર ભારત તરફથી આવતા સૂકા અને ઠંડા પવનો ગુજરાતમાં ઠંડી લાવે છે. પરંતુ આ વખતે હિમાલયમાં આ વખતે મજબુત વેસ્ટર્ન ડિસ્ટર્બન્સ (પશ્ચિમી વિક્ષેપ) સર્જાયા નથી. જ્યારે પહાડો પર ભારે હિમવર્ષા થાય છે. ત્યારે ત્યાંથી ફેંકાતા ઠંડા પવનો મેદાની વિસ્તારો અને ગુજરાત સુધી ઠંડી લાવે છે. આ વર્ષે ઉત્તર ભારતમાં હિમવર્ષા ઓછી થતા ઠંડીનું મોજુ સર્જાયું નથી. હવામાન નિષ્ણાતોના મતે, પ્રશાંત મહાસાગરમાં તાપમાન વધવાની ઘટના એટલે કે 'અલ નિનો'ની અસરને કારણે વૈશ્વિક સ્તરે શિયાળો હુંફાળો રહ્યો છે. અરબી સમુદ્ર તરફથી આવતા ગરમ અને ભેજવાળા પવનોને કારણે લઘુતમ તાપમાનમાં ઘટાડો થતો અટક્યો છે.

ઉત્તર ભારતમાં વેસ્ટર્ન ડિસ્ટર્બન્સ એક્ટિવ થવાથી હવામાન બદલાઈ ગયું છે

રાજસ્થાન, ઉત્તર પ્રદેશ અને દિલ્હીમાં મોડી રાતથી વરસાદ પડી રહ્યો છે. હિમાલયના રાજ્યોમાં પણ વરસાદ-બરફવર્ષાનો વધુ એક રાઉન્ડ શરૂ થઈ ગયો છે. હિમાચલના સિમલા-મનાલીમાં સિઝનની પ્રથમ બરફવર્ષા થઈ. આગામી પાંચ દિવસ દરમિયાન ઉત્તરપશ્ચિમ ભારત અને બિહારમાં સવારના સમયે ગાઢ ધુમ્મસ છવાયેલું રહેવાની આશંકા છે. હવામાન વિભાગના અનુસાર દિલ્હીના લોકોને ઓછામાં ઓછા બે દિવસ ઠંડીથી રાહત નહીં મળે. દેશના ઘણા મેદાન વિસ્તારોમાં લઘુત્તમ તાપમાન રેકોર્ડ બનાવી રહ્યું છે. મેદાન વિસ્તારમાં ઘણા શહેરોમાં તાપમાન શૂન્ય ડિગ્રીની નજીક પહોંચી રહ્યો છે.

ભારતીય હવામાન વિભાગની આગાહી

ભારતીય હવામાન વિભાગની આગાહી સામે આવી છે જેમાં યુપી, ઉત્તરાખંડ, MP,બિહારમાં ગાઢ ધુમ્મસ છવાશે જેમાં હિમાચલમાં અનેક સ્થળે આવતીકાલે ગાઢ ધૂમ્મસ છવાય તેવી શકયતાઓ છે, ઘણાં વિસ્તારોમાં વિઝિબિલિટી ઘણી ઓછી રહેશે તેવી શકયતાઓ પણ સેવાઈ રહી છે.

ગુજરાતમાં બેવડી ઋતુની અસર રહેશે, વહેલી સવારે ઠંડી તો બપોરે રહેશે થશે ગરમીનો અહેસાસ 

રાજ્યમાં બેવડી ઋતુનો અનુભવ શહેરીજનો કરી રહ્યાં છે, ઉત્તર પૂર્વથી પૂર્વ તરફના પવન ફુંકાયા છે અને સૌથી નીચું તાપમાન નલિયામાં 11.8 ડિગ્રી નોંધાયું છે, આ વખતે શિયાળો જોઈએ એ રીતે જામ્યો નથી. કંડલામાં 13.4 ડિગ્રી, ડીસામાં 13.4 ડિગ્રી, ગાંધીનગરમાં 15.2 ડિગ્રી, કેશોદમાં 15.8 ડિગ્રી, મુન્દ્રામાં 16 ડિગ્રી, મહુવામાં 16.4 ડિગ્રી, ભાવનગરમાં 16.7 ડિગ્રી, ભુજમાં 16.8 ડિગ્રી, વડોદરામાં 17 ડિગ્રી, રાજકોટમાં 17.5 ડિગ્રી તાપમાન નોંધાયું છે. 

રાજકોટ શહેર ભાજપે નવા હોદ્દેદારો જાહેર કર્યા 

3 મહામંત્રી અને 8 ઉપપ્રમુખ નિમાયા, જાતિગત સમીકરણો જાળવી રાખવા ખાસ કવાયત થઈ, વલ્લભભાઈ દૂધાત્રાએ મહામંત્રી પદમાં મેદાન માર્યું, મોટા માથાઓના લોબિંગ વચ્ચે નવા ચહેરા ચમક્યા. 

ઉત્તર ભારતના પહાડી રાજ્યોમાં આવતીકાલથી હિમવર્ષા થઈ શકે છે

9 થી 11 ફેબ્રુઆરી દરમિયાન હવામાન બદલાશે, જમ્મુ-કાશ્મીર અને લદ્દાખમાં ગાજવીજ સાથે વરસાદ, હિમાચલ અને ઉત્તરાખંડમાં હળવી હિમવર્ષાની શક્યતા, વેસ્ટર્ન ડિસ્ટર્બન્સને કારણે ઠંડા પવનો ફૂંકાશે, પર્યટકો અને સ્થાનિકોને સાવચેત રહેવા સૂચના.

કલોલ-શેરથા રોડ પર ગાડીમાં આગ 

એકાએક લાગેલી આગમાં જાનહાનિ નહી, શોટ સર્કિટથી આગ લાગી હોવાનું તારણ, ફાયરે ભારે જહેમતે આગને કાબૂમાં લીધી.

અફઘાનિસ્તાનમાં અનુભવાયો ભૂકંપનો આંચકો

અફઘાનિસ્તાનમાં 4.4ની તીવ્રતાનો ભૂકંપ અનુભવાયો, ગઈકાલે રાત્રે 8:03 વાગ્યે અનુભવાયો ભૂકંપનો આંચકો, તખારના ફરખારથી 65 કિમી દૂર એપિ સેન્ટર.

પાકિસ્તાનમાં PCB-ICC-BCB વચ્ચે સિક્રેટ મીટિંગ

ભારત-પાકિસ્તાન મેચ પહેલા વિવાદ ઉકેલવા મથામણ, ICCના મધ્યસ્થ ઇમરાન ખ્વાજાની હાજરીમાં મીટિંગ, 15 ફેબ્રુ.એ કોલંબોમાં ભારત-પાક. મેચ રમાય તેવી શક્યતા, પાકે ભારત સામે રમવાની ના પાડતા હાઇવોલ્ટેજ ડ્રામા, વિવાદ વધતા ICCએ સ્કોટલેન્ડ ટીમનો સમાવેશ કર્યો, ICCના વલણથી PCB બેકફૂટ પર આવ્યું હોવાની ચર્ચા.

અમદાવાદના ત્રાગડ અંડરબ્રિજમાં ભરાતા પાણીની સમસ્યા

પાણીના નિકાલ માટે બે તળાવને ઊંડા કરાશે, ચલવાણિયા, દેડક તળાવ ઊંડુ કરવામાં આવશે, તળાવ ઊંડુ કરી અંડબ્રિજના પાણીનો નિકાલ કરાશે, બે કરોડના ખર્ચે તળાવને ઊંડુ કરવાની કામગીરી, વોટર સપ્લાય કમિટી સમક્ષ રુ. 2 કરોડની દરખાસ્ત.