Gujarat Latest News Live : રાજુલાના મોભીયાણા ગામમાં લગ્નપ્રસંગે પથ્થરમારો, પ્રેમલગ્ન બાદ યુવકનો વરઘોડો નીકળતા મારામારી

ગુજરાત, રાજસ્થાન અને મધ્યપ્રદેશને જોડતા રોડને મંજૂરી

કેન્દ્રીય કેબિનટે 108 કિમીના ચાર માર્ગીય રોડને મંજૂરી આપી, દાહોદના નસરપોરથી માલોથા સુધીનો 60 કિમી રોડ બનશે, દાહોદથી મધ્યપ્રદેશ અને ત્યાંથી છોટા ઉદેપુરમાં પ્રવેશ થશે, કુલ 4,583 કરોડના ખર્ચે રોડને અપગ્રેડ કરાશે , આદિવાસી વિસ્તારમાં કનેક્ટિવિટીમાં વધારો થશેઃ PM, સ્ટેચ્યુ ઓફ યુનિટી સુધી પહોંચવામાં સરળતા રહેશેઃ PM

કેન્દ્રીય કેબિનેટની બેઠકમાં દક્ષિણ ગુજરાત માટે નિર્ણય

નવા હાઈવે પ્રોજેક્ટ માટે 4,583.64 કરોડ મંજૂર, પ્રોજેક્ટ અંતર્ગત 107 કિમી લાંબો 4 લેન હાઈવે બનશે, PM Gati Shakti વિઝન હેઠળ પ્રોજેક્ટને મંજૂરી, આદિવાસી, અંતરિયાળ વિસ્તારોમાં કનેક્ટિવિટી વધશે

રાજકોટના મવડી ચોકડી નજીક અકસ્માત

બેફામ કારચાલકે દંપતીને લીધું અડફેટે, અકસ્માત સર્જી કારચાલક ફરાર, હિટ એન્ડ રનની ઘટના CCTV કેમેરામાં કેદ, સ્કૂટર પર જતા દંપતી અને બાળકીને ઇજા, ઇજાગ્રસ્તોને સિવિલ હોસ્પિટલમાં ખસેડાયા

સાપુતારા ટેબલ પોઇન્ટ ઉપર અકસ્માત

ટેમ્પો ટ્રાવેલરની બ્રેક ફેઇલ થતા અકસ્માત, 18 પ્રવાસીઓનો આબાદ બચાવ, ટેબલ પોઇન્ટથી નીચે ઉતરતા અકસ્માત, મહારાષ્ટ્રના પ્રવાસીઓ વાહનમાં હતા સવારm બ્રેક ફેઇલ થતા ટેમ્પો રોપવે કેબિન સાથે અથડાયો, વાહન ખીણમાં પડતા અટકતા જાનહાનિ ટળી, 18 લોકોને સામાન્ય ઇજા થતા સારવાર અપાઇ

રાજુલાના મોભીયાણા ગામમાં લગ્નપ્રસંગે પથ્થરમારો

પ્રેમલગ્ન બાદ યુવકનો વરઘોડો નીકળતા મારામારી, યુવક યુવતીને ભગાડી ગયા બાદ વરઘોડો કાઢ્યો હતો, યુવતીના પરિજનોએ પથ્થરમારો કરતા એકને ઇજા, એક જ જ્ઞાતિના બે જૂથ વચ્ચે છુટાહાથની મારામારી, ઇજાગ્રસ્ત યુવકને મહુવા હોસ્પિટલમાં ખસેડાયો

અમદાવાદના શેલામાં બિલ્ડર પર હુમલો

ગાડીને ટક્કર મારી 6 શખ્સોએ કર્યો હુમલો, બિલ્ડર હેમાંગ ભટ્ટ અને ડ્રાઇવરને માર માર્યો, 6 હુમલાખોર વિરુદ્ધ નોધાઈ પોલીસ ફરિયાદ, બોપલ પોલીસે ગુનો નોંધી વધુ તપાસ શરૂ કરી

અમદાવાદમાં કાર સસ્તામાં આપવાના બહાને ઠગાઈ

બેંકે જમા લીધેલી કાર સસ્તામાં આપવાના બહાને ઠગાઈ, પિતરાઈ ભાઈએ પ્રોફેસર પાસે 7 લાખ રૂપિયા પડાવ્યા, બેંકની જમા લીધેલી કાર આપવાના બહાને ઠગાઈ, નિલેશ મહેતા વિરુદ્ધ સોલા પોલીસ મથકે નોંધાઈ ફરિયાદ

અમદાવાદમાં ટ્રક નીચે આવી જતા યુવકનું મોત

વટવા નારોલ રોડ પર અકસ્માતની ઘટના, બાઈક સ્લિપ થતા યુવક ટ્રક નીચે આવી ગયો, ટ્રાફિક પોલીસે વધુ તપાસ હાથ ધરી

સુરતના સાયણ નજીક કૃપા ઇન્ડસ્ટ્રીયલ એસ્ટેટમાં આગ

થર્મોકોલના દાણા બનાવતી ફેક્ટરીમાં લાગી આગ, ઇન્ડસ્ટ્રીયલ વિસ્તારમાં આગથી અફરાતફરી, અગમ્ય કારણોસર ફેક્ટરીમાં લાગી આગ , ફાયર બ્રિગેડની ટીમે આગ પર કાબુ મેળવ્યો

કલોલ હાઇવે પર ખુલ્લા પ્લોટમાં ટાંકીના કટીંગ દરમિયાન આગ લાગી 

આગના કારણે આકાશ કાળા ડિબાંગ ધુમાડાથી છવાઈ ગયું , દૂર દૂર સુધી ધુમાડાના ગોટેગોટા દેખાયા, ગેસ કટર થી ટાંકી કાપવામાં આવી રહી હતી ત્યારે આગ ભભૂકી ઊઠી , એકાએક આગ લાગતાં હાજર લોકોમાં દોડધામ, અગાઉ પણ આ જ સ્થળે ટાંકીના કટીંગ દરમિયાન આગ લાગી હતી, ફાયર બ્રિગેડે આગ પર પાણીનો મારો ચલાવ્યો, ભારે જહેમત બાદ આગ પર કાબૂ મેળવી લેવામાં આવ્યો 

અમદાવાદમાં અસામાજિક તત્વોનો આતંક યથાવત

10 થી 15 લોકોના ટોળાએ યુવક પર કર્યો હુમલો, જુની અદાવતમાં યુવક પર કર્યો હુમલો, વસ્ત્રાપુર પોલીસે ગુનો નોંધી વધુ તપાસ હાથ ધરી

છોટા ઉદેપુરમાં વૃદ્ધા બની ગોલ્ડ સ્નેચિંગનો ભોગ

વૃદ્ધ મહિલાના કાનમાંથી વાળી ખેંચી ગઠિયો ફરાર, સ્ક્રેપની દુકાને ગ્રાહકના સ્વાંગમાં આવી ગોલ્ડ સ્નેચિંગ, પોલીસે CCTV ફૂટેજના આધારે તપાસ હાથ ધરી

પ્રાંતિજના સોનાસણમાં ચકચારી ઘરફોડ ચોરીનો ગણતરીના દિવસોમાં ભેદ ઉકેલાયો

દર્શનાબેન પટેલના બંધ મકાનનું તાળું તોડી 14.75 લાખના સોનાના દાગીનાની ચોરી, પોલીસે  ટેક્નિકલ સર્વેલન્સ, CCTV ફૂટેજના આધારે તપાસ કરી, સોનાસણના જ રહેવાસી રાજ પટેલની ધરપકડ, પૂછપરછ દરમિયાન આરોપીએ ગુનો કબૂલ કર્યો, પોલીસે રુપિયા 12,34,650 નો સોનાનો મુદામાલ અને મોબાઇલ જપ્ત કર્યો, આરોપીની કાયદેસર અટકાયત કરી વધુ તપાસ હાથ ધરાઈ.

પાકિસ્તાન સામે ક્રિકેટ જંગ માટે ભારત સજ્જ

કેપ્ટન સૂર્યકુમારે મેચ પહેલા નિવેદન આપ્યું, ટીમ ઈન્ડિયા દરેક પરિસ્થિતિ માટે પહેલેથી તૈયાર, શ્રીલંકાની પીચ અને વાતાવરણથી ખેલાડીઓ વાકેફ, ખેલાડીઓનું સંપૂર્ણ ધ્યાન હવે માત્ર ક્રિકેટ પર

અંબાજી શક્તિપીઠમાં અન્નદાન મહાદાન શરૂ થશે

અંબાજી મંદિર ટ્રસ્ટ દ્વારા ‘જય અંબે તિથિ ભોજન’ યોજનાનો પ્રારંભ થશે, ભારતની 51 શક્તિપીઠોમાં હૃદયસ્થાન સમાન અંબાજીમાં હવે ભક્તો ભોજન સેવાના આજીવન દાતા બની શકશે, રૂ. 1,51,000 ના દાન સાથે આજીવન નિશ્ચિત તિથિના દાતા બની શકાશે, દાતાની પસંદગીની તિથિએ અન્નક્ષેત્રમાં તેમના નામની તકતી લગાવી સન્માન કરાશે, એકથી વધુ દિવસ માટે પણ દાન આપવાની સુવિધા, 18 ફેબ્રુઆરી, 2026 સવારે 11:00 કલાકે અન્નદાન મહાદાન યોજનાનો શુભારંભ થશે.

અમરેલીના ધારીના ખીસરી ગામે લગ્નપ્રસંગમાં થયેલા ધીંગાણાનો મામલો

26 જાન્યુઆરીએ લગ્નમાં રોટલી બાબતની માથાકૂટમાં જાન લીલા તોરણે પાછી વળેલી, ખીસરી અને દેવભૂમિ દેવળિયાના સરપંચની મધ્યસ્થી વડે આજે લગ્ન યોજાયા, ખીસરી સરપંચ જયસુખભાઈ અને દેવભૂમિ દેવળીયાના સરપંચ નાથાલાલ સુખડિયાએ સુખરૂપ કરાવ્યા લગ્ન, રંગેચંગે લગ્ન પ્રસંગ પતાવીને જાન વળાવી

ગોંડલમાં ગર્ભવતી મહિલાનું કૂવામાં પડી જતા મોત

8 મહિનાની ગર્ભવતી મહિલાનું મોત, બે નાની દીકરીઓએ માતાની છાયા ગુમાવી, મૂળ મધ્યપ્રદેશની મહિલા 8 વર્ષથી ગોંડલમાં રહેતી હતી, ગોંડલ પોલીસે સમગ્ર કેસમાં વધુ તપાસ હાથ ધરી

અમદાવાદના હાથીજણમાં અસામાજિક તત્વો બેફામ

ધર્મવાટિકા સોસાયટીના રહીશ પર કર્યો હુમલો , નંબર પ્લેટ વગરની ગાડીમાં આવી કર્યો હુમલો , હુમલાખોર દ્રશ્ય ગોસ્વામી હોવાનો આક્ષેપ, તિક્ષ્ણ હથિયારો સાથે જાનથી મારી નાખવાનો પ્રયાસ, હુમલો કરતા પહેલા લુખ્ખા તત્વોએ કરી રેકી , અગાઉ પણ સોસાયટીમાં થઈ ચૂકી છે માથાકૂટ, સ્થાનિકો વિવેકાનંદનગર પોલીસ સ્ટેશને પહોંચ્યા

ગાંધીનગરમાં પ્રજાપતિ સમાજ સંમેલનમાં ઉઠી માગ

ચૂંટણીમાં પ્રજાપતિ સમાજને ટિકિટ આપવા માગ, પ્રજાપતિ સમાજને જન પ્રતિનિધિ આપવા માગ  , ટિકિટ ન મળે તો સમાજ યોગ્ય નિર્ણય લેશે તેવી ચીમકી

બરોડા ક્રિકેટ એસોસિએશનની ચૂંટણીને લઇ વિવાદ

રોયલ સત્યમેવ જયતે અને રિવાઈવલ ગ્રુપ આમને-સામને, બંને પક્ષોએ સામસામે આક્ષેપ પ્રત્યાક્ષેપ કર્યા, રોયલ ગ્રુપે બાંધકામમાં ભ્રષ્ટાચારનો આરોપ લગાવ્યો, 18 કરોડનો ખર્ચ છતાં સ્ટેડિયમ સંપૂર્ણ ન બંધાયું, આજે પણ કોટંબી સ્થિત BCA સ્ટેડિયમનું કામ અધુરુ , ફોરેન્સિક ઓડિટ કરવાની માંગ ઉઠાવી, રિવાઈવલ ગ્રુપ મનમાની કરતું હોવાના આક્ષેપ, બેલેટ બોક્સ કલેક્ટર પાસે રાખવાની કરી માગ

જંબુસરના ટંકારીમાં જૂની ટાંકી તોડી પડાઇ

28 વર્ષ જુની ટાંકી જર્જરિત થતા તોડી પડાઇ, 8 વર્ષથી ટાંકીમાં પાણી ભરવામાં આવતું ન હતું

કોંગ્રેસ નેતાઓએ રાજુ કરપડા સાથે કરી મુલાકાત

પાલ આંબલિયા સહિતના નેતાઓએ કરી મુલાકાત, કોંગ્રેસમાં જોડાવવા રાજુ કરપડાને અપાયું નિમંત્રણ, હજુ કોઇ નિર્ણય ન કર્યો હોવાનું કરપડાનું નિવેદન, ખેડૂત સંમેલન યોજ્યા બાદ નિર્ણય લેવાશે, સંબંધોને લીધે નેતાઓ મળવા આવે છે, 2 દિવસ બાદ કોંગ્રેસના પ્રદેશ નેતાઓને મળશે

વડોદરામાં મહિલા પોલીસકર્મીને નડ્યો અકસ્માત

બાઇકચાલકે મહિલા પોલીસકર્મીને લીધી અડફેટે , મહિલા પોલીસકર્મીને પગના ભાગે ઇજા પહોંચી, બાઇકચાલકને પકડીને પોલીસને હવાલે કરાયો

મોરબીમાં મચ્છુ નદી બ્રિજ પર છકડો રીક્ષા પલટી

સ્પીડમાં વળાંક લેતી વખતે છકડો રીક્ષા પલટી , બ્રિજ પર વળાંકમાં ખાડાને લીધે બની ઘટના , રીક્ષા પલટવાની ઘટનાના CCTV ફૂટેજ આવ્યા સામે

તેલના ડબ્બાના ફરીથી ઉપયોગ અંગે અરજી

અરજદારનો હાઇકોર્ટમાં ગંભીર આક્ષેપ, ભંગાર ડબ્બાના ફરીથી ઉપયોગનો આક્ષેપ, કંપનીમાં ખરાબ ડબ્બાના વપરાશ રજૂઆત, ખરાબ ડબ્બાથી કેન્સર જેવી બીમારીનું જોખમ, ખાદ્ય સુરક્ષા નિયમ અંગે કડક કાર્યવાહીની માગ, સરકાર દ્વારા માર્ગદર્શિકા જાહેર કરવા માગ , સોમવારે હાઇકોર્ટમાં વધુ સુનાવણી હાથ ધરાશે

સુરત પોલીસે જામતારા ગેંગનો કર્યો પર્દાફાશ

જામતારા ગેંગના ત્રણ સાગરીતો ઝડપાયા , RTO APK ફાઇલ મોકલી કરતા હતા છેતરપિંડી, લિંક મોકલીને ફોન હેક કરી નાણાં ટ્રાન્સફર કરતા, અશ્વિન ગાંગણી, અભિષેક સુથાર, ગૌરવ માલવિયા ઝડપાયા, ટોળકી 10 ટકા કમિશન પર કામ કરતી હતી, 227 ક્રેડિટ કાર્ડ સહિત 5.55 લાખનો મુદ્દામાલ જપ્ત 

રાજકોટના ગોંડલમાં નર્મદા વિભાગની બેદરકારી

બાંદરા ગામે પાઇપલાઇનનું પાણી ખેતરોમાં ઘુસ્યું, ઊભા પાકમાં પાણી ઘુસતા ખેડૂતોને નુકસાન, વાલ્વ વધુ ખોલવાથી પાણી ખેતરોમાં ઘુસી ગયું. 

અમદાવાદમાં પકડાયેલ 406 કિલો ગાંજાનો કેસ

ક્રાઇમ બ્રાંચ એસીપી ભરત પટેલનું નિવેદન, દિપક જાટ, સતેજ પાવરાને ઝડપી પાડ્યા, સાંતારામ, સાગર પાવરા પાસેથી ગાંજો મોકલ્યો, 406 કિલો ગાંજો કબ્જે કરાયો છેઃ ACP, ગાંજો ડુંગળીના આડમાં લાવ્યા હતાઃ ACP, કરમાલામાં ગાંજાની ખેતી થાય છેઃ ACP, આરોપી શાંતારામ પાયલોટીંગ કરે છેઃ ACP, ‘સાંતારામે 8 માસ અગાઉ ગાંજો અમદાવાદ ઉતાર્યો’.

સુરતમાં જમીન કૌભાંડના આરોપીની બિલ્ડરની દાદાગીરી

ઇસોલેની ઓફિસમાં જ બિલ્ડરની દાદાગીરી સામે આવી, વિનુ માલવિયાની પોલીસની હાજરીમાં દાદાગીરી, બિલ્ડરની દાદાગીરી સામે પોલીસ પણ મૂકપ્રેક્ષક બની, ખિસ્સામાં બે હાથ નાખી કચેરીમાં ઉભો જોવા મળ્યો, આરોપીઓ નો વરઘોડો કાઢતી પોલીસ મૂકપ્રેક્ષક. 

વાંસદામાં આદિવાસી અભિવાદન સમારોહ યોજાયો 

અભિવાદન સમોરોહ પેહલા વિશાળ રેલી યોજાઈ, પ્રદેશ ભાજપ સંગઠનના પ્રતિનિધિઓનો સમારોહ, ગણપત વસાવા, અરવિંદ પટેલનું અભિવાદન કરાયું, કેબિનેટ મંત્રી નરેશ પટેલનું અભિવાદન કરાયું, વાંસદા બેઠક જીતવા ભાજપની કવાયત. 

જલલાપુર વિસ્તારના નેતાઓએ આપ્યા રાજીનામાં

જિલ્લા ભાજપના ઉપપ્રમુખ અશોક પટેલ, બક્ષીપંચ મોરચાના મહામંત્રી વિજય પટેલ, કિસાન મોરચાના મહામંત્રી પ્રકાશ પટેલ, જિલ્લા સંગઠન મંત્રી ચેતના પટેલે પણ રાજીનામું આપ્યું છે, તો સૂત્રો તરફથી એવી પણ માહિતી સામે આવી છે કે, આગામી સમયમાં હજી પણ રાજીનામાં પડી શકે છે, અને જે લોકોએ રાજીનામાં આપ્યા છે તેઓ સિનિયર નેતા છે અને ડેમેજ કરવું જરૂરી બન્યું છે.

નવસારી જિલ્લા ભાજપમાં અસંતોષ યથાવત

નવસારી જિલ્લા ભાજપ સંગઠનનું માળખું જાહેર થયા બાદ પાર્ટીના લોકોમાં જ અસંતોષ જોવા મળ્યો છે, નવસારી જિલ્લા ભાજપ સંગઠન માળખામાં સમાવિષ્ટ કરાયેલા જિલ્લા ભાજપના ઉપપ્રમુખ, મંત્રી તેમજ કિસાન અને બક્ષીપંચ મોરચાના બે મહામંત્રી મળી નવનિયુક્ત ચાર હોદ્દેદારોએ જલાલપોરને અન્યાય કરવાના આરોપ સાથે હોદ્દા પરથી રાજીનામા આપ્યા છે, જલાલપોરના ધારાસભ્ય આર. સી. પટેલના જૂથને મહામંત્રીપદ નહીં મળતા અન્યાયની લાગણી પ્રસરી છે. આ વિવાદનું મુખ્ય કેન્દ્ર જલાલપોર તાલુકાને જિલ્લા સંગઠનમાં મળેલું પ્રતિનિધિત્વ છે. કાર્યકરોનો આક્ષેપ છે કે, જિલ્લા ભાજપ સંગઠનના પ્રમુખ કે મહામંત્રી જેવા મહત્વના હોદ્દાઓ પર જલાલપોરના એક પણ કાર્યકરને સ્થાન આપવામાં આવ્યું નથી.

ગાંધીનગરમાં બે કાર વચ્ચે અકસ્માત

સે.3 નજીક બે લક્ઝુરિયસ કાર વચ્ચે અકસ્માત, બંન્ને કાર ચાલકનો આબાદ બચાવ, બન્ને કારને પહોંચ્યું નુકસાન. 

ભાવનગર ગુજરાતનું પ્રથમ શહેર છે જ્યાં આ યોજના અંતર્ગત 50 બસોની ભેટ આપવામાં આવી છે

ભાવનગરમાં કુલ 100 બસો દ્વારા નાગરિકો માટે પરિવહનની સુવિધાને વધુ સુદૃઢ બનાવવામાં આવશે. આ બસો દિવ્યાંગો માટે અનુકૂળ અને એરકન્ડિશન્ડ સુવિધાથી સજ્જ છે. સુરક્ષાના ભાગરૂપે તેમાં સીસીટીવી કેમેરા પણ લગાવવામાં આવ્યા છે. આગામી સમયમાં રાજ્યમાં આઠ શહેરોમાં ઇ બસો શરૂ કરવામાં આવશે જેમાં વડોદરામાં 250, રાજકોટમાં 100, ભાવનગરમાં 100, ગાંધીનગરમાં 100, જામનગરમાં 50, જુનાગઢમાં 50, ગાંધીધામમાં 80 અને નવસારીમાં 20 ઇ બસો દોડાવવામાં આવશે. ઇલેક્ટ્રિક બસો માટે જરૂરી ઇન્ફ્રાસ્ટ્રક્ચરના અને ટેક્નિકલ સુવિધાઓ વિકસિત કરવામાં ગુજરાત અગ્રણી ભૂમિકા નિભાવી રહ્યું છે. સમગ્ર દેશમાં એક સંકલિત પ્રયાસના ભાગરૂપે આ પહેલ પર્યાવરણને અનુકૂળ પરિવહનની દિશામાં મહત્વપૂર્ણ બની રહેશે.

750 બસો દોડાવવાનું આયોજન કરવામાં આવ્યું છે

આ યોજનાના પ્રારંભિક તબક્કામાં ગુજરાત સિવાય મહારાષ્ટ્ર (નાગપુર), ચંડીગઢ અને આસામ (ગુવાહાટી)માં પણ બસો ફાળવવામાં આવી છે. રાજ્યમાં આ યોજનાના અમલીકરણ માટે ગુજરાત શહેરી વિકાસ મિશન (GUDM) ને ગુજરાતના શહેરી વિકાસ અને શહેરી ગૃહનિર્માણ વિભાગની રાજ્ય નોડલ એજન્સી તરીકે નિયુક્ત કરવામાં આવી છે. આગામી સમયમાં રાજ્યના આઠ શહેરોમાં આ યોજના અંતર્ગત 750 બસો દોડાવવાનું આયોજન કરવામાં આવ્યું છે.

વડાપ્રધાન નરેન્દ્ર મોદીના હસ્તે ભાવનગરમાં 50 અત્યાધુનિક ઇલેક્ટ્રિક બસોનું લોકાર્પણ, વડાપ્રધાને આસામથી આપી લીલી ઝંડી

વડાપ્રધાન નરેન્દ્ર મોદીએ આજે આસામથી ₹5450 કરોડથી વધુના વિવિધ વિકાસકાર્યોનું ઉદ્ઘાટન કર્યું હતું. આ પ્રસંગે તેમણે પીએમ ઇ-બસ સેવા યોજના અંતર્ગત ભાવનગર શહેરમાં 50 ઇ-બસોને લીલી ઝંડી આપી હતી. ભારતના શહેરોમાં ઇલેક્ટ્રિક બસોના ઉપયોગથી સ્વચ્છ, વિશ્વસનીય અને ટકાઉ પરિવહનને પ્રોત્સાહન આપવા માટે પીએમ ઇ-બસ સેવા એક મહત્વપૂર્ણ પહેલ છે. 

સ્વચ્છ ગામ –સ્વસ્થ ગામના સંકલ્પને વધુ મજબૂતી મળશે

સૂકા અને ભીના કચરાને સેગ્રીગેશન સાઈટ સુધી પહોંચાડવામાં પણ સરળતા રહેશે. સાથે જ ઇલેક્ટ્રિક સાધનની જાળવણી અને નિભાવ ખર્ચ પણ ઓછો હોવાથી પંચાયતોને આર્થિક રીતે લાભદાયક સાબિત થશે. આ લોકાર્પણ કાર્યક્રમમાં બોટાદ જિલ્લા પંચાયત પ્રમુખ જેઠીબેન પરમાર, ધંધુકા ધારાસભ્ય કાળુભાઈ ડાભી, તાલુકા પંચાયત પ્રમુખ, મામલતદાર રાણપુર, તાલુકા વિકાસ અધિકારી એચ. એફ. ભુવાત્રા તથા રાણપુર તાલુકાની વિવિધ ગ્રામ પંચાયતોના સરપંચો ઉપસ્થિત રહ્યા હતા. સાથે જ સ્વચ્છ ભારત મિશન (ગ્રામીણ)ના અધિકારીઓ અને કર્મચારીઓ પણ હાજર રહ્યાં હતાં. આ પહેલથી રાણપુર તાલુકાનાં ગ્રામ્ય વિસ્તારોમાં સ્વચ્છતા અભિયાનને નવી દિશા મળશે અને “સ્વચ્છ ગામ – સ્વસ્થ ગામ”ના સંકલ્પને વધુ મજબૂતી મળશે.

ઇલેક્ટ્રિક વાહનનો ઉપયોગ થવાથી પ્રદૂષણ ઘટે છે

સરકાર દરેક ગામને ODF પ્લસ મોડેલ જાહેર કરવા પ્રતિબદ્ધ છે, જેથી ગામોને શહેર જેવી સુવિધાઓ મળી રહે અને સ્વચ્છતા સાથે સુંદરતા પણ વધે. આ અભિયાનના ભાગરૂપે રાણપુર તાલુકાની અલઉ, અણીયાળી કાઠી, બગડ, ચારણકી, મોટી વાવડી, નાની વાવડી, બુબાવાવ, ગોધાવટા અને રાજપરા સહિત કુલ ૧૦ ગ્રામ પંચાયતોને રૂ. 2,20,000 કિંમતની ઈ-રીક્ષાનું વિતરણ કરવામાં આવ્યું છે. ઈ-રીક્ષા ડીઝલ, પેટ્રોલ અથવા CNG વિના સંચાલિત થતી હોવાથી પ્રદૂષણમુક્ત છે અને પર્યાવરણને અનુકૂળ છે. ડોર-ટુ-ડોર કલેક્શન માટે ઇલેક્ટ્રિક વાહનનો ઉપયોગ થવાથી પ્રદૂષણ થતું નથી અને ગ્રામ્ય કક્ષાએ સરળતા રહે છે. 

બોટાદ જિલ્લાનાં રાણપુર તાલુકા પંચાયત ખાતે સ્વચ્છ ભારત મિશન (ગ્રામીણ) હેઠળ 10 ઇ-રીક્ષાનું લોકાર્પણ કરાયું

રાણપુર તાલુકામાં ઘન કચરા વ્યવસ્થાપનને મળશે વેગ, 10 ગ્રામ પંચાયતોને ₹2,20,000 કિંમતની ઈ-રીક્ષાનું બોટાદ જિલ્લા પંચાયત પ્રમુખના હસ્તે વિતરણ કરાયું. બોટાદ જિલ્લામાં સ્વચ્છતા તરફ એક મહત્વપૂર્ણ પગલું ભરતાં રાણપુર તાલુકા પંચાયત ખાતે સ્વચ્છ ભારત મિશન (ગ્રામીણ) અંતર્ગત ૧૦ ઈ-રીક્ષાનું લોકાર્પણ કરવામાં આવ્યું. ગ્રામ્ય વિસ્તારોમાં ઘન કચરાનાં યોગ્ય વ્યવસ્થાપન અને ડોર-ટુ-ડોર કચરા સંગ્રહની સુવિધા મજબૂત બનાવવા આ પહેલ હાથ ધરાઈ છે.

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Bhavnagar News : સિહોર તાલુકાના દેવગાણા ગામે શહિદ જવાનના પરિવારને 1 કરોડ રૂપિયાનો ચેક અર્પણ કરતાં નાયબ મુખ્યમંત્રી હર્ષ સંઘવી

02 - Ahmedabad News : આ પાણીપુરી ખાધી તો બિમાર પડવાનું નક્કી, સડેલા બટેકા અને ગંદકી વચ્ચે બને છે મસાલેદાર પાણી, વાંચો Exclusive Story

03 - Kheda News : એક તરફ લગ્નમાં શરણાઈ વાગતી હતી અને બીજી તરફ જમણવારમાં 100થી વધુને ફૂડ પોઈઝનિંગની અસર થતા મચી દોડધામ

04 - Surat News : સુરતમાં બિલ્ડર તુષાર ઘેલાણી આપઘાત કેસ, આપઘાતમાં સામ-સામે અરજીને લઇ ઘૂંટાતું રહસ્ય !

05 - Valsad News : વલસાડના યુવકે પંજાબની યુવતી સાથે દુષ્કર્મ આચરી સોશિયલ મીડિયામાં વીડિયો વાયરલ કર્યો

06 - Madhya Pradesh : ફિલ્મ ‘જુદાઈ’ જેવી ઘટના હકીકતમાં સામે આવી, વિગત જાણીને તમે પણ ચોંકી જશો

07 - Mumbai Mulund metro : મુંબઇમાં નિર્માણાધીન થઇ રહેલ મેટ્રો લાઇન ક્યાંથી ક્યા જોડે છે?

08 - Kumar Bhaskar Varma Setu: 6 લેન બ્રિજનું PM Modiએ કર્યુ ઉદ્ઘાટન, જુઓ Video

09 - Ind Vs Pak: મેચ પહેલા હરભજન સિંહે ટીમ ઇન્ડિયાને કર્યા એલર્ટ,જાણો શું કહ્યું

10 - Mumbai Mulund Metro : મુંબઇના મુલુંડમાં નિર્માણાધીન મેટ્રો પિલ્લરનો ભાગ ધરાશાયી, 3-4 લોકો દટાયા

જુનાગઢના મેળામાં વિદેશી મહેમાન આવ્યા 

ભવનાથના મેળામાં બન્યા વિદેશ મહેમાન, નેધરલેન્ડમાંથી આવ્યા વિદેશી લોકો, અંહિયા ઇશ્વરનો સાક્ષાત ઉપસ્થિત છે :વિદેશી મહેમાન, ‘ભવનાથમાં અદભૂત આધ્યાત્માનો અનુભવ થયો’. 

વડોદરાના હરણીમાં રખડતા કૂતરાનો આતંક

શિવાલય રેસીડેન્સીમાં સ્થાનિકોને ભર્યા બચકા, બે માસમાં 8 લોકોને બચકા ભરતા લોકોમાં ભય, બહાર નીકળતા પણ ડર લાગે છેઃ સ્થાનિકો. 

સરકારની ફરજ પર હોય તેવી વ્યક્તિઓને લાગુ પડશે નહીં જાહેરનામું

આ હુકમ સરકારી નોકર કે સરકારની ફરજ પર હોય તેવી વ્યક્તિઓને લાગું પડશે નહીં. આ જાહેરનામાનો ભંગ અથવા ઉલ્લંઘન કરનાર કે મદદ કરનાર સજાને પાત્ર થશે. જાહેરનામાનો અમલ અને તેના ભંગ બદલના પગલાં લેવા માટે કોઇ પણ પોલીસ સબ ઇન્સપેક્ટર તથા તેનાં ઉપરનાં અધિકારીઓને અધિકૃત કરવામાં આવ્યાં છે.

બોટાદની આ જગ્યા પર ઉપવાસ કે ધરણા નહી કરી શકો

આ જાહેરનામામાં દર્શાવ્યા મુજબ કોઈએ ઉપવાસ પર બેસવું નહીં કે ધરણા કાર્યક્રમ સભાઓનું આયોજન કરવું નહી, જાહેર સુલેહ શાંતિ જોખમાય તેવા સૂત્રો પોકારવા નહીં, જાહેર સુલેહ શાંતિ જોખમાય તેવી અફવાઓ ફેલાવવી નહીં, કોઈપણ વ્યક્તિએ પૂર્વ મંજૂરી સિવાય લાઠી અગર ઈજા થાય તેવા હથિયાર સાથે રાખીને પ્રવેશ કરવો નહીં તેમજ કોઈ વિસ્ફોટક પદાર્થ અથવા આગ લાગે તેવો પદાર્થ સાથે ન રાખવા અંગે ઉક્ત પ્રતિબંધ ફરમાવ્યો છે.

બોટાદ જિલ્લા સેવા સદનના 200 મીટરની ત્રિજ્યાના વિસ્તારમાં ઉપવાસ,ધરણા કે સભાનું નહી કરાય આયોજન

બોટાદ જિલ્લા સેવા સદનના 200 મીટરની ત્રિજ્યાના વિસ્તારમાં ઉપવાસ,ધરણા કે સભાઓનું આયોજન કરવાં સહિત કેટલાંક કૃત્યો કરવા પર પ્રતિબંધ. બોટાદ જિલ્લામાં સુલેહ શાંતિ જળવાઈ રહે અને કોઈ અનિચ્છનીય બનાવ ન બને તે હેતુસર બોટાદ અધિક જિલ્લા મેજિસ્ટ્રેટશ્રી પી.એલ.ઝણકાતે પોતાને મળેલી સત્તાની રૂએ એક જાહેરનામા દ્વારા બોટાદ જિલ્લા સેવા સદનના ૨૦૦ મીટરની ત્રિજ્યાના વિસ્તારને તા.૧૮-૦૨-૨૦૨૬ થી તા. ૧૭-૦૪-૨૦૨૬ સુધી પ્રતિબંધિત વિસ્તાર જાહેર કર્યો છે તથા આ પ્રતિબંધિત વિસ્તારમાં નીચે મુજબનાં કૃત્યો કરવા પર પ્રતિબંધ ફરમાવ્યો છે.

શહીદ થયેલ જવાનને ગાર્ડ ઓફ ઓનર સાથે શ્રદ્ધાંજલિ અર્પણ કરવામાં આવી

શહીદ જવાનના માતા નાનુબેન નંદલાલભાઈ સોલંકીને શહીદ પરિવાર પ્રત્યે સરકારની સંવેદનશીલતાના પ્રતિકરૂપે રૂ. ૧ કરોડનો ચેક અર્પણ કરવામાં આવ્યો હતો. સી.આર.પી.એફ. ના જવાનો દ્વારા નકસલવાદ વિરોધી અભિયાન દરમિયાન શહીદ થયેલ જવાનને ગાર્ડ ઓફ ઓનર સાથે શ્રદ્ધાંજલિ અર્પણ કરવામાં આવી હતી.

સિહોર તાલુકાના દેવગાણા ગામે શહિદ જવાનના પરિવારને 1 કરોડ રૂપિયાનો ચેક અર્પણ કરતાં નાયબ મુખ્યમંત્રી હર્ષ સંઘવી

નકસલવાદ વિરોધી અભિયાન દરમિયાન નકસલવાદીઓ સાથે થયેલ મુઠભેડમાં ગોળી વાગતા શહીદ થયેલ જવાન મેહુલભાઈ નંદલાલભાઈ સોલંકીને નાયબ મુખ્યમંત્રી હર્ષભાઈ સંઘવી તથા કેન્દ્રીય મંત્રી  નીમુબેન બાંભણિયા એ શ્રદ્ધાંજલિ અર્પણ કરી હતી. શહીદ જવાન તા. ૨૨/૦૫/૨૦૨૫ના રોજ ફરજ બજાવતા ફરજ દરમિયાન શહીદ થયા હતા. બીજાપુર જિલ્લાના ઉસુર થાણા ક્ષેત્રમાં થયેલ અથડામણ દરમિયાન  મેહુલભાઈ સોલંકી શહીદ થયા હતા. તેઓ મૂળ વતન મુ.પો. દેવગાણા, તા. સિહોર, જિ. ભાવનગરના રહેવાસી હતા.

સુરત શહેરમાં રોગચાળો વકર્યો

પાણીજગન્ય, મચ્છરજન્ય રોગચાળો વકર્યો, રોગચાળો વધતા આરોગ્ય તંત્ર દોડતું થયું, ઠેર-ઠેર જનજાગૃતિના કેમ્પો લગાવ્યા, ગઇકાલે મહિલાનું ટાઇફોઇડથી મોત થયું હતું. 

ટ્રેન નંબર 01920/01919 અસારવા–આગ્રા કેન્ટ–અસારવા સ્પેશલ (18 ટ્રિપ)

01-ટ્રેન નં. 01920 અસારવા–આગ્રા કૅન્ટ સ્પેશિયલ 19 ફેબ્રુઆરીથી 01 માર્ચ 2026 સુધી (મંગળવાર અને બુધવાર સિવાય) અસારવા થી દરરોજ 14:50 વાગ્યે પ્રસ્થાન કરશે અને બીજા દિવસે 07:45 વાગ્યે આગ્રા કૅન્ટ પહોંચશે. એ જ રીતે, ટ્રેન નં. 01919 આગ્રા કૅન્ટ– અસારવા સ્પેશિયલ 18 ફેબ્રુઆરીથી 28 ફેબ્રુઆરી 2026 સુધી (સોમવાર અને મંગળવાર સિવાય) આગ્રા કૅન્ટથી દરરોજ 18:10 વાગ્યે પ્રસ્થાન કરશે અને બીજા દિવસે 11:10 વાગ્યે એ જ રીતે પહોંચશે.

02-માર્ગમાં બંને દિશામાં આ ટ્રેન હિંમતનગર, શામળાજી રોડ, ડુંગરપુર, સેમારી, જાવર, ઉદયપુર સિટી, રાણા પ્રતાપ નગર, માવલી, ચંદેરિયા, માંડલ ગઢ, બૂંદી, કેશોરાય પાટણ, સવાઈ માધોપુર, ગંગાપુર સિટી, રૂપબાસ અને ફતેહપુર સીકરી સ્ટેશનો પર રોકાશે. આ ટ્રેનમાં એસી 3-ટિયર, સ્લીપર તથા સામાન્ય શ્રેણીના કોચ રહેશે.

ક્યાં બની આ ઘટના 

Mumbai Mulund Metro : મુંબઇના મુલુંડમાં નિર્માણાધીન મેટ્રો પિલ્લરનો ભાગ ધરાશાયી, 3-4 લોકો દટાયા

મુંબઇના મુલુંડમાં મેટ્રો ટ્રેનના પિલરનો એક ભાગ ધરાશાયી થયો હોવાનું સામે આવ્યું છે. ઓટો રિક્શા સહિત 3-4 લોકો તેની નીચે દટાઇ ગયા છે.  રસ્તા પરથી પસાર થઇ રહેલા રિક્શા પર આ પિલરનો ભાગ ધરાશાયી થયો. આ રિક્શામાં 3 થી 4 લોકો સવાર હતા. ઘટનાને પગલે મોટી સંખ્યામાં લોકો ભેગા થઇ ગયા છે. રાહત અને બચાવ કામગીરી શરૂ કરી દેવામાં આવી છે. દ્રશ્યો જોતા માલુમ થાય છે કે આખી રિક્શાનો તો કચ્ચરઘાણ બોલાઇ ગયો છે. જે જોતા એમ થાય કે કદાય આમા કોઇ બચ્યુ પણ હશે કે નહી.  જો કે જાનહાનિને લઇને હાલ કોઇ માહિતી સામે આવી નથી. 

19 ફેબ્રુઆરીથી પશ્ચિમ રેલવે ચલાવશે અસારવા અને આગ્રા કેન્ટ વચ્ચે વિશેષ ટ્રેન

પશ્ચિમ રેલવે દ્વારા આગામી હોળી ફેસ્ટિવલ સીઝન દરમિયાન મુસાફરોની માગ અને સુવિધાને ધ્યાનમાં રાખીને અસારવા અને આગ્રા કેન્ટ વચ્ચે સ્પેશલ ટ્રેન વિશેષ ભાડા પર ચલાવવાનો નિર્ણય લેવામાં આવ્યો છે. ટ્રેન નં. 01920ની બુકિંગ 14 ફેબ્રુઆરી 2026 થી તમામ પીઆરએસ કાઉન્ટરો અને આઈઆરસીટીસી વેબસાઇટ પર શરૂ થશે. ટ્રેનોના સ્ટોપેજ, સમય અને સંરચના  સંબંધિત વિગતવાર માહિતી માટે મુસાફરો કૃપા કરીને www.enquiry.indianrail.gov.in પર જઈને અવલોકન કરી શકે છે.

વડોદરામાં થાર કારે કરેલા અકસ્માતનો કેસ

અકસ્માતને પગલે સ્થાનિક લોકોમાં રોષ, આરોપીને લઇ પંચનામું કરવા જતા રોષ, સ્થાનિકોએ હુરિયો બોલાવી રોષ વ્યક્ત કર્યો, આરોપી ઋષિકાને બહાર કાઢવાનો પ્રયાસ. 

ઝિમ્બાબ્વેનું ઉચ્ચ સ્તરીય ડેલિગેશન ગુજરાતની મુલાકાતે

ડેલિગેશનને CM ભૂપેન્દ્ર પટેલ સાથે કરી મુલાકાત, બંને દેશો ટેકનોલોજીનો વ્યાપ વધારવા સહમતી, ઉદ્યોગ મુલાકાત અને ચર્ચા થકી વધારાશે વ્યાપ, MSMEની એક્સપર્ટિઝનો લાભ ઝિમ્બાબ્વેને મળશે, સૌરાષ્ટ્ર વેપાર ઉદ્યોગ મંડળના ટ્રેડશોમાં ભાગ લેશે ડેલિગેશન. 

પૂર્વ MLA પ્રતાપ દૂધાતનું AAP નેતાઓને લઇ નિવેદન

‘રાજુ કરપડા બાદ ઇસુદાનના હાલ આવા થવાના છે’ ‘ઈશુદાન ભાઈનો પણ ટૂંક સમયમાં ભોગ લેવાશે’ ગોપાલ ઇટાલિયા પણ ભાજપમાં જોડાશેઃ પ્રતાપ દૂધાત, ‘AAPને મુક્ત કરી જાડુ મારી ભાજપમાં જોડાશે’. 

કેન્દ્રીય કેબિનેટ બેઠક અંગે મંત્રી અશ્વિની વેષ્ણવનું નિવેદન

PMOને સાઉથ બ્લોકથી સેવાતીર્થમાં ખસેડવાનો નિર્ણય, અહીં સર્જિકલ સ્ટ્રાઇક માટેના નિર્ણયો લેવાયા હતાઃ અશ્વિની, 95 વર્ષ પછી આ ઇમારતો ખાલી કરવામાં આવીઃ અશ્વિની, ‘યુગોથી ભારતનું સંગ્રહાલય ત્યાં બનાવવામાં આવશે’, ત્રણ રેલ્વે પ્રોજેક્ટ્સને મંજૂરી આપવામાં આવી: અશ્વિની, ‘1.6 લાખ કરોડ રૂપિયાના પ્રોજેક્ટને મંજૂરી આપવામાં આવી’. 

30 કિલોમીટર વિસ્તારમાંથી ભક્તો દર્શન માટે આવે છે

આશ્રમના સ્થાપક ગુરુ વિજયગીરી બાપુએ નાનીમાળ ગામનું નામ સાર્થક થાય તે માટે નાના મંદિરોની “માળ” રચવાની કલ્પના વ્યક્ત કરી હતી, જે કાર્ય આજે પૂર્ણતા તરફ આગળ વધી રહ્યું છે. કૈલાશધામ મંદિર નાનીમાળ ગામના દરેક લોકોનું આસ્થાનું કેન્દ્ર છે. આશ્રમમાં આજુબાજુના ૩૦ કિલોમીટર વિસ્તારમાંથી ભક્તો દર્શન અને પૂજા અર્ચના કરવા આવે છે. દર વર્ષે મહાશિવરાત્રીના પર્વ પર આશરે ૨૦,૦૦૦ થી વધુ ભક્તો દર્શન માટે આવે છે. આ તકે કેન્દ્રીય રાજ્ય મંત્રી નિમુબેન બાંભણિયા, કેબિનેટ મંત્રી જીતુભાઈ વાઘાણી, રાજ્યકક્ષાના મંત્રી પરસોત્તમ ભાઈ સોલંકીનું અભિવાદન કરવામાં આવ્યું હતું. કાર્યક્રમમાં ધારાસભ્યો સર્વ ગૌતમભાઈ ચૌહાણ, હીરાભાઈ સોલંકી, ભીખાભાઈ બારૈયા, આગેવાન કેશુભાઈ નાકરાણી, દિગ્વિજયસિંહ ગોહિલ સહિતના આગેવાનો ઉપસ્થિત રહ્યા હતા.

આ મંદિરો આશરે 25 વર્ષ પહેલા નિર્માણ પામ્યા હતા

નાયબ મુખ્યમંત્રીએ યુવાનોને ખરાબ આદતોથી દૂર રહેવા અને નશામુક્ત સમાજના નિર્માણમાં મહત્વની ભૂમિકા ભજવવા સાથે આગળ વધવાનો સંકલ્પ લેવા અનુરોધ કર્યો હતો. આ તકે આગેવાન મહેશભાઈ સવાણી અને મુકેશભાઈ પટેલે પ્રાસંગિક ઉદ્બોધન કર્યું હતુ. પાલીતાણાની તળેટીમાં આવેલું નાનીમાળ ગામ વિવિધ સમાજના લોકો એકતા અને સૌહાર્દથી રહેતું ગામ છે. આશ્રમ પરિસરમાં કુલ ૧૭ મંદિરો આવેલ છે. આ મંદિરો આશરે ૨૫ વર્ષ પહેલા નિર્માણ પામ્યા હતા. 

નાયબ મુખ્યમંત્રી હર્ષ સંઘવીની ઉપસ્થિતિમાં પાલીતાણા તાલુકાના નાનીમાળ ખાતે 12 જયોર્તિલિંગ સહિત 17 મંદિરનો જીર્ણોદ્ધાર સમારોહ યોજાયો

ભાવનગર જિલ્લાના પાલીતાણા તાલુકામાં આવેલ નાનીમાળ ગામમાં કૈલાશધામ મંદિર આશ્રમ ખાતે નાયબ મુખ્યમંત્રી હર્ષ સંઘવીની ઉપસ્થિતિમાં મહાસિવરાત્રીના પાવન પ્રસંગે 12 જયોર્તિલિંગ સહિત 17 મંદિરનો જીર્ણોદ્ધાર સમારોહ યોજાયો હતો. આ તકે નાયબ મુખ્યમંત્રી હર્ષ સંઘવીએ જણાવ્યું હતું કે, પાલીતાણા તાલુકામાં આવેલ નાનીમાળ ગામલોકોએ 12 જયોર્તિલિંગના દર્શન કરવા માટે દૂર જવાની જરૂર નથી. 12 જયોર્તિલિંગના દર્શન કરવાનો લ્હાવો ગામમાં જ મળી રહે છે. 

રાહુલ ગાંધીના નિવેદન પર પિયૂષ ગોયલનો પલટવાર

રાહુલ ગાંધી જૂઠ્ઠુ બોલી ભ્રમ ફેલાવી છેઃ પિયૂષ ગોયલ, ‘રાહુલ ગાંધી કિસાનોને અસમંજસમાં મૂકી રહ્યા છે’, ‘રાહુલ પાસે જૂઠ્ઠ અને દગા સિવાય કંઇ નથી’. 

ભારત-પાકિસ્તાન મેચ પર તોળાતું વરસાદનું સંકટ

અંબાલાલ પટેલની ભારત-પાક. મેચને લઇ આગાહી, ચાલુ મેચ દરમિયાન વરસાદ ખાબકી શકેઃ અંબાલાલ, ‘વરસાદને કારણે મેચ ખોરવાય તેવી શકયતા’, ‘કોલંબામાં રવિવારે વાદળછાયું વાતાવરણ રહેશે’. 

અમદાવાદમાં સંદેશ ન્યૂઝના અહેવાલ બાદ તંત્ર થયું દોડતું

સંદેશ ન્યૂઝે પ્રસારિત કર્યો હતો પાણીપુરીનો અહેવાલ અને આરોગ્ય વિભાગની ટીમે સ્થળ પર પહોંચી તપાસ શરૂ કરી છે, સ્થાનિકોએ તમામ માલ-સામાન સગેવગે કર્યો છે અને વેપારીઓ તંત્રને જોતા ગંદુ તેલ, સડેલા બટાટા સંતાડી દીધા હતી, તંત્ર સેમ્પલ લે તે પહેલા જ માલ-સામાન હટાવ્યો હતો અને બળી ગયેલા તેલના જૂના ડબ્બાનો નિકાલ કર્યો છે. 

અમદાવાદ શહેરમાં વેચાતી પાણીપુરીને લઈને સંદેશ ન્યુઝનું રિયાલિટી ચેક

લોકો જે ટેસ્ટી પાણીપુરી આરોગી રહ્યા છે તે બની રહી છે ગંદકી વચ્ચે અને લોકોને ખબર છે તેમ છત્તા લોકો મસ્ત રીતે પાણીપુરીને આરોગતા હોય છે અને છેલ્લે બિમાર પડવાનો વારો આવે છે, સતત ઉપયોગમાં રહેલા તેલમાં તળાઈ રહી છે પાણીપુરી અને મસાલેદાર પાણી બની રહ્યું છે અશુદ્ધ પાણીથી, તો બીજી તરફ સંદેશ ન્યુઝ પહોચ્યું એ જગ્યા પર જ્યાં શહેરની મોટા ભાગની લારીઓમાં પહોંચે છે પાણીપુરી અને તેનો મસાલો.

આ પાણીપુરી ખાધી તો બિમાર પડવાનું નક્કી, સંદેશ ન્યૂઝના રિયાલિટી ચેકમાં થયો ખુલાસો, સડેલા બટેકા અને ગંદકી વચ્ચે બને છે મસાલેદાર પાણી 

અમદાવાદમાં વેચાતી પાણીપુરીને લઇ સંદેશ ન્યૂઝે રિયાલિટી ચેક કર્યુ જેમાં ચૌંકાવનાર દ્રશ્યો સામે આવ્યા છે, અને આ દ્રશ્યો એવા છે કે, જોઈને તમે પાણીપુરી ખાવાનું છોડી દેશો.  પાણીપુરીને લઇ સંદેશ ન્યૂઝે કર્યુ રિયાલિટી ચેક અને ગંદકી વચ્ચે પાણીપુરી બનતી હોવાનો ખુલાસો થયો છે, સતત ઉપયોગમાં લેવાતા તેલમાં બને છે પાણીપુરી અને મસાલેદાર પાણી પણ બની રહ્યું છે અશુદ્ધ પાણીથી, સંદેશ ન્યૂઝે આ બાબતે અહેવાલ રજૂ કર્યો છે અને શહેરમાં જે જગ્યાએ પુરી તળાય અને પાણી બને છે પાણીપુરીનું તેને લઈ રિયાલિટી ચેક કર્યુ. 

સુરતના સીટી લાઇટ વિસ્તારમાં આગ

રુધતાંની બે બિલ્ડિંગમાં આગ લાગી, 10 જેટલા લોકોને રેસ્ક્યુ કરી બચાવાયા, ફાયર ટીમના આગને કાબૂમાં લેવા પ્રયાસ. 

આરોગ્ય વિભાગની ટીમો દ્વારા આખા ગામમાં ઘરે-ઘરે જઈને સરવે કરાયો

અસરગ્રસ્ત તમામ લોકોને આરોગ્યની ટીમ દ્વારા સ્થળ પર જ જરૂરી ટ્રીટમેન્ટ આપવામાં આવી હતી અને તબિયત વધુ નાજુક જણાતા અન્ય હોસ્પિટલમાં રીફર કરાયેલા 5 દર્દીઓને સારવાર બાદ રજા અપાઈ. હાલમાં આરોગ્ય વિભાગ અને વહીવટી તંત્ર દ્વારા સમગ્ર સ્થિતિને નિયંત્રણમાં કરી લેવાઈ છે. આરોગ્ય વિભાગ દ્વારા શંકાસ્પદ ખોરાકના સેમ્પલ લઈને તપાસ અર્થે મોકલાયા છે. 

શંકાસ્પદ ખોરાકના સેમ્પલ લઈ તપાસ અર્થે મોકલાયા

ખેડાના સિંજીવાડા ગામમાં લગ્ન પ્રસંગમાં ફૂડ પોઈઝનિંગની ઘટના બની છે જેમાં ગ્રામજનો મૂજબ લગ્નમાં ભોજન સમારંભ બાદ અંદાજે 100થી 120 લોકોને ફૂડ પોઈઝનિંગની અસર થઈ હતી, એકસાથે આટલી મોટી સંખ્યામાં લોકો બીમાર પડતા ગામના ક્લિનિકો દર્દીઓથી ઉભરાયા. અને ઘટનાની ગંભીરતા જોતા માતરના ધારાસભ્ય તાત્કાલિક ગામમાં દોડી ગયા હતા અને જિલ્લા આરોગ્ય અધિકારી વી.એ.ધ્રુવે અને નાયબ મામલતદાર, આરોગ્યના કર્ણમચારીઓ સ્થળ પર પહોંચ્યા હતા અને ઉચ્ચ અધિકારીઓએ ગામમાં પહોંચી સ્થિતિનો તાગ મેળવ્યો હતો.

જમણવારમાં 100થી વધુને ફૂડ પોઈઝનિંગની અસર થતા મચી દોડધામ

ખેડાના સિંજીવાડા ગામમાં લગ્ન પ્રસંગમાં ફૂડ પોઈઝનિંગની ઘટના બની છે અને જમણવાર બાદ 100થી વધુ લોકોને ફૂડ પોઈઝનિંગની અસર થઈ હતી અને તમામને સારવાર માટે ખસેડાયા છે. મીઠાઇ-આઇસ્ક્રીમ ખાદ્યા બાદ લોકોની તબિયત બગડી હતી અને બીમાર લોકોને તાત્કાલિક હોસ્પિટલ ખસેડવામાં આવ્યા છે અને ઘટનાને પગલે માતરના MLA પણ ગામમાં દોડી આવ્યા છે અને ઉચ્ચ અધિકારીઓએ પણ સ્થિતિનો તાગ મેળવ્યો છે, આરોગ્ય વિભાગની ટીમોએ ઘરે-ઘરે જઇ સર્વે હાથ ધર્યો.

મ્યુનિસિપલ કોર્પોરેશનના હોદ્દેદારો તથા પદાધિકારીઓ ઉપસ્થિત રહ્યા હતા

શહેરી વિકાસ રાજ્યમંત્રીએ ઇદગાહ સર્કલ પર નવનિર્મિત ચબૂતરો અને સર્કલનું લોકાર્પણ કરાવ્યું હતું. આ ઉપરાંત, શાહીબાગમાં નમસ્તે સર્કલ પાસે આવેલા હાજીપુરા ગાર્ડન ખાતે નવનિર્મિત ગજેબો તથા ડફનાળા જંક્શન પર નવનિર્મિત કમળ સ્કલ્પચરનું પણ મંત્રીએ લોકાર્પણ કરાવ્યું હતું. અસારવા વિધાનસભા મતવિસ્તારમાં વિવિધ વિકાસ પ્રકલ્પોના શુભારંભ પ્રસંગે શહેરના મેયર પ્રતિભાબહેન જૈન, શાસક પક્ષના નેતા ગૌરાંગભાઈ પ્રજાપતિ, સ્થાનિક કાઉન્સિલરો, અમદાવાદ મ્યુનિસિપલ કોર્પોરેશનના હોદ્દેદારો તથા પદાધિકારીઓ ઉપસ્થિત રહ્યા હતા.

અમદાવાદના મેયરના વોર્ડમાં નવનિર્મિત ચબૂતરો અને સર્કલ, નવનિર્મિત ગજેબો તથા કમળ સ્કલ્પચરનું લોકાર્પણ થયું

શહેરી વિકાસ રાજ્યમંત્રી દર્શનાબેન વાઘેલાએ પોતાના અસારવા વિધાનસભા મતવિસ્તારમાં વિવિધ વિકાસ કાર્યો પ્રજાને અર્પણ કર્યા હતા. શહેરી વિકાસ રાજ્યમંત્રીએ અમદાવાદ મ્યુનિસિપલ કોર્પોરેશનના મધ્ય ઝોનના શાહીબાગ વોર્ડના વિવિધ વિસ્તારોમાં જન સુખાકારીમાં વધારો કરતા વિવિધ પ્રકલ્પોનો શુભારંભ કરાવ્યો હતો. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Surat News : સુરતમાં બિલ્ડર તુષાર ઘેલાણી આપઘાત કેસ, આપઘાતમાં સામ-સામે અરજીને લઇ ઘૂંટાતું રહસ્ય !

02 - Gandhinagar News : શિક્ષણ વિભાગ દ્વારા અખબારોમાં પ્રસિદ્ધ થયેલા અહેવાલોનો સત્તાવાર રદિયો, શિક્ષકો પાસે કૂતરા ગણાવવાની વાત પાયાવિહોણી

03 - Valsad News : વલસાડના યુવકે પંજાબની યુવતી સાથે દુષ્કર્મ આચરી સોશિયલ મીડિયામાં વીડિયો વાયરલ કર્યો

04 - Banaskantha News : એક જાજમ, એક રિવાજ, વાવ થરાદમાં આંજણા ચૌધરી પટેલ સમાજનું સામાજિક બંધારણ ઘડાયું, લેવાયા આ મોટા નિર્ણયો

05 - Ankleshwar News : અંકલેશ્વર GIDCમાં આવેલ સોસાયટીમાં MD ડ્રગ્સ બનાવતી ફેક્ટરી ઝડપાઈ, ભરૂચ SOGનું ઓપરેશન

06 - Aurangabad Tragedy: કેવો હોય છે ઝેરનો સ્વાદ? 5 સગીરાઓએ કર્યા પારખા 4નાં કરૂણ મોત

07 - Rajya Sabha : સંસદમાં નિર્મલા સિતારમણ અને જયા બચ્ચન વચ્ચે ગરમાગરમી

08 - T20 World Cup 2026: આ 15 ખેલાડી પહેલી વાર રમશે IND vs PAK મેચ

09 - PM Modi In Assam : હાઇવે પર બનેલી ઇમરજન્સી એર સ્ટ્રિપ PMનું વિમાન ઉતર્યુ, જુઓ વાયુસેનાની તાકાત

10 - Crude Oil : રિલાયન્સને મળી ગયુ લાઇસન્સ ! હવે રશિયા નહી, હવે આ દેશ પાસેથી ખરીદશે ક્રૂ઼ડ ઓઇલ

અમદાવાદના દાસ્તાન સર્કલ પાસે અકસ્માત

ઊભેલા વાહનને પાછળથી ટ્રકે મારી ટક્કર, અકસ્માત થતા ટ્રક ચાલકને હોસ્પિટલ ખસેડાયો, ટ્રાફિક પોલીસે વધુ તપાસ હાથ ધરી. 

મહેસાણાના વિસનગરમાં પાક સળગાવ્યો

લક્ષ્મીપુરા ગામે પાકને સળગાવી અજાણ્યા લોકો ફરાર, 1.5 વિઘા જમીનમાં તૈયાર થયેલા પાકને સળગાવ્યો, અજાણ્યા લોકો પાક સળગાવી ફરાર થયા. 

ડીસીપીના સુપરવિઝન હેઠળ એસીપીને તપાસ સોંપાઇ

તુષાર ઘેલાણીની દીકરીએ કરેલી અરજીને ગંભીરતાથી લઇ પોલીસ કમિશ્નરે સમગ્ર પ્રકરણમાં તલસ્પર્શી તપાસના આદેશ જારી કર્યા હતા. ડીસીપી નિધિ ઠાકુર (ઝનો-૪)ના સુપરવિઝન હેઠળ એસીપી ઝેડ.આર.દેસાઇને તપાસ સોંપાઇ હતી. એસીપીએ હાલ તો ડિજિટલ સહિતના પુરાવા મેળવવા સાથે કેસ સંબંધિત પરિવારજનો અને મિત્રવર્તુળના નિવેદન લેવાની કવાયત હાથ ધરી છે. 

હાઈપ્રોફાઈલ આ કેસમાં તરેહતરેહની ચર્ચાઓએ વેગ પકડયો હતો 

આપઘાતને લઇ બિલ્ડરઆલમ અને પાટીદાર વર્તુળમાં પણ જાતની જાતની વાતો વહેતી થઇ હતી. એવું તો શું થયું કે તુષારભાઈ દીકરીના લગ્નના શુભ પ્રસંગ ટાણે આપઘાતનું પગલું ભરે? તેને લઇ ચર્ચાઓ સાથે અનેક શંકાકુશંકા પણ ફેલાઇ હતી. દરમિયાન ગત ગુરૂવારે સાંજે તુપાર ઘેલાણીની દીકરી તન્વીએ ઉમરા પોલીસમાં અરજી આપતા હાઈપ્રોફાઈલ કેસમાં ચોંકાવનારો વળાંક આવ્યો હતો. તન્વીએ કરેલી અરજીમાં પોશ વિસ્તારમાં આવેલી ઘેલાણીની સ્કૂલના મહિલા પ્રિન્સિપાલ સામે ગંભીર આક્ષેપો કરાયા હતા. જેમાં જણાવ્યા પ્રમાણે આ મહિલા ઘણાં વર્ષોથી તુષાર ઘેલાણીના પરિચયમાં હતી. નોન ગુજરાતી આ મહિલા સાથે તુષાર ઘેલાણીના નિકટના સંબંધો હતો. 

સુરતના જાણીતા બિલ્ડર તુષાર ઘેલાણીના આપઘાત કેસમાં ચોંકાવનારો વળાંક આવ્યો છે

મૃતકની દીકરીએ ઉમરા પોલીસમાં અરજી કરી સ્કૂલ પ્રિન્સીપાલ મહિલાએ યેનકેન પ્રકારે બ્લેકમેલિંગ કરતી હોવાનો સંગીન આરોપ મુકતા ચકચાર મચી ગઇ છે. મેન્ટલી અને ફાયનાન્સિયલી ટોર્ચરિંગના કારણે જ તુષાર ઘેલાણી દીકરીના લગ્ન ટાણે લમણે ગોળી મારી સ્યુસાઈડ કરવા મજબૂર થયા હોવાનો પણ આક્ષેપ કરાયો છે. મળતી વિગતો પ્રમાણે શહેરના મોટાગજાના બિલ્ડર તુષાર ઘેલાણીએ ગત તા.૧ના રોજ ઘરમાં આત્મહત્યા કરી લીધી હતી. ઘરમાં દીકરી તન્વીના લગ્નની ધામધૂમ અને કંકોત્રી લખવાના પ્રસંગ ટાણે જ તુષાર ઘેલાણીએ લમણે ગોળી મારી આપઘાત કરી લીધો હતો. 

સુરતમાં બિલ્ડર તુષાર ઘેલાણી આપઘાત કેસ, આપઘાતમાં સામ-સામે અરજીને લઇ ઘૂંટાતું રહસ્ય !

સુરતમાં બિલ્ડર તુષાર ઘેલાણી આપઘાત કેસમાં બ્લેકમેલિંગ કરનાર મહિલાએ પણ પોલીસમાં અરજી કરી છે, તુષાર ઘેલાણીના પરિવાર સામે પોલીસમાં અરજી કરાઈ હોવાની વાત સામે આવી છે. આપઘાતમાં તટસ્થ તપાસની માગ સાથે અરજી કરાઈ છે અને મહિલાનો અરજીમાં પરિવાર સામે ગંભીર આક્ષેપ છે કે, તુષાર ઘેલાણી આપઘાત કરે તેવા ન હતા, તુષાર ઘેલાણીનો આપઘાત નહી મર્ડર છે, પરિવાર ATM મશીનની જેમ ઉપયોગ કરતો ઘેલાણીનો અને આપઘાતમાં સામ-સામે અરજીને લઇ ઘૂંટાતું રહસ્ય છે. 

તાલાલાના વીરપુરગીર ગામે યુવક પર જીવલેણ હુમલો

RTI કરનાર યુવક પર VCE, સરપંચ પતિનો હુમલો, યુવક પર હુમલાની ઘટનાના દ્રશ્યો સામે આવ્યા, યુવકને મળવા બોલાવી ધોકાથી જીવલેણ હુમલો, સરપંચ પતિ નટુ જાસણીયા સહિત 4 લોકોનો હુમલો, પોલીસે યુવકની ફરિયાદના આધારે તપાસ હાથ ધરી. 

અમદાવાદના નેહરુનગરમાં મકાનમાં આગ

હનુમાનજી મંદિર નજીક આવેલ મકાનમાં આગ, ફાયર ટીમે ભારે જહેમતે આગને કાબૂમાં લીધી, આગની ઘટનામાં કોઇ મોટી જાનહાનિ નહી. 

શિક્ષણ વિભાગની યાદીમાં જણાવાયું 

આમ, રાજ્યની તમામ માધ્યમિક અને ઉચ્ચતર માધ્યમિક સંસ્થાઓમાં અભ્યાસ કરતા વિદ્યાર્થીઓ અને કર્મચારીઓની સલામતી અને સુરક્ષાને ધ્યાનમાં રાખી અને સુપ્રીમ કોર્ટના આદેશ મુજબ ગુજરાત પ્રાણી કલ્યાણ બોર્ડ દ્વારા શિક્ષણ વિભાગને આ બાબતે સૂચના મળતા, અત્રેની કચેરીએ જાહેરહિતમાં જરૂરી સૂચનાઓ પ્રસિદ્ધ કરી છે. ઉક્ત તમામ બાબતો ધ્યાને લેતા ગુજરાત રાજ્યના જુદા જુદા વર્તમાનપત્રોની આવૃતિમાં આ અંગે પ્રસિધ્ધ થયેલ સમાચાર સત્યથી વેગળા છે, તેમ શિક્ષણ વિભાગની યાદીમાં જણાવાયું છે.

શિક્ષકો કે અન્ય કર્મચારીઓએ કરવાની રહેશે એવો કોઈ ઉલ્લેખ કરવામાં આવ્યો નથી

જેથી ગુજરાત પ્રાણી કલ્યાણ બોર્ડ, ગાંધીનગરના તા. ૦૩/૦૨/૨૦૨૬ના પત્રથી સુપ્રિમ કોર્ટના આદેશોનું અસરકારક અમલીકરણ સુનિશ્ચિત કરવાના હેતુસર શૈક્ષણિક સંસ્થાઓ, હોસ્પિટલો, બસ સ્ટેશન અને અન્ય જાહેર કચેરીઓના કેમ્પસમાં રખડતા શ્વાનોનો સર્વે કરવા માટે કાર્યવાહી હાથ ધરવામાં આવી છે. જે અંતર્ગત શિક્ષણ વિભાગના તા. ૧૧/૦૨/૨૦૨૬ના પત્ર મુજબ કમિશનર શાળાઓની કચેરીના તાબા હેઠળની તમામ શૈક્ષણિક સંસ્થાઓ, કચેરીઓ, કેમ્પસ વગેરે વિસ્તારોમાં આદેશ મુજબની કામગીરી કરવા જણાવવામાં આવ્યું છે. જેમાં આ કામગીરી માધ્યમિક કે ઉચ્ચતર માધ્યમિક શાળાના શિક્ષકો કે અન્ય કર્મચારીઓએ કરવાની રહેશે એવો કોઈ ઉલ્લેખ કરવામાં આવ્યો નથી.

શિક્ષણ વિભાગ દ્વારા અખબારોમાં પ્રસિદ્ધ થયેલા અહેવાલોનો સત્તાવાર રદિયો, શિક્ષકો પાસે કૂતરા ગણાવવાની વાત પાયાવિહોણી

રાજ્યના વિવિધ વર્તમાનપત્રો અને ઈલેક્ટ્રોનિક મીડિયામાં પ્રસિદ્ધ થયેલા સમાચાર, જેમાં જણાવવામાં આવ્યું છે કે “સરકાર હવે શિક્ષકો પાસે રખડતાં કૂતરાં પણ ગણાવશે”. જે અનુસંધાને કમિશનર શાળાઓની કચેરી, ગાંધીનગર દ્વારા સ્પષ્ટતા કરવામાં આવી છે કે, આ સમાચારો તદ્દન સત્યથી વેગળા અને પાયાવિહોણા છે. શિક્ષણ વિભાગની યાદીમાં જણાવ્યા અનુસાર, સુપ્રીમ કોર્ટના તા. ૦૭/૧૧/૨૦૨૫ના Suo Moto Writ Petition (CIVIL) No: 5/2025 આદેશ મુજબ, તમામ સાર્વજનિક સંસ્થાઓ અને કેમ્પસમાં શ્વાનોની સુરક્ષા અને વ્યવસ્થા અંગે સૂચનાઓ આપવામાં આવી છે.

આ કૃત્ય આચરવામાં એક આરોપી પંજાબનો પણ છે

પંજાબ પોલીસની ટેકનિકલ ટીમે તપાસ હાથ ધરતા એક આરોપી પંજાબમાંથી ઝડપ્યો છે અને અને બીજા આરોપી તેજવંત સિંગ વલસાડમાં હોવાનું સામે આવતા અહીં આવી બીજા આરોપીની પણ ધરપકડ કરી છે. વલસાડના મોગરાવાડી, તારાબાગ વિસ્તારમાં સ્વામિનારાયણ સ્કૂલ પાસે રહેતા સેજવન સિંગ નામના યુવકે પંજાબના અન્ય એક યુવક સાથે મળીને આ ગુનાને અંજામ આપ્યો હતો.

વલસાડના એક યુવકે પંજાબમાં એક યુવતી પર દુષ્કર્મ આચર્યું

આ ગુનામાં પંજાબ પોલીસે ટેકનિકલ સર્વેલન્સની મદદથી વલસાડમાંથી આરોપીની ધરપકડ કરી છે અને આરોપીઓએ પીડિત યુવતીનો અશ્લીલ વીડિયો વલસાડ, વાપી અને પંજાબના ગુરુદ્વારાના મહિલાઓના સોશિયલ મીડિયા ગ્રુપમાં વાયરલ કર્યો હતો. આ કૃત્ય દ્વારા યુવતીને સામાજિક રીતે બદનામ કરવાનો પ્રયાસ કરવામાં આવ્યો હતો. આ ઘટના બાદ ભોગ બનનાર યુવતીના પરિવારે પંજાબના ઝીરા પોલીસ સ્ટેશનમાં ફરિયાદ નોંધાવી હતી.

વલસાડના યુવકે પંજાબની યુવતી સાથે દુષ્કર્મ આચરી, સોશિયલ મીડિયામાં વીડિયો વાયરલ કર્યો

વલસાડના યુવકે પંજાબમાં યુવતી પર દુષ્કર્મ આચર્યુ હોવાની વાત સામે આવી છે અને યુવકે અશ્લીલ વીડિયો સો. મીડિયા પર વાયરલ કર્યો હતો અને તેને લઈ ગુનો નોંધાયો હતો. પંજાબ પોલીસે વલસાડમાંથી આરોપીની ધરપકડ કરી છે અને વીડિયો ઉતારી યુવતીને બદનામ કરવાનો પ્રયાસ કર્યો હતો, આરોપી તેજવંત સિંઘ સહિત અન્ય એક આરોપી ઝડપાયો છે. આ ગુનામાં પંજાબ પોલીસે ટેકનિકલ સર્વેલન્સની મદદથી વલસાડમાંથી આરોપીની ધરપકડ કરી છે. 

રાજ્ય સરકાર 18 ફેબ્રુઆરીએ રજૂ કરશે બજેટ

3.90 લાખ કરોડથી 4 લાખ કરોડનું બજેટ હશે, બજેટ 2026-27ના કદમાં જંગી વધારાની સંભાવના, ગત વર્ષ કરતા 7 ટકાથી 10 ટકા સુધીના વધારાની શક્યતા, 20 હજાર કરોડથી 30 હજાર કરોડનો વધારો થઇ શકે, વર્ષ 2025-26માં 3.70 લાખ કરોડનું બજેટ રજૂ થયું હતું. 

આ પ્રક્રિયામાં બાળકના હિતને સર્વોપરી રાખવામાં આવ્યું હતું

દત્તક વિધાનની પ્રક્રિયા એ માત્ર ભાવનાત્મક જ નહીં, પરંતુ અત્યંત જટિલ અને કાયદેસરની પ્રક્રિયા છે. ધી જુવેનાઇલ જસ્ટિસ એક્ટ-૨૦૧૫ અને એડોપ્શન રેગ્યુલેશન-૨૦૨૨ હેઠળ આ સમગ્ર કાર્યવાહી હાથ ધરવામાં આવી હતી. કેન્દ્ર સરકારની સેન્ટ્રલ એડોપ્શન રિસોર્સ ઓથોરિટી (CARA) દ્વારા ઓનલાઇન પોર્ટલ મારફતે પારદર્શક રીતે નોંધણી કરવામાં આવી હતી. કેલિફોર્નિયા સ્થિત NRI દંપતીએ જ્યારે આ બાળકને દત્તક લેવાની ઈચ્છા વ્યક્ત કરી, ત્યારે AFAA (ઓથોરાઇઝ્ડ ફોરેન એડોપ્શન એજન્સી) દ્વારા તેમની આર્થિક, સામાજિક અને માનસિક સજ્જતાની કડક તપાસ કરવામાં આવી હતી. આ પ્રક્રિયામાં બાળકના હિતને સર્વોપરી રાખવામાં આવ્યું હતું.

આ બાળકની કિસ્મત તેને અમેરિકાના આધુનિક શહેર લોસ એન્જલસ સુધી લઈ ગઈ

સુરેન્દ્રનગરની સરકારી વિશિષ્ટ દત્તક સંસ્થા માટે ૧૩ ફેબ્રુઆરી, ૨૦૨૬નો દિવસ સુવર્ણ અક્ષરે લખાશે. જિલ્લામાં ત્યજી દેવાયેલી હાલતમાં મળી આવેલા એક નવજાત શિશુને જ્યારે બાળ કલ્યાણ સમિતિના આદેશથી ચિલ્ડ્રન હોમમાં આશ્રય આપવામાં આવ્યો, ત્યારે કદાચ કોઈએ કલ્પના નહોતી કરી કે, આ બાળકની કિસ્મત તેને અમેરિકાના આધુનિક શહેર લોસ એન્જલસ સુધી લઈ જશે. આ સંસ્થામાંથી અત્યાર સુધી અનેક બાળકો દેશના વિવિધ પરિવારોમાં દત્તક ગયા છે, પરંતુ આ પ્રથમ અવસર છે જ્યારે કોઈ બાળક આંતરરાષ્ટ્રીય સ્તરે વિદેશી ભૂમિ પર નવા જીવનની શરૂઆત કરવા જઈ રહ્યું છે. બે વર્ષ સુધી સંસ્થાના અધિકારીઓ અને કર્મચારીઓએ જે બાળકને માતૃત્વની હૂંફ આપીને ઉછેર્યું, તેને વિદાય આપતી વખતે સૌની આંખોમાં હર્ષના આંસુ હતા.

સુરેન્દ્રનગરથી લોસ એન્જલસ, સુરેન્દ્રનગરની સરકારી વિશિષ્ટ દત્તક સંસ્થા દ્વારા પ્રથમવાર આંતરરાષ્ટ્રીય દત્તક વિધાન પ્રક્રિયા સંપન્ન

સુરેન્દ્રનગર જિલ્લા માટે આ એક અત્યંત ગૌરવશાળી અને લાગણીસભર ક્ષણ છે. એક માસૂમ બાળક, જે ક્યારેક નિરાધાર અવસ્થામાં મળી આવ્યું હતું, તેને આજે સાત સમંદર પાર કેલિફોર્નિયાના લોસ એન્જલસમાં એક નવું ઘર અને પ્રેમાળ પરિવાર મળ્યો છે. ગુજરાત સરકારના સામાજિક ન્યાય અને અધિકારીતા વિભાગના નેજા હેઠળની આ સફળતા માત્ર એક વહીવટી પ્રક્રિયા નથી, પરંતુ એક બાળકના ઉજ્જવળ ભવિષ્ય માટેની માનવીય સંવેદનાનું ઉત્કૃષ્ટ ઉદાહરણ છે.

25 લાખ ટન ઘઉં, 5 લાખ ટન ખાંડ નિકાસની મંજૂરી

ખેડૂત આગેવાનોએ સરકારના નિર્ણયને આવકાર્યો, સુરતના ખેડૂત આગેવાન જયેશ દેલાડનું નિવેદન, ‘ખેડૂતોને યોગ્ય ભાવ મળે તે માટે નિર્ણય લેવાયો’ ‘નિર્ણયથી સ્થાનિક બજારોમાં સ્થિરતા જળવાશે’. 

સગાઈ થયા બાદ સગાઈ તૂટે તો બનાવ્યા કડક નિયમ 

સગાઇ તોડનારને 7.51 લાખનો દંડ અને એક વર્ષ માટે સમાજ બહાર કરવાનો નિર્ણય કરવામાં આવ્યો છે, લગ્ન બાદ કોઈનું લગ્ન જીવન તૂટે 31 લાખનો દંડ અને એક વર્ષ સમાજ બહાર કરવાનો નિર્ણય, દીકરી પાંચ પટ્ટી બહાર જઇ લગ્ન કરતો દિકરીના પરીવારનો પાંચ પટ્ટી પરગણા સમાજ બહાર કરવાનો નિર્ણય અને લગ્ન પ્રસંગમાં ચા-કોફી માટે ઉપયોગ લેવામાં આવતા પ્લાસ્ટિકના કપ પર મૂક્યો પ્રતિબંધ, રાત્રિ સમયે યોજા મેળાવડામાં બહેન દીકરી માત્ર સમાજના પ્રસંગ જેવું અન્ય કોઈ રાત્રિ મેળાવડા જવા પર પ્રતિબંધ કરાયો છે. 

લગ્ન પત્રિકા બંધ, ડિજિટલ આમંત્રણ અપાશે

પાંચ પટ્ટી આંજણા(મારવાડી) ચૌધરી પટેલ સમાજનું સામાજિક બંધારણ ઘડાયું છે જેમાં ગઈકાલે થરાદના ચાંગડા ખાતે થરાદી, ડીસાવળી, હિન્દવણી, વાવેશી અને સાંચોરી પટ્ટીના સમાજ સુધારાનું નક્કી કરાયું સામાજિક બંધારણ, લગ્ન પ્રસંગમાં DJ પર સંપૂર્ણ પ્રતિબંધ લગ્નમાં વર વધુને સમાજના રીત રિવાજ મુજબના પોષક પહેરવાના રહેશે અને લગ્ન મંડપમાં ચોરી ફેરા સમય ખુરસી અથવા સોફા પર પ્રતિબંધ લગાવવામાં આવ્યો છે, લગ્ન પત્રિકા બંધ અને મોબાઈલમાં ડિજિટલ આમંત્રણ આપવું અથવા સાદા આમંત્રણ કાર્ડથી આમંત્રણ આપવું તેવું નક્કી કરાયું છે.  

એક જાજમ, એક રિવાજ,  વાવ થરાદમાં આંજણા ચૌધરી પટેલ સમાજનું સામાજિક બંધારણ ઘડાયું, લેવાયા આ મોટા નિર્ણયો 

વાવ થરાદમાં વધુ એક સમાજનું બંધારણ ઘડાયું છે જેમાં પાંચ પટ્ટી (આંજણા) ચૌધરી પટેલ સમાજનું સામાજિક બંધારણ નક્કી કરાયું છે જેમાં લગ્નમાં DJ પર સંપૂર્ણ પ્રતિબંધ મુકાયો છે. વાવ થરાદમાં આંજણા ચૌધરી પટેલ સમાજનું સામાજિક બંધારણ ઘડાયું છે જેમાં અમુક નિયમો બનાવવામાં આવ્યા છે, સગાઈ તોડવા પર 7.51 લાખનો દંડ, છૂટાછેડા પર 31 લાખ દંડ નક્કી કરાયો છે અને પ્લાસ્ટિક કપ પર પણ પ્રતિબંધ મૂક્યો છે, સમાજ બહાર લગ્ન કરનારને સમાજ બહાર કરાશે તેવો નિર્ણય કરવામાં આવ્યો છે.

સુરતમાં વ્યાજખોરનો આંતક 

સુરતમાં વ્યાજખોરનો આંતક સામે આવ્યો,વેપારી પાસે 50 લાખ સામે 85 લાખની વસૂલાત,રાંદેર પોલીસે વ્યાજખોરની કરી ધરપકડ,આણંદ ચાસિયા પાસેથી 51 લાખ વ્યાજે લીધા હતા,વેપારીએ 51 લાખ સામે 85 લાખ ચૂકવ્યા હતા,રુપિયા ચૂકવવા છતા વ્યાજખોર પઠાણી ઉઘરાણી કરતો,વેપારીની પત્નીને ચપ્પુ બતાવી ધમકી આપી હતી,રુપિયા પડાવી જમીન પણ વ્યાજખોરે લખાવી હતી,રાંદેર પોલીસે વ્યાજખોરને ઝડપી તપાસ હાથ ધરી.

સુરતમાં જમીન માફિયા મહાઠગ ઝડપાયો

સુરતમાં જમીન માફિયા મહાઠગ ઝડપાયો,300 કરોડની જમીન પચાવનારની ધરપકડ,ઇકો સેલ પોલીસે વિનુ માલવિયાની ધરપકડ કરી,જમીન કૌભાંડી વિનુ સામે 12થી વધુ ગુના,જૂની તારીખના સ્ટેમ્પ પેપરના ઉપયોગથી દસ્તાવેજ બનાવ્યા.

અમદાવાદને વધુ એક વંદે ભારત ટ્રેન મળી

અમદાવાદને વધુ એક વંદે ભારત ટ્રેન મળી,18 ફેબ્રુઆરીથી વંદે ભારત ટ્રેન શરૂ થશે,અસારવા રેલવે સ્ટેશનથી ઉદેપુર સુધી દોડશે,વંદે ભારત ટ્રેન સપ્તાહમાં છ દિવસ દોડશે,મંગળવાર સિવાય ટ્રેન રોજ દોડશે.

મહેસુલ વિભાગ હસ્તકના મામલતદારોની બદલી-બઢતી

મહેસુલ વિભાગ હસ્તકના મામલતદારોની બદલી-બઢતી,37 મામલતદારોની કરવામાં આવી બદલી,165 નાયબ મામલતદારને મામલતદાર તરીકે બઢતી,મતદારયાદી સુધારણા બાદ બદલી કરવા સૂચના.

રેલવે તંત્ર દ્વારા નોટિસ ફટકારવામાં આવતા રોષ 

જામનગર શહેરના દિગજામ સર્કલ નજીક આવેલા હનુમાન ટેકરી સહિતના વિસ્તારોમાં અત્યારે ભારેલા અગ્નિ જેવી સ્થિતિ જોવા મળી રહી છે. રેલવે તંત્ર દ્વારા આ વિસ્તારના રહેણાંક મકાનો ખાલી કરવા માટે માત્ર 7 દિવસની નોટિસ ફટકારવામાં આવતા સ્થાનિક પરિવારોમાં ભારે રોષ અને ભયનો માહોલ ફાટી નીકળ્યો છે.

અમરિકસિંઘ સામે એનડીપીએસનો ગુનો નોંધી તપાસ શરૂ થઇ હતી

રાજસ્થાનથી હેરોઇન લાવ્યો હતો જેને ભટીંડાનો નિશાનસિંઘ આપી ગયો હતો. અમરિકસિંઘનો મોબાઇલ તપાસતાં એસએમસીને એસઓજીના એએસઆઇ લક્ષ્મીકાંત દેસાઇના અસંખ્ય કોલ્સ-મેસેજ મળ્યા હતા.  

વડોદરા એસઓજીમાં ફરજ બજાવતા હતા લક્ષ્મીકાંત દેસાઇ 

સ્ટેટ મોનિટરીંગ સેલે વડોદરા એસઓજીમાં ફરજ બજાવતા લક્ષ્મીકાંત દેસાઈની 47 લાખના હેરાઈન કેસમાં ધરપકડ કરી હતી અને હેરોઈન લાવનાર પેડલર સાથે તેની સંડોવણી સામે આવી હતી, એસએમસીએ આરોપી પોલીસને કોર્ટમાં રજૂ કરીને તપાસના મહત્વના મુદ્દા દર્શાવી કોર્ટે 5 ફેબ્રુઆરી સુધીના રિમાન્ડ મંજૂર કર્યા હતા, 9 જાન્યુઆરીએ SMCને બાતમી મળી હતી કે, વડોદરા રેલવે સ્ટેશને એક શખ્સ ડ્રગ્સનો જથ્થો લાવશે.

વડોદરાના ASI લક્ષ્મી દેસાઇના જામીન નામંજૂર, ડ્રગ પેડલર સાથે મીલીભગત બહાર આવતા SMCએ કરી હતી ધરપકડ

વડોદરામાં ડ્રગ્સના વેપલાનો મદદગાર એએસઆઇ લક્ષ્મી દેસાઇના જામીન નામંજૂર થયા છે, અને સ્ટેટ મોનિટરીંગ સેલે એએસઆઈની ધરપકડ કરી હતી.  એએસઆઈની ડ્રગ પેડલર સાથે મીલીભગત બહાર આવી હતી અને SMCએ કરી હતી લક્ષ્મી દેસાઇની ધરપકડ, ડમી સીમથી ડ્રગ પેડલર સાથે સંપર્ક કરતો અને હેરોઇન લાવવા અને લઇ જવા ટીપ આપતો હોવાની વાત સામે આવી હતી, ડમી સીમ ફ્રોડ કરી મેળવતા ગુનો નોંધાશે. હેરોઇન ડ્રગ વેચનારા ડીલર સાથે સાઠગાંઠમાં ઝડપાયેલા SOGના એએસઆઈ લક્ષ્મીકાંત દેસાઇને SMCએ કોર્ટમાં રજૂ કરી 5 દિવસના રિમાન્ડ મેળવ્યા હતા. 

વડોદરાના અટલાદરામાં અકસ્માત

થારની ટક્કરે બાઇકચાલક યુવકનું મોત, થારમાં ત્રણ યુવતીઓ હોવાની માહિતી, 3 યુવતીઓની પોલીસે અટકાયત કરી. 

મોરબી સબ જેલમાં બે મોબાઈલ મળ્યા

અમદાવાદની સ્કવોર્ડનું સરપ્રાઈઝ ચેકિંગમાં ઝડપાયા, ચેકિંગ કરતા બાથરૂમમાંથી બે મોબાઈલ મળ્યા, પાણી જવાના બાકોરામાં સંતાડેલા હતા મોબાઈલ, એ ડિવિઝનના જેલરે ફરિયાદ નોંધાવી. 

પોરબંદરમાં કારનો ભયાનક અકસ્માત

ભાવસિંહજી હોસ્પિટલ પાસે કાર સર્કલ પર ચડી, પુરપાટ ઝડપે આવતી કારે કાબૂ ગુમાવ્યો, અકસ્માત સ્થળે લોકોના ટોળા ઉમટ્યા, કારમાં સવાર લોકોનો આબાદ બચાવ. 

રાજ્યની જિલ્લા કોર્ટોમાં પડતર કેસ વધ્યા

જિલ્લા કોર્ટોમાં 15,80,564 કેસ પેન્ડિંગ, વર્ષ 2024માં આંકડામાં નોંધાયો વધારો, વર્ષ 2023માં 15,45,309 કેસ હતા, જિલ્લા અદાલતોમાં 2.29 ટકા વધારો, ગુજરાત હાઇકોર્ટમાં 1,75,665 કેસ બાકી, વર્ષ 2024માં 4.82 ટકા વધારો, જજોની ખાલી જગ્યાઓથી ભાર વધ્યો. 

વાવ થરાદમાં વધુ એક સમાજનું બંધારણ ઘડાયું

પાંચ પટ્ટી (આંજણા) ચૌધરી પટેલ સમાજનું બંધારણ, લગ્નમાં DJ પર સંપૂર્ણ પ્રતિબંધ મુકાયો, સગાઈ તોડવા પર 7.51 લાખનો દંડ, છૂટાછેડા પર 31 લાખ દંડ નક્કી કરાયો, પ્લાસ્ટિક કપ પર પણ પ્રતિબંધ મૂક્યો, સમાજ બહાર લગ્ન કરનારને સમાજ બહાર કરાશે, લગ્ન પત્રિકા બંધ, ડિજિટલ આમંત્રણ અપાશે. 

મકાન કોનું છે તે દિશામાં પોલીસે તપાસ શરૂ કરી

આ મકાન કોનું છે તે દિશામાં પણ પોલીસે તપાસ શરૂ કરી છે, ઘણા સમયથી આ મકાનમાં ડ્રગ્સ બનાવવામાં આવતું હશે તેવું પોલીસનું અનુમાન છે અને પોલીસે એનડીપીએસ એકટ હેઠળ ગુનો નોંધ્યો છે, આ સમગ્ર કેસમાં હાલમાં એક શખ્સની અટકાયત કરી છે, પરંતુ હજી પણ અન્યના નામ સામે આવે તેવી પોલીસને આશંકા છે. 

ભરૂચ એસઓજી પોલીસે ડ્રગ્સની ફેકટરી ઝડપી

અંકલેશ્વર GIDCમાં રહેણાંક વિસ્તારમાં ડ્રગ્સ બનાવતી ફેકટરી ઝડપાઈ છે અને સિદ્ધ કો.ઓ. હા. સોસાયટીમાં ભાડાના મકાનમાં બનાવાતું હતું MD ડ્રગ્સ, બી બ્લોકમાં 301 નંબરના ભાડાના મકાનના બાથરૂમમાં લેબ તૈયાર કરી ડ્રગ્સ બનાવવામાં આવતું હોવાની વાત સામે આવી છે અને ફાર્મા કંપનીનો કેમિસ્ટ ડ્રગ્સ બનાવતો હતો અને પોલીસે 70 ગ્રામ જેટલું MD ડ્રગ્સ અને રો-મટીરિયલ કબ્જે કરી હોવાની મળી માહિતી. આ ડ્રગ્સ કોને આપવામાં આવતું હતું તે દિશામાં પોલીસે તપાસ શરૂ કરી છે.

અંકલેશ્વર GIDCમાં આવેલ સોસાયટીમાં MD ડ્રગ્સ બનાવતી ફેક્ટરી ઝડપાઈ, ભરૂચ SOGનું ઓપરેશન 

અંકલેશ્વર GIDCમાં વિસ્તારમાં ડ્રગ્સ બનાવતી ફેક્ટરી ઝડપાઈ છે અને સિદ્ધ સોસાયટીમાં MD ડ્રગ્સ બનાવાતું હતું અને ભાડાના મકાનના બાથરૂમમાં લેબ બનાવી હતી. ફાર્મા કંપનીનો કેમિસ્ટ ડ્રગ્સ બનાવતો હતો અને 70 ગ્રામ MD ડ્રગ્સ, રો મટીરિયલ કબ્જે કરવામાં આવ્યું છે, ભરૂચ SOG ટીમે રેડ કરી કાર્યવાહી હાથ ધરી છે અને એક શખ્સની અટકાયત કરી છે, ઘરમાં ડ્રગ્સ બનાવતો હોવાની બાતમી પોલીસને મળી હતી અને તેના આધારે કાર્યવાહી કરવામાં આવી છે. 

જૂનાગઢ ઝોનના 850 કર્મચારીઓ 24 કલાક કાર્યરત રહેશે

મેળા દરમિયાન જૂનાગઢ, પોરબંદર અને ગીર સોમનાથ જિલ્લા જેવા જેમાં નજીકના જિલ્લાઓમાંથી આવતા શ્રદ્ધાળુઓ માટે ૩૩૦ બસોનું સંચાલન કરવામાં આવ્યું છે. અમદાવાદ, વડોદરા, રાજકોટ, જામનગર, કચ્છ, અમરેલી, ભાવનગર, મોરબી અને બોટાદ જેવા અન્ય જિલ્લાઓમાંથી આવતા યાત્રિકો માટે નિગમ દ્વારા વધારાની ૫૦૦ બસોનું આયોજન કરવામાં આવ્યું  છે. આ ઉપરાંત જરૂર પડે તો વધારાની ૭૫ બસોને સ્ટેન્ડ બાય પણ રાખવામાં આવી છે.

એસ. ટી. નિગમ દ્વારા 1000 બસોનું સંચાલન કરાયું 

મહાશિવરાત્રીના પવિત્ર પર્વ નિમિત્તે જૂનાગઢ ખાતે યોજાઈ રહેલા 'મીની કુંભ' મેળામાં આવતા લાખો શ્રદ્ધાળુઓની સલામત અને સુલભ મુસાફરી માટે નાયબ  મુખ્યમંત્રી હર્ષ સંઘવીના માર્ગદર્શનમાં ગુજરાત રાજ્ય માર્ગ વાહન વ્યવહાર નિગમ દ્વારા સુયોગ્ય આયોજન કરવામાં આવ્યું છે. રાજ્યના ખૂણે-ખૂણેથી આવતા યાત્રિકોને પરિવહનમાં કોઈ અગવડ ન પડે તે માટે આ વર્ષે કુલ ૧,૦૦૦ બસોનું સંચાલન કરવામાં આવશે. 

જૂનાગઢમાં શિવરાત્રી મેળાનો આજે ચોથો દિવસ, ભવનાથમાં અત્યાર સુધી 4 લાખથી વધુ ભકતો ઉમટ્યા

જૂનાગઢમાં શિવરાત્રી મેળાનો આજે ચોથો દિવસ છે અને ભવનાથમાં ભકતોનું ઘોડાપૂર ઉમટી રહ્યું છે, અત્યાર સુધી 4 લાખથી વધુ ભક્તો ઉમટ્યા છે અને મેળામાં ભાવિકોનો પ્રવાહ અવિરત ચાલુ છે. ભવનાથના દર્શન કરી ભાવિકોએ પૂણ્યુનું ભાથું બાંધ્યુ અને જીવ અને શિવના મિલનનો મિનીકુંભ મેળો જોવા મળ્યો છે, અત્યાર સુધી અલગ-અલગ રાજયોમાંથી લોકો દર્શન માટે આવ્યા છે અને દર્શન માટે પણ તંત્રએ સરખી વ્યવસ્થા કરી છે. ભવનાથ મંદિરમાં અવિરત ભક્તોનો ધસારો છે અને બિલીપત્રથી ગર્ભગૃહમાં શણગાર કરાયો છે. 

મોરબીના માણીયા મિયાણામાં SMCના દરોડા 

SMCના દરોડા પાડી 1.38 કરોડનો દારુ ઝડપી પાડ્યો, SMCએ રાજસ્થાનના બે આરોપીની ધરપકડ, દારુ મંગાવનાર અને મોકલનાર 4આરોપી ફરાર, SMC કુલ 1.63 કરોડનો મુદ્દામાલ કબ્જે કર્યો. 

અમદાવાદમાં 15 વર્ષમાં જાન્યુ.માં સૌથી ઓછી ઠંડી પડી

પાછલા વર્ષને બાદ કરતા જાન્યુ.માં સૌથી ઓછી ઠંડ, 1954માં 10 જાન્યુ.એ રેકોર્ડબ્રેક 3.9 ડિગ્રી તાપમાન હતું, ચાલુ વર્ષે ત્રણ વખત 12 ડિગ્રીથી નીચે પારો ગયો, ગત વર્ષની સરખામણીએ ઠંડીમાં નોંધપાત્ર ઘટાડો, નલિયામાં ગત વર્ષે 10 વખત પારો 7 ડિગ્રીથી નીચે ગયો.

આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું

ગત તા.૨૮ ડિસેમ્બર-૨૦૨૪ના રોજ નલિયામાં લઘુત્તમ તાપમાન ૪.૨ ડિગ્રી સુધી ગગડયું હતું. આ વખતે સૌથી ઓછુ ૮.૮ ડિગ્રી તાપમાન રહ્યું છે. મહત્ત્વની વાત એ છે કે, આ વખતે ડિસેમ્બરમાં નલિયા સિવાય ગુજરાતના એકપણ પ્રદેશમાં લઘુતમ તાપમાન ૧૦ ડિગ્રીથી નીચે ગયું નથી. અમદાવાદ શહેરના વાત કરવામાં આવે નો ડિસેમ્બર-૨૦૨૪માં ૩૧માંથી ૧૪ દિવસ એવા હતા કે જેમાં લયુત્તમ તાપમાન ૧૪ ડિગ્રીથી નીચે નોંધાયું હતું. ચાલુ વર્ષે માત્ર ૪ જ વખત અમદાવાદનું તાપમાન ૧૪ ડિગ્રીથી નીચે ઉતર્યુ છે. આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું.

ગુજરાત સહિત દેશભરમાં ગ્લોબલ વોર્મિંગની અસર ખુબ ઝડપથી વધી રહી છે

છેલ્લાં કેટલાંક વર્ષથી ગુજરાતની ત્રણેય સિઝનમાં ખૂબ મોટો બદલાવ મળી રહ્યો છે. ડિસેમ્બર મહિનામાં રાજ્યમાં મોટાભાગે કાતિલ ઠંડીનો વર્તારો શરૂ થઈ જતો હોય છે. પરંતુ આ વખતે ગત વર્ષની સાથે સરખામણીએ કરવામાં આવે તો ઠંડીમાં નોંધપાત્ર ઘટાડો જોવા મળ્યો છે. ભર શિયાળે ઠંડી કરતાં ગરમ અને ઉકળાટભર્યા દિવસોની સંખ્યા વધુ જોવા મળી રહી છે. ડિસેમ્બર-૨૦૨૪ અને ડિસેમ્બર-૨૦૨૫માં પડેલી ઠંડી પર નજર કરવામાં આવે તો, ગત વર્ષે ડિસેમ્બરના ૩૧ દિવસમાથી કચ્છના નલિયામાં લઘુતમ તાપમાનનો પારો ૨૨ વખતલ ૧૦ ડિગ્રીથી નીચે પહોંચ્યો હતો, જે આ વખતે માત્ર ૪ વખત પારો ૧૦ ડિગ્રીથી નીચે ઉતર્યો છે.

કેમ આ વર્ષે શિયાળો ‘નરમ’ રહ્યો?

હવામાન નિષ્ણાતોના કહેવા મુજબ, સામાન્ય રીતે ડિસેમ્બરમાં ઉત્તર ભારત તરફથી આવતા સૂકા અને ઠંડા પવનો ગુજરાતમાં ઠંડી લાવે છે. પરંતુ આ વખતે હિમાલયમાં આ વખતે મજબુત વેસ્ટર્ન ડિસ્ટર્બન્સ (પશ્ચિમી વિક્ષેપ) સર્જાયા નથી. જ્યારે પહાડો પર ભારે હિમવર્ષા થાય છે. ત્યારે ત્યાંથી ફેંકાતા ઠંડા પવનો મેદાની વિસ્તારો અને ગુજરાત સુધી ઠંડી લાવે છે. આ વર્ષે ઉત્તર ભારતમાં હિમવર્ષા ઓછી થતા ઠંડીનું મોજુ સર્જાયું નથી. હવામાન નિષ્ણાતોના મતે, પ્રશાંત મહાસાગરમાં તાપમાન વધવાની ઘટના એટલે કે 'અલ નિનો'ની અસરને કારણે વૈશ્વિક સ્તરે શિયાળો હુંફાળો રહ્યો છે. અરબી સમુદ્ર તરફથી આવતા ગરમ અને ભેજવાળા પવનોને કારણે લઘુતમ તાપમાનમાં ઘટાડો થતો અટક્યો છે.

ગુજરાતમાં રહેશે બેવડી ઋતુની અસર, સવારે ગુલાબી ઠંડી તો બપોરના સમયે ગરમીનો થશે અહેસાસ 

રાજ્યમાં બેવડી ઋતુની અસર વર્તાઈ રહી છે, સવારે ગુલાબી ઠંડી તો બપોરના સમયે શહેરીજનો ગરમીનો અહેસાસ કરી રહ્યાં છે, વાતાવરણમાં બદલાવ આવ્યો છે. સૌથી નીચું તાપમાન નલિયામાં 14.3 ડિગ્રી, કેશોદમાં 15.3 ડિગ્રી, રાજકોટમાં 15.5 ડિગ્રી, ભૂજમાં 17.4 ડિગ્રી, ડીસામાં 17.1 ડિગ્રી, વડોદરામાં 18.4 ડિગ્રી, ગાંધીનગરમાં 18.8 ડિગ્રી, ભાવનગરમાં 18.6 ડિગ્રી, અમદાવામાં 19.7 ડિગ્રી તાપમાન નોંધાયું છે.

બાંગ્લાદેશમાં ઐતિહાસિક સત્તા પરિવર્તન

તારિક રહેમાન બંગાળના PM તરીકે શપથ લઈ શકે, આજે ઢાકામાં ભવ્ય શપથવિધિ યોજાઈ શકે, BNP વિજયથી બંગાળમાં નવો યુગ શરૂ, લોકશાહીના પુનઃસ્થાપન માટે જનતામાં ઉત્સાહ. 

ભાવનગરમાં વૃદ્ધ મહિલાઓ પર કરેલો હુમલાનો મુદ્દો

વૃદ્ધ મહિલાનું સારવાર દરમિયાન મોત નિપજ્યું, ભૂપત હરિયાણીએ કર્યો હતો હુમલો, પોલીસ મોતનો ગુનો નોંધી તપાસ હાથ ધરી. 

વડોદરામાં BCAની ચૂંટણીમાં ગરમાવો 

15 ફેબ્રુઆરીએ મતદાન યોજાશે, હાઈકોર્ટે ચૂંટણી યોજવા લીલી ઝંડી આપી, કિરણ મોરેની ઉમેદવારી સામે હાઈકોર્ટમાં અરજી, ઉમેદવારીની લાયકાત મુદ્દે કાયદાકીય જંગ જામ્યો, હાઇકોર્ટની મંજૂરી બાદ થશે પરિણામ જાહેર, ક્રિકેટ જગતમાં ભારે ઉત્સાહનો માહોલ.

ગુજરાત વિધાનસભામાં સુધારા વિધેયક-2026 લાવશે

જમીનોના ગેરકાયદે વેચાણ અને ભોગવટાને રોકવાનો હેતુ, ગણોતધારા - સૌરાષ્ટ્ર ઘરખેડ નિયમ હેઠળની જમીનો માટે વિધેયક જિલ્લા કલેક્ટરને સોંપાશે વિશેષ સત્તા.

રશિયાની શાંતિ વાટાઘાટોમાં કોઈ રુચિ નથી : યુક્રેન

યુક્રેનના વિદેશ મંત્રીએ ગંભીર આક્ષેપ કર્યો, પુતિન વહીવટીતંત્ર યુદ્ધ રોકવા તૈયાર નથી જણાતું, રશિયામાં ગંભીર ચર્ચાની ઈચ્છાનો અભાવ જોવા મળ્યો, ભયાનક સંઘર્ષ વધુ વકરવાની પ્રબળ આશંકા, શાંતિની આશા ઠગારી નીવડતા લોકોમાં રોષ. 

ખાલિસ્તાની આતંકવાદી સંગઠનના પ્રમુખની હત્યાનો મુદ્દો 

ન્યૂયોર્ક કોર્ટમાં નિખિલ ગુપ્તાએ હત્યાનું ષડયંત્ર સ્વીકાર્યું, નિખિલ ગુપ્તાએ પન્નુની હત્યાનો ગુનો કબૂલ્યો, ખાલિસ્તાની આતંકીની હત્યાની સોપારી આપી હતી, 3 ગંભીર ગુનાઓમાં દોષિત જાહેર થયો નિખિલ ગુપ્તા, નિખિલ ગુપ્તાને 40 વર્ષ સુધીની સજા થઇ શકે, આંતરરાષ્ટ્રીય કૂટનીતિમાં ભારે ખળભળાટ મચી ગયો, ષડયંત્રના ખુલાસાથી સુરક્ષા એજન્સીઓ સતર્ક થઈ.